كل يوم هنتكلم عن موضوع جديد لصحه طفلك....الجزء التانى

والله يا بنات بالنسبه للاعشاب دي ف انا كنت بديلها كتييييييييير اوى اوى ف الاول لان الغالبيه دلوأتى الى بسمعها سواء ف برامج الاطفال او منكو ان البيبي ف الاول مبيشبعش خاالص بيفضل يرضع بالساعتين وفالاخر يعيط معرفش لييه سمعتها كتير اوى من اصحابي ومن البرامج

وانا نفسي كنت كده وكنت بديلها لبن صناعي جنب الطبيعي بس انا نفسي لما الحلمه خفت وبقي نظام الرضاعه عندي حلو بقيت استسهل الطبيعي الحمدلله

ولما كانت الحلمه تاعبانى وكانت مبتشبعش خالص كنت بديلها كميه اعشاب يالهوووووووووى دنا كنت بعملها رضعتين ورا بعض اول لما الاقيها لسه جعانه ده طبعا بعد ساعتين علي صدرى اجرى اعملها واحده تانيه كانت بتريحنى ف اول فترة

لسه كنت بفتكر لما كنت بكتبلكم واعيييييييييييييط انى تعبانه والفتره دى تاعباني اوى وانا مش مستحمله الوضع والضغط وهكذا ياااااااااااااااااااه الحمدلله الحمل خف عنى شويه او احسن من الاول ع الاقل بقت تلاغي مش كلو عياط ف عياط فاكرييييييين لما كنت بقولكو بتعيط عمال ع بطال وانا تعبببببببببببببت ههههههههههههههههههه

وكنت ساعتها بقول ياااه امتى ييجي شهر 5 هيبقي عندها 7 شهور وتكون كبرت كده وتلاغي وتريحنى شويه

الحمدلله يااارب

ربنا يخليهالك و يهديهالك يا توكى

دندونة ازيك يا جميلين
معلش تعباكى معايا
محمد عندة اسهال جامد اوى
سائل كدا و ساعات بلاقى فية زلال مصفر كدا ههههههههه مؤرفة انا

من امبارح الساعة 12 بليل لحد دلوقتى عمل 5 مرات
اديلة اية و ياترى الاسهال دا ممكن يكون من التسنين؟؟؟


شكرا ليكى ياقمر

وحشتونى جدا و معلش مش عارفه اتابع معاكم من زمان النت مش شغال ع الموبايل و مش باجى عند بابا كتير.. وحشتونى كلكم جدا

m@hy;15080609:
دندونة ازيك يا جميلين
معلش تعباكى معايا
محمد عندة اسهال جامد اوى
سائل كدا و ساعات بلاقى فية زلال مصفر كدا ههههههههه مؤرفة انا

من امبارح الساعة 12 بليل لحد دلوقتى عمل 5 مرات
اديلة اية و ياترى الاسهال دا ممكن يكون من التسنين؟؟؟


شكرا ليكى ياقمر

التسنين ممكن يخللى البراز سايب شويه بس مش يعمل اسهال جامد
انتى اديله انتينال معلقه صغيرة 3 مرات
و اهم اهم حاجه تعوضى السوايل اللى بيفقدها جسمه شربيه ميه كتير على قد متقدرى
و الاحسن انك تجيبيله hydrosafe محلول جفاف و تديله منه بعد كل مرة اسهال
و كترى من الحاجات اللى بتمسك البراز زى البطاطس و الرز و الجزر

~OM-ADAM~;15081049:
وحشتونى جدا و معلش مش عارفه اتابع معاكم من زمان النت مش شغال ع الموبايل و مش باجى عند بابا كتير.. وحشتونى كلكم جدا

بووووووووووووووووووووووووووووووووووووسى ازيك يا بنتى فينك انتى كمان وحشتينا
انا سالت عليكى والله

حين يبكي طفلي كيف أخفف عنه؟

m@hy;15080609:

محمد عندة اسهال جامد اوى

اهم حاجة تديله محلول الجفاف ده زي ما قالت دندن، انما نسيت اسم اللي الدكتور كان كاتبه لجودي بس هو لونه ازرق من بره وبطعم البرتقال

[BACKGROUND="70 #FFCCFF"] مراحل نمو الطفل



من اكتر الحاجات اللى بنفكر فيها كامهات من اول ما ربنا يرزقنا بطفل جميل هى امتى هيشوف امتى هيقعد امتى هيحبى
ففكرت اعمل موضوع انهارده عن السن المناسب لكل مهاره او تطور بدنى بيكتسبه الطفل
بس قبل مقول اى حاجه احب افكركو ان كل طفل بيختلف عن التانى و كل طفل بيكون ليه نظام لوحده
و الكلام اللى هنقوله مجرد رينج مش محدد

البصر:





بصر الطفل على عكس سمعه بياخد وقت شويه على مينضج تماما و يبقى بيشوف زيك
اول ميتولد الطفل بيبقى مش قادر يشوف ابعد من 20 ل 30 سم بالكتير يعنى يادوب يقدر يشوف وش الانسان اللى شايله
و مش بيقدر يركز بصرة على شىء معين و بعد شهر او شهر و نص هيبتدى يركز بصرة ع الحاجات و يحرك عنيه وراها
برضه فى الاول بيبقى مش عارف يميز بين الالوان المتقاربه من بعضها عشان كده بيفضل اللونين الابيض و الاسود
و بعديها بشهور تدريجيا يبدا يميز الالوان و انتى بتشجعيه على كده بانك توريه اللعب اللى ليها الوان مختلفه
و على سن 4 شهور بيبتدى يشوف البعد الثالث يعنى يقدر يحدد مكان الاشياء و يمد ايديه عشان يمسكها
و على سن 8 شهور بيكون نظر طفلك اكتمل تطورة تماما زيه زى الكبار

السمع:




اذن الطفل بيكتمل نموها من و هو لسه فى بطنك يعنى من اول ميتولد بيبقى قادر انه يسمع الاصوات امختلفه و بعد اول شهر من عملرة بيبقى قادر يميز الاصوات المالوفه بالنسباله زى صوتك او صوت باباه
و فى سن 4 شهور بتلاقى الطفل بيبص ناحيه الصوت و على سن 6 شهور ممكن يكون قادر على انه يقلد بعض الاصوات

التحكم بالراس:




الطفل اول مبيتولد بيبقى تحكمه براسه ضعيف و دا بسبب عضلات رقبته اللى بتكون لسه ضعيفه و مش قويه بالدرجه اللى تتحكم فى راسه
بعد شهر بيبتدى يتحكم شويه و تلاقيه بيقدر يرفع راسه لدقايق و هو على بطنه و يبص يمين و شمال
و بيكتمل تحكمه فى عضلات رقبته ىف سن 5 ل 6 شهور

التقليب :




طفلك بيقدر الاول انه يقلب نفسه من بطنه لظهرة ودا على سن شهرين ل 3 شهور و هتلاحظى انك لما بتنيميه على بطنه بيبتدى يرفع راسه لفوق و دا مهم جدا عشان يقوى عضلات رقبته
على عكس التقليب من الظهر للبطن بيبدا فيه على سن 5 ل 6 شهور





التقاط الاشياء:




فى سن 3 شهور بيكون لسه الطفل مش قادر يلتقط الحاجه اللى هو عايزها بس بيقدر انه يضرب لعبه مثلا تكون قدامه
و بعد كده بيبتدى بالتدريج يلتقط الاشياء الكبيرة اولا و بعدين الاشياء الصغيرة يلتقطها بصباعه الابهام و السبابه


الجلوس :






بيبدا الطفل فى الجلوس فى الفترة من 4 ل 8 شهور فى الاول بيبقى قادر انه يقعد مسنود بحاجه و دا من 4 ل 6 شهور و انتى بتساعديه بانك تحاولى كل يوم تقعديه و تحطى حواليه خداديات او اى حاجه تسنده و بكده هتلاقى عضلات ضهرة بدات تقوى
و اغلب الاطفال بيبقو على سن 6-8 شهور قادرين يقعدو لوحدهم من غير اى مساعده

الحبو:



الحبو بييجى بشهور قليله بعد ما الطفل بيتعود يقعد لوحده من غير مساعده
ودا بيبقى فى الفترة مابين 7 ل 10 شهور
و الحبو مرحله مش بيمر بيها كل الاطفال و دا لان فى اطفال بتبتدى تمشى على طول
و عشان تبداى تشجعى طفلك انه يحبى حطى قدامه العاب بمسافه قريبه فى الاول عشان يبتدى يحاول انه يوصلها
و بعد كده ابعديها سشويه هتلاقى ان طفلك مع الوقت بدا يقف على ايديه و رجليه و ياخد و ضع الحبو و بعد كده هيبتدى يبدا يزق نفسه و يتحرك

المشى:



على سن 10 بيبدا الطفل يمسك على اى حاجه و يسند عليها و يبتدى يمشى ع الاثاث و بعد كده بيبدا يقف لوحده للحظات
و على 11 شهر بيكون قادر على انه ينزل من و ضع الوقوف للجلوس و ممكن يكون قادر انه يمشى و انتى ماسكه ايديه الاتنين و بعدين و هو ماسك ايد واحده و بعديها باسابيع قليله هيبدا فى خطواته المستقله


[/BACKGROUND]

تسلمى يا دندونة موضوع رائع ومهم جدا

تسلمى يا دندونه
موضوع حلو جدا
و بقلك بالمناسبه انتى بتقولي من اربع شهور نقعد البيبي مسنود بالمخدات
يقعد بقي اد ايه تقريبا

و كمان ادهم اطعم امبارح و كنت بديله السيتال
و بطلته النهارده الصبح
بس اتفاجات انه على الساعه 10 دفي تانى
فرجعت اديهوله
امشي بقي عليه اد ايه

دينا نفسي اقيمك بججججججججد
حلو اوي الموضوع ده
بس انا حاسه اياد متاخر في كل الحاجات اللي انتي قلتيها دي هههههههههههههههه

يعني هو مش بيتقلب خااااااااالص من بطنه لضهره اخره يرفع راسه شوية وينزلها تاني ولو نايم على بطنه بيتحرك كتير يعني ممكن احطه في وضع معين ارجع الاقيه عكس نفسه واتحرك كتير من مكانه بس انما مش بيتقلب
ولسه راسه مش ماسكه نفسها كمان
هو كده متاخر ولا ايه

على راي ماما بتقول لي ابنك لسه جنين هههههههههههههههههههههههههه

دندن مواضيعك دايما تحفة بجد وشاملة ومفيدة اوووووي

ام سيمو تسلم ايدك موضوع حلو بس انا ادهم خلص التامن ولسه مقعدشى ولا اى شئ عمله

وكمان ليا استفسار وحده قربتى الدكتور قال ليها تدى ابنها لبن نيدو وهو دلوقتى 5 شهور فانا راحت اشتريتة بس قلت قبل مااديله اسال الدكتورة قلتلى لا وكمان جبت نوع مكتوب عليه غير مخصص للرضع و علبه تانية مطتوب عليها من سنة ل 3سنين والاتنين نيدو برضه

والدكتورة قلتله مدام بيرضه طبيعى متدلوش وقعدت تقنعنى بس انا ادهم عاوزة اقولك مبينمشى بليل نهائى يمكن الساعه 10 الصبح على مابنام واكتر من ساعتين لا يمكن ينامهم وانا خلاص صحتى بجد بقت يدوب وقلولى ده بسبب انوا عاوز يصحى يرضع كل شوية وانا بااكله قبل مابينام وبشربة حاجة وبرضهنص ساعه ونبدا المول بتاع كل يوم فقلولى ناس مش دكاترة ان من بعد 12 بليل مدلوش صدرى تانى واديله لبن وبما ان اللبن العادى بتاعنا مينفعشى فلت اديله نيدو الدكتورة قلتلى متدلوشمدام بيرصع فسالتها على الالبان اللى هى زى برجروس ونانا قلت دول بياخدهم الاطفال اللى مبيرضعوش طبيعى
انتى بقى دلينى اديله اى لبن والنيدو كويس ولا لا لان انا والله مبقتشى اقدر اشيله من كتر الارهاق

((K~A~T~O));15088454:
تسلمى يا دندونة موضوع رائع ومهم جدا

تسلميلى يا كاتو يا قمر

sweetyronaaa;15089418:
تسلمى يا دندونه
موضوع حلو جدا
و بقلك بالمناسبه انتى بتقولي من اربع شهور نقعد البيبي مسنود بالمخدات
يقعد بقي اد ايه تقريبا

و كمان ادهم اطعم امبارح و كنت بديله السيتال
و بطلته النهارده الصبح
بس اتفاجات انه على الساعه 10 دفي تانى
فرجعت اديهوله
امشي بقي عليه اد ايه

بصى فى الاول خليه عوديه مثلا ساعه فى اليوم بس مش على بعضها يعنى 5 دقايق و تريحيه و لو حسيتى انه بدا يمسك نفسه شويه بعد كده زودى شويه

السيتال اديهوله انهارده كمان كل 6 ساعات و بعدين شوفى كده على بكرة ان شاء الله الحراره تكون راحت

*Om Mo3az & Eyad*;15090501:
دينا نفسي اقيمك بججججججججد
حلو اوي الموضوع ده
بس انا حاسه اياد متاخر في كل الحاجات اللي انتي قلتيها دي هههههههههههههههه

يعني هو مش بيتقلب خااااااااالص من بطنه لضهره اخره يرفع راسه شوية وينزلها تاني ولو نايم على بطنه بيتحرك كتير يعني ممكن احطه في وضع معين ارجع الاقيه عكس نفسه واتحرك كتير من مكانه بس انما مش بيتقلب
ولسه راسه مش ماسكه نفسها كمان
هو كده متاخر ولا ايه

على راي ماما بتقول لي ابنك لسه جنين هههههههههههههههههههههههههه

تسلمى يا ايمى
اياد مش متاخر ولا حاجه انا زى مقولت مفيش طفل بيبقى ماشى على جدول محدد فى تطورة كل واحد ليه طبيعته انتى اللى عليكى تعمليه انك من وقت للتانى تحطيه على بطنه عشان عضلات رقبته تقوى
و بالنسبه للتقليب لسه مفيش طبعا تاخير خالص

CuTie KaTkOoTa;15091674:
دندن مواضيعك دايما تحفة بجد وشاملة ومفيدة اوووووي

تسلميلى يا ايمى ربنا يخليكى

sally2007;15092506:
ام سيمو تسلم ايدك موضوع حلو بس انا ادهم خلص التامن ولسه مقعدشى ولا اى شئ عمله

وكمان ليا استفسار وحده قربتى الدكتور قال ليها تدى ابنها لبن نيدو وهو دلوقتى 5 شهور فانا راحت اشتريتة بس قلت قبل مااديله اسال الدكتورة قلتلى لا وكمان جبت نوع مكتوب عليه غير مخصص للرضع و علبه تانية مطتوب عليها من سنة ل 3سنين والاتنين نيدو برضه

والدكتورة قلتله مدام بيرضه طبيعى متدلوش وقعدت تقنعنى بس انا ادهم عاوزة اقولك مبينمشى بليل نهائى يمكن الساعه 10 الصبح على مابنام واكتر من ساعتين لا يمكن ينامهم وانا خلاص صحتى بجد بقت يدوب وقلولى ده بسبب انوا عاوز يصحى يرضع كل شوية وانا بااكله قبل مابينام وبشربة حاجة وبرضهنص ساعه ونبدا المول بتاع كل يوم فقلولى ناس مش دكاترة ان من بعد 12 بليل مدلوش صدرى تانى واديله لبن وبما ان اللبن العادى بتاعنا مينفعشى فلت اديله نيدو الدكتورة قلتلى متدلوشمدام بيرصع فسالتها على الالبان اللى هى زى برجروس ونانا قلت دول بياخدهم الاطفال اللى مبيرضعوش طبيعى
انتى بقى دلينى اديله اى لبن والنيدو كويس ولا لا لان انا والله مبقتشى اقدر اشيله من كتر الارهاق

سالى انا عايزاكى توصفيلى ازاى مش بيقعد يعنى لما بتحاولى تقعديه بيعمل ايه و وانتى شايلاه بتحسيه صالب ضهرة كده و لا بيبقى مرخى ؟

بالنسبه للبن لا خاااااااااااالص نيدو مش قبل سنه
على فكرة ممكن يكون مش بيقوم من النوم جوع ايه اخبار سنانه بيسنن؟
ممكن لو هو بيسنن يكون بيقوم بالليل من الم التسنين و بيرضع مش من الجوع لكن عايز حاجه يعضعض فيها و لو كده يبقى ادهنيله اوراكيور قبل مينام
و تبقى مشبعاه كويس اوى يعنى تخللى اخر وجبه دى مشبعه

*DONY*;15092721:


سالى انا عايزاكى توصفيلى ازاى مش بيقعد يعنى لما بتحاولى تقعديه بيعمل ايه و وانتى شايلاه بتحسيه صالب ضهرة كده و لا بيبقى مرخى ؟

بالنسبه للبن لا خاااااااااااالص نيدو مش قبل سنه
على فكرة ممكن يكون مش بيقوم من النوم جوع ايه اخبار سنانه بيسنن؟
ممكن لو هو بيسنن يكون بيقوم بالليل من الم التسنين و بيرضع مش من الجوع لكن عايز حاجه يعضعض فيها و لو كده يبقى ادهنيله اوراكيور قبل مينام
و تبقى مشبعاه كويس اوى يعنى تخللى اخر وجبه دى مشبعه

لما بحاول اقعده بيقوم معيط وعاوز يرقد على ضهره وكمان بيقعد ثانية وبعدين يقع هو جسمة صالب لما بوقفه دقيقة على رجله بيبقى جسمة صلب كويس انما القعاد مبيرضاش يقعد خالص وكل لما احطله مخدات اول مابحطة هو بيقوم مزحلق نفسه عشان يرقد على ضهره

السنان مفيش حاجه ظهرت خالص كل شوية احسس وبرضه مفيش فايدة وانا متعودة من ويقت مااكل اديله اكله بيحبه ولحدمابيشبع خالص وللاسف مبينمشى خالص وينام يعنى نص ساعه اكتر حاجة وبعدين يصحى كانه نايم ساعتين 3 ونفسى اعمل حاجة اخليه ينام شوية وانا اوقات بديله براسيتمول نص قطارة بقول مسكن يمكن اللثة بتاكله وبرضه بيصحى
وحكاية الزحف برضه مفيش

sally2007;15092768:
لما بحاول اقعده بيقوم معيط وعاوز يرقد على ضهره وكمان بيقعد ثانية وبعدين يقع هو جسمة صالب لما بوقفه دقيقة على رجله بيبقى جسمة صلب كويس انما القعاد مبيرضاش يقعد خالص وكل لما احطله مخدات اول مابحطة هو بيقوم مزحلق نفسه عشان يرقد على ضهره

السنان مفيش حاجه ظهرت خالص كل شوية احسس وبرضه مفيش فايدة وانا متعودة من ويقت مااكل اديله اكله بيحبه ولحدمابيشبع خالص وللاسف مبينمشى خالص وينام يعنى نص ساعه اكتر حاجة وبعدين يصحى كانه نايم ساعتين 3 ونفسى اعمل حاجة اخليه ينام شوية وانا اوقات بديله براسيتمول نص قطارة بقول مسكن يمكن اللثة بتاكله وبرضه بيصحى
وحكاية الزحف برضه مفيش

واضح ان الموضوع عنده خوف مش اكتر طالما ضهرة ماسك نفسه كويس و بيقعد ثوانى حاولى تجرايه بس يعنى تقعديه و تحاولى تلاعبيه او تعملى اى حاجه تخليه يفضل قاعد
و طبعا بالضافه زى مقولتلك للكالسيوم و الفيتامين و التعريض للشمس

و انتى قولتيلى انك عملتيله تحليل طلع كويس صح؟

و بالنسبه للنوم بقى هو مش بيصحى من الجوع على فكرة طالما بيبقى شبعان زى مبتقولى
حاولى تنظميله نومه يعنى متخليهوش ينام لفتررات طويله الصبح و على بالليل يتعود انه ينام لفترة طويله

دون بصي تايا فالاول كنت بحكي للبنات انها من ساعه لما نقلتها عالسرير بقت تنام فترة طويله لحد الساعه 10 الصبح تقوم ترضع وتنام لحد 1 او 2 كده

المهم قعدت لذيذه كده حوالى شهر من بعد الشهر بقت هارياني صحيان لحد ما تقوم ببقي خلااااص وقلبت معاها بسخونيه جامده ف وحت للدكتور قالى التهاب اذن وسطي وقلتلو بتصحي بشكل مش طبيعي قالى ما حقها الم الاذن ده الكبير مش بيستحملو الصغير هيستحلمو ؟

المهم الحمدلله مشيت عالدوا وكلو تمام وعدد صحيانها قل عن الاول يعني بتيجي عالساعه 7 كده ترع وابتداا بقي من 7 لح ما تصحي ف صحيان متقطع ترضع وتنام حوالى 5 مرات وتصحي علي زنن الاول كانت تصحي تزمق كده بصوتها وتتقلب اعرف انها عايزة ترضع لا دلوأتى بتصحي علي عياط بردو

المهم انى بديلها وجبه محترمه بليل قبل ما تنام بس مش عارفه ليه مرجعتش ى الاول ف نظام النوم

في حاجه كمان هما السنتين الى تت بيطلو مع بعض ولا ممكن واحده تسيق واحده

تايا عندها مكان سنه من الاتنين الى تت بارز واللثه لونها مكانها ابيض كده والسنه خلاص قربت تشق يعني الى بيشوف المنطقه دى يعرف ان خلاص سنه هتطلع بس سنه واحده بس مش الاتنين عادي كده ولا ايه ؟

وهل ده الى بيخليها تصحي كتير كده مش زى الااول؟

والدكتور طلب منى تحليل صورة دم كامله عشان وشها شاحب وانا اسه ان وشها عادى او هو كده من زمان تفتكرى عشان موقفالها الحديد من فترة تكون انيميا وهل كانت لازم تاخد اصلا حديد معلش رغيت كتييييير بس زعلانه اوى من نظام نومها ده

ممكن جدا يا توكى طبعا يكون قوامها من النوم بسبب الام التسنين و خصوصا انك بتقولى انها بتقوم تعيط
ادهنيلها من الجيل قبل متنام و لو حاسه انها مالماها اوى او بتقعد تعضعض كده و هيا بتعيط ممكن تديها سيتال كمكن لحد ما السنه تشق
بالنسبه للسنان اه هو الطبيعى ان واحده فيهم بتسبق التانيه و غالبا التانيه بتطلع بعدها على طول

بالنسبه للتحليل لو هو الدكتور شافها و اخد باله ان فى شحوب الافضل انك تعملى التحليل طبعا عشان لو فى انيميا تديها العلاج

فى حاجه كنت عايزة اقولها يا ريت اللى بتنقل المواضيع لمنتدى تانى تكتب ع الاقل كلمه منقول
مش هقولك استاذنى الاول قبل متنقلى ولا اكتبى المصدر

بنااااااات شخبااركم

كنت عايزة اسالكم سؤاال

حاابة ابتدي الاكللودي في الشهر الرابع

متى ابدا يعني لما يخلص التالت و لا لمايخلص الرابع كله

ْ° أم أيـمـن°ْ;15095200:
بنااااااات شخبااركم

كنت عايزة اسالكم سؤاال

حاابة ابتدي الاكللودي في الشهر الرابع

متى ابدا يعني لما يخلص التالت و لا لمايخلص الرابع كله

د

لا يا حبيبتى بعد ميكمل الرابع يعنى لما يتم اربع شهور ان شاء الله
و تبداى تدوقيه الاكل مش تديه وجبات كامله فى الاول