كل يوم هنتكلم عن موضوع جديد لصحه طفلك....الجزء التانى

شكرا ياام سيمو
طب ف حاجه كمان بحس انها بتتفزع كدا وتخض جامد لو حست باى حركه جمبها
او صوت داعادى وهتفضل كدا لجد امتى

كريز;15012281:
شكرا ياام سيمو
طب ف حاجه كمان بحس انها بتتفزع كدا وتخض جامد لو حست باى حركه جمبها
او صوت داعادى وهتفضل كدا لجد امتى

برضه دى حاجه طبيعيه يا كريز ودى دلاله على سلامه الجهاز العصبى و هتقل بالتدريج بعد 3 شهور

و الموضوع الاخير اللى انا كتباه لو مكنتيش قريتيه فيه معظم الحاجات الطبيعيه اللى بتكون موجوده فى الطفل بعد الولاده
http://forums.3roos.com/showpost.php?p=14996597&postcount=396

ام سيمو ازيك ياقمر يارب تكونى دايما بخير

لو سمحتى هو دودى يوم 8-5 الجاى هيتم التامن شهور ولسه مش قعد ولا سنن ولا زحف ولا حتى سند ولا اى حاجة خالص وبياخد كالسيوم بقاله يجى شهر اهو وفيتامين د بياخده من وهو عنده 3 شهور قوليلى اعمل ايه بقى

وكمان ينفع ياكل مهلبيه ورز بلبن ولا لا؟

طيب هوا على طول معلق على دادا و ديدة الواد بيشجع امي و ابويا و شكله مش سائل فيا لا انا و لا ابوه ده عادي كل لما اقوله بابا او ماما يجيله الضحك كأني بقوله نكتة ابن اللذينا مش عارفة اعمل معاه ايه و صحيح هوا السنان اللي تحت لما بتظهر بتاخد وقت اد ايه و بعدها ايه اللي بيطلع و هل بيطلع بعد السنان اللي تحت على طول و لا بتاخد وقت

كمان يا ام سيمو يوسف عندي كل لما يشوف حد يعيط و يخاف كده و بتبقى حالته وحشة اوي بجد و في اخر الخروجة لما نكون خارجين مع حد يبدأ يتعود عليهم هوا مش بيشوف حد كتير الا امل بنخرج في اخر الاسبوع بس انا ممكن انزل بيه اي مكان او اسواق و عادي بيتفرج على الناس او كده انما لو حد قرب منه و هزر معاه او كده بيعيط بجد انا متضايقة اوي عشان الموضوع ده و خايفة يكون انطوائي و مش اجتماعي احل الموضوع ده ازاي

sally2007;15012521:
ام سيمو ازيك ياقمر يارب تكونى دايما بخير

لو سمحتى هو دودى يوم 8-5 الجاى هيتم التامن شهور ولسه مش قعد ولا سنن ولا زحف ولا حتى سند ولا اى حاجة خالص وبياخد كالسيوم بقاله يجى شهر اهو وفيتامين د بياخده من وهو عنده 3 شهور قوليلى اعمل ايه بقى

وكمان ينفع ياكل مهلبيه ورز بلبن ولا لا؟

لا يا سالى الافضل تعرضيه على دكتور عشانيطمن على اعصابه يشوف المشكله منين و لو المشكله من الكالسيوم هتعملى تحاليل عشان تتاكدىى و ساعتها هيحتاج جرعه علاجيه مش وقائيه

المهلبيه و الرز بلبن ممكن بس بلبن صناعى

dandona om jou;15012525:
طيب هوا على طول معلق على دادا و ديدة الواد بيشجع امي و ابويا و شكله مش سائل فيا لا انا و لا ابوه ده عادي كل لما اقوله بابا او ماما يجيله الضحك كأني بقوله نكتة ابن اللذينا مش عارفة اعمل معاه ايه و صحيح هوا السنان اللي تحت لما بتظهر بتاخد وقت اد ايه و بعدها ايه اللي بيطلع و هل بيطلع بعد السنان اللي تحت على طول و لا بتاخد وقت

هههههههههههههههههه والله ضحكتينى يا دودو ما الراجل كويس اهو و بيتكلم كلمتين بحالهم كررى انتى بس ماما قدامه كتير و متزهقيش

و السنان اللى تحت بتطلع الاول و غالبا بعديها على طول بتطلع اللى فوق

dandona om jou;15012672:
كمان يا ام سيمو يوسف عندي كل لما يشوف حد يعيط و يخاف كده و بتبقى حالته وحشة اوي بجد و في اخر الخروجة لما نكون خارجين مع حد يبدأ يتعود عليهم هوا مش بيشوف حد كتير الا امل بنخرج في اخر الاسبوع بس انا ممكن انزل بيه اي مكان او اسواق و عادي بيتفرج على الناس او كده انما لو حد قرب منه و هزر معاه او كده بيعيط بجد انا متضايقة اوي عشان الموضوع ده و خايفة يكون انطوائي و مش اجتماعي احل الموضوع ده ازاي

ما هوا كده عشن مش بيشوف ناس كتير فى فرق بين انه يشوفهم كده و ان حد ييجى يشيله هو مش متعود على حد يلعب معاه او يقربله غيرك انتى و باباه و هيبدا يتعود ع الناس بالتدريج لما تنزلو مصر و يبدا يختلط مع اهلك و يلعبو معاه

ام سيمو ازيك
موضوعك و انتى وشكو حلو عليا ههههههههه
محمد عندة سنة شقت النهاردة
السنة اللى فوق :) عكس الناس كولها
انا بقالى بتاع 3 ايام كدا بديلة فيدورب اكمل ولا اية؟
وكمان الهاى كال بياخد مرتين كل مرة 5 سم اكمل زى ما انا ولا اية:)

ميرسي ليكى ياقمر

m@hy;15013754:
ام سيمو ازيك
موضوعك و انتى وشكو حلو عليا ههههههههه
محمد عندة سنة شقت النهاردة
السنة اللى فوق :) عكس الناس كولها
انا بقالى بتاع 3 ايام كدا بديلة فيدورب اكمل ولا اية؟
وكمان الهاى كال بياخد مرتين كل مرة 5 سم اكمل زى ما انا ولا اية:)

ميرسي ليكى ياقمر

مبرووووووووووووووووووووووووووووووك يا ماهى و الله فرحتينى
انا كمان سما اخيرا شقت سنه
خليكى زى منتى ماشيه لحد ميكمل تسنين ان شاء الله

طب جودى 8.5 و ثابتة بقالها فترة على كده و لسة من بتمشى اقلق وللا ايه؟؟؟

طيب مافيش اي طريقة اخليه ما يعيطش لما يشوف الناس كده بجد زعلانة اوي و بتكسف لما بيعمل مع الناس كده و يعدوا يقولولي ابنك براوي كده ليه و مش اجتماعي

دينا ازيك و ازى سيمو
بقلك ادهم عنده نسبه حول بسيطه
هي بتبان لما يبقي باصص لجمب لكن لو باصص لقدام بتبقي عاديه
المهم يعني لازم اوديه لدكتور و لا هى هتروح لوحدها

دندن انا عندى برشام حديد م الحمل عيزه اخده دلوقتى وكمان حم الفوليك عشان الانيميا
عادى ولا ليه تأثير ع الرضاعه
عشان خيفه يجيلها انيميا فبدل مااديها هى علاج اخده انا وينزلها هى بقي
ولا ايه رأيك

كمان بترجع عطول بعد ما ترضع وبتعمل كيكي بعد الرضاعه عطول برضه
والترجيع ساعات بيكون سايل وساعات بيكون مجبن كدا او زى الزبادى حتت يعنى عيزه اعرف ايه الفرق

كريز الحديد عادي ممكن تاخديه انا الدكتورة كانت قالتلي استمر على الحديد و الكالسيوم مع الرضاعه
بس انا اللي طنشت
الترجيع بقي اللي بيكون مجبن ده قشط و ده طبيعي جدا
التانى بقي اللبن خالص ده ترجيع لو كتير يبقي وديها لدكتور احسن

ام سيمو اياد انهرده صوته رايح خالص مش عارفه من ايه مش من كتر العياط انا مش بسيبه يعيط كتير
ده من ايه
ممكن زوره يكون واجعه ؟

Bossy22;15015543:
طب جودى 8.5 و ثابتة بقالها فترة على كده و لسة من بتمشى اقلق وللا ايه؟؟؟

لا مش تقلقى ولا حاجه هى مازالت فى الطبيعى بس اقل حاجه فى الطبيعى اهتمى باكلها زى مقولتلك وان شاء الله تعوضى النقص
و المشى طبعا لسعه بدرى او على متقلقى السن الطبيعى للمشى من 9 شهور ل سنه و نص

dandona om jou;15015970:
طيب مافيش اي طريقة اخليه ما يعيطش لما يشوف الناس كده بجد زعلانة اوي و بتكسف لما بيعمل مع الناس كده و يعدوا يقولولي ابنك براوي كده ليه و مش اجتماعي

انتى بس خللى الناس متهجمش عليه فجاه و تشيله اكيد هيعيط خليهم يلاعبوة الاول و هو على ايديكىى و لما ياخد عليهم شويه يبداو يشيلوة

sweetyronaaa;15017219:
دينا ازيك و ازى سيمو
بقلك ادهم عنده نسبه حول بسيطه
هي بتبان لما يبقي باصص لجمب لكن لو باصص لقدام بتبقي عاديه
المهم يعني لازم اوديه لدكتور و لا هى هتروح لوحدها

بصى يا رنون الحول يا اما حول حقيقى يا اما حول كاذب فى اطفال كتير بيبقى عندهم حول كاذب و هو بسبب ان العضمه اللى بين العينين بتون يا اما عريضه اوى يا اما ضيقه اوى فبيدى احساس الحول لكن هو فى الحقيقى مش حول ودا بيتصلح طبعا مع الوقت كل ما الطفل يكبر

اما الحول الحقيقى مش بيتصلح لوحده لو كان مستمر بعد 6 شهور
فانتى اصبرى لو الحول واضح لبعد 6 شهور و بعد كده اعرضيه على دكتور عيون عشان يطمنك
و يقدر يحدد النوع

كريز;15018684:
دندن انا عندى برشام حديد م الحمل عيزه اخده دلوقتى وكمان حم الفوليك عشان الانيميا
عادى ولا ليه تأثير ع الرضاعه
عشان خيفه يجيلها انيميا فبدل مااديها هى علاج اخده انا وينزلها هى بقي
ولا ايه رأيك

كمان بترجع عطول بعد ما ترضع وبتعمل كيكي بعد الرضاعه عطول برضه
والترجيع ساعات بيكون سايل وساعات بيكون مجبن كدا او زى الزبادى حتت يعنى عيزه اعرف ايه الفرق

ممكن عادى تستمرى ع الحديد يا كريز لو انتى عندك انيميا مفيهوش مشاكل

بالنسبه للترجيع بقى فى فرق بين القشط و الترجيع القشط طبيعى بيحصل للاطفال بعد الرضاعه بينزل شويه لبن من بقهم على جنب بقهم و ساعات يكون مجبن دا مفيهوش مشاكل
انما الترجيع بيكون كميه كبيرة من اللبن السايل و بيطلع باندفاع لقدام و بيصاحبه انقباض فى المعده
و الموضوع كامل اهو يا قمر
http://forums.3roos.com/showpost.php?p=14193971&postcount=189

*Om Mo3az & Eyad*;15019526:
ام سيمو اياد انهرده صوته رايح خالص مش عارفه من ايه مش من كتر العياط انا مش بسيبه يعيط كتير
ده من ايه
ممكن زوره يكون واجعه ؟

سلامته يا ايمى ممكن يكون بدايه دور برد او زورة محتقن او ممكن يكون بس شويه بحه من اثر العياط انتى شربيه اعشاب دافيه ان شاء الله يخف

ام سيمو عايزة اقولك انى خرجت يوم م النسيم ورجعت تاا سخنه اوووى وبترجع وعياط ف عياط وم عارفه تنام ودتها للدكتور امبارح قالى التهاب ف الاذن الوسطي مع الخنفان مع البرد والسخونيه دمروها

ادالى مضاد حيوي اسمو سيفيزل وادالى اسبراى الانف فيزيومير ولبوس للترجيع وسيتال للحرارة والحمدلله بدئت تستجيب اهى ياعيني مكنتش بتنام

بس سؤالى بقي ليه جالا التهاب ف ودنها انا براعي اوى انها ترضع ف وضع 45 درجه ومبأكلاش وهي نايمه

الف سلامه عليها يا توكى شكلك كده لبستيها المايوة و نزلتيها البسين بصى التهاب الاذن ده ممكن يكون سببه الرضاعه و ممكن يكون بسبب دور برد عادى قلب معاها بالتهاب فى ودانها
انتى كملى كورس المضاد الحيوى وانن شاء الله هتتحسن ربنا يشفيهالك

معلش يا ام سيموو انا قارفاكى سؤال كمان جودى اكلت الكريم بتاع البامبرز و انا مش واخدة بالى طبعا المهم عندها اسهال فظيييع و تسريب لحد بطنها كلها كده و سائل زى بتاع البيبهات اللى لسة مبياكلوش و فيه كريم وريحته كريم اعمل ايه اوديها للدكتور انا خايفة اوديها لانهم بيعملوولهم التغذيةو المحاليل فى دماغهم اعمل ايه

ام سيمو هوا دلوقتي انا اعرف ازاي ان يوسف عايز يمشي يعني يصلب نفسه وو رجليه و يحاول يسند مثلا و لا لما احطه في االمشاية يحاول يمشي ده كده معناه ايه عشان انتي عارفة الناس كلها كل واحد بتجربة فانا عايزة اعرف منك اعرف ازاي و اشجعه ازاي لو لقيت كده

*DONY*;15013306:
لا يا سالى الافضل تعرضيه على دكتور عشانيطمن على اعصابه يشوف المشكله منين و لو المشكله من الكالسيوم هتعملى تحاليل عشان تتاكدىى و ساعتها هيحتاج جرعه علاجيه مش وقائيه

المهلبيه و الرز بلبن ممكن بس بلبن صناعى

مهى الدكتورة شافته وقلتلى هو اتاخر صحيح بس كويس مش فيه حاجة بس لما حد بيشوفة بيقعد يقوله ازى مقعدشى لحد دلوقتى والدكتورة وقتها كتبت ليه على كالسيوم وقلتى اديلة فيتامين د لحد مايتم التاسع شهور عشان يبقى كده خده 6 شهور بضبط انتى ايه رايك

واللبن الصناعى انا قلت للدكتورة اكتبيلى نوع لبن عشان اعمل بيه عصير او يشربه قلتلى اعملى بلبنك انتى وطبعا انتى عارفة انى صعب اعمل بلبن الرضاعه