كل يوم هنتكلم عن موضوع جديد لصحه طفلك....الجزء التانى

OM SIMO;14982830:
لا متقلقيش ولا حاجه يا ايمى ان شاء الله بسيطه
انا بس من شرحك عشان مشوفتش الحبايه شكيت انها خراج

وزى مقولتلك عليكى بالكمادات الدافيه و المرهم و فى خلال 3 ل 4 ايام لو مقلتش او كبرت فى الحجم وريه لدكتور

طيب الكمادات الدافيه دي اعملهاله ازاي
انا بشطفه بميه دافيه لما اجي اغير له دي مش كفايه ؟


ولو كبرت ف الحجم يبقى عادي ولو ماكبرتش يبقى خراج ولازم دكتور ؟


معلش هتعبك معايا يا دندن

لا تعب ولا حاجه يا ايمى متقوليش كده
هتجيبى قماشه نضيفه و تبليها ميه سخنه و تحطيها عليه بس بالراحه

و لو كبرت ودي للدكتور مش لو صغرت

دندونة ازيك يارب تكونى بخير
معلش كان ليا سؤال عارفه ان احنا تاعبينك
بنتى الصغيره مش بتاااخد خالص ينسون من الببرونه او بتاخد وتشرق وبلاقيها اما بتشرق بترجع باندفاع لادام نفسى اعودها ع الاعشاب مش عارفه خالص
كمان فيه حبوب صغيره بيضا ف راسها بس انا حاسه انها طبيعيه للى مولودين لسه ولا ايه ؟
كمان معلش اخر سؤال بس محرج اوى
فتحة البوبو عندها بينزل منها افرازات بيضه وجواها كمان انظفها ازاى اصلى خايفه ابوظ حاجه:o
وجزاكى الله خيرا

دينا هو الطفل ممكن يتاثر بتغيير المكان
و ممكن يكون بيرتاح في مكان عن التانى

@زهرة دبلانة@;14987160:
دندونة ازيك يارب تكونى بخير
معلش كان ليا سؤال عارفه ان احنا تاعبينك
بنتى الصغيره مش بتاااخد خالص ينسون من الببرونه او بتاخد وتشرق وبلاقيها اما بتشرق بترجع باندفاع لادام نفسى اعودها ع الاعشاب مش عارفه خالص
كمان فيه حبوب صغيره بيضا ف راسها بس انا حاسه انها طبيعيه للى مولودين لسه ولا ايه ؟
كمان معلش اخر سؤال بس محرج اوى
فتحة البوبو عندها بينزل منها افرازات بيضه وجواها كمان انظفها ازاى اصلى خايفه ابوظ حاجه:o
وجزاكى الله خيرا

الحمد لله تمام يا رورى
بصى يا ستى بالنسبه للببرونه اتاكدى ان مقاس النيبل بتاعها مقاسها كويس و فتحتها ضيقه بحيث بتنزل نقط مش خط مندفع فاهمانى؟
اختبريها الاول على ايديكى و لما تديهالها تكون النيبل مفيهاش هوا خالص يعنى تبقى زى الصورة دى


و لو النونه مش بتحب الينسون جربى تحطيلها عليه كراويه و نعناع
او تجيبى نوع اعشاب زى بيبى درينك او ميلوبا

بالنسبه للافرازات البيضا لنتى قصدك على فتحه البوبو من قدام مش من ورا صح؟اصلى بقول البوبو على ورا:o

دا طبيعى جدا انتى لما تنضفى المنطقه دى نضفى بالراحه و متفتحيش الشفرتين عشان تنضفيهم

و برضه الحبوب البيضا دى طبيعيه و هتروح لوحدها دى بتبقى سببها هرمونات واخداها منك

sweetyronaaa;14987687:
دينا هو الطفل ممكن يتاثر بتغيير المكان
و ممكن يكون بيرتاح في مكان عن التانى

ايوة طبعا يا رونا الطفل بيحس بتغيير المكان اللى اتعود عليه وممكن تلاقيه بدا يعيط فى الاماكن الغريبهعنه او الاشخاص اللى مش بيشوفهم كتير

دينا هو بيبي درينك ده عادي
يعني ممكن اديه لاياد مره ف اليوم هيخليه ينام كويس ؟

ايوة يا ايمى عوديه على رضعه اعشاب ايا كانت بقى بيبى درينك او ميلوبا او بيبى كالم او اعشاب من عندك يعنى خلطه على حسب ما يتقبل
هتلاقيها تهديه ان شاء الله

ام سيمو انا مش بدي يوسف لا جبنة مثلثات و لا وبادي لان عنده اكزيما فده بيزودها قريت في كضا حاجة كده فبيكون كل اعتمادي على الكالسيوم في الحليب الصناعي و سيريلاك ميلوبا و البيدكال

بالله عليكي يا ام سيمو انا عايزة نماذج لوجبات ل 8 شهور انا محتارة جدا في الموضوع دع و مش عارفة اعمل ايه

فعلا روووعه وتستحق التقيم

ام سيمو ازيك ياقمر بقالى كتير مكبتلكيش

المره دي سؤالين اولا تايا عندها برد بيقلب بخنفان ع الصبح كده مبتعرفش تتنفس وبتفضل تصحي تعيط ابتداءا من الساعه 7 كل شويه تصي مش عارفه تتنفس وتعيط وللعم اوترفين مش بتعمل حاه معاها بحطهالها ميت مره مش بتنفعها ده وبعدين بديها رينو ستوب نص قطار الصبح مره وبليل مره ده كويس ولحد امتى افضل اديها لحسن انا حاسه انى طولت اوى

ثانى حاجه لسه مطعمتهاش تطعيم ال 6 شهور وهى عندها برد ف عادتا بيفلو يسألونى عن كذا حاجه كده قبل ما اطعمها بس بالنسبه للبرد ف ايه النظام ؟

دندونه متحرمش من توضيحكط كلك زوق
منا فعلا عملت حاجه غلط ومش عارفه اقولك لانى وسعت فتحه الببرونه شويه بدبوس:-#:(:oعشان فى جوجو كنت بحس انها مش بتاااخد حاجه ف بقها مش عارفه اعمل ايه ؟؟؟شكلى هكنسل الموضوع ده بقى وخلاص


واحنا دايما نقول على اللى ادام بوبو واللى ورا فلة:D:D بس انا اقصد ادام ايوه
دا طبيعى جدا انتى لما تنضفى المنطقه دى نضفى بالراحه و متفتحيش الشفرتين عشان تنضفيهم

تقصدى انى مفتحش الشفرتين وانظف من جوه لان فيه جوه برده

ام سيمو هو ضروري ادي بنتي هاي كال او مش عارفه ايه الدوا التاني اللي بتدوه لعيالكم ؟ لان الدكتورة بتاعتها ما قالتليش على حاجه بس لو افضل ليها ممكن أسأل دكتورتها واديها لها ومتشكره على الصورة يا عسل وعلى فكره انا باديها جبنة كيري المربعات اللي فيها قشطة وزبادي

دندن زبدة الفول السوداني ينفع ااكلها لكوكو ولا ماينفعشي الوقتي؟

dandona om jou;14992164:
ام سيمو انا مش بدي يوسف لا جبنة مثلثات و لا وبادي لان عنده اكزيما فده بيزودها قريت في كضا حاجة كده فبيكون كل اعتمادي على الكالسيوم في الحليب الصناعي و سيريلاك ميلوبا و البيدكال

dandona om jou;14992224:
بالله عليكي يا ام سيمو انا عايزة نماذج لوجبات ل 8 شهور انا محتارة جدا في الموضوع دع و مش عارفة اعمل ايه

اولا يا دندن لو الاكزيما سببها منتجات الالبان فهيا فعلا هتزودها و لكن لو لاى سبب تلنى يبقى مفيش ضرر من انك تديله زبادى و جبنه

ثانيا بالنسبه للاكل انا مش عارفه انتى ليه مصعبه الموضوع على نفسك خليكى جريئه و متخافيش يوسف ما شاء الله عنده 8 شهور يعنى ممكن ياكل فراخ و سمك و كمان لحمه لو حبيتى
و كلها شهرين و هياكل الاكل الطبيعى بتاعنا امليه كل حاجه

رز على شوربه و فراخ او رز و سمك لسان عصفور او شعريه او مكرونه مع شوربه خضار
و جميع الفواكه الموجوده
صفار بيض مع بطاطس مهروسه او جبنه قريش لو انتى مش حابه المثلثات

M!ss Tuky;14993009:
ام سيمو ازيك ياقمر بقالى كتير مكبتلكيش

المره دي سؤالين اولا تايا عندها برد بيقلب بخنفان ع الصبح كده مبتعرفش تتنفس وبتفضل تصحي تعيط ابتداءا من الساعه 7 كل شويه تصي مش عارفه تتنفس وتعيط وللعم اوترفين مش بتعمل حاه معاها بحطهالها ميت مره مش بتنفعها ده وبعدين بديها رينو ستوب نص قطار الصبح مره وبليل مره ده كويس ولحد امتى افضل اديها لحسن انا حاسه انى طولت اوى

ثانى حاجه لسه مطعمتهاش تطعيم ال 6 شهور وهى عندها برد ف عادتا بيفلو يسألونى عن كذا حاجه كده قبل ما اطعمها بس بالنسبه للبرد ف ايه النظام ؟

ازيك يا توكى فينك من زمان؟

طبعا غلط جدا انك تستعملى الرينوستوب كروتين كده هو اصلا المفروض تديه بحذر و خصوصا فى السنه الاولى يعنى يتاخد فى خحاله البرد الشديد
بالنسبه للرشح الكتير اللى عندها عليكى و ع السوايل الدافيه و عصير البرتقال و الجوافه
و عندك دوا اسمه فلوسيز لو لاقيتيه للبرد و تركيبته اعشاب مش مضرة
و استعملى لايس مكان الاوتريفين

غرورجده;14992258:
فعلا روووعه وتستحق التقيم

شكرا يا حبيبتى ع التقييم

@زهرة دبلانة@;14994241:
دندونه متحرمش من توضيحكط كلك زوق
منا فعلا عملت حاجه غلط ومش عارفه اقولك لانى وسعت فتحه الببرونه شويه بدبوس:-#:(:oعشان فى جوجو كنت بحس انها مش بتاااخد حاجه ف بقها مش عارفه اعمل ايه ؟؟؟شكلى هكنسل الموضوع ده بقى وخلاص


واحنا دايما نقول على اللى ادام بوبو واللى ورا فلة:D:D بس انا اقصد ادام ايوه
دا طبيعى جدا انتى لما تنضفى المنطقه دى نضفى بالراحه و متفتحيش الشفرتين عشان تنضفيهم

تقصدى انى مفتحش الشفرتين وانظف من جوه لان فيه جوه برده

لا متكسليش ولا حاجه يا رورو غيرى بس النيبل بتاع الببرونه بواحد فتحته صغيرة

و بالنسبه للتنضيف انا اقصد متفتحيش الشفرتين الصغيرين اللى جوه نضفى من حواليهم بس

beauty lady;14994520:
ام سيمو هو ضروري ادي بنتي هاي كال او مش عارفه ايه الدوا التاني اللي بتدوه لعيالكم ؟ لان الدكتورة بتاعتها ما قالتليش على حاجه بس لو افضل ليها ممكن أسأل دكتورتها واديها لها ومتشكره على الصورة يا عسل وعلى فكره انا باديها جبنة كيري المربعات اللي فيها قشطة وزبادي

بصى يا حبيبتى الكالسيوم و الفيتامين د احنا بنديهم كجرعه و قائيه عشان ميحصلش لين عظام لان لازم تعريض الطفل للشمس كل يوم عشان ميحصلش نقص فى فيتامين د و بالتالى الجسم مش هيقدر يمتص الكالسيوم

لو انت هتقدرى تواظبى على تعريض بنتك للشمس كل يوم 10 دقايق و تهتمى بالكلات اللى فيها كالسيوم كل يوم يبقى اوكى ممكن تستغنى عنهم
لو حاسه انك هتقصرى يبقى اديها كوقايه ودا الافضل

مايونيز;14995062:
دندن زبدة الفول السوداني ينفع ااكلها لكوكو ولا ماينفعشي الوقتي؟

ايوة ممكن يا غاده

البيبى بعد سنه
ياكل نفس اكلك بالظبط بس تبعدى عن الاكل المسبك و الدسم

[BACKGROUND="70 #FFFF99"]بسم الله الرحمن الرحيم

الاعراض الطبيعيه فى حديثى الولاده التى لا تستدعى القلق

موضوع انهارده خاص بالامهات الجدد وفيه هنتكلم عن المظهر الطبيعى للطفل حديث الولاده
و الاعراض الطبيعيه اللى بتظهر عليه عشان فى امهات بتتفاجىء بحاجات بتبقى مش عارفه هل دا طبيعى و لا لا

اول حاجه هنبدا بيها هو

راس البيبى


فى الاطفال اللى ملودين ولاده طبيعيه هنلاقى ان راسهم ممكن تكون مطبقه شويه او هنلاقى ان اعلى الراس فى نسبه طول ودا لان راس الطفل بتكون مكونه من عظام منفصله و دا عشان تمكن الراس من الخروج من المهبل عن طريق ان العظام دى بتدخل فى بعضها


فى الراس من فوق بقى هيبقى موجود فتحتين فاتحه كبيرة فى اول الراس و دى بتقفل عند 6 شهور ل سنه و نص
وفتحه صغيرة فى اخر الراس و دى بتقفل بعد الولاده لحد 6 شهور



من الطبيعى انك تلاقى الفتحه دى بتطلع لفوق مع عياط البيبى او ممكن تحسى فيها انها بتطلع و تنزل مع نبضات قلبه كل دى اشياء طبيعيه

من الوارد برضه انك تلاقى بعد الولاده انتفاخ فى مكان معين فى راس البيبى و خصوصا من الخلف و بيكون لونه ازرق زى الكدمه ودا بيروح لوحد فى خلال ايام



و دا بيكون مختلف عن التجمع الدموى اللى احيانا برضه بيكون من مضاعفات الولاده على الطفل و بيختفى بعد اسابيع من الولاده و دا بيسبب الصفرا عند المولود



وجه الطفل


ممكن يكون فى شويه انتفاخ فى وجه الطفل بعد الولاده دا طبيعى و هيبدا يروح فى خلال يوم او يومن بعد الولاده




عين الطفل



بيبدا الطفل يفتح عنيه بعد الولاده بدقايق و يبتدى يشوف العالم اللى حواليه على الرغم انه مش بيقى لسه عنده القدرة انه يركز بصره على حاجه معينه
فى بعض الاطفال بسبب انتفاخ الجفون بعد الولاده مش بيقدرو يفتحو عينيهم كتير و هتلاحظى ان الطفل بيقدر يفتح عينيه اكتر و انتى شايلاه واقف مش ايم على ظهرة


فى بعض الحالات ممكن تلاقى فى بياض العين بقعه حمرا ودى بتكون كدمه من مضاعفات الولاده و بتروح لوحدها و مش بتسبب اى ضرر للبيبى


هتلاحظى برضه ان اغلب الاطفال بتبقى عنيهم لونها رصاصى ساعه الولاده و السؤال اللى بيراود الكل هل لون العين هيفضل كده ولا هيتغير
الحقيقه ان صبغه الميلانين كل متتكون هتغير فى لون العين و مش هيتحدد الا عند 6 شهور


اذن الطفل


فى احيان بتكون اذن الطفل مطبقه او ليها شكل غريب و دا بيكون بسبب ان غضروف الاذن لسه مكتملش تكوينه و لما يكتمل بتاخد الاذن الشكل الطبيعى


الانف


بسبب ان انف الطفل وممراته الهوائيه بتكون ضيقه ودا بيؤدى لتراكم السائل داخل الانف هتلاقى ان الطفل فى الشهور الاولى بيتنفس بصوت عالى او فى صوت خنفرة حتى لو كان الطفل معندوش برد و ممكن برضه تلاقى الطفل بيشخر و هو نايم
و العلاج هنا هو لمحلول الملحى لا اكتر و لا اقل

الفم


ساعه ما الطفل بيعيط او بيتاوب لو بصيتى فى فمه من جوة ممكن تلاحظى و جود نقط بيضا فى سقف الفم و دى بتروح بعد اسابيع قليله


الصدر:




طبيعى فى المولود سواء ذكر او انثى وجود انتفاخ فى الثدى فى اول ايام الولاده و دا بيكون بسبب هرومناتاخدها الطفل منك
و ممكن بالاضافه لكده تلاحظى وجود افرازات لبنيه و الانتفاخ ده هيروح لوحده فى خلال اسابيع

وممنوع منعا باتا انك تحاولى تعصرى ثدى الطفل بايديكى


الايدى و الارجل:



الطفل فى اول ايامه هتلاقيه دايما قافل ايديه و وتانى دراعه و رجليه على بطنه لانه بيبقى لسه واخد على الوضع اللى كان بيه داخل الرحم فى الشهور الاخيرة
و لو حطيتى اى شىء فى ايديه هتلاقيه قفل عليها جامد ودا ما يسمى grasp reflex


بعض الامهات بتقلق من وجود درجه من التقوس فى ارجل الطفل او قدمه و دا شىء طبيعى زى مقولنا بسبب الوضع اللى كان واخده فى رحم الام و بيصلح نفسه بنفسه بمجرد مالطفل يبدا يمشى او فى خلال سنتين او 3




البطن

اول حاجه بنهتم بيها هى السرة و اللى طبيعى بتقع لوحدها فى زمن من 7 ايام ل 3 اسابيع
و كل اللى عليكى تعمليه انك تهتمى بالكحول كل يوم 3 مرات



فى بعض الاطفال بيظهر عندهم الفتق السرى ودا ملوش اى ضرر ولا بيسبب اى الم للطفل و بتقفل لوحدها فى اغلب الحالات فى خلال سنه او سنتين من عمر الطفل وحالات قليله هى اللى بتحتاج تدخل جراحى
و فى بعض المعتقدات انك تربطى مكانها عمله معدنيه دا طبعا ملوش اى اساس من الصحه و ملوش اى فايدخ


الاعضاء التناسليه


من الطبيعى وجود بعض الانتفاخ فى اعضاء الطفل التناسليه و دى ليها اسباب منها الهرمونات اللى بياخدها الطفل من الام و ممكن تكون بسبب الاحتكاك اثناء الولاده

من الطبيعى برضه فى البنات وجود افرازات بيضا من المهبل ودا برضه سببه الهرمونات و ساعات بيكون فى دم

و فى الاولاد من الطبيعى انك تلاقى كيس الصفن منتفخ و دا بسبب امتلائه بسائل و دا بيروح لوحده فى خلال 3 ل 6 شهور و لو استمر اكتر من كده ساعتها تعرضيه على دكتور

جلد الطفل

الطفل بيتولد و عليه طبقه من السايل الامنيوزى و لون الجلد بيكون بمبى او تحسى انه منقط او فيه بقع و رديه اللون ودا بسبب ضعف الاوعيه الدمويه فى الطفل

من الطبيعى زرقان اطراف الطفل ايديه و رجليه و المنطقه اللى حوالين الفم وخصوصا لو كان الجو برد


برضه من الطبيعى وجود شعر خفيف على وجه الطفل او فى ظهرة و الاكتاف و خصوصا فى الاطفال اللى مولوديين بدرى و بيختفى فى خلال اسابيع


و طبيعى ان الجلد هيبدا يقشر فى اول اسبوع او اسبوعين و دا مش محتاج اى علاج



طبيعى ظهور حبوب صغيرة فى وجه الطفل اةو فى اى مكان تانى و بتختفى فى خلال اسابيع





البقع



فى بعض الاحيان بتظهر بقعه ورديه اسمها salmon patch و بتبقى موجودة خلف العنق او اعلى الانف او فى الحاجب و خصوصا فى الاطفال ذوى البشرة الفاتحه اللون
و بتختف فى خلال سنه


و احيانا بتظهر بقعه سودا او زرقا لون الحبر فى اسفل ظهر المولود اعلى المقعده و خصوصا فى الاطفال ذوى البشرة الغامقه دى ملهاش اى دلاله و بتختفى فى خلال سنه او سنتين




فى بعض البقع الحمرا ممكن تظهر فى بعض الحالات و بتكون عاليه و شبه الفراولايه و بتكون بسبب وجود تجمع للاوعيه الدمويه وبتكبلر فى الشهور الاولى بتختفى لوحدها فى خلال 6 سنين






,و بكده خلصت و يا رب يكون الموضوع مفيد بالنسبالكم







[/BACKGROUND]

ام سيمو مش معقول يعني انا اقدر ادي يوسف كل الاكل ده طيب هوا صفار البيض عنده حساسية منه مش بيتحمله مجرد ما بيكاله بيرجعه على طول و يفضل يرجع لحد ما يصفي كل اللي في بطنه

طيب الفراخ و اللحمة اعملهم ازاي ليوسف و السمك بردو و المكرونة اهرسها و لا اعملها ازاي ياريت توضحيلي الطريقة بالله عليكي و جزاكي الهل كل خير يارب

عادى يا دوندون الفراخ اسلقى صدورها جامد و قطعيها حتت صغيرة والسمك اشويه او اسلقيه و اديله الظهر
و اللحمه مفرومه
و المكرونه فتفتيها الول و بعد كده اديهاله عادى بالشوربه

طيب و بالنسبة للملح و البهارات و كده ايه الحل فيها الاكل كده هيبقى طعمه وحش اوي

دندونه بصي اديلو شوربه الخضار اديلو رز وشوربه فعلا زى ما ام سيمو بتقول الى بتاكلى منو نقي الخفيف منو واديهولو ماشاء الله تاتا بتاخد شوربه خضار وبديها رز وشوربه وبديها مكرونة بيضا ع صفار بيض وهكذا بصراة لما بروح عند ماما بتبطها

ام سيمو هى فعلا عندها رشح جامد مناخيرها دايما بتجيب مخاط ده غير انها بتخنفر ف النور مابتعرفش تنام ياعيني اعمل ايييه قوليلي استخدم لايس بدال اوترفين واستخدم الاعشاب الى بتقولى عليها ؟

وبالنسبه لاهم سؤال يارب تلحقيني

انا بكره رايحه مكان فيه بسين وبابا تايا عاوز يلبسها المايو اولا الطقس الى انا فيه يسمح او لا ثانيا مش خطر عليها لانها عندها اصلا برد ؟