كل يوم هنتكلم عن موضوع جديد لصحه طفلك....الجزء التانى

انا بديله شوربة خضار و رز عادي و شوربة ذرة و ممكن نوعين خضار و اعملهم شوربة بردو او اهرسهم انما لسه المكرونة مجربتهاش و اديتله قبل كده شوربة لسان عصفور

توكى : انا رديت عليكى امبارح و بعدها النت فصل ولسه اخده بالى ان الرد موصلش يا رب بقى متكونى لبستيها مايوة عشان الجو لسه مش حر رجع برد تانى و هيا لسه صغيرة مش هتتحمل
بالنسبه للبرد انتى خليكى يومين كمان ع الرينوستوب و غيرى الاوتريفين بلايس و فى الاحلى منهم هما الاتنين فيسيومر سبراى هتلاقيه فى الصيدليات الكبيرة

دندونه: منا قولتلك انك ممكن تضيفى رشه ملح عادى ع الاكل و لو الاكل بهاراته قليله برضه مفيش مشكله

دندونة ربنا يسترك دنيا واخرة ويجعلك من السعداء وماتشوفى شر ابدا ف سيمو يااارب
كان نفسى اقيمك ع الموضوع اللى جه ف وقته بس مارضاش

انا كنت عايزة اسالك ان السره بتاعت جاسى وقعت بس فيه حاجه خراج لونه اخضرر كده بسيط جوه وخااايفه اوى
كمان عايزة اعرف بطريقه علمية تاثير العييط بهدوووء على الرضاعه للبيبى بدون نبيح وخلافه وكمان لو برضع وزعقت لبنتى جوجو ياثر ع الرضاعه ويطلع اللننه عصبيه ولا ايه ؟؟؟وكمان كتير وهيا نايمة الاقى كانها بتزعق كده وتنام تانى

@زهرة دبلانة@;15003406:
دندونة ربنا يسترك دنيا واخرة ويجعلك من السعداء وماتشوفى شر ابدا ف سيمو يااارب
كان نفسى اقيمك ع الموضوع اللى جه ف وقته بس مارضاش

انا كنت عايزة اسالك ان السره بتاعت جاسى وقعت بس فيه حاجه خراج لونه اخضرر كده بسيط جوه وخااايفه اوى
كمان عايزة اعرف بطريقه علمية تاثير العييط بهدوووء على الرضاعه للبيبى بدون نبيح وخلافه وكمان لو برضع وزعقت لبنتى جوجو ياثر ع الرضاعه ويطلع اللننه عصبيه ولا ايه ؟؟؟وكمان كتير وهيا نايمة الاقى كانها بتزعق كده وتنام تانى

ربنا يخليكى يا رورو و متحرمش من دعواتك الجميله

بصى بقى ساعات السرة بعد متقع بتسيب جزء كده مكور و ممكن يقعد كده شويه يعنى شويه ايام كده و بعدين ينشف و يروح لوحده و لو مراحش توريها لدكتور بس اهم حاجه ميكونش ملتهب يعنى لو ظهر اى اعراض من الالتهابات زى الاحمرار الجامد فيه او فى المنطقه اللى حواليه او افرازات ريحتها وحشه

ثانيا بقى بالنسبه للعياط طبعا البيبى بيتاثر بيكى و بيحس بحالتك النفسيه وانتى هتلاحظى لو رضعتى جاسى و انتى متضايقه او بتعيطى انها هتفضل تعيط كتير و كمان ممكن يجيلها مغص و كمان ممكن ياثر فى نفسيتها بعد كده بانها تلاقيها دايما منطويه و زعلانه وطبعا انتى متحبيش لبنتك كده
انا مش بقولك كده عشان ازعلك بس على قد متقدرى يا حبيبتى حاولى وانتى بترضعيها بالذات تكونى هاديه و نفسيتك مظبوطه انا عارفه انه صعب عليكى لان حاله الزهق اللى عندك دى من تحت تاثير لخبطه الهرمونات بس معلش حاولى على قد متقدرى وربنا يفك كربك يا قمر و يعدى الفترة دى

دينا اخر موضوع بجد حلو ومفيد جدا انا حاسة انى بقا عندى خيبرة كبيرة والله بسبب معلوماتك وزعلانة عشان ماعرفتش اقيمك تستاهلى والله موضوع حلو وبتتعبى فية فعلا جزاكى الله خير

ربنا يخليكى يا ايمى يا حبيبتى كفايه ردك الجميل

انا عايزة اعرف دلوقتي البيبي يبدأ يردد كلامنا ازاي و امته يقول بابا و ماما و كده

ام سيموو هو لو زون الولادة 3.5 يبقى الوزن عند سنة كام ؟؟

ازيكو جايلكو ف استشاره عاجله
بنتى لسه السره مش وقعت هى بقالها 8ايام
بس بتخر دم دلوقتى وهى ناشفه م فوق وطريه م تحت
عادى بقي ول ف حاجه

ام سيمو حبيبتي الهاي كال او الدوا التاني موجودين في السعودية والا بس في مصر ؟

كريز عادي السره ممكن تتاخر شويه
بس اهم حاجه تنضفيها كويس بالكحول
و ترضعيها كتير

الله يخليكى يارانيا طب و الدم دا عادى
اما الرضاعه بقي بتنام منى بسرعه وبحس انها مش بترضع كتير
وخست عما كانت نازله

اه عادي انا كان حصل كده مع دومى
و وريته للدكتور و قالي عادي
و هي هتلاقيها كمان كام يوم و تنشف عادي

و الرضاعه حاولي على اد ما تقدري تصحصحيها
العبيلها في مناخيرها و ورا ودنها و في كف ايديها

و عادي انها اول اسبوع او 10 ايام بتخس 10 % من وزنها
و هترجع تزيد تانى متقلقيش

طيب بالالنسبه للتنظيف ادام زى ما بتقولو فتحه البوبو
انضفها ازاى حسه فيها حاجات بيضه ومش بتطلع وانا بخاف قوى اعمل حاجه غلط ومحروجه اسأل حد

كمان حاجه كنت الاول بديها بيبي كالم عشان مكنتش بقدر ارضعها
بس كان بيعمل اسهال جامد لدرجه انا كان امساك رهيب وقعدت 3 ايام مش بعمل
شربت منه اغارك الله ع ال حصل اسهال فظيع
مبقتش اديلها منه واى اى اعشاب برضعها وخلاص عادى

ربنا يكرمك يا رونى طمنتيتى انا شكيت ف اللبن عندى مش بيشبعها ولا حاجه

لا يا بنتى متشكيش في لبنك و لا حاجه
بس هو طبيعي في الاول يخسوا و بعد كده بيزيدوا تانى
اهم حاجه لما تتم شهر توديها للدكتور عشان تشوفيها زادت اد ايه
انا ادهم خس 300 جرام في 3 ايام
و بالنسبه للاعشاب عادي ممكن متديهاش حاجه
و ممكن تديها يانسون او نعناع عشان المغص

دندووونة متحرمش من ردك ويارب يستجيب دعوتك ويعدى الايام دى على خير وانتو اكدتولى اللى حاسه بيه من نحيتها:'(:'(وفعلا ماعدتش ببدا ف رضاعتها الا لما اكل فاكههه واعمل ريفريش لمزاجى او اى حاجه تخلى المزاج حلو
بالنسبه للسرة انا رحت للدكتور امبارح وقالى هيا كويسه بس فيه زايده جلديه فضلت فيها اما السرة نزلت ونظفها وعملها حاجه اسمها "ماسة"
بس انا ماشفتش خرجت برا الاوضه وخليت جوزى معاها لانى مبستحملش اشوووف اى حاجه وولقيتها النهارده حاجه رصاصى كده حطها وقالى سبيها ماعدتيش تيجى جمبها



كريز بالنسبه للتنظيف هقولك اللى انا عملته جبت ميه دافيه وجبت قطنه وانا بغيرلها بشويش كده بحاووول انظف الافرازات دى بس ماتتكيش اوى ماطلعتش معاكى عادى سبيها وشويه شويه هتقل بس حاولى تنظفيها كل ما تغيريلها

ربنا يخليكى يارورو هعمل كدا
اصل عامل زى القطن المبلول كدا مش سايله يعنى

ايوه ياكريز انا برده كده وبحاول على اد مااقدر اقلل منه

dandona om jou;15008272:
انا عايزة اعرف دلوقتي البيبي يبدأ يردد كلامنا ازاي و امته يقول بابا و ماما و كده

من 5 ل6 شهور الطفل يبدا ينطق حروف زى مممممم او بببببببب و ممكن يقول ماما و بابا على حسب منتى بتقعدى تتكلمى قدامه كتير يعنى تفضلى تقولى قدامه الكلمه كتير و تكرريها كذا مرة و واحده واحده هتلاقيه بيحاول يقلدك
و كل طفل مختلف عن التانى يعنى مفيش سن محدد تقدرى تتقيدى بيه

Bossy22;15008329:
ام سيموو هو لو زون الولادة 3.5 يبقى الوزن عند سنة كام ؟؟

يبقى فى حدود من 9 ل 11 كيلو يا بوسى

كريز;15008890:
ازيكو جايلكو ف استشاره عاجله
بنتى لسه السره مش وقعت هى بقالها 8ايام
بس بتخر دم دلوقتى وهى ناشفه م فوق وطريه م تحت
عادى بقي ول ف حاجه

عادى يا كريز خليكى انتى مواضبه ع التنضيف بالكحول كل يوم ع الاقل 3 مرات و ان شاء الله تدبل و تقع

beauty lady;15008950:
ام سيمو حبيبتي الهاي كال او الدوا التاني موجودين في السعودية والا بس في مصر ؟

مش عارفه والله موجودين فى السعوديه بنفس الاسم ولا لا بس انتى ممكن تسالى الصيدلى عن البديل فى السعوديه بنفس التكوين

كريز;15009167:
الله يخليكى يارانيا طب و الدم دا عادى
اما الرضاعه بقي بتنام منى بسرعه وبحس انها مش بترضع كتير
وخست عما كانت نازله

هيا فعلا زى ما رونا قالتلك بالظبط بتنزل اول 10 ايام فى الوزن و بترجع تعوضهم تانى
و اوعى تستعجلى و تدخلى صناعى و لا تحكمى على لبنك انه قليل و مش مكفيها خالص
رضعيها كل متجوع و فى النهايه الوزن بعد شهر او شهرين هو اللى هيبين اذا كان لبنك كافى ولا لا
و كل مترضعيها اكتر كل ما اللبن عندك هيزيد اكتر اهتمى بالسوايل على قد متقدرى و اشربى حلبه و كراويه

كريز;15009376:
طيب بالالنسبه للتنظيف ادام زى ما بتقولو فتحه البوبو
انضفها ازاى حسه فيها حاجات بيضه ومش بتطلع وانا بخاف قوى اعمل حاجه غلط ومحروجه اسأل حد

كمان حاجه كنت الاول بديها بيبي كالم عشان مكنتش بقدر ارضعها
بس كان بيعمل اسهال جامد لدرجه انا كان امساك رهيب وقعدت 3 ايام مش بعمل
شربت منه اغارك الله ع ال حصل اسهال فظيع
مبقتش اديلها منه واى اى اعشاب برضعها وخلاص عادى

بلاش بيبى كلم طالما سببلها مشاكل ممكن تجربى بيبى درينك او ميلوبا او اعشاب عاديه من العطار
و التنضيف زى ماقولت ل رورو متفتحيش الشفرتين الصغيرين اللى جوه عشان تنضفى نضفى من حواليهم بالراحه

@زهرة دبلانة@;15009559:
دندووونة متحرمش من ردك ويارب يستجيب دعوتك ويعدى الايام دى على خير وانتو اكدتولى اللى حاسه بيه من نحيتها:'(:'(وفعلا ماعدتش ببدا ف رضاعتها الا لما اكل فاكههه واعمل ريفريش لمزاجى او اى حاجه تخلى المزاج حلو
بالنسبه للسرة انا رحت للدكتور امبارح وقالى هيا كويسه بس فيه زايده جلديه فضلت فيها اما السرة نزلت ونظفها وعملها حاجه اسمها "ماسة"
بس انا ماشفتش خرجت برا الاوضه وخليت جوزى معاها لانى مبستحملش اشوووف اى حاجه وولقيتها النهارده حاجه رصاصى كده حطها وقالى سبيها ماعدتيش تيجى جمبها



كريز بالنسبه للتنظيف هقولك اللى انا عملته جبت ميه دافيه وجبت قطنه وانا بغيرلها بشويش كده بحاووول انظف الافرازات دى بس ماتتكيش اوى ماطلعتش معاكى عادى سبيها وشويه شويه هتقل بس حاولى تنظفيها كل ما تغيريلها

ربنا ييسرلك الحال يا رورتى
شكل قلبك ضعيف زيىى شوفتى انا دكتورة اهو بس لحد دلوقتى مقدرش ابص على جرح و نقطه ضعفى الخياطه اغم عليا مرتين لما شفت حالات بتتخيط و من ساعتها ممسكتش ابرة

بس ال ماسه دى مفيهاش اى حاجه لو كنتى بصيتى عليها دى حاجه بسيطه :):):):):)