•¦¦•

سؤااااااااااااااال مخالفه لعروستنا السموحه:-

انا نبى نجرب زين ياريت تقوليلى باش نبدا لأن بشرتى تعباااااااااااااااااااانه... مع انى مجربه منه منظف المصراااااااان وبعده الكريمات ووجهى صفى وقعد 100% وبعدها توا رجعلى الحب من جديد نبدا من البداية المنظف وبعدها الكريمات والا نبدا بالكريمات والماسك طوووووووووول؟؟؟؟

وشن قصته وردى للأبد؟؟؟؟؟؟؟

جواب المخالفة لملكة
انى من راي انك اديري فرقة فالحفلة لان لودرتي حاجة سلو
حتولي الصالة زي السوق من دوشة تهدريز الناس
وصدقني حلاوة الحفلة بهياجة البنات والفرقة
انى حضرت مرة عرس صاحبتي من اول الحفلة لي اخرها اغاني اليسا
تعرفي الحفلة باااااااااااااااااايخة والتهدريز تم لدرجة قعدنا ساكتين
نصيحة زمزاماتنا لايعلا عليهم فالحفلة والنجمة خاصة لو جبتي فالحفلة فرقة
صدقيني حفلتك تولي ناشطة وحلوة
وديري اغاني او موسيقى سلو وقت العشا بس وساد ولا وقت تقصي التورتة
هدا راي واعتقد وجة نظر اغلب البنات

عروسة ليبيا;14203360:

فيكي حبوبتي

اول حاجه نحييك ع تفاعلك الحلو المميز هاداا

وكل كلامك حلو لانه فيه الايجابي وسلبي من تجاربك

وهادا المطلوب باش العروسات يتعلمو من تجاربنا

لان مستحيل يكون في كمال ف عرس او مناسبه معينه

مهما بدلنا مجهود ف حويجات يجو اقل من االتانيات

اه اختك العروسه علاش ما سجلتش معانا
وشوفناه ولا هيا عضوة اصلا اني مش متفكره

بخصوص اختك بنقولك في كوافير مدام نوال ف كشلاف

اسم محلها دانيا ويجي بعد جردينا كشلاف تحت صاله الرحاب وبينه مقابل جردينا

حلو مكياجها اكيد اختك عندها اعرس بتدخلهم ومناسبات

الميك اب بي 100 وتسريحات حسب يبدو من 30 لي 65 حسب الشغل ولو تبي تركب خصلات ولا بستيج

الافضل هيا ترفع صوره شن تحب ويكون شي يناسبها بش يعرفو ذوقها

وعندك سيدي الجميله

فدوي شغلها ابداااااااااع واسعار سيدتي ممتازه يعني يجوها مكياج وتسريحه مش اكثر من 70 ومرات اقل توصل لل 50 دينار

وبرغم سعر هادا الا ان شغلهم حلوووة بس يبو حجز مسبق وتمشي بدري قبل موعدك لانه زحمه عليهم

ووفي عندك لمسات دعاء الحق اني ف روحي عجبتني وف اختي
وف مرت عمي ميراث واخت مرت عمي وكانت عروسه حتى هيا يعني عروسه وخاشه عرس

وكل وحده فينا شكلها مختلف ولون بشرتها وشعرها وستايلها مختلف

ع نفسي اجمل المرات الي طلعت فيهم مع انه كان مكياج ع صدرا وكلاسيكي اسود ف نحاسي الشدو والروج احمر لانه علا بدله الحصيرا

لكن مشاء الله علا يدياتها طلعت معها احلا من مكياج دخولي

شوفت عندها عروسه باهيه الحق يوم حفلتها مش خارقه ولكن حلوووووووة ودعاء كا ميك اب وماركات وكريمات

كلها حاجات ممتااااااااااازه الي تستعمل فيهم والمكان الي تمكيج فيه هيا لداخل حلو ومرررررررريح واسلوبها كويس

ومكياجي كلف 65 دينار مكياج و 20 سشوار

=======================

سؤال مخالفة
حبوبة حبيت اعرف الكوافيرات اللي انتي كاتبة عنهم بطرابلس ولا ببنغازي يسلمو دياتك على اهتمامك بكلشي وربي ينولك اللي فبالك

هلا بنات ..

ملووكة .. تبى الحق حنى جونا فى اعراسنا هما الزمزامات او وحدة تغنى اغانى زمزامات .. وحتا الرااااااااااااقييييييييين والهادين يحبوا الزمزامات ودوشة الزمزامات هههه ولا يعلى عليهم الحق .. هادا راى .. تبدا حاجة ناقصة فى الحفلة راهو ..


======

ماما اوزا ,,

شعرك بعد الكيراتين يقعد ماتمساشى مية 3 ايام وبعدها عاااادى .. يعنى مدابيك اديريها وعليك الدو ... باش ميبداش فى وضوء .. وانى مدايرته قبل سنة حوالى ويهبببل الحق احتمال نعادوه الشهر الجاى .. غير نلقط حقه ههههه

(جواب مخالفه لملكه)

الحفله من غير زمزامات او فزقه حتكون اكسسسسسسسسسسسسسسسسساد

شوفي بيهدرزو بيهدرزو وبعدين شن بيديروا وانتي تشوفي فيها انها لمصلحتهم باش يهدرزو وهما شن بيقولو اول حاجه اللظف مفيش لا فرقه ولا زمزامات وبتعطي فرصه للدوه الفاضيه هههههههههه

انا نصيحتي ديري فرقه ولما يديروا فاصل متديريش اغاني خلي الهياجه علي الفرقه بس اصلا تعطي جو حلو للحفله وانتي وراحتك

(سؤال مخالفه)

عروسه و البنات بناخد حبوب زين لتخفيف الوزن شن ناخد اما نوع وكويس او لا يعني العيوب والمميزات ضروري تردو عليا يا بنا ت تعرفو معش في وقت

عروسة ليبيا;14205400:

رد المخالفه

لي نورهان 2

تسلمي حبيبتي الكوافيرات ال3 ف تربولي واى شي ااني فالخدمه زي ماتعرفي يا كنتنا الحلوة

جواب
يسلمو وتم التسجيل بارك الله فيك ياقمر
سؤال

ياريت عنوان سيدتي الجميلة و لمسات

مشكورات فيكي وهايله على الرد ، ((هيوله ياحلوة اسمي حبايب ماما مش ماما اوزا هههههههه واني اخت سويتي ))

سؤوال مخالفة ، كم اسعار دبل بولغري في ليبيا ؟؟؟؟؟

جواب المخالفة ل حبايب ماما
حبيبة الدبلة البولغري الاصلية في ليبيا نااااااااااااااااااااقصة جدا وتقدري تقولي مافيش
الا مرة شفتها عند عريبي في زرقا اليمامة وجايب حتى تعليقة حلوة هلبا قال جايبها بالتوصية وكانت في جو 5000
ولا بن سعود يجيبهالك بتوصيه
وكان على المقلدة الاكسسوار في هلبا مكانات تلقيها
مرة ساومتها في محل في اول ستمبر ب 55 دينار بس

جواب مخالفه لعروسة ليبيا السمحه:-

ان شاء الله توا نبدا فيهم الأسبوووع الجاى وعجبتنى فكرة وردى للأبد توا نجربه حتى هو وننقل تجربتى بإذن الله... الكن خايفه من الفتره اللى تطلع فيها الحبوب تقريبا شهر شن ندير فيهم ؟؟

دلوعة بيشو;14205868:
جواب المخالفة ل حبايب ماما
حبيبة الدبلة البولغري الاصلية في ليبيا نااااااااااااااااااااقصة جدا وتقدري تقولي مافيش
الا مرة شفتها عند عريبي في زرقا اليمامة وجايب حتى تعليقة حلوة هلبا قال جايبها بالتوصية وكانت في جو 5000
ولا بن سعود يجيبهالك بتوصيه
وكان على المقلدة الاكسسوار في هلبا مكانات تلقيها
مرة ساومتها في محل في اول ستمبر ب 55 دينار بس

:L:


سؤوال مخالفة لدلوعة بيشو الحلوة ،، قصدك 5000 دينار ليبي ، الف يسلم على الف ؟؟؟؟؟؟!!!!!!!!مش معقولة ومبلغ خيالي .صح؟؟
اهني اصلية وبالضمان متعها ب 800 $.

سلام هذا اول رد ليا معكم مع اني متصفحة بصمت لمدة شهور
يلي سألت على الكيراتين يمنع تقربي المية لشعرك لمدة اربعة ايام وحتى لو ا تبل حاولي لتجفيفيه بسرعة وباش مليتنحاش الكيراتين يجب استعمال الشامبو والبلسم الخاص به لان الشامبوات العادية فيها مادة كلوريد الصوديوم وهذه اتنحي في مادة الكيراتين على الشعر

جواب المخالفة ل حبايب ماما
حبيبة راهو فيها فيها فصوص ألماس مش هلبا لكن موزعات على الدبلة

جواب المخالفة ل انجل
ولا يهمك ياقلبي حتى انى خاطري فيه غر سألت ملكة قاتلي ب 15 فرحت قولت بناخد منه
كمية هههههههههههههههه لكن مدام طلع ب 85 حتى زوز ساد هههههه

دلوعة بيشو;14206394:
جواب المخالفة ل حبايب ماما
حبيبة راهو فيها فيها فصوص ألماس مش هلبا لكن موزعات على الدبلة

جواب مخالفه دلوعه،:L:، اوكي هكي فهمت ، اللي اني شوفتها اهني من غير فصوص العادية يعني وفي منها الوان الاصفر والابيض والاحمر . احلاهم الاصفر .وتقريبا زي اللي حاطتها دايموند في توقيعها لو قاعده نتفكر . بس ما شفتش اللي فيها فصوص . متعرفيش العادية بكم بس تكون الاصليه مش متع 55 جنيه . ومشكورة على الاهتمام وردك عليا.

جواب المخالفة ل حبايب ماما
حبيبة السادة مش عارفة اصلا تلقيها ولا لا
لكن من راي تاخديها من غادي انى نحس سعرها معقول جداااااااا عندكم