الله جوكم اعسل علي الاخر شدينها هدرزه
بالله يبنات
سؤال مخالف:
لو تعرفوا اسم احسن مغسلة في طرابلس قولولي عليها المهم تغسل في القفاطين الكبار ومتفسدش
•¦¦•
e
13-01-2011 | 12:30 AM
A
13-01-2011 | 12:44 AM
دلوعة بيشو;14206426:
جواب المخالفة ل انجل
ولا يهمك ياقلبي حتى انى خاطري فيه غر سألت ملكة قاتلي ب 15 فرحت قولت بناخد منه
كمية هههههههههههههههه لكن مدام طلع ب 85 حتى زوز ساد هههههه
بالك فيه مكان تاني يبيع فيه بي 15؟ قولينا عليه يا ملكة
حتى اني صدمني اول ما قالي سعره نحسابه جو اربعينات
ســـــــــؤال مخالفة:
اني نبي عنوان مغسلة تغسل جلد عندي جاكيت قصيرة امتع جو موطوات ههههه وين مانرفعها
يقولولي مانغسلوش جلد وهيا متبزع عليها قهوة ضروري نغسلها ؟؟
ف
13-01-2011 | 12:45 AM
elham25;14206653:
الله جوكم اعسل علي الاخر شدينها هدرزه
بالله يبنات لو تعرفوا اسم احسن مغسلة في طرابلس قولولي عليها المهم تغسل في القفاطين الكبار ومتفسدش
رد مخالفة
فيه مغسلة القيافة جنب البي اتش اس في شارع الجرابة لكن تقريبا بالاشتراك المغسلة هادي لكن الصراحة احسن مغسلة وفيه مغسلة الفيحاء مقابل مدرسة الفيحاء في النوفليين هادم احسن اتنين اني جربتهم
ف
13-01-2011 | 12:47 AM
Angel Heart 89;14206745:
بالك فيه مكان تاني يبيع فيه بي 15؟ قولينا عليه يا ملكة
حتى اني صدمني اول ما قالي سعره نحسابه جو اربعينات
ســـــــــؤال مخالفة:
اني نبي عنوان مغسلة تغسل جلد عندي جاكيت قصيرة امتع جو موطوات ههههه وين مانرفعها
يقولولي مانغسلوش جلد وهيا متبزع عليها قهوة ضروري نغسلها ؟؟
رد مخالفة
ارفعيها لمحلات الجلد اكيد يديرولك حل اني شايفة واحد في شارع ميزاران
e
13-01-2011 | 12:54 AM
شكرا يافيكي
سؤال مخالف:
بس انتي متأكده يغسلوا في قفاطين الكبار امتع المحضر ؟ خايفة يفسدوه
سؤال مخالف:
بس انتي متأكده يغسلوا في قفاطين الكبار امتع المحضر ؟ خايفة يفسدوه
ف
13-01-2011 | 01:04 AM
سؤال مخالفة
ينات حبيت نسالكم بخصوص حمام امواج اللي بحدا جامع الصقع اختي مشتله في حمامها المهم اختي كان عندها شوية اسوداد في ركابها المهم مشت للحمام واللي دلكتها واحدة اسمها زكية تشتغل غادي قالتلها عندي خلطة مغربية بخمسة وتلاتين جنيه تنحي اللون الاسود اختي قررت تجربها والنتيجة كانت روعة والله زي مانقوللكم اختي ركبتها ولت زي المراية بما ان الاسوداد اللي عندها بسيط ..وقالتلها المراة لو كان الاسوداد هلبة يحتاج تلاتة جلسات اني عندي فضول نعرف شن هي المادة وكيف تخدم بالسرعة هادي وللاسف مانقدرش نمشي للحمامات فلهذا لو اي واحدة عندها فكرة عليها او جربتها قبل تفيدنا بتجربتها
ينات حبيت نسالكم بخصوص حمام امواج اللي بحدا جامع الصقع اختي مشتله في حمامها المهم اختي كان عندها شوية اسوداد في ركابها المهم مشت للحمام واللي دلكتها واحدة اسمها زكية تشتغل غادي قالتلها عندي خلطة مغربية بخمسة وتلاتين جنيه تنحي اللون الاسود اختي قررت تجربها والنتيجة كانت روعة والله زي مانقوللكم اختي ركبتها ولت زي المراية بما ان الاسوداد اللي عندها بسيط ..وقالتلها المراة لو كان الاسوداد هلبة يحتاج تلاتة جلسات اني عندي فضول نعرف شن هي المادة وكيف تخدم بالسرعة هادي وللاسف مانقدرش نمشي للحمامات فلهذا لو اي واحدة عندها فكرة عليها او جربتها قبل تفيدنا بتجربتها
ف
13-01-2011 | 01:05 AM
elham25;14206817:
شكرا يافيكي بس انتي متأكده يغسلوا في قفاطين الكبار امتع المحضر ؟ خايفة يفسدوه
رد مخالفة
العفو حبيبة اني ماغسلتش عندهم قفطان محضر لكن شفتهم قبل غاسلين حتي فيلوات وانتي شن قماش قفطانك بالزبط ؟ فيه انواع تطريز ماتتحملش الغسل بكل
ع
13-01-2011 | 01:17 AM
حبايب قلب عروسة ليبيا
ملاحظه بخصوص زين النتائج تااااخذ وقت باش تطلع وكل بشره تختلف ف تجاوبها ع تانيه
ولكن زين قال ف ناس من شهر نتائج كبيره بنسبه 70 ف الميه وناس 30
والخلاصه اعطو روحكم 40 يوم مع المنتجات وبعدها احكمو
هادا بخصوص البشره والحبوب الرشاقه وكله بشكل عام
تابعو برامج زين يوميا ع قناه هيا وشوفو اتصالات الناس يرد مرات بوصفات مجانيه ممتازه ويشرح ف طرق السليمه لستعمال كل منتج
وديما بشرح مفصل
وردي للابد
يعطي لون وردي خفيف ولكن مع المداومه فعلا يورد لون المنطقه ومره قاريه خبر بخصوص حلمات الصدر والوجه
ينصح بي استعمال زيت جنين القمح لدهنهمممم مره ف اليوم
لانه كويسسسسس طبعا كل زيت نحطوه ع جسم يفضل يكون ف الحوش مش نطلعو بيه
عشان الحراره والرطوبه والهواء الخارجي موثرات قويه ف تفاعل الجسم مع الكريمات والخلطات
والله اعلم
=======================================
ف
13-01-2011 | 05:39 AM
رد مخصوص لعيون تحكمني قناعاتي
نصايح لكل عروسة تبي تبتت من تركيا واسطنبول تحديدا
الافضل زيارة تركيا في مواسم التخفيضات متلا شهر سبعة وبداية تمانية تكون التخفيضات على اللبس الصيفي ويكون اللبس الشتوي نازل في المحلات وتقريبا شهر اطناش او واحد تخفيضات الشتي ..لكن طبعا السفر في الصيف اسهل لان الشتي صعب الطلوع والدورات على المحلات من الصقع ومرات التلج ..
تانيا السكن لو كان الغرض من الزيارة الشوبينج بس فالافضل السكن في منطقة تقسيم او عصمان بيه لانهم مناظق مليانة محلات وسهل انك تنتقلي منها لاي مكان في اسطنبول والافضل اكيد انه يتم حجز الفندق قبل الانطلاق لاسطنبول لانهم ارخص بهلبة لما يتم الحجز من النت ..وعموما لو السفرة غرضها الشوبينج مافيش داعي لفندق خمسة نجوم لان فنادق الاربعة نجوم وحتي التلاتة نجوم مستواها كويس غير مافيهاش خدمات زي الجيم والسويمينق بول والكوافير والفرق كبير في السعر
تالتا شن اللي ينشري من اسطنبول وشن اللي ماينشراش
اكيد اليرغانات واطقم الحمام والمفارش ضروري والصراحة روعة عندهم وفيهم تخفيضات كبيرة نتفكر مرة كان فيه يرغان بالف وخمسمية ليرة وصل في التخفيض لاربعمية وشوية وكان فخم هلبة هلبة
وطبعا فيه اللي صناعة محلية وجودتها ممتازة وفيه اللي مستوردة وحتي هي الحق حلوة غير اغلي
الاماكن اللي ممكن نلقو فيها اليرغانات
شارع عصمان بيه على امتداده مليان محلات من النوع هذا وفيه اللي عارضين مواد منزلية ومن داخل فيهم يرغانات ومفارش وبجديات حاجة مش عادية وتناسب ذوقنا الشرقي هلبة
سوق جواهر فيه محلات ماركات اجنبية وفي موسم التخفيضات تحصلو منها حاجات خيالية
فيه سوق جنب المطار اسمه سوق المطار فيه محلات يرغانات تركية راقية وحلوة لدرجة تدوخي شن تتختاري
الحاجة التانية اللي تنشري من تركيا هي الاندر وير ولبس النوم ..عندهم تنوع كبير خصوصا في البضاعة التركية والصراحة خامتها كويسة وتعيش ومافيش فرق كبير بينها وبين الماركات لانهم كلهم في الاخير ببيبدوا
ومحلاتهم في شارع عصمان بيه وفي منطقة اسمها ميريت فيها محلات كبيرة وحلوة للملابس الداخلية
وسوق جواهر فيه لاسينزا لما فيها تخفيضات تقدري تاخدي منها كمية كبيرة
وفيه محل في جواهر نفسه نسيت اسمه فيه حاجات كيوت على الاخر حاط الاندر وير مع البيجاما او لبس الحوش ومعاهم سليبرز وكلهم يكونو نفس التيم وحاجاته حلوة هلبة وكلها رسومات تقريبا المحل في الدور التاني او الرابع هو ماركة معروفة غير الاسم مش حاضرني توا
حاجة تانية تنشري من تركيا هي اللبس البيتي الشورتات والكتات والبديات بانواعهم هادم رخاص خصوصا التركيات وفيه محل اسمه ال سي واكيكي عنده حاجات تهبل باسعار حلوة وفي التخفيض تكون هلبة رخيصة وحاجاته نازكة هلبة وكيوت وهذا تقريبا مافيش شارع في تركيا يخلو من المحل هدا
بعدين نجو للشناطي
طبعا في التخفيضات زارا عنده حاجات حلوة هلبة وعليه اقبال كبير وفيه فروع هلبة ليه
وفيه دور كامل في جواهر للاحذية والشناطي لما يديروا تخفيض يكون كبير ويوصل للسبعين في المية وحاجات راقية هلبة وتعتبر اسعارها معقولة جدا
ومنطقة ميريت اللي قلت عليها قبل شوية عندهم شناطي حلوات واسعارهم بكل رخصية وخامتهم كويسة افضل عندي من القراند بازار اللي مشهور بشناطي التلقيد لانهم غادي يغلو في الاسعار هلبة للسياح لكن ميريت مافيهاش سياح هلبة واسعارها رخصية
وعندنا اكسسوارت الحوش فيه زارا هوم يقتل الصراحة ومش غالي مقارنة بالبضاعة اللي في ليبيا وحاجاته راقية ومتنوعة
ومحلات جواهر الدور الارضي فيها حاجات تهبل وفيه محل كبييييييييييير ورخيص هلبة هلبة حتي البساطات فيه برخص التراب ومع انه يبان زي المستودع لكن تطلعي منه حاجات حلوة
اللبس الكاجوال شارع الاستقلال وعصمان بيه مليانات محلات من غير المولات طبعا
فيه محل في سوق جواهر اسمه واتسون فيه مكياج ومواد تجميل اسعارها رخيصة وكلها انواع كويسة حتي القلمات الرخيصة بكل حلوات عندهم وعن تجربة وعندهم غسول للمنظقة الحساسة حلو بكل وخفيف اني ماصادفنيش الا عندهم واسمه نفس اسم المحل وعندهم كحل ملون زي الكحل العربي غير الوان تهبل حتي هو ماصادفنيش الا غادي
بالنسبة للماركات غادي كلهم متوفرات تقريبا اغلب الماركات الفخمة هلبة زي ديور وقوتشي وفندي وبربري واغلب الماركات متوفرة في استنيا بارك وهذا مول كبير هلبة وراقي هلبة وبضاعته تحفة وفيه محلات كبيرة هلبة وماركات متنوعة من الفخمة هلبة للعادية
وفيه سوق جواهر حتي هو قنين وفيه ماركات حلوة خصوصا للاحذية والشناطي
وفيه مول اسمه سيتي مول حلو وفيه بنانا ريبوبليك اللي ماصادفنيش الا في المول هذا
وفيه مول اسمه بروفيلو حتي هو فيه محلات يرغانات قنينة وفيه سي اند ايه كبير هلبة وتطلعو منه لبس حوش وعملي هلبة ورخيص بكل وفيه حتي ماركس اند سبنسر غادي
فيه مول اسمه استوريا فيه زارا كبير هلبة
وجيهة المطار مليانة مولات وفيه شارع بحدا المطار اسمه اسطنبول حتي هو مليان محلات زي الاستقلال
وفيه شارع الماركات ومن احلي الشوارع عندي وهو موازي لعصمان بيه ومليان محلات حلوة ومميزة وفيه طبعا محلات اسعارها مبالغ فيها ومحلات اسعارها معقولة وفيه فرع لزارا كبير حتي غادي وعلى كل تفرعات الشارع محلات لين الواحد يدوخ غادي
الاكسسوارات عندهم محلات فضة في شارع الاستقلال حاجاتهم تهبل واسعارهم نحسها معقولة خصوصا ان البضاعة حلوة
ومحلات الاحجار في كل مكان واكتر منطقة السلطان احمد والقراند بازار شفتهم فيها ولقيت تعليقات يهبلو عبارة عن حجر في اطار فضة وشريط دانتيل بدل السلسلة وهادم فيه منهم هلبة انواع على اختلاف الاحجار مرة ساومت واحد جاني حوالي مية وعشرين ليرة وراهو شكله يهبل كانه تاكم شيشخان وكبير وفيه حاجات سيمبل تهبل
وفيه محلات الدهب اللي في سوق جواهر اتدير في عروض وتخفيضات تحصلو منهم حاجات حلوة وبسيطة
فيه محلات اكسسوارات افراح ماعنديش فكرة على اسعارهم لكن عندهم حاجات تهبل في الفيترينات وحتي هما كل مرة يصادفني واحد مافيش مكان محدد ليهم
الكوافيرات الصراحة مش عاديات غادي عجبوني هلبة خدمتهم حلوة ومعاملتهم تهبل واسعارهم رخيصة لكن نصيحة لما يلقوك سائحة يزيدوا في الاسعار مع ان اغلبهم حاطين تسعيرة برا لكن بالتركي وكنا مش فاهمينها في الاول فلما تسالي يزيدوا عليك في السعر فنصيحة في المولات الكبار كلهم فيهم كوافيرات وتلقو لافتة فيها اسم كل حاجة بالتركي وبالانجليزي سجلو كل شي بش تعرفو كل حاجة شن اسمها ولما تمشو لاي كوافير مايزيدوش عليكم في السعر ..والصراحة خدماتهم روعة سواء صبغة ولا قص ولا حواجب وحتي السشوار هلبة بروفيشنال فيهم ..فلو كنتي عروسة ممكن تصبغي شعرك غادي لانهم يديروا فيها حلوة ومعبيين الشوارع الكوافيرات وفي كل المولات وطبعا فيه خصوصية للمسلمات يخدمولهم بنات وفي مكان مسكر لان الحجاب عندهم هلبة
وحاجة تانية عجبتني هي التخفيض في الساعات اي ساعة يفوت موسمها ممكن تاخدوها باقل من نص السعر في فترة التخفيضات خصوصا في المولات الكبيرة زي جواهر
وقفاطين السهرة فيه نوعين ياما الماركات وهادم يرخصو بس في التخفيض وطبعا اغلبهم بسيطات هلبة
وفيه التركيات وهادم يبدوا اسعارهم من خمسة دولار للخمسة وعشرين دولار وتقدري تطلعي منهم حاجات حلوة لكن اللي زي القفاطين اللي في ليبيا مش عارفة اسعارهم قصدي القفاطين الكبار
منطقة عصمان بيه في الزناقي مليانة محلات لكن اغلبهم يبيعو بالجملة للسياح وبالقطاعي للاتراك بس واسعارهم برخص التراب حتي للبدل الرجالية وحاجاتهم راقية هلبة الرجالية اكتر من النسائية ومنطقة ميريت حتي هي فيها هلبة محلات وهلبة منهم يبيعو بالقطاعي لكن مانحسش ان تركيا مكان ينشرا منه لبس السهرة ممكن لو خياطة افضل وعندهم هلبة خياطين عارضين بضاعتهم واغلب محلاتهم في الدور التاني في االشوارع وماعنديش فكرة دقيقة عليهم لاني ما ركزتش عليهم في كل مرة مشيت فيها
التصوير عندهم حلو لو عروسة تبي تدير متلا صورة كبيرة يوقعو عليها عندهم تصوير حلو هلبة وعلى امتداد عصمان بيه وانتي ماشية للتقسيم مليان مصورين وعندهم افكار حلوة ولقطات حلوة وحتي تذكارات تهبل ومش غالية
وفيه محل في نفس الشارع يدير في تذكارات كريستال عليها الصور تحفة شكلها ومجسمات تهبل لكن ماسالتش على اسعارها
نجو للحاجات اللي ماتنشراش من تركيا
العطور عندهم غالية هلبة ومرات فرق الضعف في السعر وحتي في التخفيض مش هلبة ينزلو
الحلويات والحلقوم اسعارهم غادي اغلي من اهني لو حد يبي يجيب لعرس متلا لكن لاستخدام شخصي معقولة
الفواكه المجففة حتي هي اغلي من اللي عندنا
الاحذية التركية غالية هلبة سعرها زي الماركات وممكن اغلي من اهني
هذا تقريبا اللي خطر على بالي توا
ونصيحة لكل عروسة تبي تمشي غادي صوري هلبة وانتي تبتي وكتري فيديوات حلوات يجو للريبورتاج وحتي ذكري
وتركيا الصراحة حلوة هلبة وجوها اسلامي حلو واني حبيتها اكتر من كل الدول اللي زرتها واسعارها ارخص من بقية الدول الاوربية وتنفع سياحة وشوبينج وفيها حاجات شرقية هلبة وبضاعتها خامتها راقية واتطورت هلبة في الصناعة وحاجات التطريز حلوة هلبة عندهم
يارب نكون فدتكم وياريت اللي عندها اي سؤال او استفسار بخصوص اي حاجة حتي لو كانت مواصلات او سكن او مطاعم اتفضلو ونحاول نفيدكم باللي نعرفه
ربي يهينكم
نصايح لكل عروسة تبي تبتت من تركيا واسطنبول تحديدا
الافضل زيارة تركيا في مواسم التخفيضات متلا شهر سبعة وبداية تمانية تكون التخفيضات على اللبس الصيفي ويكون اللبس الشتوي نازل في المحلات وتقريبا شهر اطناش او واحد تخفيضات الشتي ..لكن طبعا السفر في الصيف اسهل لان الشتي صعب الطلوع والدورات على المحلات من الصقع ومرات التلج ..
تانيا السكن لو كان الغرض من الزيارة الشوبينج بس فالافضل السكن في منطقة تقسيم او عصمان بيه لانهم مناظق مليانة محلات وسهل انك تنتقلي منها لاي مكان في اسطنبول والافضل اكيد انه يتم حجز الفندق قبل الانطلاق لاسطنبول لانهم ارخص بهلبة لما يتم الحجز من النت ..وعموما لو السفرة غرضها الشوبينج مافيش داعي لفندق خمسة نجوم لان فنادق الاربعة نجوم وحتي التلاتة نجوم مستواها كويس غير مافيهاش خدمات زي الجيم والسويمينق بول والكوافير والفرق كبير في السعر
تالتا شن اللي ينشري من اسطنبول وشن اللي ماينشراش
اكيد اليرغانات واطقم الحمام والمفارش ضروري والصراحة روعة عندهم وفيهم تخفيضات كبيرة نتفكر مرة كان فيه يرغان بالف وخمسمية ليرة وصل في التخفيض لاربعمية وشوية وكان فخم هلبة هلبة
وطبعا فيه اللي صناعة محلية وجودتها ممتازة وفيه اللي مستوردة وحتي هي الحق حلوة غير اغلي
الاماكن اللي ممكن نلقو فيها اليرغانات
شارع عصمان بيه على امتداده مليان محلات من النوع هذا وفيه اللي عارضين مواد منزلية ومن داخل فيهم يرغانات ومفارش وبجديات حاجة مش عادية وتناسب ذوقنا الشرقي هلبة
سوق جواهر فيه محلات ماركات اجنبية وفي موسم التخفيضات تحصلو منها حاجات خيالية
فيه سوق جنب المطار اسمه سوق المطار فيه محلات يرغانات تركية راقية وحلوة لدرجة تدوخي شن تتختاري
الحاجة التانية اللي تنشري من تركيا هي الاندر وير ولبس النوم ..عندهم تنوع كبير خصوصا في البضاعة التركية والصراحة خامتها كويسة وتعيش ومافيش فرق كبير بينها وبين الماركات لانهم كلهم في الاخير ببيبدوا
ومحلاتهم في شارع عصمان بيه وفي منطقة اسمها ميريت فيها محلات كبيرة وحلوة للملابس الداخلية
وسوق جواهر فيه لاسينزا لما فيها تخفيضات تقدري تاخدي منها كمية كبيرة
وفيه محل في جواهر نفسه نسيت اسمه فيه حاجات كيوت على الاخر حاط الاندر وير مع البيجاما او لبس الحوش ومعاهم سليبرز وكلهم يكونو نفس التيم وحاجاته حلوة هلبة وكلها رسومات تقريبا المحل في الدور التاني او الرابع هو ماركة معروفة غير الاسم مش حاضرني توا
حاجة تانية تنشري من تركيا هي اللبس البيتي الشورتات والكتات والبديات بانواعهم هادم رخاص خصوصا التركيات وفيه محل اسمه ال سي واكيكي عنده حاجات تهبل باسعار حلوة وفي التخفيض تكون هلبة رخيصة وحاجاته نازكة هلبة وكيوت وهذا تقريبا مافيش شارع في تركيا يخلو من المحل هدا
بعدين نجو للشناطي
طبعا في التخفيضات زارا عنده حاجات حلوة هلبة وعليه اقبال كبير وفيه فروع هلبة ليه
وفيه دور كامل في جواهر للاحذية والشناطي لما يديروا تخفيض يكون كبير ويوصل للسبعين في المية وحاجات راقية هلبة وتعتبر اسعارها معقولة جدا
ومنطقة ميريت اللي قلت عليها قبل شوية عندهم شناطي حلوات واسعارهم بكل رخصية وخامتهم كويسة افضل عندي من القراند بازار اللي مشهور بشناطي التلقيد لانهم غادي يغلو في الاسعار هلبة للسياح لكن ميريت مافيهاش سياح هلبة واسعارها رخصية
وعندنا اكسسوارت الحوش فيه زارا هوم يقتل الصراحة ومش غالي مقارنة بالبضاعة اللي في ليبيا وحاجاته راقية ومتنوعة
ومحلات جواهر الدور الارضي فيها حاجات تهبل وفيه محل كبييييييييييير ورخيص هلبة هلبة حتي البساطات فيه برخص التراب ومع انه يبان زي المستودع لكن تطلعي منه حاجات حلوة
اللبس الكاجوال شارع الاستقلال وعصمان بيه مليانات محلات من غير المولات طبعا
فيه محل في سوق جواهر اسمه واتسون فيه مكياج ومواد تجميل اسعارها رخيصة وكلها انواع كويسة حتي القلمات الرخيصة بكل حلوات عندهم وعن تجربة وعندهم غسول للمنظقة الحساسة حلو بكل وخفيف اني ماصادفنيش الا عندهم واسمه نفس اسم المحل وعندهم كحل ملون زي الكحل العربي غير الوان تهبل حتي هو ماصادفنيش الا غادي
بالنسبة للماركات غادي كلهم متوفرات تقريبا اغلب الماركات الفخمة هلبة زي ديور وقوتشي وفندي وبربري واغلب الماركات متوفرة في استنيا بارك وهذا مول كبير هلبة وراقي هلبة وبضاعته تحفة وفيه محلات كبيرة هلبة وماركات متنوعة من الفخمة هلبة للعادية
وفيه سوق جواهر حتي هو قنين وفيه ماركات حلوة خصوصا للاحذية والشناطي
وفيه مول اسمه سيتي مول حلو وفيه بنانا ريبوبليك اللي ماصادفنيش الا في المول هذا
وفيه مول اسمه بروفيلو حتي هو فيه محلات يرغانات قنينة وفيه سي اند ايه كبير هلبة وتطلعو منه لبس حوش وعملي هلبة ورخيص بكل وفيه حتي ماركس اند سبنسر غادي
فيه مول اسمه استوريا فيه زارا كبير هلبة
وجيهة المطار مليانة مولات وفيه شارع بحدا المطار اسمه اسطنبول حتي هو مليان محلات زي الاستقلال
وفيه شارع الماركات ومن احلي الشوارع عندي وهو موازي لعصمان بيه ومليان محلات حلوة ومميزة وفيه طبعا محلات اسعارها مبالغ فيها ومحلات اسعارها معقولة وفيه فرع لزارا كبير حتي غادي وعلى كل تفرعات الشارع محلات لين الواحد يدوخ غادي
الاكسسوارات عندهم محلات فضة في شارع الاستقلال حاجاتهم تهبل واسعارهم نحسها معقولة خصوصا ان البضاعة حلوة
ومحلات الاحجار في كل مكان واكتر منطقة السلطان احمد والقراند بازار شفتهم فيها ولقيت تعليقات يهبلو عبارة عن حجر في اطار فضة وشريط دانتيل بدل السلسلة وهادم فيه منهم هلبة انواع على اختلاف الاحجار مرة ساومت واحد جاني حوالي مية وعشرين ليرة وراهو شكله يهبل كانه تاكم شيشخان وكبير وفيه حاجات سيمبل تهبل
وفيه محلات الدهب اللي في سوق جواهر اتدير في عروض وتخفيضات تحصلو منهم حاجات حلوة وبسيطة
فيه محلات اكسسوارات افراح ماعنديش فكرة على اسعارهم لكن عندهم حاجات تهبل في الفيترينات وحتي هما كل مرة يصادفني واحد مافيش مكان محدد ليهم
الكوافيرات الصراحة مش عاديات غادي عجبوني هلبة خدمتهم حلوة ومعاملتهم تهبل واسعارهم رخيصة لكن نصيحة لما يلقوك سائحة يزيدوا في الاسعار مع ان اغلبهم حاطين تسعيرة برا لكن بالتركي وكنا مش فاهمينها في الاول فلما تسالي يزيدوا عليك في السعر فنصيحة في المولات الكبار كلهم فيهم كوافيرات وتلقو لافتة فيها اسم كل حاجة بالتركي وبالانجليزي سجلو كل شي بش تعرفو كل حاجة شن اسمها ولما تمشو لاي كوافير مايزيدوش عليكم في السعر ..والصراحة خدماتهم روعة سواء صبغة ولا قص ولا حواجب وحتي السشوار هلبة بروفيشنال فيهم ..فلو كنتي عروسة ممكن تصبغي شعرك غادي لانهم يديروا فيها حلوة ومعبيين الشوارع الكوافيرات وفي كل المولات وطبعا فيه خصوصية للمسلمات يخدمولهم بنات وفي مكان مسكر لان الحجاب عندهم هلبة
وحاجة تانية عجبتني هي التخفيض في الساعات اي ساعة يفوت موسمها ممكن تاخدوها باقل من نص السعر في فترة التخفيضات خصوصا في المولات الكبيرة زي جواهر
وقفاطين السهرة فيه نوعين ياما الماركات وهادم يرخصو بس في التخفيض وطبعا اغلبهم بسيطات هلبة
وفيه التركيات وهادم يبدوا اسعارهم من خمسة دولار للخمسة وعشرين دولار وتقدري تطلعي منهم حاجات حلوة لكن اللي زي القفاطين اللي في ليبيا مش عارفة اسعارهم قصدي القفاطين الكبار
منطقة عصمان بيه في الزناقي مليانة محلات لكن اغلبهم يبيعو بالجملة للسياح وبالقطاعي للاتراك بس واسعارهم برخص التراب حتي للبدل الرجالية وحاجاتهم راقية هلبة الرجالية اكتر من النسائية ومنطقة ميريت حتي هي فيها هلبة محلات وهلبة منهم يبيعو بالقطاعي لكن مانحسش ان تركيا مكان ينشرا منه لبس السهرة ممكن لو خياطة افضل وعندهم هلبة خياطين عارضين بضاعتهم واغلب محلاتهم في الدور التاني في االشوارع وماعنديش فكرة دقيقة عليهم لاني ما ركزتش عليهم في كل مرة مشيت فيها
التصوير عندهم حلو لو عروسة تبي تدير متلا صورة كبيرة يوقعو عليها عندهم تصوير حلو هلبة وعلى امتداد عصمان بيه وانتي ماشية للتقسيم مليان مصورين وعندهم افكار حلوة ولقطات حلوة وحتي تذكارات تهبل ومش غالية
وفيه محل في نفس الشارع يدير في تذكارات كريستال عليها الصور تحفة شكلها ومجسمات تهبل لكن ماسالتش على اسعارها
نجو للحاجات اللي ماتنشراش من تركيا
العطور عندهم غالية هلبة ومرات فرق الضعف في السعر وحتي في التخفيض مش هلبة ينزلو
الحلويات والحلقوم اسعارهم غادي اغلي من اهني لو حد يبي يجيب لعرس متلا لكن لاستخدام شخصي معقولة
الفواكه المجففة حتي هي اغلي من اللي عندنا
الاحذية التركية غالية هلبة سعرها زي الماركات وممكن اغلي من اهني
هذا تقريبا اللي خطر على بالي توا
ونصيحة لكل عروسة تبي تمشي غادي صوري هلبة وانتي تبتي وكتري فيديوات حلوات يجو للريبورتاج وحتي ذكري
وتركيا الصراحة حلوة هلبة وجوها اسلامي حلو واني حبيتها اكتر من كل الدول اللي زرتها واسعارها ارخص من بقية الدول الاوربية وتنفع سياحة وشوبينج وفيها حاجات شرقية هلبة وبضاعتها خامتها راقية واتطورت هلبة في الصناعة وحاجات التطريز حلوة هلبة عندهم
يارب نكون فدتكم وياريت اللي عندها اي سؤال او استفسار بخصوص اي حاجة حتي لو كانت مواصلات او سكن او مطاعم اتفضلو ونحاول نفيدكم باللي نعرفه
ربي يهينكم
ت
13-01-2011 | 07:36 AM
السلام عليكم ورحمه الله وبركاته
والله انتي تهبلي بارك الله فيك
اسئلتي عشان نوضح لبنات ونثبت اكثر لروحي
شارع الاستقلال :لبس كاجول ....وراغين ومفارش.,,,
شارع الاستقلال :لبس كاجول
مول الجواهر : فيه محل ال سي واكيكي {دبش بيت} ...زارا هوم
سوق المطار : وراغيين
منطقة ميريت :محلات كبيرة لملابس الداخلية
مول استوريا : محل زارا كبير
شارع الماركات
مول استنيا بارك
ستي مول
تمام هذوما انكتبن في ورقة اسالتي
+وين محل نعومي .؟ زارا هوم بس في مول جواهر مافيش غيره؟
+أحسـن مولات من الي كتبتيهم بحيث انك تمشي لمثلا يعني 3
يكون متوفر فيها كل شيء ماتطريش تمشي لمول ثاني وتلقي فيه
زي المحلات وهكذا ...
+نبـي محل لاكسسوارات تحف يعني لبيت ؟ غير زارا ويكون حاجة مميزة علي عندنا
+محل في بنبونيرات وحاجات الافراح
+في ماركة boss رجالية و ray ban و armani ؟ ووين ؟
+محل لبدلات العرائسية في ولالا غير الي عندنا متوفر ؟
+شارع الماركات ماحكتيش عليه ؟
+++ بخصوص المصوراتي هل في عنصر نسائي يطلع الصور؟ ووين مكانة ؟
وتطليع الصور مثلا انا عندي كم صورة ففلاش نطلعهم صورة غالية ولا رخيص؟
وبخصوص العطور الواحد ياخذهم من ديوتي فري وخلاص هذا توه الي في بالي وبارك الله
فيك مقدما بنـوتات ديمو واماني وضيو حبوبات شاركونا
سلام
والله انتي تهبلي بارك الله فيك
اسئلتي عشان نوضح لبنات ونثبت اكثر لروحي
شارع الاستقلال :لبس كاجول ....وراغين ومفارش.,,,
شارع الاستقلال :لبس كاجول
مول الجواهر : فيه محل ال سي واكيكي {دبش بيت} ...زارا هوم
سوق المطار : وراغيين
منطقة ميريت :محلات كبيرة لملابس الداخلية
مول استوريا : محل زارا كبير
شارع الماركات
مول استنيا بارك
ستي مول
تمام هذوما انكتبن في ورقة اسالتي
+وين محل نعومي .؟ زارا هوم بس في مول جواهر مافيش غيره؟
+أحسـن مولات من الي كتبتيهم بحيث انك تمشي لمثلا يعني 3
يكون متوفر فيها كل شيء ماتطريش تمشي لمول ثاني وتلقي فيه
زي المحلات وهكذا ...
+نبـي محل لاكسسوارات تحف يعني لبيت ؟ غير زارا ويكون حاجة مميزة علي عندنا
+محل في بنبونيرات وحاجات الافراح
+في ماركة boss رجالية و ray ban و armani ؟ ووين ؟
+محل لبدلات العرائسية في ولالا غير الي عندنا متوفر ؟
+شارع الماركات ماحكتيش عليه ؟
+++ بخصوص المصوراتي هل في عنصر نسائي يطلع الصور؟ ووين مكانة ؟
وتطليع الصور مثلا انا عندي كم صورة ففلاش نطلعهم صورة غالية ولا رخيص؟
وبخصوص العطور الواحد ياخذهم من ديوتي فري وخلاص هذا توه الي في بالي وبارك الله
فيك مقدما بنـوتات ديمو واماني وضيو حبوبات شاركونا
سلام
ت
13-01-2011 | 09:36 AM
سؤال مخالف لديمو وضيو :
شنو اخـبار الشحن معاكم:rolleyes: ؟
عن طريق شركة شحن او خذتوهم معاكم ع الطيارة ؟
ولو شركة شحن كم يوم بيش وصل لليبيا :thumbs_up:
شنو اخـبار الشحن معاكم:rolleyes: ؟
عن طريق شركة شحن او خذتوهم معاكم ع الطيارة ؟
ولو شركة شحن كم يوم بيش وصل لليبيا :thumbs_up:
ح
13-01-2011 | 01:27 PM
جواب مخالفه بس كوكتيل لأكتر من سؤال ههه
المهم ماشاء الله ع فيكي كالعاده متميزة بردودها
بس عندي شي بسيط بنضيفه
هو مكان ماركزتش عليه بس فيه كل شي
اللي هو الجراند بزار مي ماتخشيشلاش من جهة بيازيت لا من جهة البحر اللي هي اسمها ايمينونو
كل اللي يخطر ببالك غادي
طبعا و الداخلي و الارواب و البيجامات المكان الاصلي ليهم للمصانع التركيه كلها عندها محلات غادي
طبعا انا انشوف في اللي بتمشي ل تركيا اكتر شي للصناعه التركيه فكلهم كلهم غادي في محلات ليهم مافيش ماركه تركيه مافيش
و في قفاطين كبارو في بيس عملي
و في الكوفينتي و البطاقات
و في اكسسوارات الفيللو زي التاج و القوانتيات و متلا الحاجات اللي يبيع فيها الدغري بالهبل غادي الكريستال و مش عارفه شنو
و فيه البهارات و التحف و الحلقوم
و كل مايخطر في بالك
المهم السوق هدا تبيلك ايااااااااااااااااااام باش اتكمليه
فخللي ايامك مقسمه مابين المولات و الماركات و مابين الحاجات الصناعه التركيه فهمتي عليا
و في منطقه بيازيط حتى هي محلات
لالالي محلات برضو صناعه تركيه بس الكواليتي احسن من اللي عندنا
و زي ما قتلك قبل الفيللوات و القفاطين الكبار في شارع فاتح
شن تاني شن تاني
ايوا
الشحن في الجهة اللي فيها الهوتيلات اللي ينزلو فيها الليبيين غادي كلها مكاتب شحن و في الشحن الجوي ب زوز دينار الكيلو و تقريبا مايعطلش باش يوصل الحاجاتن يعني في اقرب رحله حوية يوصلو
و بالنسبه ليا انا حاجاتي معاااااااااااي و فيللوي في حجري هههه ركبته معاي الطياهر فوق ماخليتاش مع الباقاج
و ان شاء الله مانكونش نسيت حاجه
المهم ماشاء الله ع فيكي كالعاده متميزة بردودها
بس عندي شي بسيط بنضيفه
هو مكان ماركزتش عليه بس فيه كل شي
اللي هو الجراند بزار مي ماتخشيشلاش من جهة بيازيت لا من جهة البحر اللي هي اسمها ايمينونو
كل اللي يخطر ببالك غادي
طبعا و الداخلي و الارواب و البيجامات المكان الاصلي ليهم للمصانع التركيه كلها عندها محلات غادي
طبعا انا انشوف في اللي بتمشي ل تركيا اكتر شي للصناعه التركيه فكلهم كلهم غادي في محلات ليهم مافيش ماركه تركيه مافيش
و في قفاطين كبارو في بيس عملي
و في الكوفينتي و البطاقات
و في اكسسوارات الفيللو زي التاج و القوانتيات و متلا الحاجات اللي يبيع فيها الدغري بالهبل غادي الكريستال و مش عارفه شنو
و فيه البهارات و التحف و الحلقوم
و كل مايخطر في بالك
المهم السوق هدا تبيلك ايااااااااااااااااااام باش اتكمليه
فخللي ايامك مقسمه مابين المولات و الماركات و مابين الحاجات الصناعه التركيه فهمتي عليا
و في منطقه بيازيط حتى هي محلات
لالالي محلات برضو صناعه تركيه بس الكواليتي احسن من اللي عندنا
و زي ما قتلك قبل الفيللوات و القفاطين الكبار في شارع فاتح
شن تاني شن تاني
ايوا
الشحن في الجهة اللي فيها الهوتيلات اللي ينزلو فيها الليبيين غادي كلها مكاتب شحن و في الشحن الجوي ب زوز دينار الكيلو و تقريبا مايعطلش باش يوصل الحاجاتن يعني في اقرب رحله حوية يوصلو
و بالنسبه ليا انا حاجاتي معاااااااااااي و فيللوي في حجري هههه ركبته معاي الطياهر فوق ماخليتاش مع الباقاج
و ان شاء الله مانكونش نسيت حاجه
M
13-01-2011 | 01:30 PM
سؤال للمخالفة :)
من يعرف محلات او مصميين في بيروت ....
من يعرف محلات او مصميين في بيروت ....
ا
13-01-2011 | 01:37 PM
اهلين بنات منتدي عروس
بصراحة انا جديده علي المنتدي وحبيت نستفيد من خبراتكم
لان مخطوبه ومش عارفه بشنو نبدا ومعندش حد ناخذ راي
وانا من بنغازي
سوال المخالفه
مش عارفه شن ناخذ وخايفه انكمل الفلوس ونقعد عرم
ارجو افدتي بشي المهم المهم في الاول عشان الميزانيه امتاعه بسيطه
بصراحة انا جديده علي المنتدي وحبيت نستفيد من خبراتكم
لان مخطوبه ومش عارفه بشنو نبدا ومعندش حد ناخذ راي
وانا من بنغازي
سوال المخالفه
مش عارفه شن ناخذ وخايفه انكمل الفلوس ونقعد عرم
ارجو افدتي بشي المهم المهم في الاول عشان الميزانيه امتاعه بسيطه
ع
13-01-2011 | 01:39 PM
صباح الخير ع بنيات بلادي
نهاركم مبارك جميعا
تنبيه هام بخصوص مرض انفلونزا الخنازير
حبوباتي خبر الانلفونزا حقيقي وتكلم عليه امانه الصحه وطبعا بدون مايقولو في ضحايا
لذلك مدام طلعو وتكلمو معناها الدنيا منقلبه والفاس جت ف الراس
خوووووووووووذو بالكممممممممممممم
اول حاااااااااااااااجه اشربو مغلي اليانسون لان حتى دوا بتاع المرض هادا طلعوه من اليانسون وزمان راجلي لما جا المرض الامارات قالولهم عليه ف شغل
كان كل يوم صبح يشرب مق يانسوووووووووون
ماتخشو الامكان الزحمه
معقم اليدين ديما معاكم وا معاكم صابون ديتول لوكس ف شنطه
ووووووووواشربو اميه هلبا هلبا هلباااااااااا
ودفوووو روحكم
والحوامل وكبار السن بذاااااااات ينتبهو والناس الي عندهم امراض تنفس او صدريه لان هادو قباليتهم للعدوي اكبر
وبسسسسسسسسس
حبيت تنتبهو ربي يحفظكم ويحفظ ليبيا وناسها يارب
نهاركم مبارك جميعا
تنبيه هام بخصوص مرض انفلونزا الخنازير
حبوباتي خبر الانلفونزا حقيقي وتكلم عليه امانه الصحه وطبعا بدون مايقولو في ضحايا
لذلك مدام طلعو وتكلمو معناها الدنيا منقلبه والفاس جت ف الراس
خوووووووووووذو بالكممممممممممممم
اول حاااااااااااااااجه اشربو مغلي اليانسون لان حتى دوا بتاع المرض هادا طلعوه من اليانسون وزمان راجلي لما جا المرض الامارات قالولهم عليه ف شغل
كان كل يوم صبح يشرب مق يانسوووووووووون
ماتخشو الامكان الزحمه
معقم اليدين ديما معاكم وا معاكم صابون ديتول لوكس ف شنطه
ووووووووواشربو اميه هلبا هلبا هلباااااااااا
ودفوووو روحكم
والحوامل وكبار السن بذاااااااات ينتبهو والناس الي عندهم امراض تنفس او صدريه لان هادو قباليتهم للعدوي اكبر
وبسسسسسسسسس
حبيت تنتبهو ربي يحفظكم ويحفظ ليبيا وناسها يارب
ع
13-01-2011 | 01:43 PM
اهلا اخت مطيره
نورتي المنتدي هالقسم مخصص بس لتجهيزاتنا وف لمه لي تعارف
بخصوص سولاتك عشان نرد عليك مطلوب الاتي تردي عليه
قوليلي انتي تقريبا امتى عرسك
كم ميزانيتك متلا عطاك فلوس الدبش نقولو متلا 1300 او 1500 ولا كم بش نقسمهن لكي
وهل خاشه لحوش او جناح بش نعرفو شن بتاتك الي تبي تحتاجيه
ووولي الان هل شاريه شوي حاجات متلا ولا مزال ما بديتي بوكل
هكي حبوبه تتوضح الصورة ونردو عليك حسب ظروفك
وطبعا بخصوص ترتيب الحفله
نقدرو نساعدوك بس نعرفو حفلتك يوم واحد متلا ولا حنه يوم وزفه يوم
هالتفاصيل اتفيدينا ف الرد عليكي
ت
13-01-2011 | 02:36 PM
سؤال مخالف عبيط اشويا لبنات بنغازي
بنات في الحنة تلبس العروسة طرحة ؟؟
وعادي لو مالبستهيش ولبستها في زفة؟
بنات في الحنة تلبس العروسة طرحة ؟؟
وعادي لو مالبستهيش ولبستها في زفة؟
M
13-01-2011 | 02:47 PM
رد مخالف لقناعتي ...
اي طرحة هادي
في الحنة او نجمة تلبس في بدلة كبيرة وتكون مغطية ؟
اي طرحة هادي
في الحنة او نجمة تلبس في بدلة كبيرة وتكون مغطية ؟
ت
13-01-2011 | 02:55 PM
رد مخالف :
شنو بدلة كبيرة وتكون مغطية لالا هذوما في طرابلس
نحكي ع يوم الحنة في قاعه في بنغازي مع الفيلو عادي لو ماتلبسهيش
وتلبسها يوم الزفت او لازم تلبسها في حنتها مع فيلو؟
شنو بدلة كبيرة وتكون مغطية لالا هذوما في طرابلس
نحكي ع يوم الحنة في قاعه في بنغازي مع الفيلو عادي لو ماتلبسهيش
وتلبسها يوم الزفت او لازم تلبسها في حنتها مع فيلو؟
ت
13-01-2011 | 03:05 PM
رد مخالف لقدورة
اني نعرف سماحة الطرحة يوم الزفة لأن يوم الحنة ما لهاش لزمة
وأني رأيي أنك ما تلبسيهش يوم الحنة وخليها يوم الزفة
اني نعرف سماحة الطرحة يوم الزفة لأن يوم الحنة ما لهاش لزمة
وأني رأيي أنك ما تلبسيهش يوم الحنة وخليها يوم الزفة