•¦¦•

جواب مخالف ل بنات بنغازي
ههههههههه دعوه لتجربه العرس الطرابلسي
جربو عرس طرابلسي و الله حلو و حلاوة العروسة تطرح و تطلع جمالها يوم واحد في العرس اللي هو يوم بتمشي ل راجلها
جربوووووه
و هدا مجرد دعوه للتجربه و ليس للتمرد على سبركم

جواب مخالفه لقدوره:-
ماتلبسش العروسه طرحه فى يوم الحنه فى الزفه بس أوا متلا يكون الفرح مشترك أو يكون العريس من بعيد لكن يبى ايخش يوم حنتها فى الصاله اختى كانت تبى تدير هكى لان زفتها مش فى بنغازى كانت تبى تدير انه هو يخش يوم الحنه وتلبس طرحه لأن الزفه عاداتهم غيرنا.

سؤال مخالفه لضيوووووووووووو
قصدك الفيلو يوم واحد بس؟؟؟؟؟؟اللى هو الزفه؟؟

جواب مخالف
طبعا و بقوة الفيلو يلتبس يوم الدخله بس

رد مخالف لضيو :

انا حضرت عرس طرابلسي وتحفة الصراحة حاجة روعة واختلاف كبير

اوكي تـم يعني في الزفة بس الطرحة تنلبس تمام بوكل ..

حبوبتي ضيو نحن في الحنة تلبس الفيلو يشوفوها هلها وبعدما يجوا

اهل العريس يبوا يحنوها تغير فيلوها بقفطان كبير

ويوم الزفت تلبس الفيلو عشان هل العريس يشوفوها بس

جواب مخالف ل قدورة
تعرفي مش قادرة نستوعب عرسكم

بس احنا يوم الالتلات حمام الصبح تمشي للحمام اوكي و تغسل و مش عارفه شنو
و لما تروح تلبس الردي البودري و تجي المرا متاع الحلوة و الحنه نفس الليله و في الليل طبعا سهريه و ربيع كان بيديرو ربيع
الاربعا الظهريه غالبا العزومة متاع الرجاله و لا الفاتحه او شي هكي
و الليل ايجيبولها الكسوة طبعا مايشوفوهاااااااااااااااش اهل عريسها و خلال اليوم هدا كيه تقعد بالردي البودري و التستمال فوق راسها و في كامل شيانتها ههههههههه يعني اتحاول انه تقعد ع طبيعتها بدون مكياج اوشي هكي
و في الليل بعدما يجو اهل العريس قتلك مايشوفوهاش اتحش ل دار او شي المهم ماتطلعش الا بعدما يلبسوها البدله الكبيره و معاها غطا الوجه يعني مايبان منها شب
عاساس يحنوها و جو هكي و يروحو امالي العريس
ترجع للبودري تاني و تطلع ايسرروها اللي هو سبر طرابلسي تطلع للجنان و الا ل شارعهم و اتشوف نجمه و مش عارفه شنو و هادي اللي يقولولها نجمه
و تاني يوم الخميش اللي هو الحفله
تمشي للكوافير و منها لحفلتها
و بعد الحفله ايجي راجلها و حماواتها و اقارب شوي من عيلته باش يرفعوها
و بعدا الدخول
تمشي اتقعمز شوي في المكانم اللي فيه عرس حوش العريس
و في الوقت هدا العريس في مكان الرجاله مع اصحابه و اقاربه و عيلته و هدا اسمه المولد اللي هو يدرجو العريس باش ايخش ل عروسته و يغنو في مالوف و جو هكي
المهم يقرووله الفاتحه و يدعوله و يخش للعروسة و هنا تمت الليله هادي
تاني يوم اينوض يمشي للجمعه و يجو يباركو للعروسه و بعدها تنطلق للكوافير تاني
و توتي روحها للمحضر
هدا حفله اهل العريس يعني يتعرفو ع العروس الجديده و تلبس في الاول قفطان او اتنين كباااااااااااااااااااااااار
و بعدها البدله الكبيره
و بعدها الجلوة و يجلوها
و توتا توتا فرغت الحدوته
و هادو احدان عرسنا الراااااااااااائع في طرابلس

جواب مخالف ل ننس
تعرفي اهنا بدي
عيد ميلاد تخرج اسبوع بيان حفله محضر

كله نفس التقديم و نفس الحفله

جواب مخالفة للننس

حبيبتي
اولا من وجهة نظري لو ناسك هلبة وتبي ادير في الحوش ، ديري صالة متنقلة أي بمعني كراسي وطاولات في الجنان ، باش تقدري تسيطري وتنظمي ، او كان عندك صالة في حوشك كبيرة تسد معازيمك ويكون كلهم في مكان واحد أفضل شئ

وكان في صالة ( طاولات وكراسي) ديري عشاء خفيف ( ارز .............الخ ) وكان في الصالة أي ما فيش كراسي ديري حتى وجبة ثقيلة .

هذا يعتمد على معازيمك كان شوية وإلا هلبة
حبيبتي

نصيحة

راي ديري في صالة خيرلك باش ترتاحي تاني يوم من اظمان والحوسة ( وعلي حسب امكانياتك ) في صالات من 500دينار وفوق

وعن تجربة ديمة الصالة خير وانظف ( على الاقل يقعد حوشك نظيف )

جواب مخالفة للننس

حبيبتي

دير في حوشك عشاء خفيف كان معازيمك شوية

تحكمني قناعاتـي;14208397:
السلام عليكم ورحمه الله وبركاته

والله انتي تهبلي بارك الله فيك

اسئلتي عشان نوضح لبنات ونثبت اكثر لروحي

شارع الاستقلال :لبس كاجول ....وراغين ومفارش.,,,
الوراغين والمفارش في شارع عصمان بيه اكتر

شارع الاستقلال :لبس كاجول

وحتي اكسسوارات الفضة
مول الجواهر : فيه محل ال سي واكيكي {دبش بيت} ...زارا هوم
واربعة طوابق محلات مختلفة

سوق المطار : وراغيين
بالضبط

منطقة ميريت :محلات كبيرة لملابس الداخلية

مول استوريا : محل زارا كبير

شارع الماركات

مول استنيا بارك

ستي مول

تمام هذوما انكتبن في ورقة اسالتي

+وين محل نعومي .؟ زارا هوم بس في مول جواهر مافيش غيره؟
نعومي مانتفكرش انه صادفني اصلا وممكن فيه واني ماشفتاش
وزارا هوم شفته في جواهر بس

+أحسـن مولات من الي كتبتيهم بحيث انك تمشي لمثلا يعني 3

يكون متوفر فيها كل شيء ماتطريش تمشي لمول ثاني وتلقي فيه

زي المحلات وهكذا ...
جواهر واستينيا بارك والمطار كافيين لان المحلات متكررة وكل واحد من هادم فيه محلات مش متوفرة في بقية المولات

+نبـي محل لاكسسوارات تحف يعني لبيت ؟ غير زارا ويكون حاجة مميزة علي عندنا
فيه زارا هوم وانجلش هوم في شارع عصمان بيه حاجاته تهبل وفي المولات فيه محلات يهبلو ..وطبعا القراند بازار مليان بتحف تهبل وتقدري تاخديها بسعر رخيص لو ساومتيهم غير زحمة هلبة لدرجة ماقدرتش نستمتع بيه ومعاش نحب نمشيله فلو تتحملي الزحمة امشيله حاجاته حلوة
+محل في بنبونيرات وحاجات الافراح

شفت في شارع الماركات ..واهو عروسة ضيو ردت ان فيه في القراند بازار من جيهة الميناء اني مامشيتش غادي
+في ماركة boss رجالية و ray ban و armani ؟ ووين ؟
استينيا بارك
+محل لبدلات العرائسية في ولالا غير الي عندنا متوفر ؟
شارع الماركات وميريت وشوفي لالالي قالو فيه لبس حلو غير حتي هو زحمة هلبة لكن نصيحة التركيب احلي من زارا وكوتون

+شارع الماركات ماحكتيش عليه ؟

هذا شارع كبير مليان محلات لكل شي
+++ بخصوص المصوراتي هل في عنصر نسائي يطلع الصور؟ ووين مكانة ؟

وتطليع الصور مثلا انا عندي كم صورة ففلاش نطلعهم صورة غالية ولا رخيص؟
اكيد عندهم عنصر نسائي لان الحجاب هلبة غادي لكن الحق اني ماجربتش لكن الاسعار اني مرة سالت على صورة كبيرة لولدي تقريبا الكبيرة بكل بتمانين ليرة مش غالية على نوعية تصويرهم وتطليع الصور ماعنديش فكرة

وبخصوص العطور الواحد ياخذهم من ديوتي فري وخلاص هذا توه الي في بالي وبارك الله

فيك مقدما بنـوتات ديمو واماني وضيو حبوبات شاركونا
سلمك حبيبة ماعنديش فيه جميل

سلام

جواب مخالف
لالا في فرق حسيته
احنا العروسة ماتتزينش الا في الحفله
و ماتلبسش قفطان كبير الا في المحضر

*الننس*;14210686:

السلام عليكم

كيف حال العرايس الحلوين ان شاء الله كويسين
ماشاء الله ماشين شوط كويس
توه انا بنطلعك من مود الاعراس و مش عارفة سؤالي هذا مكانه ولا لأ
المهم مرررررررررررررات انفكر بندير لمة بعد جيابي ان شاء الله هو صح مازال شوي بس أنا نبي اندير حاجتي بشوية و خاصة انه بروحي
المهم سؤال المخالفة
توه شن هو الدارج في اللمات اللي يكونو في البيت عشاء خفيف(رز أبيض و سلاطات و موالح) أو وجبة ثقيلة(رز-كسكسي-رشدة كسكاس)؟

جاوبوني ماعنديش غيركم(ههههههه انسخف فيكم)

رد مخالفة للننس
حبيبة حسب معازيمك لو معايمك فوق المية الصالة تكون احسن وفيه صالات مش غالية ..لو كان حوشك كبير وفيه امكانية تجيبي عاملات حتي الحوش كويس ..والتقديم انتي وراحتك توا تقريبا في كل شي يديروا في رز ورقيق ونادرا الحاجات المسقية ..اني نحب المسقي غير حوسته هلبة في الحوش ويبي حد يوقف عليه .. ويارب تنوضي بالسلامة انتي والبيبي

اخر تجهيزاتي .... لليوم
شريت 3 شنط .. كبيرة ومتوسطة وصغيرة ((للطيارة )) من سامسونايت
طبعا لشهر العسل هههه مش للبتات ... كلفوني الكل ب 800 جنيه ليبي

الصورة الاولي بنوريلكم الماركة هههه وحق الصغيرونة ب 210







الثلاثة مع بعض :)


مشيت لعبد الله .. زدت من العلاقات ... انا شريت المرة الي فاتت 8 والمرة هادي 8
فا مش عارفه كفاية او لا :)


شريت شوية ماكينات برضوا




ست البيت حبيبة الكل


فازوات قلت انخليهم داخل في دولاب للبهارات




وهادم المرة الي فاتت معرفتش ليش شريتهم بس بنات قالولي للخضار في ثلاجة
فزدت خديت زوز هههه



شريت فرشات للسفر ...

2 بيج كبار


2 بيض كبار


2 بيض صغار ((مربعه ))


انا انحب هادم بس لقيت منهم المقاس هدا بس
هما زي الورقة ويتحطوا مرة ويتلوحوا هههه سوا كفرش لسفرة او لصونية ليك او لقطة هكي



شريت زوز سفرات فضة

وردي لي الابد وين نلقاهم في طرابلس وكم سعرهم وهل فيهم اضرار ؟

بالنسبه للشكلاطة فيه محل اسمه جينيفا حاجاته حلوات فيه اعلان ليه في موقع افراح ليبيا وحسيت اسعاره معقوله

رد مخالف لملوكة وسؤال مخالف

عارفة انا عاجبتني سامسونايت و3 احجام ب 1300 بزبط

بس حتي متاعاتك حلوات في ع الاحمر ووين ؟