•¦¦•

ملكة مشالله عليك بصراحة تهتمي بأدق التفاصيل ربي يهنيك ويسعدك
و شكرا لانك اعطيتيني فكرة عالاسعار
سؤال المخالفة
يابنات انى خاطري في جاكيت ابيض فالما لقيت واحد عجبني لقيت حتى الاسود حلو
كيف اندير ... يعني عادي ناخد لونين من نفس الموديل ...؟؟ قالولي بايخة اللقطة
لقيت صورة لجاكيت السودا لكن البيضا ماحصلتش انتو اعطوني رايكم

*الننس*;14210866:

عروسة ضيا_مرج حمام

مشكورات حبيباتي
لا هو ناسي شويية و اللمة بتكون بسيطة
لانه أنا بنجيب في سبها و أغلب ناسي غادي ف حبيت انلم جيراني و معارفي اللي في طرابلس و انديرللهم لمة

بسسسسسسسسسسسس

رد مخالف لبيشو :

نحس في البيضاء مميزة اكثر

والسوداء كموديل مش حتبان كيف البيضاء

فمن راي انا ان تاخذي البيضاء وحيجن موديلات اخره تاخذي سوداء

دلوعة بيشو;14211978:
ملكة مشالله عليك بصراحة تهتمي بأدق التفاصيل ربي يهنيك ويسعدك
و شكرا لانك اعطيتيني فكرة عالاسعار
سؤال المخالفة
يابنات انى خاطري في جاكيت ابيض فالما لقيت واحد عجبني لقيت حتى الاسود حلو
كيف اندير ... يعني عادي ناخد لونين من نفس الموديل ...؟؟ قالولي بايخة اللقطة
لقيت صورة لجاكيت السودا لكن البيضا ماحصلتش انتو اعطوني رايكم

رد مخالفة لدلوعة
حلو الجاكيت ونحسها عادية انك تشري منه اتنين صح الافضل انك كل لون موديله بروحه لكن عادي مدام عاجبك هلبة

ملوكة بسم الله ماشاء الله حاجاتك تهبل
والمفارش متاعك زي متاعي بالضبط ..والفازوات يهبلو وراح تلقيهم بعدين..بالنسبة للمفارش الورقية تلقي منهم في محلات الحلويات اني شفتهم في العالم الجديد وفي فيراندا هما والصحون الورقية متاع الكيكات وراهو يفيدوك لو تحبي تديري كيكة وتبعتيها لحد ..وعلى فكرة المفارش متاع السفر راهم مش عمليات عن تجربة لانهم يخلو الماعين اللي في السفرة يزلقو ويطيحو فلو لقيتي نوع تاني خودي منه واني توا نستخدم في سفر خشبيات وفيه نوع زي السراميك تو نصورهولك سفر الفضة مع الكريستال بس لاني مانحصلش في مفارش يركبو عليهم

نضم صوتي لصوت عروسة ليبيا ..ونصيحة لكل العرايس اشروا اللي تحتاجوه بس..والكهربائيات متاع المطبخ في حاجات تاخد مكان وخلاص ..اتخيلو اني اضطريت نسكر دار في حوشي وندس في الحاجات اللي شاريتها لان حوشي مش كبير هلبة ولو بنستف حاجاتي كلها بندير زحمة هلبة ومش حلو الحوش يكون معبي اتخيلو لتوا اهو ليا اكتر من سنتين متزوجة وفيه حاجات ما استعملتهاش والدار قاعدة كل مرة نهدي منها ولا نتخلص من الحاجات باي طريقة فنصيحة ماتغلطوش غلطتي وتعبو الدنيا ..وربي يكمل عليكم

والله ياعرووووووووسه انا قاعده هكى وخلاص لا درت قائمه لا شى نشرى وخلااااااااااااااااااااااااااااص من غير ترتيب اصلا انا الدبش والحاجات اللى نشرى فيهم مش جنبى باش نفتحهن ونشووووووووووووف بعاد عليا انا فى درنه وحاجتى كلها فى بنغازى :o لكن بإذن الله اول مانروح نفتح الشناطى ونشوف شن ناقص ونرتب كل حاجه زى ماقلتى عروستى وتوا نسجل اللى عندى ونكتبهن ف التجهيزات ان شاء الله ونحط الصووووووووووووور.....لكن انا من اول ما تأجل الفرح وانا فايته الموضوع بكل
ادعووووووووووووووووووووووووووووووووووولى

(جواب مخالفه لدلوعه)

دلوعه حبيبتي اناعندي 3جاكيت من نفس النوع اصلا عادي كل واحد مع لبسته سروال شكل ووشاح شكل فمش حتبان اللقطه اخي عادي


عروسه والله كلامك عين العقل انا مديره عمله في كل شيء من فساتين نوم عندي اكثر من 100 بين طويل وقصير وبي روبه وبيجامات صيفي و شتوي لان انبتت من 4 سنوات وكل مايعجبني ناخد لدرجة توا لما نشبح قفطان نوم معش نتلفتله مهما كانت حلوته والشباشب الحوش والبنطوفليات 35 والله نااااااااااااااادمه وخاصة لما نقرا كلامك وكلام المجربين نندم اكثر وخلي التيورات والعبايات والشناطي والله بلهبال لذلك نصيحه للجميع ركزو ثم ركزو بدات الي عندهم وقت لازم يكتبوا شن شروا وشن مازال باش ميغلطوش غلطتي والله عروسه كلامك يتوازن بلدهب وعمرك ما تقصري مع واحد حتي ولو كان جديد ربي يفتحلك ابواب الخير ويرزقك بلدريه الصالحه امين

(سؤال مخالفه)

بنات ردو عليا بسرعه بليزززز

نبي تقولولي فرقه او زمزمات مجربات في طرابلس مجربينهم من غير فاطمه الحمصه والسنافر لان السنافر محجوزين يوم عرسي نبيهم ناشطين

اول شي شكرا لكل من رد عليا
جمال مشالله عليك منتقمة من البتات ههههههههههههه
جواب المخالفة ل سموحتك
وردي للابد موجود عند زين الاتات في سنتر الواحات او فرعه التاني مقابل صيدلية المنشية
وماليشي اي اضرار وهو تحطيه على اي منطقة يخلي لونها وردي زي الشفايف والخدود وغيره
وسعره 80 او 85 دينار

جواب المخالفة ل جمالو
حبيبة في رحاب الشرقاوية وفي زمزامات نويرة حتى هما ناشطين هلباااااااااااا
ومشكورات هلباااااااااااااا وعندهم حتى فرقة لو تبي زمزمات عاديات ب 750 او 650 وفرقتهم ب 1200 اعتقد

ليبية 2010;14212081:

جواب مخالفة

ان شاء الله تنوضي بالسلامة ويرزقك الله بيبي سليم معافي

بخصوص اللمة بما ان معازيمك شوي ننصحك اديري لمة في حوشك ( انا هكي درت لما روحت بعد ماجبت بنتي حوش اماليا عندهم مكان كافي لمعازيمي)

وبخصوص الأكل ننصحك ابتعدي على المسقي دوشته هلبا

خليك على الرز او الشعيرية او لازانيا ومعاه سلطات ومشقشقات ( زيه زي اي مناسبة عرس والا غيره )

واهم حاجة ديري شغالة او اكثر حسب معازيمك باش تفتكي من الحوسة
انا يوم لمة بنتي كنت متفقة مع شغالات 2 يوزعو و2 للماعين وحوسة الحوش ، وحدة رخت بيا وماجتش فقعدت وحده لتوزيع و2 للحوسة الماعين وجي كل شيء تمام ومنظم

وثاني يوم الحوش ولا كأنه فيه مناسبة

مشكورة يا اخت فيكى انا عضوة جديدة و فرحى انشاء الله فى الصيف حبيت نسأل عن طريقة طبيعية او اى كريم لتبيض المناطق الحساسة

(سؤال مخالفه )

نبي احسن مكانات عشاء وتكونو ضايقينه وعاجبكم ضروري حبوبات معليشي بنتعبكم معاي لكن والله نلقي عندكم اهتمام ملقيتاش عند حد ربي يحفضكم كلكم يارب وبارك الله فيكم

*الننس*;14213068:

شكرا حبيبتي ليبية

هو هذا اللي بيصير بنجيب حد يوزع و حد للماعين
سؤال المخالفة
من وين جبتي العشا؟و كم كلفك للواحد؟
بعدين ليبية حنا توه في 2011 غيري الاسم وليتي قديمة ههههههه:D:D:D

(راك تحرجي انبصر راه)

رد مخالفة
بنقولك على معمل ااراقي درنا منه في عرس اختي والصراحة روعة بنة وطعم وتعاملهم راقي زي اسمهم

المود;14213134:
مشكورة يا اخت فيكى انا عضوة جديدة و فرحى انشاء الله فى الصيف حبيت نسأل عن طريقة طبيعية او اى كريم لتبيض المناطق الحساسة

رد مخالفة
ربي يكمل عليك ان شاء الله..بالنسبة للتبيض حسب سبب تغير اللون شن هو ..هي عموما المنظقة هادي لونها اغمق من بقية الجسم..وقوليلي حبيبة هل منطقة الفخد فيها اسوداد ولالا؟ بش نقدر قولك شن اديري واستني مني رد مفصل