•¦¦•

سؤال مخالف لفيكي :

باهي حبوبتي شفتي الي في الصورة .؟ ماعندكيش فكرة

700 طرف حوالي كم سعرهم بدكور ومن غيرة حتي تقريبا حبوبة

انتي كم طرف درتي شوكلاطة متاع التمر وكم كلفك ؟ وبدكور اولا ؟

فيكي;14200479:
حبيت نفيد عرايسنا الحلوات
فيه مكتبة اسمها المتحدة فيه منها فرع كبير في بداية عرادة تبيع في سهارات مطاط على هيئة كلمة love ولونها احمر وتشعل بطريقة حلوة حسيتها حلوة وتدير جو رومانسي اني كان عندي واحدة جايتني هدية زمان ومش عارفة وين راحت وعلى قد مادروت معاش لقيت منها لين بالصدفة شفتها في المكتبة هادي وفيه منها حجمين الصغير تقريبا ب 5 جنيه والكبير ب 9 جنيه تو كان شريتها نصورهالكم وعلى فكرة عندهم هلبة اشكال شموع وحركات للهدايا والحفلات طبعا عندهم الحلو والشين لكن تطلعي منهم حاجات حلوة تنفع للحفلات الرومانتيك بعدين

رد لفيكي
عم نستنى الصورة بعد ماتاخديها
ويسلمو دياتك

تحكمني قناعاتـي;14202559:
سؤال مخالف لفيكي :

باهي حبوبتي شفتي الي في الصورة .؟ ماعندكيش فكرة

700 طرف حوالي كم سعرهم بدكور ومن غيرة حتي تقريبا حبوبة

انتي كم طرف درتي شوكلاطة متاع التمر وكم كلفك ؟ وبدكور اولا ؟

رد مخالفة
اني درت تلتمية وخمسين طرف كلفو اكتر ممكن تلتمية وستين او سبعين جنيه ومن غير ديكور لاني كنت ناوية بنعلقها في نخلة

رد محالف:/

يعني لو 700 من غير الدكور تجيني ممكن ب 750

ولو بديكور ممكن 1000 يعني تقريبا صاح ؟؟

حبوبتي ماعندكيش موقعهم ؟

تحكمني قناعاتـي;14202652:
رد محالف:/

يعني لو 700 من غير الدكور تجيني ممكن ب 750

ولو بديكور ممكن 1000 يعني تقريبا صاح ؟؟

حبوبتي ماعندكيش موقعهم ؟

رد مخالفة لا حبيبة جربي ديري سيرش واكيد على الفيس بوك عندهم
والديكور ممكن يكلف اكتر اني ايامات عرسي كانت الشكلاطة توصل بديكورها من الزوز جنيه للعشرة تقريبا لان فيه اكسسوارات غالية يحطو فيها على الشكلاطة

سؤال مخالف لفيكي او اي حد

ممكن الي يعنده ربط لباناش او اي موقع دزه ليا

سؤال للمخالفة

نبي اندير تقرير عرسي ونحط الصور ، لكن ما نعرش نقص الصورة أي بمعني الفيس في الصورة باش تشوف الفيلو ، والصالة والعشاء

تقرير عن بيان صاحبة اختي

البيان كان بتاريخ 11-1-2011
الصالة فرحتي
التيم كان الالوان البينك والدهبي والاصداف
التقديم
اول ماتخشي للصالة يعطوك شكلاطة زي اللي في الصورة لكن مغلفة بشريط بينك وعليه صدفة صغيرة غير اختي فكتها قبل مانصور


ومعاها عصير هافانا طبقتين بس فراولة ومنجا بش يمشي مع تيم الالوان

وبعدها رزاطة لونين بيضا ومتاع لوز احمر
والعبمبر كان متاع التارت اللي فيه كرزة غير ياخسارة من غير صور لان اختي ماصورت شي

بعدها كافي لاتييه من قهوة عصام ومعاها سينابون من الركن الايطالي
بعدين يمدوا المتارد هادم واحد فيه مكسرات وواحد فيه تمر




ويعطو معاهم اكياس لونهم دهبي فاضيات بش يحطو فيهم الناس اي حاجة بيروحو بيها وصورتهم لكن نسيت ماحملتهمش
بعدها المقبلات اللي كانو عبارة عن سلاطة مشوية وسلطة حمص بالطحينة وسلطة بالدجاج ومعاهم خبزة
وبعدها العشي اللي كان من السوسي وهو عبارة عن ستيك ولازانيا وقطعة دجاج مشوية
ولما يروحو الناس ياخدوا الشمعة هادي وصورة الشمعة من داخل فيها مشكلة ماتبيش تتحمل بان الله مرة تانية نحملها



والفرقة اللي في الحفلة كانت فاطمة الطرابلسية
والعروسة طلعت زي الاميرة ولبست زوز قفاطين واحد من شيري هيل وواحد خياطة من كشمير اختي وماما شكروه هلبة وقالو خيالي لدرجة ماما قالت انه من احلي القفاطين اللي شافتهم في حياتها وشجعتني عليها الخياطة متاع كشمير


واتمنيت لو كان عندي صور اكتر لكن للاسف اختي تهيج وماصورت شي وسامحوني على التقرير الناقص وعقبال كل بنوتة

مرج حمام;14202934:
سؤال للمخالفة

نبي اندير تقرير عرسي ونحط الصور ، لكن ما نعرش نقص الصورة أي بمعني الفيس في الصورة باش تشوف الفيلو ، والصالة والعشاء

رد مخالفة
افتحي الصورة باستخدام برنامج الرسام وظلليها وخربشيها لين الوجوه معاش تبان واحفظيها بعدين حمليها

[/CENTER]
[/CENTER]

تنبية الصـــور الي تظلل في برنامج يحول التظليل ردبالكم يابنات حبيت انبهكم


رد مخالف : باهي اذا كان كرنفال اسعاره احلي

باهي حبوبتي انا نبي زي هذي بزبط الحجم الي لونه سلفر وازرق



وانا حندير باقي الديكور ممكن تساليلي كم يكلفني 700 طرف

لما تجيبلك طريق وقدرتي تساليلي تكسبي فيا اجر طبعا انا

الي نختار تغليف اللون الي نبيه بدال السلفر لون ثاني صاح؟

باهي شنو شوكلاطاتهم سويسرية ؟ وشنو متوفر عندهم

لو عندك فكرة وبارك الله فيك ماتقصري

رد مخالفة لعروسة ليبيا
صحيتي حبيبة وتعرفي ديمة نسمع فيك تقولي على مدام نوال في كشلاف نحسابها في بنغازي لاي مانعرفش المنطقة هادي بكل..وباذن الله تو نسال عليها
وحتي اني متفقة معاك على مكياج دعاء لكن لما اختي مشتلها قالو معاش تمكيج الا في العرايس مع اني كنت حاجزة عندها في حفلة اختي
وسيدتي الجميلة بعيد عليا هلبة وقرقارش ديمة زحمة فصعب نمشيله لاني ديمة نعطل في المناسبات لابالك نمشي لمزين بعيد بس نسمع بيها يشكروا فيها هلبة
واني توا نمشي يا اما لمسات ولمسات مكياجهم كامل بسبعين توا والتسريحة بتلاتين وبالسشوار باربعين
يا خيرة وخيرة مكياجها بخمسة وتلاتين وتسريحتها نفس الشي هذا لو ماغلتش اسعارها توا والحق اكتر واحدة تطلع فيا حلوة وتفهم شن نبي هي خيرة غير مشكلتها الزحمة حتي مع الحجز
وامنيتي نجرب مكياج نادية الجزائرية لكن ياخسارة ماتاخدش الا في العرايس..
مشكلة فيه نقص رهيب في ليبيا في الناس البروفيشنال في المكياج ديمة نلاحظ اني لازم نعطي قداش ملاحظة بش يجيني المكياج كيف مانبي وصعب يفهموك مرات وفيه اللي تدير روحها فهماتك وتدير مافي راسها..
واختي سافرت اليوم بتقعد سنة برا باذن الله معناها خلاص مش حتحتاج مزينات
حنقعد اني نجرب ونحكيلكم ويارب يكونوا العرايس استفادوا

سؤال مخالف لحيو وللي تعرف..
القيتك حاطة صورة المقص اللي لونة ازرق امتاع الفتلة شنو رايك فيه وكل وحدة جرباتة ياريت
اتقولنا شنو ميزاته وعيوبه

رد مخالف لدلوعة بيشو..
بالنسبة للمقص اللي حطيتي صورته مش حلو عن تجربة والعيب اللي فيه
الخيط امتاعه يرتخى ماعاد ينفع بكل

سؤال مخالفة
بنات .. انا في حفلتي لو سخر الله
منبيش ندير فرقة ولا زمازمات ..
خاطري اندير موسيقي سلوووو ... ومن غير كلام في
الاغلب .. وبين كل ساعه وساعه اندير نص ساعه كلها اغاني رقص
وهياجة .. ومنهم نشيد وطني (( المجرودة )) ووو الــــخ

غير زفتي انا وبابا وزفتي مع راجلي (( يارب يارب ))

شنو رايكم في فكرة ؟؟ خاطري نعطي مجال للناس تهدرز
وتهيج من غير دوشة ههه وفي نجمة ان شاء الله
حندير زمزامات

ملكة في مملكته;14204071:
سؤال مخالفة
بنات .. انا في حفلتي لو سخر الله
منبيش ندير فرقة ولا زمازمات ..
خاطري اندير موسيقي سلوووو ... ومن غير كلام في
الاغلب .. وبين كل ساعه وساعه اندير نص ساعه كلها اغاني رقص
وهياجة .. ومنهم نشيد وطني (( المجرودة )) ووو الــــخ

غير زفتي انا وبابا وزفتي مع راجلي (( يارب يارب ))

شنو رايكم في فكرة ؟؟ خاطري نعطي مجال للناس تهدرز
وتهيج من غير دوشة ههه وفي نجمة ان شاء الله
حندير زمزامات

رد مخالفة لملوكة
شوفي لو النجمة زمزامات مش ضروري الحفلة..لكن لو درتي موسيقي سلو بش تخلي الناس يهدرزوا نحسها تصير هلبة دوشة وكلهم ياخدوا راحتهم في التهدريز ..هي الفكرة حلوة بس الله اعلم في التطبيق كيف تجي
ربي يكمل عليك ملوكة ويفرحك ويهنيك انتي وايمن

سؤال للمخالفة
بنات قولولي رايكم في الحاجات هادي
مع العلم انها هاند ميد ..













فيكي وشكرا حبيبا علي مشاركت وتفاعلك معاي
ربي يخليك يارب .. وعقبال ما نعول معاك في سبوع
بنية جاية في الطريق .. قولي ان شاء الله