•¦¦•

فتحت شنطه واني متاكده اني بجامتي اخت بجامه ملوكة

وطلعت بنت عمها بس :D






المهم واني نفتح الشنطه حصلت هذيما اثنين والحق معرفتش ع شنو نركبهم هما قعدات موضه اصلا او لا ليا 3 سنوات شريتهم
نبي رايكم بي صرااااااااااااااااحه

لو طاحت الموضتهم عادي لو عندك فكره ع شنو نركبهم عطوني رايكم

نخليكم مع الصور

رد مخالفة بخصوص شنطة الدخول

نحكيلكم على شنطة دخولي وشن حطيت فيها..وطبعا في الشنطة هادي حتي الحاجات اللي رفعتهم للمكان اللي مكيجت فيه اللي هو حوش خالي لان جتني المزينة في الحوش

رفعت روب دخول مع سيت العطر اللي بنستعمله..
زوز شخاشير كاملات للفيلو وواحد قصير احتياطي ..
طقم الملابس الداخلية متاع الفيلو رفعت اتنين وواحد تاني لروب الدخول..متاع الفيلو الكيلوت قطني طبعا ونادمة اني مارفعتش شورت ابيض قطني بش نلبسه تحت الفيلو راني اتحركت بسهولة اكتر لاني متعودة نلبس في بنطلونات ديمة
الشبشب حاشاكم متاع روب الدخول
كندرة الفيلو..
مقص ويبرا وخيوط..وشريط ابيض خفت يريح متاع الفيلو
شنطة مكياجي ولقيت روحي ناسية الماسكارا
لمعة للجسم من غيرلان
فرشاة شعر ومتاع سشوار وحتي السشوار رفعته في شنطتي
مستكة وحلوة ومعطر فم وفرشاة اسنان ومعجون من غير اللي رفعتهم في بتاتي
طقم الدهب اللي بنلبسه مع الفيلو
قلفز ابيض طويل خفت يطلع متاع الفيلو فيه اي غلطة
خلالات
حافظة عدساتي ومحلول عدسات وبوكس النظارة
كلينكس معطر
فوط الاستعمال اليومي
ورفعت معاي الشكلاطة اللي قعدت من النجمة كلها :D اماليا يدوروا فيها ماخطرش عليهم اني خديتها ..واني ماكنتش ناوية ناخدها غير جت في خطري واني طالعة وماكانش عندي وقت ناخد منها ونحط في كيس مشي خديت الكيس الكبير كله وحطيته في شنطتي والحق استفدت منها :o
والشنطة هادي رفعتها معاي في السيارة اللي مشيت بيها للصالة ونزلوهالي في الصالة ولما كملت حفلتي حطيتها معاي في السيارة
ولما روحت لحوشي خديت دوش قبل ما نصلو وانتعشت الصراحة وننصح كل عروسة تدوش لما تروح..لكن طبعا شعري ما غسلتاش فكيت التسريحة بس..:o
واي سؤال اتفضلو

رد مخالف لحيو ..
هههه لما بتلبسي بيجاما قوليلي بش نلبسوها مع بعض
خخخخخخخخخخخ
بالنسبة للتوب الاسود الي حاطتيه يجي مع سورية بيضا
حلوووووووووووووووووووو بالمرة
و الابيض مش عارفه الحق

ملكة في مملكته;14198415:
سؤال للمخالفة .. ولقيكي مخصوص
انتي قولتيلي بودرة مش كويسة مع فوط اليومية
شنو بديل ليها .. انا سمعت فيه مسك وفيه عنبر
ومش عارفه شنو ؟؟!!!

رد مخالفة لملوكة
حبيبة المنطقة هادي حساسة هلبة ومفروض مش اي حاجة تنحط عليها اني ننصحك تنظفيها بصابون عادي او شاور جل جونسون متاع الصغار لانه خفيف وريحته حلوة وتجففيها كويس على قد ماتقدري وتقدري تحطي لوشن جونسون لكن على برا يعني من فوق بس لكن ماتحطيش شي لوطة بكل لان المنطقة حساسة وبعدين لاقدر الله تحصلي في الالتهابات
وهذا اللي اني ندير فيه وعمري مااستعملت مسك وحاجات هكي لاني مش واثقة فيها كيف مصنوعة والحمدلله لتوا عمري ماجتني التهابات بكل

رد مخالفة لحيو
الاسود ممكن يجي معاه صديري اسود كت وبنطلون جلد؟؟مش عارفة هكي اتخيلته والابيض مش عارفة

سؤال مخالف:

مرحبا حبيت نسأل عن كريم ديبورا للتفتيح من استعملا و جاب معه نتيجةF:

رد مخالفة لكل العرايس الحلوات

اختي مشت لمزين بريجيت اللي سالتكم عليه..وهو مزين في دغاريق غوط الشعال..والصراحة السبب مني اني انها مشتله..اني تلاقيت مع واحدة امكيجة وجاية تدير في تسريحة في مزين لمسات عجبني مكياجها وكان مش اوفر بكل بسيط وحلو مشي سالتها قاتلي مكيجت في مزين بريجيت وعطتني رقمها ..مشي اختي تدور في مزين قتلها عليه واتصلت حجزتلها وخديت النعتة ..المهم اختي مشت اليوم والصراحة كانت تجربة سيئة للغاية حسب ماتحكي اختي..طبعا اللي تمكيج اسمها حنان وليبية وحسب كلام اختي تكشخ طول الوقت قالت اختي لين العروسة سخفتها اللي تميكج فيها من كتر ماهزبتها..المهم مكيجت اختي وكان مكياجها قنين كرسم لكن الحواجب اوفر هلبة يعني درقت حواجب اختي تماما ورسمت زوز خطوط فوق في جبهتها قعدت اختي شكلها زي المستغربة طول الوقت..لكن الحق رسمة العين ماعندي مانقول فيها..والسعر طبعا مبالغ فيه
سعر المكياج 120 جينه ولو مكياج وتسريحة ب 250 جنيه والتسريحات قالت اختي كأن اعمي اللي يدير في التسريحات يعني حالة يرثي لها تسريحاتهم
الصراحة هذا يعتبر سعر غالي هلبة بالنسبة لنوع الخدمة ومنظر المكان وخدماتهم ..اختي قالت لين خافت لما خشت من كتر ما المكان شين ..
هذا الكلام منقول على اختي وما شجعتنيش نجربه لاني مانحبش نمشي لواحدة اسلوبها مش حلو ..وحبيت نفيدكم وياريت اللي عندها تجربة تانية تحكيلنا

حلا 2011;14192610:
فيكي شكراااااااااااااااااا عالنصائح
سؤال مخالفه:
شني احسن نوع عجانة حلويات؟

رد مخالفة لحلا الحلوة
احسن عجانة كينوود واحسن مضرب كيكة مولينكس

السلام عليكم ورحمه الله وبركاته نهاركم مبارك

رد مخالف لحيو :

الاسود ممكن تحته :042:توب اسود او فضي او ابيض جربي انتي

وتحت :095:سروال اسود ممكن ستان او جلد زي ماقالت فيكي او اسود عادي جربي

او ممكن قونة قصيرة سوداء او حمراء:027: جربي

والابيض نحس تحته توب سكري احلي وممكن :0100:يجي مع قونه قصيرة سوداء

جربي دري عرض ازياء:054: واختاري

حبيت نفيد عرايسنا الحلوات
فيه مكتبة اسمها المتحدة فيه منها فرع كبير في بداية عرادة تبيع في سهارات مطاط على هيئة كلمة love ولونها احمر وتشعل بطريقة حلوة حسيتها حلوة وتدير جو رومانسي اني كان عندي واحدة جايتني هدية زمان ومش عارفة وين راحت وعلى قد مادروت معاش لقيت منها لين بالصدفة شفتها في المكتبة هادي وفيه منها حجمين الصغير تقريبا ب 5 جنيه والكبير ب 9 جنيه تو كان شريتها نصورهالكم وعلى فكرة عندهم هلبة اشكال شموع وحركات للهدايا والحفلات طبعا عندهم الحلو والشين لكن تطلعي منهم حاجات حلوة تنفع للحفلات الرومانتيك بعدين

اختي ادخلي على الرابط التالي موضح فيه كيفية ارفاق الصور

http://forums.3roos.com/showthread.php?t=329799

سؤال مخالف
بنــــــــــــــــــــــــــات بنغازي :

كم اغنية عادتا يكونن فواصل بين الفرقة لما تسكت ووقت العشاء؟

رد مخالف
أحياناً 2 أو 3 على حسب بس مش أكثر ولا أقل

سؤال مخالف اخر :

هيا كم تفصل الفرقة كم مرة .؟ يعني هو واحد توه

يوتي الاغنية الي يخش عليها وشنو اخره ؟؟

بنات شنو هما حاجات الصالون ؟؟؟؟

وحمام اعزكم الله هو فرش الحمام واكسسواراته بس؟

رد مخالف

الفرقة تفصل 3 مرات
وأنتي لما تعدي تحجزي الفرقة تقدري تتفقي معاها على الأغاني اللي تبيهن أنتي مثلا لما تدخلي أنتي على أ أغنية تحطها لكي لما يدخل العريس وهكذا
وبخصوص حاجات الصالون
-الصالون طبعاً وطالولته
-علاقة الدبش
- أباجورة أو وناسة كبيرة مش عارفة فهمتي قصدي ولالا
-مفرش للصالون لو تبي ومفارش للطاوله أو الطاولات على حسب اللي جبتيه .
-الفرشة طبعاً ومعاها الدواسه .
-الستارة
وكان تبي تحطي شيئ على الطاولة مثلا تحف وجو زي هكي .

وكله على حسب أمكانياتك وحسب ذوقك وأختيارك

حاجات الحمام أعزكم الله


-الفرش
-أكسسورات الحمام.
ستارة البانيو.
-الستارة .
-سلة الدبش.
سلة المهملات أعزكم الله.
-وفيه طاقم يبيعوا فيه فيه غطاية الغسالة وغطاية سلة الدبش وشيئ من هذي الحركات .
- بالإظافة إلى المناشف وحاجاتك الخاصة بتاعة الحمام .

وإن شاء الله نكون أفدتك وأفدت الجميع .

تحكمني قناعاتـي;14202012:
سؤال مخالف اخر :


بنات شنو هما حاجات الصالون ؟؟؟؟

وحمام اعزكم الله هو فرش الحمام واكسسواراته بس؟

رد مخالفة
حاجات الصالون حبيبة مفارش وتحف واكسسوارات زي الكاتروات والحاجات اللي تتتعلق والطاولات الاضافية هذا لو تحبي تزيديهم

حاجات الحمام اعزكم الله
مناشف وفرش وستاير وشموع وصابون وشاور جل وشامبوات واي حركات تحبي تضيفيها زي اكسسوارات متلا
ونصيحة خودي اتنين من فرش الحمام واحد للاستعمال اليومي وواحد للضيوف طبعا من غير متاع حمام الضيوف لانك عروسة واللي يبي يجي حيدور في الحوش فخلي واحد فرشيه لما يجوك ضيوف بس وحتي طقم الفوط خلي واحد لاستعمالك وواحد للضيوف وزي ماقتلك اني نحكي على الحمام اللي تستعملي فيه مش متاع الضيوف
وفيه دواليب متاع حمامات او سلات المهم فيهم قجرات بش تستفي فيهم الحاجات يساعدوك هلبة في الترتيب
الفرشة متاع تنظيف الحمام حاشاك هادي ضرورية هي واكسسوارات الروائح زي اللي تتعلق في الكهرباء وطلع ريحة حلوة في الحمام واللي تنحط في السيفون حاشاك وتخلي المية ملونة وفيها مطهر

سلامات يا حلوات

تقرير عرسي عالسريع

* الصالة النواعم
*الكوافير سهى الحسناء ( حفلة ومحضر) مش عادية يا بنات ننصح بيها.
* قفطان المحضر الساري
* الشكلاطة باناش ( خودو الشكلاطة من غير زينة اتجيكم ارخص وبعدين زينوها في الحوش او عند حد تاني انا هكي درت اختي مسكينة حصلت فيها:p)
* العشا بوعين
*الجاتو من حلواني الساحل.
* الفيلو المشيرقي اللي في شارع بن عاشور.
*اكسسوار الفيلو والمحضر من شيش خان اللي في حي الاندلس.

تجهيزات البشرة والجسم قبل العرس

* طين البحر الميت للجسم مع مرطب طبي ماركة SVR.
* الصابون المغربي لعمل حمام البخار يوم في الاسبوع.

الوجه :
* منتجات غارنييه

وما تكتروش لان في العرس خاصة لو مشيتي لكوافيرة كويسة الاساس حيكون سميك جدا لاني لما درت الميك اب عند سهى كان الاساس طبقة سميكة حتى الجسم ادير عليه اساس و بودرة ....وبعد العرس طبيعي حتسافري وخلال السفر مع الزواج والراحة النفسية ان شاء الله والمواد اللي حتدخل جسمك من خلال زوجك بشرتك بروحها حتتحسن وحتى لو في شوية حب حيمشي ووجهك ينور......
هلبا بنات صار معاهم هكي......اهم حاجة ترطبي جسمك كويس كويس.

شنطة السفر

*لازم لازم لازم ولا بد تاخدي معاك مرطب جسم كويس ماركة اصرفي على ترطيب جسمك ومعاه شاور جل كويس لان جسمك حيموت من الغسل:D

* لازم تاخدي شامبو شعر وبلسم كويس.

* زيت الزيتون ما فيش وحدة تضحك :p....ايوه زيت الزيتون خودي شويشة صغيرة ولما تغسلي شعرك خودي حاجة بسيطة جدا وادهني شعرك انا هكي درت وكنت بعده انحط في اي زيت او مضاد رطوبة ريحته حلوة

* حتى مرطب الجسم خودي مرطب طبي ماركة (SVR) بلا ريحة ولما اديري منه حطي بعده المرطب ابو ريحة اللي شريتيه حطي خلف الركبتين على رقبتك على صدرك وبين الافخاد شوية شوية ما تكتريش.


بس خلاص وسلامتكم:L:F:

اي استفسار انا في الخدمة

بارك الله فيكم

سؤال مخالف لطرابلس وبنغازي

حبوبة ع باناش كم كانت كمية الشوكلاطة ؟ وكم كلفاتك؟

سؤال مخالف لابلة غادة :

حبوبتي لو مثلا 700 طرف شوكلاطة من غير تلبيس كم يكلف ؟

وبتغليف كم يكلف ...؟ حنزل صورة عاجبتني ولو مش غلطانة من باناش

تنبيه صورة خاص ... وباذن الله حنزل موضوع كامل لعرس حضرته



وحبوبتي لو عندك ربط في صور ولا حاجة شورهم ابعتيها ليا ع خاص

وسؤال اخر كم تقعد يعني عادي قبل الفرح ب 3 شهور تقعد عادي ؟

وبارك الله فيك مقدما

تحكمني قناعاتـي;14202319:
بارك الله فيكم

سؤال مخالف لطرابلس وبنغازي

حبوبة ع باناش كم كانت كمية الشوكلاطة ؟ وكم كلفاتك؟

سؤال مخالف لابلة غادة :

حبوبتي لو مثلا 700 طرف شوكلاطة من غير تلبيس كم يكلف ؟

وبتغليف كم يكلف ...؟ حنزل صورة عاجبتني ولو مش غلطانة من باناش

تنبيه صورة خاص ... وباذن الله حنزل موضوع كامل لعرس حضرته



وحبوبتي لو عندك ربط في صور ولا حاجة شورهم ابعتيها ليا ع خاص

وبارك الله فيك مقدما

رد مخالفة
بالنسبة لباناش حسب الشكلاطة اللي تختاريها كل نوع وسعر الكيلو متاعه بروحه اني درت منه شكلاطة التمر كانت تقريبا الطرف بجنيه الا شوية وهو مايقولكش السعر لين يعرف معازيمك ويقولك حوالي قداش كيلو تحتاجي ونصيحة لو شريتي منه خلي حد تاني يديرلك الديكور لان اسعارهم غالية شوية خصوصا انتي تبي كمية كبيرة
ونعطيك فكرة داروها في محضري وعجبتني.. باناش عنده شكلاطة طويلة ورقيقة ويزين فيها بفراشة حاط منها عرض ..في محضري لقيت الشكلاطة اللي مقدمينها زيها لكن بنتها مختلفة طلعت شكلاطة تويكس واخدين كل طرف ومغلفينه بروحه بفويل ملون ومدايرين عليه الفراشة وطالع يهبل ومش مكلف هلبة