اضافه لي رد فيكي المفيد جدا
يعني يا بنات من كلام فيكي
كل عروسه تاخذ خلاصه موهمه جدا
واني قلتها قبل
كل بنت ما تقلدش كل التجهيزات الي تشوف فيهم او تسمع فيهم
لازم تراعي حالتها بعد زواج هي متلا حتشتغل بعد زواجها وبيكون لها دوام يومي يعني تراعي لبس العمل
هل هيا تبي تغترب زي حالتي طووووول رابع يوم العرس ماراح تستفاد ابدا بي بدالي الكسوه والتيورات والسهرات والله دوووووووووووووا فاضيه وراح يتلوح ولو تبي تبيعه برخص الاسواوم وتكون خاسره فيه
تراعي لو كانت متلا فوق عربها عزوزتها تشريلها جلابيات خفاف بيتايات بي الالوان حلوه تنزل بيهم مره مره لما تعول معاهم ومتلا تشري قونات عمليات وبلوزات بسيطات
مش بتاع طلعه حاجات ناعمه تنزل بيهم لو احتاج الامر بتخش كوجينه عربها ولا بتطيب بيهم وهكي
كل بنت تقدر وتحسب كيف بيكونو ظروفها
خصوصاالمغترباااااااااااات ماتنوسش كلامنا الاول ع دبش الي بتسافر
اختصرووو اهو اني بعد الزواج ووووالله لتوا لما نطلع لسوق نتاسف اني شريت وشريت وكل شي متوفر
خصوصا اني اغتربت كل الحاجات الي شريتها كان مفروض نختصر وناخذ حسب ظروفي هنيا ولما نبي نشري السوق ما راح يكمل ولا ينتهي بعد العرس
وحاجه تانيه مليون مره قلناها خلو معاكم مبلغ جانبي متلا 500 جني ع جنب انسوهم وتحتاجوهم بعد العرس ماتندروش ف ابسط شي راجل يكون طالع من عرس وماله راس للمصاريف كلها
العروسه وراها اعراس وتبي تخش مناسبات ورمو او زلوف وهدايا ووكوافيرات
صح راجلها بيدير ومش بيقصر بس مرات يكون ف تعجيز ليه والعروس خاطرها ادلع روحها اتصور ف عرس تجيب حنايه معينه ليها ادير جلسه لوجه الخ الخ هادو كامليات ممكن مايقدرش عليهم راجلك من الاول
ف ع الاقل مبلغ بسيط يساعدك اول فتره
اقتباس اخر لي فيكي
فيها حوالي اربع قطع وروب خارجي على اساس ايطالية وراقية وغالية خديتها ومشناها زي عرايس زمان ما استفدتش منها بكل الا الروب اللي معاها بس
روب دخول منفصل هدا اكتر حاجة عجبتني في بتاتي
هادي اني معاك فيها مليون ف الميه لان شناطي هادو مش عملياااااااااااااااااااااات والافضل تشرو روب دخول بروحه يا عرايس
الارواب
اني زيك كنت نتسهف والله والله والله وكل عيلتي يعرفو الي شريته من الجو هادا والاندر وير وحاجات الحوش يفتحو محلللللللللل
ف حاجات ع لبس مش حلوة تجي بغض نظر ع جسم العروس كل جسم مهما كان حلو ليه عيوبه
ومفروض الاختيار يكون حسب الي يطلع ع جسم العروس والي يطلعها احلا
ووف حاجات الحق بعد زواج تسمني عليها ف من الاول خوذوها فيها الوسع ماتخذوش حجاتكم كلها ع قد الجسم بزبط
وطبعا عروسات كترو من القطنيات الكيوت للحوش ويكون فيهم وسسسسسسسسع
يعني متلا الي تلبس 40 تشريهم يلبسو حتا 42 لان جسم من ربك يتغير سوا حمل او غير حمل
ولو بعدين حافظت العروس ع راشقتها اول خياط سوادني ينقصهم لها مش مشكله
بس لو جو ضيقات او سمنت او حملت طول مش ح يفيدوها
حرااااااام يبدو فلوس وتلوحو ع الارض
شباشب الحوش اني زيك نفس الكارثه ههههههههههه
ومجموعه منهم بعتتهم لاختي وماما جدد نيو ومخليه
طريفات ليا
حاطه واحد ف كل حمام وواحد مريح ديما نحوس بيه وتاني سفنجه مش بتاع عوله حاطه ف البلكونه
وف واحد مزال جديد بتاع بحرررر الي يجي زي سفنجه او الفلينه عااالي بتاع رمله الموهم مخليته مره لبسته ف عيد الي فات مشينا لبحر وتوا مركون ف دولاب الشوز وخلاص
يعني مفروض 3 شباشب حوش حلوين وواحد متلا لي الارواب او 2 ريش او دانتيل
مايزيدوش ع 5.
==========================
