كل يوم هنتكلم عن موضوع جديد خاص بصحه طفلك

أم سيمو أنا عاوزاكي تتكلمي عن التطعيمات المتأخرة أنا إتأخرت عن تطعيم ابني بتاع ال9 شهور اديتهوله 9 شهور و3 أسابيع وخايفة ميأثرش فاتكلمي عن المواضيع دي

لؤلؤة عروس البحر;14092169:
أم سيمو أنا عاوزاكي تتكلمي عن التطعيمات المتأخرة أنا إتأخرت عن تطعيم ابني بتاع ال9 شهور اديتهوله 9 شهور و3 أسابيع وخايفة ميأثرش فاتكلمي عن المواضيع دي

بصى يا لؤلؤة التطعيمات عامه لو اتاخرتى عادى ياخد الجرعه اهم حاجه مابين كل جرعه والتانيه مش اقل من شهر
بالنسبه بقى لتطعيم التسع شهور دا اصلا نقط لشلل الاطفال بس
يعنى مفيش منه اى مشكله
حتى لو مكانش اخده خالص دا كل شويه بيبقى فى حمله تطعيمات لشلل الاطفال متقلقيش خالص يا جميله

OM_ABOUDY;14092157:

موضوع راااااااااائع

ويعطيج العاافيه يا اختي OM SIMO

ممكن سؤال أختي اذ ماعليج امر انا اعمل لي ابني اكل بلبيت والحمد الله كثير حبه وياكل عاادي

الحمد الله واحطله,, بطاطه +جزر+ذره+بازوليه +وشويت زبده , واسلقهم مع بعض واخلطهم بل خلاط ويطلع روووعه

حتى انا مرات يعجبني واكل معاا ههههههه المهم سؤالي هل من الممكن احط مع هذول الخضروات

كم حبت فصوليه وحمص بس اقصد حبات بسيطه مو كثير , وله ثقيله احسه ع المعده واخااف تسويله غاازات ؟؟

وعمر أبني 5 شهور..

وتم احلى تقيم ...

حبيبتى عادى انك تزودى الفاصوليا بس تهرسيها ناعمه خالص
و بلاش الزبده دلوقتى خليها شويه و الحمص برده اعتقد مش دلوقتى
ربنا يخليلك عبودى يا قمر

OM SIMO;14093362:
بصى يا لؤلؤة التطعيمات عامه لو اتاخرتى عادى ياخد الجرعه اهم حاجه مابين كل جرعه والتانيه مش اقل من شهر
بالنسبه بقى لتطعيم التسع شهور دا اصلا نقط لشلل الاطفال بس
يعنى مفيش منه اى مشكله
حتى لو مكانش اخده خالص دا كل شويه بيبقى فى حمله تطعيمات لشلل الاطفال متقلقيش خالص يا جميله



حبيبتى عادى انك تزودى الفاصوليا بس تهرسيها ناعمه خالص
و بلاش الزبده دلوقتى خليها شويه و الحمص برده اعتقد مش دلوقتى
ربنا يخليلك عبودى يا قمر

تسلمين حبيبتي ع الرد الجميل ودعوه الحلووه
والله يحفظلج اطفااالج يااارب...

)

المقادير:كوب ماء ملعقتان كبيره من حليب الطفلثلاث ملاعق كبيره من الشوفانالطريقه :ينقع الشوفان في الماء لمده ساعه ونصفثم تخلط جميع المحتويات في اناء وتوضع على النار مع التحريك المستمر حتى يتماسك الخليط ثم يرفع من على النار ويتم هرسه ويترك حتى يبرد ثم يقدم للطفل

تسلق القمح جيدا جدا
بعد ان تستوى جدا نضربها بالخلاط ونصفيها

ونزود قليل من اللبن

وطبعا مع اضافه قليل جدا من السكر

ربنا يخليكي يا أم سيمو ويباركلك في سيمو يارب.. بجد كل يوم طرحك للمواضيع جذاب ومفيد ومميز جدا.. ربنا يجعله في ميزان حسناتك.. ياريت مرة ان شاء الله تتكلمي عن التعامل مع الأطفال في أول فترة خصوصا للأمهات الجداد وايه المعلومات الشائعة اللي العلم أثبت انها غلط والعكس.. ونتعامل ازاي مع نوبات الصريخ والبكاء بدون سبب..

تسلمين حبيبتي



موضوع قيم جداً

~OM-ADAM~;14094570:
ربنا يخليكي يا أم سيمو ويباركلك في سيمو يارب.. بجد كل يوم طرحك للمواضيع جذاب ومفيد ومميز جدا.. ربنا يجعله في ميزان حسناتك.. ياريت مرة ان شاء الله تتكلمي عن التعامل مع الأطفال في أول فترة خصوصا للأمهات الجداد وايه المعلومات الشائعة اللي العلم أثبت انها غلط والعكس.. ونتعامل ازاي مع نوبات الصريخ والبكاء بدون سبب..

ماشى يا ام ادم اوعدك المرة الحايه هتكلم عن كده
انا كنت محتاره فى الموضوع الجاى ايه
:)

um hooor;14094738:
تسلمين حبيبتي



موضوع قيم جداً

شكرا يا ام حور نورتينى بمرورك

جزاك الله خيرا يا ام سيمو افدتينى جدا ربنا يكرمك

شكرا بجد يا جميل تاعبينك معانا

Bossy22;14095857:
جزاك الله خيرا يا ام سيمو افدتينى جدا ربنا يكرمك

اى خدمه يا بوسى يارب اكون شرحت كل اللى انتى عايزاه

om_hienar;14096872:
شكرا بجد يا جميل تاعبينك معانا

متقوليش كده يا قمر اى حاجه عايزانى اتكلم عليها قوليلى و انا انزل موضوع عنها

بجد تسلم ايديك يا ام سيمو كان نفسي تتكلمي عن الاكزبما و القشر اللي بيكون لازق في فروة راس الطفل بيكون سببه ايه و علاجه ايه

بصراحة انا مش عارفة اقولك ايه يا ام سيمو الموضوع اكثر من رااااااااااااااااااااااااااااااااااااااااااااااااااااااائع
ربنا يباركلك ... انا بجد استفدت منه كتير
و ليا سؤال عندك .. انا بصراحة عايزة اعرف وزن و طول ابني لاني مش عارفة احدد من الجدول
هو عنده دلوقتي شهرين
وزن الولادة كان اكتر شوية من 4.5 ( طبيعي بدون سكر حمل )
و بصراحة مش عارفة الطول بس هو ما شاء الله طويل كل اللي بيشوفه بيقول كده
انا حسبتها بالشبر طلع ( 3 شبر و نصف )
و لما اروح للدكتور هقوله يقيسه
و هو بيرضع صناعي لان اللبن كان قليل و تقريبا ما نزلش غير بعد اسبوع
انا بديله (( بيبيلاك 1 )) و الرضعة بتاعته منتظمة الحمد لله بيبقي كل ساعتين

المشكلة بقي ان انا اخر مرة كنت عند الدكتور وزنه لقاه 7 كيلو و 200 جرام (( يعني وزنه زايد ))
مع اني مش شايفاه مليان خالص ده بالعكس و انا بغيرله بحس انه كله هدوم لما بيقلعها بيبقي مش فيه حاجة

و بصراحة انا قلقانة وزنه يبقي عنده مشكلة في الوزن مع العلم انها مش وراثة لا مني و لا من باباه

الدكتور قالي عشان اللبن الصناعي كله سعرات حرارية ده غير بيبي درينك اللي فيه جلوكوز

انا بصراحة عايزاكي تطمنيني ... و لو في حل او حاجة اعملها عشان اقلل له وزنه

و بشكرك علي الموضوع الجميل .. انا من عادتي في المنتديات أقرا بس بدون مشاركة

بس ما قدرتش ما اشاركش في موضوعك و اشكرك عليه .. و تسلم ايدك بجد

dandona om jou;14101666:
بجد تسلم ايديك يا ام سيمو كان نفسي تتكلمي عن الاكزبما و القشر اللي بيكون لازق في فروة راس الطفل بيكون سببه ايه و علاجه ايه

ان شاء الله يا دوندون هبقى اتكمل عنها بالتفصيل

melomemo;14104074:
بصراحة انا مش عارفة اقولك ايه يا ام سيمو الموضوع اكثر من رااااااااااااااااااااااااااااااااااااااااااااااااااااااائع
ربنا يباركلك ... انا بجد استفدت منه كتير
و ليا سؤال عندك .. انا بصراحة عايزة اعرف وزن و طول ابني لاني مش عارفة احدد من الجدول
هو عنده دلوقتي شهرين
وزن الولادة كان اكتر شوية من 4.5 ( طبيعي بدون سكر حمل )
و بصراحة مش عارفة الطول بس هو ما شاء الله طويل كل اللي بيشوفه بيقول كده
انا حسبتها بالشبر طلع ( 3 شبر و نصف )
و لما اروح للدكتور هقوله يقيسه
و هو بيرضع صناعي لان اللبن كان قليل و تقريبا ما نزلش غير بعد اسبوع
انا بديله (( بيبيلاك 1 )) و الرضعة بتاعته منتظمة الحمد لله بيبقي كل ساعتين

المشكلة بقي ان انا اخر مرة كنت عند الدكتور وزنه لقاه 7 كيلو و 200 جرام (( يعني وزنه زايد ))
مع اني مش شايفاه مليان خالص ده بالعكس و انا بغيرله بحس انه كله هدوم لما بيقلعها بيبقي مش فيه حاجة

و بصراحة انا قلقانة وزنه يبقي عنده مشكلة في الوزن مع العلم انها مش وراثة لا مني و لا من باباه

الدكتور قالي عشان اللبن الصناعي كله سعرات حرارية ده غير بيبي درينك اللي فيه جلوكوز

انا بصراحة عايزاكي تطمنيني ... و لو في حل او حاجة اعملها عشان اقلل له وزنه

و بشكرك علي الموضوع الجميل .. انا من عادتي في المنتديات أقرا بس بدون مشاركة

بس ما قدرتش ما اشاركش في موضوعك و اشكرك عليه .. و تسلم ايدك بجد

حبيبتى تسلمى ع الكلام الجميل ده ربنا يخليكى
بالنسبه لوزن طفلك هو زايد فعلا بس انتى بتقولى ان وزنه ساعه الولاده اكتر من 4.5 يعنى زاد فى شهرين قولى 2.5 كيلو يعنى الزياده الى حد ما فى المعقول ممكن فعلا يكون بسبب الصناعى لان كميه الدهون فيه بتبقى اكتر من الطبيعى
انتى ممكن تخلى الرضعه كل 3 ساعات بس لو هو هيبقى شبعان فى الفترة دى
و متبدايش تدخليله اكل غير لما يتم 6 شهور

بالنسبه للطول انتى ممكن تقيسيق بانك تنيميه و تفردى رجليه و تعلمى مكان راسه و اخر رجليه و تقيسى المسافه اللى مابينهم
لو 3 شبر و نص يبقى تقريبا 68 سم و دا معناه انه طويل فعلا
لان الطبيعى فى شهرين يكون زاد 6سم عن طول الولاده يعنى لو مولود طويل يزيد لحد 58 سم
اتاكدى من طوله تانى بالطريقه اللى قولتلك عليها و لو عايزة تطمنى اكتر
انتى ممكن تروحى لدكتور غدد لو استمر فى الزياده تقيسى هرمون النمو عنده لو طلع مظبوط يبقى تتطمنى خالص يا قمر
ربنا يخليهولك و يطمنك عليه

ازيكم يا احلى ماميهات كل سنه و انتو طيبين
و يارب السنه الجديده تكون كلها هنا و سعاده علينا احنا وولدنا
و كل اللى نفسه فى حاجه يحققها

موضوعنا انهارده هيكون عن بكاء الطفل اسبابه و ازاى نتعامل معاه



اول حاجه هنقولها طبعا ان البكاء ده هو الوسيله الوحيده اللى بيعبر بيها الطفل عن كل احاسيسه
يعنى جعان يعيط زهقان يعيط عايز ينادى عليكى يعيط
و المفروض انك اكتر واحده بتفهمى طفلك و تقدرى تميزى بين اسباب عياطه
وتفهمى من نبرة البكاء نفسها هو عايز ايه
و من السباب دى:

1: الجوع
طبعا دى اول حاجه بنفكر فيها لما بنلاقى الطفل بيعيط
بس تعرفى ازاى انه بيعيط من الجوع؟
هتلاقيه بيمص فى شفايفه او فى صوابعه و فى حركه عسوله اوى بيعملها البيبيهات اللى لسه مولودين
تلاقيهم بيميلو بوشههم يمين و شمال كده و يفتحو بقهم كانهم بيدورو عليهJ

2: عايز ينام
طبعا من اسباب العياط انه يكون عايز ينام و احنا بنقولها بالبلدى كده مقريف
و ممكن يقلب ببكاء جامد اوى لما يكون خلاص مجهد جامد و خلاص طالبه معاه ينام دلوقتى
طبعا الراجل تعب طول النهار من اللعب و الفرك مش من حقه يعنى يريح؟
و ساعتها اول متاخديه فى حضنك او ترضعيه هتلاقيه راح فى نوم عميق


3: عنده مغص
طبعا المغص ده اكتر مشكله بتواجهنا اول 3 شهوز بالذات
هتعرفيه لما تلاقيه بيعيط دايما بعد الرضعه و بيتلوى و يجيب رجله على بطنه
ممكن برده الغازات و الانتفاخات تخليه مش مرتاح و قاعد يعيط دايما
و دا تمنعيه بانك بعد كل رضعه تكرعيه تاخديه على كتفك و تطبطبى بشويش على ضهرة
و لو مش راضى سيبيه 5 دقايق و حاولى تانى
وف ى نوبات المغص نيميه على بطنه مع طبطبه خفيفه على ظهرة او المقعده
لو الموضوع ده متكرر عوديه على دوا المغص و نقط الانتفاخات ع الاقل لحد متعدى الفترة دى


4: عايز يغير الحفاض

طبعا فى بعض الاطفال بتدايق جدا من البلل و عشان كده بيفضل يعيط طول م الحفاض مليان
و اول متغيريله يبقى مبسوط و فرحان
وفى اطفال تانيه مبتفرقش معاهم





5:عايز يتشال
طبعا الطفل بيبقى مطمن طول ماهو شايفك قدامه او سامع صوتك او حتى شامم ريحتك
و العياط هو وسيلته الوحيده اللى بيقولك بيها تعالى شيلينى
خليكى دايما قريبه منه حسسيه بحنانك و طبطبى عليه امسحى على راسه بايديكى




6: سقعان او حران
ايديه و ريجليه مقياس كويس لتعرفى اذا كان بردان او حران مع ان فى اطفال بتلاقى دايما ايديهم و رجليهم ساقعه
ساعتها حطى ايدك على صدرة و انتى هتعرفى






6:بيسنن
طبعا دى فترة مقرفه بيمر بيها كل الاطفال بتخليهم دايما متدايقين و بيعيطو
و بتعرفيها بانك بتلاقيه بيريل كتير و بيعضعض كل حاجه و ممكن يسخن شويه فى المعقول
تخففى عليه بانك تديله عضاضه تكونى حطاها قبلها فى التلاجه عشان تسكن الالم شويه
مررى صباعك على اللثه بتاعته بالراحه كده و ادعكيله فيها
حطيله جيل مسكن للالم
مع العلم ان فى بعض الاطفال مش بيحسو باى الم وقت التسنين




: متضايق من الدوشه او الزحمه
بعض الاطفال مش بيحبو ابدا الزحمه و الضوضاء الكتير فبيعيطو عضان حاسين بالخوف و الرهبه
خصوصا انه بيبقى عارف الامان اللى بيرتاح فيها و حافظها
اول متغيريها بيحس بالخوف و القلق و يبدا فى العياط




8: مريض
ممكن يكون بيعيط عشان داخل عليه مرض او تعب لا قدر الله



طيب لو مفيش ولا سبب من الاسباب دى و بيعيط برضه من غير سبب؟

ممكن يكون محتاج يمصمص فى حاجه
فى اطفال بطبيعتهم دايما بيحبو يمصمصو فى اى حاجه دا بيخليهم مرتاحين
وطبعا دا علاجها التيتينه او اللهايه



ممكن محتاج يتلف
فى بعض الاطفال مش بيعرفو يتاقلمو بسرعه ع الجو برة الرحم
بيبقى عايز يتلف فى حاجه زى القماط او الكوفرته ساعتها بيهدو و بيبقو حاسين بنفس الدفء و الامان زى جوة الرحم

ممكن تغنيله بصوت خفيف او تاخديه فى حضنك و تنيميه ناحيه الشمال ناحيه قلبك بحيث يكون سامع دقات قلبك
و تقريله قران ساعتها صوتك هيوصله ممتزج مع دقات قلبك و هيرتاح لان هو دا الصوت اللى اتعود يسمعه طول ماهو جوة فى رحمك
و الصوت ده بيمثله الامان و الراحه

ممكن تاخديه و تخرجى بره تغيريله جو احساس الهوا الفريش بيريحه
اعمليله مساج خفيف بزيت جونسون و مررى ايدك على جسمه كله بحنان و خفه

و اخيرا انتى كمان محتاجه للراحه عشان تقدرى تتعاملى معاه كويس
خدى اقساط من الراحه كل يوم و هو نايم مثلا او انك تديه لباباه شويه و تقعدى انتى فى اوضه مسترخيه و مرتاحه عشان تقدرى تواصلى

و يارب اكون افدتكم المرادى و الموضوع يكون عجبكم

تسلمى يا ام سيمو على المعلومات القيمه دى

بجد ربنا يكرمك ويجعله فى ميزان حسناتك

مشكوووره حبيبتي ويعطيج العاافيه

على هااى المعلوماات والمجهود الرائـــع..

تسلم ايدك علي المعلومات الجميلة دي ..
هو فعلا كان عنده متابعة مع الدكتور النهاردة و قالي طوله 65 سم
و هسأل ان شاء الله علي تحليل هرمون النمو

و معلش كان ليا سؤالين تاني عندك ..

ازاي أخليه يعرف باباه ؟!!!
بصراحة حاسة انه مش عارفه و مش مرتبط بيه .. مع ان باباه بيحاول علي قد ما يقدر يريحه و يلاعبه
بس هو علطول بيعيط لما باباه بيشيله بدون سبب
مش عارفة لو في حاجة ممكن اعملها ياريت تنصحيني بيها

و كمان عايزة علاج للعصبية عند الطفل لانه بصراحة عصبي جدااااو علطول بيفرك و شفايفه بترعش
(( لو نايم و عايز يصحى .. و لو صاحي و عايز ينام و لو عايز يأكل و لو عايز يتشال و لو عايز يلعب و لاي سبب))
و معلش لو بسال كتير اصل اول بيبي ليا و لسه بتدرب

تسلمين حبيبتي

موضوعش راااااااائع


الصراحة بنتي كملت اربعة شهور وهي من جبتها وهي ما تبغي احد غيري ومن اروح بها بيت عمي او بيت ابوي كل تصيح وما تروح حق احد كل في حضني...