كل يوم هنتكلم عن موضوع جديد خاص بصحه طفلك

ام عمر افندى;14063623:
موضوع هااااايل بجد بس ممكن افهم حاجه انت قلتى انه لازم نتاكد ان البيبى بيرضع كل ناحيه للاخر عشان اللبن فى الاخر بيبقا اكتر دسامه بس لو رضع من ناحيه للاخر خلاص كده متهيالى هيكون شبع ومش هيرضى ياخد التانى خصوصا وهوا لسه صغير يعنى شهر صح ولا ايييه


ومتابعه معاكى يا قمر

هرد عليكى على ما أم سيمو تيجى
مش مهم يرضع من الاتنين المهم تحرصى انه يفضى الثدى كله للأخر لأن اللبن بيبقى 3 مراحل
الاول مايه وبعدين لبن خفيف وفى الاخر بيبقى الدسم والفايده كلها

تسلمي يا ام سيمو فكرتك حلوة اوي وتنظيمك وطريقتك جميلة ما شاء الله ومش عارفة اقييمك للأسف

DodyCat;14064007:
هرد عليكى على ما أم سيمو تيجى
مش مهم يرضع من الاتنين المهم تحرصى انه يفضى الثدى كله للأخر لأن اللبن بيبقى 3 مراحل
الاول مايه وبعدين لبن خفيف وفى الاخر بيبقى الدسم والفايده كلها

ايوة فعلا انا كنت بعمل كده بس دايما ببقي فاكرة انا رضعتها من انهي واحد المرة دي عشان المرة اللي بعدها عالطول ارضعها من التاني عشان يبقي بالتناوب ومفيش واحد يتملي بزيادة ويوجعني وفعلا المراحل دي مهمة اوي وبردو انا كنت ابتديت اعمل موضوع تنظيم الرضاعة ووقفته لأني اتضايقت منه وكمان مقتنعتش به

DodyCat;14064007:
هرد عليكى على ما أم سيمو تيجى
مش مهم يرضع من الاتنين المهم تحرصى انه يفضى الثدى كله للأخر لأن اللبن بيبقى 3 مراحل
الاول مايه وبعدين لبن خفيف وفى الاخر بيبقى الدسم والفايده كلها

تسلميلى يا دودى يااارب تصدقى انا عمرى ما عملت كده مع عمر هههههههههههه
يا عينى الواد اتظلم معايا اوى كنت برضع شويه من هنا وشويه من هنا محدش قالى على الموضوع ده ولا حتى الدكتوره يلا معلش كل واحد بياخد نصيبه واهو اول بيبى لاااازم تتم عليه جميييييييييييييع التجارب

السلام عليكم
ميرسى بجد ليكو يا بنات على تشجيعكم ليا نورتونى

ام عمر :
فعلا زى ما دودى و ايمى قالو مش لازم من النحيتين المهم انه يشبع لو لا قيتيه شبع من ناحيه و احده خلاص و المرة الجايه ترضعيه من الناحيه التانيه

الموضوع الجاى ان شاء الله هيكون عن طعام الرضع عشان خاطر دندونه
استنونى

بسكوتة حبيبي;14065042:

بجد موضوع تحفة وجميل جداً وطبعاً أنا متابعاك
أنا كنت عايزة أسأل على حد جرب كريم حلو لتشققات الحلمة بس يكون ينفع البيبي يرضع حتى لو لسه فيه آثار منه على الصدر
وربنا بجد يجزاك خير ويباركلك في بنوتك ويحفظها

فى كريم اسمه purelan cream

بس هقولك على تجربتى يمكن تنفع معاكى
انا بجد جربت كريمات كتيرة اوى مفيش حاجه كانت بتنفع لحد مجربت حاجه جابت م الاخر والله من يوم واحد
مس الجنتيانا
حطيت منه لمده يوم ووقفت الرضاعه هو يوم واحد والله و الجرح خف خالص و مرجعش تانى
جربيه هتدعيلى;)

بسكوتة حبيبي;14065042:

بجد موضوع تحفة وجميل جداً وطبعاً أنا متابعاك
أنا كنت عايزة أسأل على حد جرب كريم حلو لتشققات الحلمة بس يكون ينفع البيبي يرضع حتى لو لسه فيه آثار منه على الصدر
وربنا بجد يجزاك خير ويباركلك في بنوتك ويحفظها

في كريم بالمرز للرضاعة حلو جدا يا حبيبتي و هتلاقي مكتوب عليه انه ميتغسلش عادي لما تيجي ترضعي مافيش مشكلة منه ان شاء الله

جزاكي الله كل خير يا ام سيمو ربنا يكرمك ياااااااارب

ام عمر افندى;14066356:
تسلميلى يا دودى يااارب تصدقى انا عمرى ما عملت كده مع عمر هههههههههههه
يا عينى الواد اتظلم معايا اوى كنت برضع شويه من هنا وشويه من هنا محدش قالى على الموضوع ده ولا حتى الدكتوره يلا معلش كل واحد بياخد نصيبه واهو اول بيبى لاااازم تتم عليه جميييييييييييييع التجارب

OM SIMO;14066357:
السلام عليكم
ميرسى بجد ليكو يا بنات على تشجيعكم ليا نورتونى

ام عمر :
فعلا زى ما دودى و ايمى قالو مش لازم من النحيتين المهم انه يشبع لو لا قيتيه شبع من ناحيه و احده خلاص و المرة الجايه ترضعيه من الناحيه التانيه

انتوا عارفين للأسف الدكاترة تقريبا كلهم بيقولوا نفس الكلام انه يرضع من الناحيتين في المرة الواحدة لازم وحتما ولابد 10 دقايق من كل ناحية كده يعني، وكده فعلا مش بيوصله كل الفوائد وبشتت تفكير البيبي كمان، انا بقيت بجد اسيبها لغاية ما تاخد راحتخها خالص وتسيبه بمزاجها والمرة اللجاية فعلا بعمل من الناحية التانية وكده

موضوعنا ان شاء الله عن طعام الطفل الرضيع




..
هنتكلم انهارده عن طعام الاطفال
طبعا السؤال البديهى هنا


امتى ابدا ااكل طفلى؟
اقولك ان لبن الام فيه كل المكونات الغذائيه اللى بيحتاجها طفلك اول 6 شهور

بشرط انه يكون بكميه كافيه و طفلك بيزيد زياده مناسبه لو مش كده يبقى نبدا عند 4 شهور لكن مش قبل كده
طب ليه مش قبل كده ؟
عشان انتى كده بتبقى بتقللى فرصه طفلك من الاستفاده من اللبن الى هو اهم شىء بالنسباله فى الوقت ده
و كمان لما بتدخلى اكل بدرى بيقل لبنك بدرى
انتى كده كمان بتقللى فرصه طفلك من الاستفاده من الاجسام المناعيه فى اللبن
و كمان انتى بتعرضى طفلك للاسهال و حساسيه الاكل لان امعاءه لسه منضجتش






طيب ليه بندخل اكل مع اللبن بعد 4 او 6 شهور؟
1: لان الطفل مش هيقدر ياخد اكتر من لتر لبن فى اليوم اوكى
طيب ما هو وزنه بيزيد و احتياجه للطاقه بيزيد معاه هنا ييجى بقى دور الاكل
2: لان الطفل كل ميكبر احتياجه للمعادن و الفيتامينات بيكبر و دا مش بيحققه اللبن وحده
3:عشان نعلم الطفل مهاره المضغ و البلع و استخدام المعلقه
4:عشان نعود جهازة الهضمى انه يهضم الاكل الصلب


طيب ابدا ازاى؟

بصى دى بعض النصايح اللى هتساعدك

فى الاول هتبداى تدى وجبه واحده بس فى اليوم
لو اكلتى الطفل بالملعقه و لقيتيه بيحاول رفضها و بيخرجها من بقه دا مش معناه انه مش حابب الاكل
هو بس مش متعود ع المعلقه حاولى معاه تانى و تالت

تدخلى نوع واحد لمده 3 ايام عشان تعرفى لو فى حساسيه

ابداى الاول بهدوء و بكميات قليله و بعدين زودى الكميه بالتدريج
و بعد كده دخلى نوع تانى


طيب ايه هيا اعراض الحساسيه من الاكل؟
الاسهال و الطفح الجلدى و التهاب منطقه الحفاض لو حصل اى حاجه من الاعراض دى و قفى الاكل فورا
اوعى تجبرى طفلك على اكل معين


ابداى الاول بالخضار و الحاجات اللى مش مسكرة و بعد كده دخلى الفاكهه عشان طفلك يتقبل الخضار
لو طفلك رفض نوع معين من الاكل حاولى معاه مرة واتنين لحد 10 مرات قبل متحكمى عليه انه مش بيحب الاكل ده







نيجى بقى للسؤال المهم




ايه نوعيه الاكل اللى بدخلها؟


لو هنبدا من 4 شهور:
خضار مهروس: بطاطس –جزر –بطاطا-كوسه يسلق الخضار ثم يهرس جيدا
فاكهه: تفاح – كمثرى – موز- جوافه
عصاير: برتقال مخفف – تفاح –جوافه
سيريلاك ارز
بعد 6 شهور:
سيريلاك قمح
هنزود كبد الطيور و صفار البيض و الجبنه المثلثات زبادى لايت
و هنزود عدد الوجبات ل 3 وجبات
بعد 7 شهور:
ممكن تبداى تدخلى صدور الفراخ
بشرط الطهى الجيد و تفرم جدا

بعد 8 شهور
نزود الاسماك و اللحم المفروم



طيب ايه الممنوعات قبل سنه؟
الحليب البقرى: بيسبب حساسيه
العسل ممكن يكون فيه بكتيريا لا يتحملها الطفل
بياض البيض: يسبب الحساسيه
الملح الزياده فى الاكل : عشان بيسبب زياده ضغط الدم فى المستقبل
وطبعا البهارات و مكسبات الطعم واللون

بعد سنه من العمر تقدرى تدى لطفلك الاكل العادى اللى انتى بتاكلى منه



طيب عايزة افكار للوجبات؟


شوربىه الخضار :
قطعى البطاطس و الجزر و الكوسه و حطى عليهم ميه و ذرة ملح صغيرة جدا
و اضربيهم فى الخلاط مع الميه بتاعتهم و اديهوله بالببرونه
او من غير الميه و اديهوله بالمعلقه
الفواكه:
قشرى تفاح و انزعى منه البذور و اسلقيه
و نفس الكلام لو عايزاه عصير يبقى تضربيه بالميه بتاعته و لو جامد يبقى من غير الميه تهرسيه
ممكن تعملى معه كمثرى او موزة
صفار البيض:
اخلطيه مع الجبنه المثلثات
او مع بطاطس مسلوقه و مهروسه
كبده الفراخ:
ممكن تخلطيها مع الخضار
او مع شويه رز مهروسين كويس
او مع لسان العصفور و شوربه











بانسبه للبيبى فى الاول مش بياكل كتير انا كنت بعمل طريقه حلوة نفعتنى
كنت بسلق كميات من الخضار و الفاكهه و اهرسها و احطهم فى مكعبات التلج دى






و بكده ممكن تقعد معاكى لمده شهر
و كل مرة تطلعى مكعب او اتنين على قد مانتى عايزة



و اخيرا احب انصحك انك تبقى ذكيه و تحاولى تتحايلى على طفلك
يعنى مثلا محبش البطاطس لو حدها
دخليهاله مع حاجه تانيه بيحبها

و متياسيش حاولى اكتر من مرة
و اياكى تغصبيه ع الاكل

سيبيه هو يحدد المعاد اللى ياكل فيه و الكميه
قدميله الاكل فى اطباق ملونه و جذابه



و كده خلصت يا رب اكون افدتكم
لو حد ليه اى سؤال او انا نسيت حاجه متكلمتش فيها
يقولى

تسلمي ياااااااااارب طيب بالنسبة للطفل اللي بيرضع حليب صناعي انابدات اكل ابني لانه مش بيرضع طبيعي فعادي و لا ايه

ام سيمو الددرس ده اكثر من رائع ف طريقة شرحك ربنا يحفظلك سيمو ويحميها

dandona om jou;14066934:
تسلمي ياااااااااارب طيب بالنسبة للطفل اللي بيرضع حليب صناعي انابدات اكل ابني لانه مش بيرضع طبيعي فعادي و لا ايه

ايوة عادى يا دندونه ابنك خلاص كمل 4 شهور
بس ابداى الاول بكميات قليله و بعدين زودى بعد كده
ربنا يحميهولك يا رب

@زهرة دبلانة@;14067569:
ام سيمو الددرس ده اكثر من رائع ف طريقة شرحك ربنا يحفظلك سيمو ويحميها

تسلميلى يا قمر دا بس من زوقك

جزاكي الله خير عسوله معلومات قيمه لكل أم تختبر هذي التجربه الجميلة في حياتها‏‏

غزلان مسقط;14067718:
جزاكي الله خير عسوله معلومات قيمه لكل أم تختبر هذي التجربه الجميلة في حياتها‏‏

شكرا حبيبتى نورتينى

OM SIMO;14066357:



فى كريم اسمه purelan cream

بس هقولك على تجربتى يمكن تنفع معاكى
انا بجد جربت كريمات كتيرة اوى مفيش حاجه كانت بتنفع لحد مجربت حاجه جابت م الاخر والله من يوم واحد
مس الجنتيانا
حطيت منه لمده يوم ووقفت الرضاعه هو يوم واحد والله و الجرح خف خالص و مرجعش تانى
جربيه هتدعيلى;)

ماشالله موضوعك رائع ............
ولازم تثقيف للأمهات بفائدة الرضاعة الطبيعية .............

بسكوتة حبيبي;14070047:

ربنا يا حبيبتي يباركلك
عايزة أسألك المس ده أجيبه من الصيدلية عادي ولا منين؟
وجزاك الله خيراً معلش تعبتك معايا

لا تعب و لا حاجه يا جميل انتى تؤمرى
هتجيبيه من الصيدليه اللى هو لونه ازرق ده اكيد انتى تعرفيه

فراولة فوشية;14070551:
ماشالله موضوعك رائع ............
ولازم تثقيف للأمهات بفائدة الرضاعة الطبيعية .............

شكرا يا جميله نورتينى

يسلموووو

ألم الزمان;14071924:
يسلموووو

شكرا حبيبتى