كل يوم هنتكلم عن موضوع جديد خاص بصحه طفلك

طيب البطاطس عادي يا ام سيمو اكيد اصل حاسة انها تبقى تقيلة على الطفل طيب مفيش ذرة ملح على الخضار المسلوق ده

و هل عادي لو عملت مهلبية فواكه من غير لبن يعني مية الغلي و نشا و نقطة عسل ابيض و مثلا جزر مضروب في الخلاط مع مية الغلي بردو او فاكهة تانية

dandona om jou;14075986:
طيب البطاطس عادي يا ام سيمو اكيد اصل حاسة انها تبقى تقيلة على الطفل طيب مفيش ذرة ملح على الخضار المسلوق ده

و هل عادي لو عملت مهلبية فواكه من غير لبن يعني مية الغلي و نشا و نقطة عسل ابيض و مثلا جزر مضروب في الخلاط مع مية الغلي بردو او فاكهة تانية

ايوة يا دودو البطاطس عادى متقلقيش منها
و الخضار حطى عليه ذرة ملح صغيرة عشان يتقبله
و مهلبيه الفواكه بتبقى حلوة اوى انا بعمل لسما مهلبيه البرتقال و الجزر بتحبها اوى
تسلقى الجزر الاول و تضربيه مع ميته مع عصير برتقال و بعدين تسيبيهم ع النار مع حبه نشا
و ذرة سكر لحد متتقل
و لو عايزة تزودى عسل يبقى حته صغيرة متكتريش منه عشان انا قارياها فى كذا كتاب انه غلط

موضوعنا انهارده هيكون ان شاء الله على طريقه حساب وزن البيبى و طوله و محيط راسه
و كمان هنتكلم على المهارات اللى بيكتسبها مع الوقت


اولا : الوزن


طبعا احنا عارفين ان وزن الطفل حاجه مهمه جدا لاننا بنتابع بيها نموة ومدى استفادته من اللبن و الغذا
مش مهم ان وزن طفلك يبقى قليل و لا كبير
المهم ان اتجاه منحنى النمو بتاعه يكون فى الاتجاه السليم
هتقوليلى ايه منحنى النمو ده
عارفه البطاقه الصحيه هتلاقيه فيها
اللى هو زى ده

طيب نحسبه ازاى؟

بصى يا ستى
الطبيعى فى وزن الولاده غالبا بيكون من 3 ل 3.5 كيلو
فى اول اسبوع من حياه الطفل بيفقد من 5-10% من وزنه و بيرجع يستعيدهم ع اليوم العاشر

اول 4 شهور بيزيد 3/4 كيلو كل شهر
يعنى على 4 شهور يبقى وزنه حوالى 6 كيلو

تانى 4 شهور بيزيد 1/2 كيبو فى الشهر
يعنى على 8 شهور 8 كيلو

تالت 4 اشهور يزيد 1/4 كيلو فى الشهر
يعنى على سنه يكون 9 كيلو ان شاء الله

دا للى وزنه 3 كيلو عند الولاده زى ماقولنا

طيب بعد كده فى معادله عشان تحسبى الوزن
من سنه الى 6 سنين بيزيد 2 كيلو كل سنه
و بنحسبها بالمعادله دى
وزن الطفل (1-6سنين)=(العمر بالسنينx2)+8


من 7 الى 12 سنه
بيزيد 2.5 كيلو فى السنه
وزن الطفل(7-12سنه)=}(العمر بالسنين ْx7)-5 {/2

صعبه؟

طيب عشان التسهيل دا جدول الاوزان بتاع الدكتور مدحت الزيات




ثانيا الطول

نحسبه ازاى؟
طول الولاده الطبعى 50 سم
اول 3 شهور بيزيد 3 سم فى الشهر
يعنى على 3 شهور يبقى 59 سم

تانى 3 شهور بيزيد 2سم فى الشهر
يعنى على 6 شهور يبقى 65 سم

من 7 ل 12 شهر بيزيد 1.5 سم فى الشهر
يعنى على سنه يبقى 75سم

من سنه لسنتين يزيد سم واحد لكل شهر
يعنى على سنتين يبقى 87 سم
بعد سنتين بنستخدم المعادله دى
الطول =(العمر بالسنينx5)+80

ثالثا : محيط الرأس

عند الولاده:35 سم
3 شهور:41سم
6 شهور:43سم
9 شهور :44سم
سنه:45سم
5 سنين:50سم
12 سنه:53سم
للبالغين:55سم



نيجى بقى للتسنين

قبل متكلم فيه احب اقولكو ان دى حاجه بتختلف من طفل لطفل يعنى مش كل الاطفال زى بعضها



المهارات اللى بيكتسبها الطفل مع العمر


فى مراحل نمو الطفل دى بعض الحاجات الى بيكتسبها مع العمر
بس برضه احب اقول تانى ان فى اختلافات مابين كل طفل و التانى
و ان دا مش مقياس نمشى بيه مع كل الاطفال

طفل 3 شهور:
يعرف يرفع راسه و جسمه مستندا على ايديه
يبتسم
يصدر بعض الاصوات(يناغى يعنى بلغتنا) و يضحك بصوت عالى

طفل 6 شهور:
ممكن يقعد لدقايق ساند على ايديه
ينقل الاشياء من يد لاخرى
يبين ايه الحاجات اللى بيحبها و ايه اللى بيكره


طفل 8 :
يستخدم الابهام والسبابه لمسك الاشياء
يلعب استغمايه يعنى يدارى و شه عنك و يظهرة فجاه
يصدر اصوات زى ماما او بابا

9 شهور:
يبدا يحبى
12 شهر:
يمشى بمساعده و هو ساند بايده
و يمشى لوحده من 13 ل 15 شهر
يترك الاشياء لما تطلبى منه
ييجى لما تنادى عليه
يقول كلمتين او 3 مفهومين
سنه و نص:
يطلع السلالم و هو ماسك بايد واحده
يقعد نفسه على كرسى
ياكل لوحده بالمعلقه
يقلد الاخرين
يقول ع الاقل 6 كلمات
سنتين:
يجرى كويس
يطلع السلم لوحده خطوة خطوة
يلعب مع الاخرين
يقول جمله من كلمتين او 3


و دى بقى بعض الطرق للتواصل مع طفلك منذ الولاده:
من سن 0 ل 4 شهور:
و فرى لطفلك الطرق ليرى و يسمح و يتحرك
بصى فى عنيه كتير و ابتسمى و اعمل حركات بوشك تلاعبيه بيها
و خصوصا ساعه الرضاعه بتبقى فرصه كويسه انك تبصى فى عنيه و خليكى ماسكه ايديه عشان يحس بيكى

اقولك على حاجه :
اثبتت الدراسات ان افضل مدر للبن هو انك تبصى فى عنين طفلك وانتى بترضعيه

من سن 4 شهور الى 6 شهور:
العبى معاه بالعاب ملونه و ملفته للنظر
اتكلمى معاه و اعملى معاه محاثات و احكيله كانه طفل كبير

من سن 6 شهور لسنه:
اديله مثلا طاسه او اناء نضيف و معلقه خشب مثلا وخليه يخبط و يلعب بيهم
تحت مراقبتك طبعا
و تجاوبى مع الاصوات اللى بيطلعها و شاركيه اهتماماته
قوليله اسماء الاشياء و الاشخاص

من سنه لسنتين:
هاتيله الالعاب اللى بتتركب فوق بعضها
زى المكعبات الكبيرة او الاكواب الملونه
اساليه اساله بسيطه
تجاوبى مع رغبته فى الكلام و ردى عليه
العبى معاه العاب
اكبر من سنتين:
ساعديه يتعلم العد و مقارنه الاشياء
اعمليله لعاب بنفسك زى مثلا لعبه المتشابهات
شجعيه ع الكلام
جاوبى على اسالته
احكيله حواديت و غنيله


و بكده اكون خلصت انهارده
يا رب تكون حلقه انهارده عجبتكم

على فكررة يا جماعه

انا شكلى بتعب نفسى ع الفاضى ربنا يعلم انا قد ايه تعبت فى كتابه

متشكرة لكل اللى شاركو معايا بس بجد انا مش لاقيه اى تشجيع خالص

فمش هعرف اكمل

OM SIMO;14076164:
ايوة يا دودو البطاطس عادى متقلقيش منها
و الخضار حطى عليه ذرة ملح صغيرة عشان يتقبله
و مهلبيه الفواكه بتبقى حلوة اوى انا بعمل لسما مهلبيه البرتقال و الجزر بتحبها اوى
تسلقى الجزر الاول و تضربيه مع ميته مع عصير برتقال و بعدين تسيبيهم ع النار مع حبه نشا
و ذرة سكر لحد متتقل
و لو عايزة تزودى عسل يبقى حته صغيرة متكتريش منه عشان انا قارياها فى كذا كتاب انه غلط

طيب السكر يعني احسن من العسل انا بحط مثلا ص معلقة صغيرة و بدوق لحد ما يكون يقدر ياكله بحيث يتقبله لان الجزر في المهلبية بيكون ماسخ كده اوي عادي و لا ايه

و هل المهلبية احسن من انه ياخد الفاكهة و الخضار تكون مضروبة في الخلاط بس لسه فيها حتت بس ناعمة اوي بحث انه يقدر يبلعها عادي

و هل الكوسة بردو احط معاها ذرة ملح هيا و البطاطس و الاحسن ان البطاطا الحلوة تتسلق و لا تتشوي بحيث تكون محافظة على فايدتها معلش اسألتي كتير انا عارفة اني عملالك ازعاج:o:o:o:o:o

بالعكس يا ام سيمو موضوعك مفيد جدااااااااااااااا و انا عن نفسي و اكيد بنات كتير بتسفيد منه بجد تسلم الايادي في انتظار البقية و تسلمي يارب

بجد معلومات مفيده جداااااااااااااااااااااااا والله ربنا يكرمك ياااااااااااارب ومتقوليش كدا اكيد بس البنات متعرفش الموضوع مش اكتر

dandona om jou;14079124:

طيب السكر يعني احسن من العسل انا بحط مثلا ص معلقة صغيرة و بدوق لحد ما يكون يقدر ياكله بحيث يتقبله لان الجزر في المهلبية بيكون ماسخ كده اوي عادي و لا ايه

و هل المهلبية احسن من انه ياخد الفاكهة و الخضار تكون مضروبة في الخلاط بس لسه فيها حتت بس ناعمة اوي بحث انه يقدر يبلعها عادي

و هل الكوسة بردو احط معاها ذرة ملح هيا و البطاطس و الاحسن ان البطاطا الحلوة تتسلق و لا تتشوي بحيث تكون محافظة على فايدتها معلش اسألتي كتير انا عارفة اني عملالك ازعاج:o:o:o:o:o

لا يا دودو يا قمر لا ازعاج ولا حاجه
عادى حطى سكر بس متكتريش منه و برده لو عايزة عسل يبقى 1/4 معلقه
بالنسبه للفاكهه الاتنين زى بعض انتى نوعيله عشان ميزهقش من الاكل و يكرهه
يعنى مرة تعمليها مهلبيه مرة مسلوقه و مهروسه مرة عصير كده يعنى

بالنسبه للخضار ايوة كله زى بعضه انتى ممكن تدوقيه كده من غير ملح الاول لو تقبله خير و بركه لو لا حطى حبه ملح صغيرين

البطاطا بيتهيالى لما تتشوى احلى
بس الطريقتين شغالين يا دودو

dandona om jou;14079171:
بالعكس يا ام سيمو موضوعك مفيد جدااااااااااااااا و انا عن نفسي و اكيد بنات كتير بتسفيد منه بجد تسلم الايادي في انتظار البقية و تسلمي يارب

ربنا يخليكى يا دندونه انا بس بحس لما يكون حد متابع معايا ان مجهودى مش بيروح هدر
عشان مبقاش بكلم نفسى

doaaes;14079594:
بجد معلومات مفيده جداااااااااااااااااااااااا والله ربنا يكرمك ياااااااااااارب ومتقوليش كدا اكيد بس البنات متعرفش الموضوع مش اكتر

تسلمى يا قمر نورتينى و شجعتينى انى اكمل ان شاء الله

OM SIMO;14078988:
على فكررة يا جماعه

انا شكلى بتعب نفسى ع الفاضى ربنا يعلم انا قد ايه تعبت فى كتابه

متشكرة لكل اللى شاركو معايا بس بجد انا مش لاقيه اى تشجيع خالص

فمش هعرف اكمل

بجد يا ام سيمو الموضوع بتاعك رااااااااااااااااااااااائع و استفدت منه حاجات كتير و بجد فكرة حفظ الاكل فى قوالب التلج فكرة عبقرية انا للاسف كنت برمي خضروات و فاكهة كتير اوي عشان هى مش بتاكل كتير و مكنتش بعرف اخزنهم ازاى بس ان شاء الله هنفذ فكرتك دي جزاكي الله خير:)F:

مواضيع قيمه ورائعه بانتظار المزيد .. يعطيك العافيه

يعطيك العافيه

OM SIMO;14078988:
على فكررة يا جماعه

انا شكلى بتعب نفسى ع الفاضى ربنا يعلم انا قد ايه تعبت فى كتابه

متشكرة لكل اللى شاركو معايا بس بجد انا مش لاقيه اى تشجيع خالص

فمش هعرف اكمل

اخص عليكي يا ام سيمة موضوعك حلو جدا اصلا وفعلا باين مجهودك وتعبك ما شاء الله عليكي، بس اكيد في بنات مش بيبقي عندهم اسئلة في الحال بس بيستفيدوا من الكلام والحاجات اللي بتكتبيها

موضوعك رائع بجد ربنا يباركلك في سيمو يارب.. وعندي أسئلة كثير هدوشك كل شوية معلش.. أولا ابني ساعات كثير يفضل يعيط ويصرخ بشكل فظيع ومش يرضي يسكت الا لما يرضع مع انه بيبقي راضع وشبعان ولما ارضعه يفضل يقشط بكميات كبيرة أعمل معاه ايه؟ ثانيا عايز دايما اشيله مش بيحب ينام علي ظهره ذي الأطفال خالص علي طول عايز يقعد أو يقف مثلا وأنا خايفه علي ظهره جدا ؟ وهو وزن الولادة ٤٠٨٥ جرام دلوقتي ٥٨٠٠ كده كويس ولا ايه؟ كفايه كده النهارده بقي أنا رغاية اوي هههههههه

موضوع رائع يا أم سيمو جزاكى الله خيرا
دندونه خلى بالك ابنك لسه صغير اعملى زى ما ام سيمو قالت تدوقيه صنف واحد كل اسبوع مثلا
فى حاجه حلوه قوى كنت بعملها ليوسف بسلق البطاطا وأضربها فى الخلاط مع معلقة لبن صناعى بيحبها جداااااااااا
بس بردو قبل ال 6 شهور دوقان بس

انا عن نفسي كنت بسلق البطاطا الاول بس بطلت عشان حسيت ان فايدتها بتضيع ويتنزل منها كتير، وكمان طعمها وهي في الفرن بيبقي احلي وبتفضل زي ما هي، فبقيت اشويها وبس ولما تبرد شوية بفتحها واديها منها بالمعلقة بقي او بايدي عادي وبتحبها الحمدلله لأن طعمها حلو طبعا وطرية وسهلة.

موضوع جامد جدا يا ام سيمووو انا بقى مببقاش عارفة ااكل جودى ايه ولا كام وجبة فى اليوم؟؟؟
انا باكلها مرة كوسة و جزر مسلوقين(مبتحبش البطاطس) ومرة فاكهة مسلوقة فى اليوم
وساعات اعملها صفار البيض مش بترضى تاكله
بس اخدت منك فكرة انى اخلط صفار البيض مع البطاطس
ممكن اعملها حتة صدر فرخة نونو مع الخضار
اعملها ايه تانى ؟؟
عايزة امثلة للفطار و العشا كده
[SIZE="4"]و مفيش هنا لسان عصفور ولا نشا
[/SIZE]انا قلت ممكن ادوقها اكلنا بس قلت استنى لما تتم 10 شهور كده باذن الله
و جبتلها السيريلااك قمح و عسل مش عارفة بقى كده صح وللا لا؟؟؟
و الزبادى ناس كتير قالو بعد سنة
انا محتارة اريد حلا ههههههههههههههههه

موضوع حلو ومفيد , وباين المجهود المبذول فيه
وياريت تتكلموا عن امراض الشتاء للاطفال (الامراض الجلدية) كالجفاف والاكزيما

ام سيمو بجد ماتقوليش كده الدروس اكثثر من رائعة وكل يوم بتحلو وطرحك رائع
كملى واحنا معاكى
جزاكى الله خيرا

موضوعك حلو اوى ياام سيمو

استفدت من حتة مكعبات الاكل دى حلوة

تابعى واحنا معاكى

وياريت لو تعرفو ازاى اخلى الردوود تجيلى على الميل

لان ظبطها فى الخيارات وبردو مبتجيش وبالتالى بتوة منى المواضيع

~OM-ADAM~;14081150:
موضوعك رائع بجد ربنا يباركلك في سيمو يارب.. وعندي أسئلة كثير هدوشك كل شوية معلش.. أولا ابني ساعات كثير يفضل يعيط ويصرخ بشكل فظيع ومش يرضي يسكت الا لما يرضع مع انه بيبقي راضع وشبعان ولما ارضعه يفضل يقشط بكميات كبيرة أعمل معاه ايه؟ ثانيا عايز دايما اشيله مش بيحب ينام علي ظهره ذي الأطفال خالص علي طول عايز يقعد أو يقف مثلا وأنا خايفه علي ظهره جدا ؟ وهو وزن الولادة ٤٠٨٥ جرام دلوقتي ٥٨٠٠ كده كويس ولا ايه؟ كفايه كده النهارده بقي أنا رغاية اوي هههههههه

متقوليش كده يا ام ادم
امال انا عامله الموضوع ده ليه
بصى بقى يا ستى بالنسبه للعياط فالجوع ده سبب واحد من لسته طويله جدا من اسباب العياط و مش السبب الوحيد
ابنك مش بيعيط من الجوع بدليل انه بيقشط بعد الرضاعه كتير
اسباب العياط كتير
منها مثلا انه يكون بردان و تتاكدى من كده بانك تحطى ايدك على رقبته كده و صدرة لو لاقيتيها ساقعه يبقى بردان
ممكن انه محتاج تغيريله البامبرز لان فى اطفال كتير بتتضايق من البلل مع ان فى اطفال مش بيفرق معاهم
ممكن عنده مغص و تتاكدى من كده لو لاقيتيه بيعيط و يجيب رجليه على بطنه
و هيرتاح لو نيمتيه على بطنه او ادتيه دوا مغص زى الاكوافيرا

فى سبب بقى تانى اعتقد هوا دا سبب عياط ابنك و هو انه بيبقى محتاج يشوفك دايما قدامه
او يسمع صوتك عشان يبقى مطمن
و دا برضه هو السبب انه مش بيحب ينام على ضهرة عشان مش بيبقى شايفك قدامه
الطفل فى السن ده بيحب يستكشف كل اللى حواليه
عشان كده انتى ممكن و انتى شايلاه تبقى مقعداه مايل 45 درجه مفيهاش ضرر اهم حاجه انه ميبقباش قاعد 90درجه
او لو عندك الكارسيت قعديه فيه و خديه معاكى فى المطبخ و فى كل مكان تروحيه هيبقى فرحان و يبطل عياط ان شاء الله
ربنا يهديهولك يا قمر

و بالنسبه لوزنه كده كويس ما شاء الله

Bossy22;14081656:
موضوع جامد جدا يا ام سيمووو انا بقى مببقاش عارفة ااكل جودى ايه ولا كام وجبة فى اليوم؟؟؟
انا باكلها مرة كوسة و جزر مسلوقين(مبتحبش البطاطس) ومرة فاكهة مسلوقة فى اليوم
وساعات اعملها صفار البيض مش بترضى تاكله
بس اخدت منك فكرة انى اخلط صفار البيض مع البطاطس
ممكن اعملها حتة صدر فرخة نونو مع الخضار
اعملها ايه تانى ؟؟
عايزة امثلة للفطار و العشا كده
[SIZE=4]و مفيش هنا لسان عصفور ولا نشا
[/SIZE]انا قلت ممكن ادوقها اكلنا بس قلت استنى لما تتم 10 شهور كده باذن الله
و جبتلها السيريلااك قمح و عسل مش عارفة بقى كده صح وللا لا؟؟؟
و الزبادى ناس كتير قالو بعد سنة
انا محتارة اريد حلا ههههههههههههههههه

بوسى بنتك عندها 8 شهور يعنى ع الاقل تاكل 3 و جبات فى اليوم
فطار و غدا و عشا
خليلها مثلا الفطار صفار بيضه و اخلطيه زى مانتى قولتى بالبطاطسايه
او بالجبنه بنتى بتحبها اوى بالجبنه و بحط هليها نقطه ميه عشان مش تلزق

فى الغدا اسلقيلها مثلا رز لحد ميبقى طرى اوى و حطى عليه شوربه فراخ او لحمه
و اهرسى فيها الكبده او صدر فرخه
هتحبها اوى اكتر الاطفال بيحبو الحاجات اللى معاها شوربه

و خلى بالليل مثلا السيريلاك عشان يشبعها و ينيمها

متخافيش من العسل اللى فى السيريلاك بيبقى معالج
مش زى العسل بتاعنا
و اهتمى بالعصاير برضه اديها كل يوم
و نوعيلها فى الكل انتى قدامك خيارات كتير
اما الزبادى فا ناس كتير اختلفو فيها انا نفسى احترت اوى
بس لاحظت انى لما بديها لسما بتعملها اسهال فعشان كده قللتها دلوقتى
انتى جربيها مع جوجو لو عملت مشاكل بلاشها دلوقتى

و لو هيا مش بتحب البطاطس قلليليها شويه بس حطيها فى وسط الحاجه عشان تاخد فايدتها من غير طعمها ما يبان