كل يوم هنتكلم عن موضوع جديد خاص بصحه طفلك

أتـعبـــ الشوق ـنــي;14080031:
مواضيع قيمه ورائعه بانتظار المزيد .. يعطيك العافيه

القمران;14080528:
يعطيك العافيه

تسلمو ع المرور نورتونى

sweet_toota;14079812:
بجد يا ام سيمو الموضوع بتاعك رااااااااااااااااااااااائع و استفدت منه حاجات كتير و بجد فكرة حفظ الاكل فى قوالب التلج فكرة عبقرية انا للاسف كنت برمي خضروات و فاكهة كتير اوي عشان هى مش بتاكل كتير و مكنتش بعرف اخزنهم ازاى بس ان شاء الله هنفذ فكرتك دي جزاكي الله خير:)F:

ربنا يخليكى يا توتا انا بفرح اوى لما بلاقى حد بيستفيد بكلمه كتبتها

CuTie KaTkOoTa;14081080:
اخص عليكي يا ام سيمة موضوعك حلو جدا اصلا وفعلا باين مجهودك وتعبك ما شاء الله عليكي، بس اكيد في بنات مش بيبقي عندهم اسئلة في الحال بس بيستفيدوا من الكلام والحاجات اللي بتكتبيها

تسلميلى يا ايمى يا قمر

QUOTE=DodyCat;14081182[]موضوع رائع يا أم سيمو جزاكى الله خيرا
دندونه خلى بالك ابنك لسه صغير اعملى زى ما ام سيمو قالت تدوقيه صنف واحد كل اسبوع مثلا
فى حاجه حلوه قوى كنت بعملها ليوسف بسلق البطاطا وأضربها فى الخلاط مع معلقة لبن صناعى بيحبها جداااااااااا
بس بردو قبل ال 6 شهور دوقان بس[/QUOTE]

ربنا يخليكى يا دودى و كلامك صح 100%

CuTie KaTkOoTa;14081276:
انا عن نفسي كنت بسلق البطاطا الاول بس بطلت عشان حسيت ان فايدتها بتضيع ويتنزل منها كتير، وكمان طعمها وهي في الفرن بيبقي احلي وبتفضل زي ما هي، فبقيت اشويها وبس ولما تبرد شوية بفتحها واديها منها بالمعلقة بقي او بايدي عادي وبتحبها الحمدلله لأن طعمها حلو طبعا وطرية وسهلة.

فعلا طعمها مشويه احلى انا عن نفسى مش بحب المسلوقه خالص

احلام مبعثرة;14082138:
موضوع حلو ومفيد , وباين المجهود المبذول فيه
وياريت تتكلموا عن امراض الشتاء للاطفال (الامراض الجلدية) كالجفاف والاكزيما

تسلمى يا حبيبتى و ان شاء الله اتكلم عن امراض الطفل الجلديه كلها فى مرةة من المرات

@زهرة دبلانة@;14082631:
ام سيمو بجد ماتقوليش كده الدروس اكثثر من رائعة وكل يوم بتحلو وطرحك رائع
كملى واحنا معاكى
جزاكى الله خيرا

تسلمى يا جميله نورتينى

Miss FaTi;14083015:
موضوعك حلو اوى ياام سيمو

استفدت من حتة مكعبات الاكل دى حلوة

تابعى واحنا معاكى

وياريت لو تعرفو ازاى اخلى الردوود تجيلى على الميل

لان ظبطها فى الخيارات وبردو مبتجيش وبالتالى بتوة منى المواضيع

مش عارفه والله انا بجيب لوحه التحكم بيجيلى كل المواضيع اللى نزل فيها ردود جديده

اهلا وسهلا فيك ِ يا أم سيمو

ماشاءالله .. موضوع قمة في الروووووعة

بصراحه فيه اشياء استفدت منها كثيراً .. لأني للأسف نسيتها :worn_out: لأن الآن ماشاءالله ولدي عمره قريب من ثلاث سنين ..

شكراً لك ِ .. وبانتظار المزيد من المعلومات المفيدة لكل أم جديدة كانت أو قديمة ..

( :065: )

ْ
ْ
ْ

ما شاء الله موضوع راااااااااااائع

يزاج الله كل خير اختي

طيب هوا دلوقتي البيبي يقدر يقعد و حد يكون ساند ظهره و لا في خطر على ضهره كده و هل بردو ينفع ارفعله العربية من وضع النوم لوضع نص قعدة كده

تسلمي يا أم سيمو فعلا هو مش جعان ولا بردان و دايما بديله دوا المغص هو عاوز بس اشيله ربنا يسهل و يقدرنا علي تربيتهم.. طيب دلوقتي لو بدأ يعيط بيكون عياط بدموع و صريخ وانهيار خالص ذي مايكون واحد كبير وغالبا بيكون في أوقات معينة ولأوقات طويلة وفي الآخر بضطر ارضعه حتي لو لسه راضع وبينام بعدها.. دلوقتي السؤال بقي هل العياط ده فيه غلط عليه خصوصا انه بعد ما ينام يفضل يتنهد كده من اثر العياط فترة؟ وكمان ايه الحل غير الرضاعة يبطل عياط بيه؟

.. أمــ عــلــيــ ..;14083757:
اهلا وسهلا فيك ِ يا أم سيمو

ماشاءالله .. موضوع قمة في الروووووعة

بصراحه فيه اشياء استفدت منها كثيراً .. لأني للأسف نسيتها :worn_out: لأن الآن ماشاءالله ولدي عمره قريب من ثلاث سنين ..

شكراً لك ِ .. وبانتظار المزيد من المعلومات المفيدة لكل أم جديدة كانت أو قديمة ..

( :065: )

ْ
ْ
ْ

تسلمى يا حبيبتى و تابعينى ان شاء الله تلاقى حاجات تفيدك لسن ابنك

sweet lady84;14083860:
ما شاء الله موضوع راااااااااااائع

يزاج الله كل خير اختي

شكرا على مرورك حبيبتى

dandona om jou;14083879:
طيب هوا دلوقتي البيبي يقدر يقعد و حد يكون ساند ظهره و لا في خطر على ضهره كده و هل بردو ينفع ارفعله العربية من وضع النوم لوضع نص قعدة كده

ايوة يا دوندون من بعد اربع شهور المفروض تبداى تعوديه يقعد و هو مسند بس مش شويه و يريح شويه
و مش تغصبى عليه
و العربيه عادى لما تعملى الوضع المايل

~OM-ADAM~;14084358:
تسلمي يا أم سيمو فعلا هو مش جعان ولا بردان و دايما بديله دوا المغص هو عاوز بس اشيله ربنا يسهل و يقدرنا علي تربيتهم.. طيب دلوقتي لو بدأ يعيط بيكون عياط بدموع و صريخ وانهيار خالص ذي مايكون واحد كبير وغالبا بيكون في أوقات معينة ولأوقات طويلة وفي الآخر بضطر ارضعه حتي لو لسه راضع وبينام بعدها.. دلوقتي السؤال بقي هل العياط ده فيه غلط عليه خصوصا انه بعد ما ينام يفضل يتنهد كده من اثر العياط فترة؟ وكمان ايه الحل غير الرضاعة يبطل عياط بيه؟

اكيد بيعيط عشان عايز ينام يا ام ادم شكلك مش معوداه ع التيتينه عشان كده هو اتعود انه ينام على صدرك
و بيعيط عشان بيبقى عاوز ينام و مش بيعرف الا لما تاخديه على صدرك حتى لو مش جعان
بس متقلقيش العياط ملوش اى ضرر على صحته
بس متسيبيهوش يعيط كتير عشان بيصعبو عليا:'(:'( ربنا يخليهولك و يباركلك فيه
شكله امور ما شاء الله



بنات دقايق و انزل الموضوع الجديد

بسم الله الرحمن الرحيم

موضوعنا انهارده موضوع مهم
لكل بيت و مفيش ام معانيتش منه او هتعانى منه

ربنا يعافى كل اطفالنا يا رب

الموضوع هو

الاسهال و النزلات المعويه عند الاطفال



اول حاجه عايزة اقولها؟
يعنى ايه اسهال؟
هقولك الاسهال يعنى حاجتين كميه اكبر من البراز و عدد مرات اكتر
بس بشرط البراز ده يبقى سايل
بس خللى بالك كل واحد و عادته
يعنى لو طفلك اصلا عادته انه يعمل 7 مرات مثلا فى اليوم يبقى دا مش اسهال
لكن لو طفل عادته يعمل مرة واحده و لاقيتيه عمل 4 او 5 مرات هنا بقى تقلقى
فى حاجه تانيه ان الاطفال فى الشهور الاولى بيكون البراز بتاعهم سايل و لونه اصفر او مايل للخضار شويه و ممكن توصل عدد المرات ل 7 مرات
او بعد كل رضعه دا للى بيرضع طبيعى
اللى بيرضع صناعى غالبا بيبقى البراز ماسك نفسه شويه و و عدد المرات اقل و ليه ريحه



طيب ييجى دلوقتى دور سؤال مهم؟


هل كل اسهال يبقى نزله معويه؟
لا طبعا

فى اسباب كتيرة جدا للاسهال منها
مثلا انه لو بيرضع بس يكون عنده حاجه اسمها lactose intolerance
و فى الحاله دى يبقى علاجه انه ياخد لبن صناعى خالى من اللاكتوز بس بعد منتاكد ان اللبن هو السبب بس دى حالات نادرة شويه

او لو بياكل يكون اكل معين بيعمله الاسهال ده
او انه بياخد دوا من اعراضه الجانبيه الاسهال
او ممكن يكون بسبب عدوى تانيه مش فى الجهاز الهضمى زى عدوى الجهاز التنفسى او البولى

كويس؟

بس من اكتر الاسباب المسببه للاسهال النزلات المعويه
ممكن تكون بكتيريه او فيروسيه او طفيليه

طيب دلوقتى اعمل ايه لو ابنى عنده اسهال؟
احب اقولك ان الاسهال حاجه متخوفش خالص بالعكس دا بيطهر بطن ابنك

بياخد وقته و بيروح

اهم حاجه اهم حاجه انى اعوض السوايل اللى بيفقدها
لاااااااااااااااااااااااااااااااااااااااااااااااازم يا جاعه تعوضوا السوايل بعد كل مرة اسهال
طب اعوضها ازاى؟
بمحلول معالجه الجفاف عارفاه؟





ايوة هو بتاع ماما كريمه ده
مهم جدا يا جماعه لانه بيعوض نقص السوايل اللى بيفقدها طفلك
بعد كل مرة اسهال تديه الباكيت على 200 سم ميه مغليه و مبرده
و تتاخد على مدار ساعه كل 5 دقايق تدى معلقه عشان ميرجعوش
ماشى؟
و كترى من السوايل سكر خفيف و لو بيرضع كترى الرضاعه
و فى بعض الاكلات اللى بتساعد على ان البراز يبقى ماسك نفسه
زى:
الجزر و الرز و الموز و البطاطس


طيب امتى اروح لدكتور؟
1:لو ظهرت اعراض جفاف
اللى هيا ايه؟
هتبصى فى عنيه تلاقيها داخله لجوة
و لسانه هيبقى ناشف
و هتقل كل افرازات الجسم زى العرقو الدموع و البول (لو لاقيتيه مش بيبل البامبرز ع الاقل مرة كل 8 ساعات)
و لو شديتى جلد بطنه هتلاقيها بترجع لمكانها تانى ببطء
هتلاقى الفتحه اللى فى راسه نازله لتحت شويه

2: لو طفلك كان بيرجع كل حاجه و مفيش حاجه بتستنى فى بطنه
3: لو درجه حرارته زادت دا غالبا بتكون اشارة لان العدوى اللى خدها بكتيريه
و هيحتاج مضاد حيوى لكن لو مفيش حرارة بتكون غالبا العدوى فيروسيه و بيكون مش محتاج مضاد حيوى
بس طبعا اغلب الدكاترة بيستسهلو و يدو مضاد حيوى على طول مع ان 80% من الحالات بكون سببها الروتا فيروس


4: لو لقيتى دم او مخاط فى البراز



و اخر حاجه عايزة اقولها ان طبعا بعد كل مرة اسهال تغيريله الحفاض عشان مش يعمله التهابات





اى استفسار انا فى الخدمه

هل ممكن الطفل يا ام سيمو ياكل الحاجة بس ميتقبلهاش عصير يعني مثلا يتقبل مهلبيى التفاح بس ميقبلش عصير التفاح هل ده عادي

و المفروض ابدأ اعود يوسف من امته على انه يشرب عصاير في الكوباية اللي بتكون ليها اخرام صغيرة كده

شكراً بجد على الموضوع الاكثر من الرائع
متابعة معاكى يا ام سيمو القمر

طيب ام سيمو دلوقتي انا عايزة اعود يوسف على الاكل و عايزة مثلا تقوليلي اديله كام وجبة في اليوم انا جايبلاه بس سيريلاك رز من ميلوبا بتاع اربع شهور و جايباله بردو بسكويت ميلوبا اربع شهور الحاجات التانية انا عادي ممكن اعملها في البيت و ان شاء الله هبقى اجرب الرز اللي انتي كنتي كاتبة طريقته المفروض ياخد كام وجبة و كده و ياريت تديني امثلة عشان اقدر امشي عليها انتي عارفة بقى اول طفل و الواحد بيكون محتار

dandona om jou;14086560:
هل ممكن الطفل يا ام سيمو ياكل الحاجة بس ميتقبلهاش عصير يعني مثلا يتقبل مهلبيى التفاح بس ميقبلش عصير التفاح هل ده عادي

و المفروض ابدأ اعود يوسف من امته على انه يشرب عصاير في الكوباية اللي بتكون ليها اخرام صغيرة كده

dandona om jou;14086622:
طيب ام سيمو دلوقتي انا عايزة اعود يوسف على الاكل و عايزة مثلا تقوليلي اديله كام وجبة في اليوم انا جايبلاه بس سيريلاك رز من ميلوبا بتاع اربع شهور و جايباله بردو بسكويت ميلوبا اربع شهور الحاجات التانية انا عادي ممكن اعملها في البيت و ان شاء الله هبقى اجرب الرز اللي انتي كنتي كاتبة طريقته المفروض ياخد كام وجبة و كده و ياريت تديني امثلة عشان اقدر امشي عليها انتي عارفة بقى اول طفل و الواحد بيكون محتار

بصى يا دودو وارد انه ميحبي عصير التفاح و ياكل التفاح المهروس عادى
هما بيبقى ليهم تحكمات كده
يعنى انا عندى سما مكانتش بتحب الرز مهروس بس لما بحطلها عليه شوربه بتحبه
هنا ييجى دورك انتى لو لاقيتيه مبيحبش حاجه غيريلو فى شكلها او دخلى عليها حاجه تانيه

بالنسبه للكبايه ابداى شربيه فيها من دلوقتى

بالنسبه للاكل بقى انا مش عايزاكى تكترى من دلوقتى
يعنى و جبه واحده بس فى اليوم و متكونش كتير يادوب بس تعوديه على طعم الاكل و المعلقه عشان ميعذبكيش بعد كده

يعنى انهارده مثلا اسلقى نص تفاحه و اكليهاله

و زى متفقنا هتديهاله 3 ايام و را بعض

مرة جربى بسكوت دوبيهوله فى حبه لبن
مرة وجبه سيريلاك صغيرة
و كذلك الخضار
بس خلى بالك وانتى بتجربى اى حاجه جديده اديهاله الصبح عشان تاخدى بالك لو هتجيبله حساسيه لا قدر الله

بعد ميو صل للخامس زوديله فى الوجبه شويه
و ع السادس ان شاء الله زودى عدد الوجبات


و متخافيش جمدى قلبك كده ان شاء الله هياكل كل حاجه

katkooota_7aboooba ام حــور;14086591:
شكراً بجد على الموضوع الاكثر من الرائع
متابعة معاكى يا ام سيمو القمر

ربنا يخليكى يا ام حور شرفتينى يا قمر

ربنا يكرمك يارب
طيب ليا سؤال لو سمحتى عصير البرتقال بيعمل اسهال؟

sally2007;14087202:
ربنا يكرمك يارب
طيب ليا سؤال لو سمحتى عصير البرتقال بيعمل اسهال؟

بصى هو فى الطبيعى مش بيعمل اسهال لو اديتيه للبيبى مخفف
وفى الرينج الطبيعى
لكن لو زودتى كميته كتير او عطيتيه مركز ممكن يعمل اسهال
عشان كده بنستعمله فى علاج الامساك

طب انا سمعت ان صفار البيض مش اكتر من مرتين فى الاسبوع بس معلش انا هتقل عليكى لو مثلا جدول اسبوعى لامثلة الفطار و الغدا و العشا احسن انا لوحدى مبعرفش خالص و مجوعة الببنت معايا:'( و الرضاعة مع الاكل تبقى امتى وكده

مجهود جميل ومتبعاكي افتكرت حاجات كتير لان عندي طفلين والتالت عنده 4 شهور فبفتكر الكلام اللي كنت بعمله الف شكر ليك

أم سيمو ربنا يخليكي ويخليلك سيمو.. دلوقتي عندي مشكلة مع آدم افندي انه حاليا فيه علاج لازم ياخذه الصبح وعلي معدة فاضية وعلي الأقل مش يرضع الا بعده بساعة.. بس حضرته كل شوية عايز يرضع.. المفروض بقي دلوقتي تكون آخر رضعة قبل الدوا بقد ايه؟ وأعمل ايه علشان العلاج ده مهم جدا لو مش مشي عليه صح ممكن نوصل لتدخل جراحي لا قدر الله.. علي فكرة آدم اخذ التيتينة والببرونة قبل صدري لأن ولادته كانت قيصري بس مش بيرضي يأخذها علي طول ساعات يرضي وساعات يزق نفسه لورا ويصرخ مع انه لو نام بيها ووقعت منه يصرخ لحد ما احطهاله ينام فورا.. هي العيال دي هتعقل امتي ههههههههههه

Bossy22;14089458:
طب انا سمعت ان صفار البيض مش اكتر من مرتين فى الاسبوع بس معلش انا هتقل عليكى لو مثلا جدول اسبوعى لامثلة الفطار و الغدا و العشا احسن انا لوحدى مبعرفش خالص و مجوعة الببنت معايا:'( و الرضاعة مع الاكل تبقى امتى وكده

ايوة يفضل ميبقاش ورا بعضه كل يوم عشان زيادته وحشة ولينا احنا كمان، ولو هتدي في يوم صفار بيضة يبقي كفاتية مثلث جبنة واحد في اليوم نفسه لكن لو مفيش صفار في اليوم ده ممكن تدي مثلثين متوزعين علي اليوم

ما شاء الله موضوع مفييييييييد جدا
ربنايحفظلك بنوتك

Bossy22;14089458:
طب انا سمعت ان صفار البيض مش اكتر من مرتين فى الاسبوع بس معلش انا هتقل عليكى لو مثلا جدول اسبوعى لامثلة الفطار و الغدا و العشا احسن انا لوحدى مبعرفش خالص و مجوعة الببنت معايا:'( و الرضاعة مع الاكل تبقى امتى وكده

CuTie KaTkOoTa;14090667:
ايوة يفضل ميبقاش ورا بعضه كل يوم عشان زيادته وحشة ولينا احنا كمان، ولو هتدي في يوم صفار بيضة يبقي كفاتية مثلث جبنة واحد في اليوم نفسه لكن لو مفيش صفار في اليوم ده ممكن تدي مثلثين متوزعين علي اليوم

:thumbs_up::thumbs_up::thumbs_up: ميه ميه يا دكتوره ايمى
ايوة فعلا يستحسن متكتريش مرتين او 3 فى الاسبوع عشان الكوليسترول

و تابعينى انهارده هنزلك جدول للاكلات و هجمعلك وصفات كويسه ممكن تعمليها ان شاء الله

medowawa;14089657:
مجهود جميل ومتبعاكي افتكرت حاجات كتير لان عندي طفلين والتالت عنده 4 شهور فبفتكر الكلام اللي كنت بعمله الف شكر ليك

تسلمى يا قمر تابعينى ان شاء الله تستفيدى

~OM-ADAM~;14090608:
أم سيمو ربنا يخليكي ويخليلك سيمو.. دلوقتي عندي مشكلة مع آدم افندي انه حاليا فيه علاج لازم ياخذه الصبح وعلي معدة فاضية وعلي الأقل مش يرضع الا بعده بساعة.. بس حضرته كل شوية عايز يرضع.. المفروض بقي دلوقتي تكون آخر رضعة قبل الدوا بقد ايه؟ وأعمل ايه علشان العلاج ده مهم جدا لو مش مشي عليه صح ممكن نوصل لتدخل جراحي لا قدر الله.. علي فكرة آدم اخذ التيتينة والببرونة قبل صدري لأن ولادته كانت قيصري بس مش بيرضي يأخذها علي طول ساعات يرضي وساعات يزق نفسه لورا ويصرخ مع انه لو نام بيها ووقعت منه يصرخ لحد ما احطهاله ينام فورا.. هي العيال دي هتعقل امتي ههههههههههه

يا حبيبى الف سلامه عليه
الدوا ده المفروض يتاخدقبل او بعد الاكل ع الاقل بساعه عشان يمتص كويس
معلش هى اول فترة دى بتبقى متعبه خصوصا اول 3 شهور و بعدين ماهو لازم يتدلع عليكى هو انتى عندك كام دومى يعنى
ربنا يخليهولك يا جميل

عالم سمسم;14090677:
ما شاء الله موضوع مفييييييييد جدا
ربنايحفظلك بنوتك

الله يخليكى يا قمر