كل يوم هنتكلم عن موضوع جديد خاص بصحه طفلك

تسلمولى كلكم يا رب و ربنا يفرحكم باولادكم

melomemo;14109418:
تسلم ايدك علي المعلومات الجميلة دي ..
هو فعلا كان عنده متابعة مع الدكتور النهاردة و قالي طوله 65 سم
و هسأل ان شاء الله علي تحليل هرمون النمو

و معلش كان ليا سؤالين تاني عندك ..

ازاي أخليه يعرف باباه ؟!!!
بصراحة حاسة انه مش عارفه و مش مرتبط بيه .. مع ان باباه بيحاول علي قد ما يقدر يريحه و يلاعبه
بس هو علطول بيعيط لما باباه بيشيله بدون سبب
مش عارفة لو في حاجة ممكن اعملها ياريت تنصحيني بيها

و كمان عايزة علاج للعصبية عند الطفل لانه بصراحة عصبي جدااااو علطول بيفرك و شفايفه بترعش
(( لو نايم و عايز يصحى .. و لو صاحي و عايز ينام و لو عايز يأكل و لو عايز يتشال و لو عايز يلعب و لاي سبب))
و معلش لو بسال كتير اصل اول بيبي ليا و لسه بتدرب

حبيبتى بالنسبه لباباه خليه دايما يلاعبه و يكلمه فى الاول ولانتى شايلاه و بعد ميتعود عليه اديهوله يشيله
انتى قولتى ان بنك بيرضع صناعى خلى باباه مرة هو اللى يديله الرضعه بدالك
خليه يشاركك مثلا و انتى بتغيريله البامبرز او وانتى بتحميه
يقعد يكلمه او يحكيله كانه واحد صحبه
متخافيش هيا الفترة دى بيبقى مرتبط بالام اكتر بس بعد كده انشاء الله هيبدا يتعود عليه و يمكن يحبه اكتر منك كمان:):)

اما بالنسبه للعصبيه فكل البيبيهات كده
مش عارفه ايه الجيل العصبى ده انا بنتى من يوم متولدت مش قادرة اقولك حركتها كتير قد ايه
و نفس الرعشه اللى انتى بتقولى عليها
حاولى على قد متقدرى يبقى الجو هادى حواليه و محدش يزعق او يبقى صوته عالى قدامه
و ربنا يخليهولك يا قمر
و اسالى على كل اللى انتى عايزاه احنا اخوات
ويارب اكون بفيدك

أم سيمو ربنا يباركلك ويجعله في ميزان حسناتك بجد معلومات مفيده لنا كلنا.. عندي سؤال ضروري.. هل حبوب ميكروليت لمنع الحمل أثناء الرضاعة ممكن تأثر علي كمية اللبن؟ لاني حاسه ان اللبن قل عن قبل ما اخذها.. واللوب لازم يتركب وفيه بريود ولا مش شرط

CuTie KaTkOoTa;14090667:
ايوة يفضل ميبقاش ورا بعضه كل يوم عشان زيادته وحشة ولينا احنا كمان، ولو هتدي في يوم صفار بيضة يبقي كفاتية مثلث جبنة واحد في اليوم نفسه لكن لو مفيش صفار في اليوم ده ممكن تدي مثلثين متوزعين علي اليوم

ده لسن كام انا بدى يوسف بيضه ومعاها مثلثين جبنه كده غلط هو سنة بالظبط دلوقتى

لؤلؤة عروس البحر;14092169:
أم سيمو أنا عاوزاكي تتكلمي عن التطعيمات المتأخرة أنا إتأخرت عن تطعيم ابني بتاع ال9 شهور اديتهوله 9 شهور و3 أسابيع وخايفة ميأثرش فاتكلمي عن المواضيع دي

ده أصلا جرعه تنشيطيه ممكن ماياخدوش عادى أصلا

أم سيمو سؤال ضرورى يوسف لما بيكون عيان وسخن لدرجة 39 الدكتور بيقول نديلو دش بارد من الحنفيه
انا سمعت فى برنامج أمريكى ان الدش مع السخونيه غلط وبيدى نتيجه عكسيه ايه رأيك

DodyCat;14112684:
ده لسن كام انا بدى يوسف بيضه ومعاها مثلثين جبنه كده غلط هو سنة بالظبط دلوقتى

كده كتير اه يا دودي ، ده احنا لغاية دلوقتي مفروض مناكلش اكتر من بيضتين في اليوم ومش كل يوم ويفضل بيضة كاملة وبياض بيضة تانية من غير صفارها حتي هتلاقي برامج الاكل الصحي الاجانب دايما بيعلقوا علي الموضوع ده، فخللي بالك بقي معلش

~OM-ADAM~;14112650:
أم سيمو ربنا يباركلك ويجعله في ميزان حسناتك بجد معلومات مفيده لنا كلنا.. عندي سؤال ضروري.. هل حبوب ميكروليت لمنع الحمل أثناء الرضاعة ممكن تأثر علي كمية اللبن؟ لاني حاسه ان اللبن قل عن قبل ما اخذها.. واللوب لازم يتركب وفيه بريود ولا مش شرط

حبوب ميكروليت من الحبوب الامنه مع الرضاعه و مش بتقللها ولا حاجه
بصى يا ام ادم انا بصراحه مشتغلتش فى مجال تنظيم الاسرة غير شهر واحد
فا حبوب منع الحمل دى بصراحه مليش خبرة فيها قد كده بس انا من رايى ان اامن وسيله هو اللوب
هتحطيه و تنسى
بالنسبه لتركيبه عادى ممكن يتركب من غير بيريود بس الاسهل انك تركبيه فى اليوم الرابع او الخامس من البيريود بيبقى اسهل ليكى و للدكتور اللى بيركبه عشان عنق الرحم بيبقى نازل لتحت و مفتوح مش مقفول
بصراحه كان بيتعبنى اوى لما بركبه لواحده معندهاش بيريود:):)

QUOTE=DodyCat;14112684] ده لسن كام انا بدى يوسف بيضه ومعاها مثلثين جبنه كده غلط هو سنة بالظبط دلوقتى[/QUOTE]

مش تقلقى يا دودو احنا بس مش بنحب نكتر م البيض عشان هو من اغنى المصادر للكوليسترول و الدهون الثلاثيه
فمش عاوزين نكتر لولادنا من الحاجات دى و هما صغيرين
و عادى مثلثين جبنه مفيهاش مشاكل
و خللى البيض مرتين او 3 بالكتير فى الاسبوع

DodyCat;14112710:
أم سيمو سؤال ضرورى يوسف لما بيكون عيان وسخن لدرجة 39 الدكتور بيقول نديلو دش بارد من الحنفيه
انا سمعت فى برنامج أمريكى ان الدش مع السخونيه غلط وبيدى نتيجه عكسيه ايه رأيك

الخوف من الميه الساقعه هى اللى ممكن تجيب نتيجه عكسيه
انما ميه الحنفيه عادى المفروض فعلا تبداى بيها لما يكون سخن
اقولك ليه
عشان ادويه السخونيه الى من ماده الباراسيتامول مش بتشتغل على درجه حراره اكتر من 38
فانتى لازم الاول تنزلى درجه الحراره ل 38 عشان تشتغل
بتنزلى الحرارة بحمام ميه من الحنفيه تملى البانيو الصغير ده و تحطى نصه التحتانى فيه
او تعملى كمادات ميه على رقبته و تحت باطه

melomemo;14114276:

ام سيمو انا متشكرة جدااااااااااااااا علي اجاباتك علي الاسئلة .. و انك ما بتبخليش علينا بخبراتك

كنت عايزه اسألك على تطعيمات الانفلونزا الثلاثه اللي بتبقى قبل 6 شهور

انا اديته الجرعة الاولي من تطعيم الروتافيروس .. و الجرعة التانية ان شاء الله الدكتور حددها علي 4 شهور

و المفروض في خلال الاسبوع ده هيأخد اول تطعيم له (( شهرين ))

هل تطعيمات الانفلونزا دي ضرورية ؟!!!.. لان حاسة ان كده كتير عليه

و شكراااا يا قمر مرة تانية

بالنسبه للتطعيمات يا قمر مفيش منها اى ضرر
بس انا شخصيا معطيتش بنتى اى تطعيم غير بتوع الوزاره
بس بالنسبه لسؤالك مفيش منها اضرار ان شاء الله

بنات سامحونى لو مقدرتش انزل موضوع انهارده انا من الصبح تعبانه عندى دور برد فظيع و مش حابه اخد ادويه عشان الهانم للى بترضع:)
و قاعده فى السرير والله ما قومت الا دلوقتى عشان اشوف اسالتكم و هرجع تحت البطانيه تانى:sick::sick:

ادعوووولى

ألف سلامة عليكي يا أم سيمو.. خدي ليمون وحاجات دافية وان شاء الله تبقي بخير

OM SIMO;14114565:
بنات سامحونى لو مقدرتش انزل موضوع انهارده انا من الصبح تعبانه عندى دور برد فظيع و مش حابه اخد ادويه عشان الهانم للى بترضع:)
و قاعده فى السرير والله ما قومت الا دلوقتى عشان اشوف اسالتكم و هرجع تحت البطانيه تانى:sick::sick:

ادعوووولى

اسال الله العظيم رب العرش العظيم ان يشفيكى وربنا يحميلك سيمو ويبارك فيها

ودرسك الاخير جميل وخوصا اللنننهات اللى بتحطيها :D عسوووله اوى

ام سيمو انا بنتى دلوقتى عندها11 شهر و 3 ايام فى اى نوع كالسيوم او حديد اديهولها انا اديتها بيديكال ووقفته لما تمت عشر شهور لان الدكتور قالى كدا

OM SIMO;14114565:
بنات سامحونى لو مقدرتش انزل موضوع انهارده انا من الصبح تعبانه عندى دور برد فظيع و مش حابه اخد ادويه عشان الهانم للى بترضع:)
و قاعده فى السرير والله ما قومت الا دلوقتى عشان اشوف اسالتكم و هرجع تحت البطانيه تانى:sick::sick:

ادعوووولى

تسلمولى كلكو يا رب بجد ميرسى لكل اللى دعالى انا الحمدلله احسن شويه دلوقتى

doaaes;14118355:
ام سيمو انا بنتى دلوقتى عندها11 شهر و 3 ايام فى اى نوع كالسيوم او حديد اديهولها انا اديتها بيديكال ووقفته لما تمت عشر شهور لان الدكتور قالى كدا

غالبا بيبقى لحد سنه بس مادام الدكتور قالك وقفيه على 10 شهور يبقى هو ادرى طبعا عشان كل طفل و احتياجه
و الحديد انا بصراحه مش بحب اديه لو مفيش لزوم يعنى لو بعد الشر حليلتيلها و طلع عندها انيميا اديهولها غير كدا بلاش
و انتى وراحتك طبعا

انهارده هيكون موضوعنا صغير و خفيف


هنتكلم فيه عن القشره فى شعر البيبى



و اللى اسمها العلمى


قلنسوة المهد
او

(cradle cap)



دى طبعا شائعه جدا فى الاطفال و بتظهر فى اول شهور من حياتهم
و شكلها بيختلف من حاله للتانيه
ساعات نلاقيها عباره عن قشور بسيطه خفيفه
و ساعات تبقى القشرةتخينه
لونها بنى او ابيض او اصفر

ممكن تبقى القشرة دى برضه موجوده فى حواجبه او ورا ودانه



هيا بالرغم ان شكلها مش ظريف مش بتسبب للبيبى اى ألم أو اذى




طيب ايه سببها؟
لسه لحد دلوقتى متعرفش سببها الرئيسى
بس فى بعض العلماء بيقولو انها بسبب الهرمونات اللى بياخدها البيبى من الام قبل الولاده بتخلى الغدد الدهنيه عنده نشاطها زايد

فى سبب تانى انها ممكن تكون نوع من الفطريات اللى بتنمو فى الافرازات الدهنيه
عشان كده بعض الحالات دى بتستجيب لمضادات الفطريات

طيب تعالجيه ازاى؟

اول حاجه عايزة اقولها ان ها بتاخد وقتها و تروح من نفسها من غير اى علاج غالبا بعد 4-6 شهور و فى قليل من الاطفال بتمتد معاهم لسنه

طب لو مضايقاكى
هتغسلى شعر ابنك ب شامبو خفيف تسيبى الشامبو دقيقه على شعره و تحاولى تطرى بيه القشرة و بعدين تغسليه و تحطى عليه طبقه من الزيت و تسيبيه شويه يطرى خالص و بعدين تجيبى فرشه ناعمه و تمشيها عليه هتلاقيه طلع بكل سهوله

هوا دا كل اللى محتاجه تعمليه
و بعد كده تغسلى شعر ابنك بالشامبو كل يومين

طيب امتى ابنى يكون محتاج لعلاج؟
لو القشرة دى كانت كتيره اوى و ممتده لاماكن تانيه فى جسمه
او لو ظهرت التهابات او احمرار مكان القشرة
ساعتها الدكتور ممكن يدييكى دهان موضعى فيه نسبه كورتيزون
او غسول مضاد للفطريات حسب الحاله

انا فعلا يا ام سيمو ابني لحد داوقتي موجودة في شعره و القورة عنده بس كش بتروح حتى لو عملت بالشامبو بردو بتطلع تاني و فعلا بفكر اروح بيه لدكتور جلدية

و الف مليون سلامة عليكي يا قمر

الف سلامة عليكي يا ام سيمو

دكتور ماجد زيتون هايجي في الحلقة الجاية مع دعاء في قناة الحياة وهايتكلم عن التغذية للأطفال بس من سن 3 سنين تقريبا حتي البلوغ

حمدالله علي السلامة ياقمر.. ممكن اقترح موضوع بردو للخطة الخمسية القادمة ههههههه أنتي اللي جايبه وجع الدماغ لنفسك يابنتي ربنا يجازيكي خير.. اه الموضوع هو المهارات اللي المفروض الطفل يكتسبها في كل مرحلة من عمره خصوصا المواليد العفاريت بتوعنا ربنا يحميهم ويهديهم يارب.. اما سؤال الحلقة بتاعي بقي آدم لما اجي اكل أو اشرب مثلا احس انه مهتم جدا وبيقرب من الاكل طفس ذي خالتو ههههههه هل كده ممكن ابدأ أكله علي ٤ شهور خفيف كده؟ وامتي التسنين بيبدأ؟