كل يوم هنتكلم عن موضوع جديد خاص بصحه طفلك

بصي يا توكي هو آدم وتايا متفقين علينا ماشيين في كل حاجه سوا.. أنتي هتبدأي عصاير من أول الرابع ؟ مش المفروض بعد ما تتم الرابع ولا ده في الاكل بس؟ موضوع الأحمرار ده أنا أول يوم حطيت بيبي اويل خفت شوية بس رجعت ثاني.. أم سيمو قالتلي اغسله بميه بس أنا كنت بغسل بصابونة بيبي جونسون بطلت و حطيت مرة زنك اوليف ومرة كيناكومب ربنا يستر

M!ss Tuky;14146420:
بوسي انتى ماشيه معايا ف كل حاجه تقريبا بالظبط وبالمللى حكايه الشهر التالت ورخامته فعلا مرخمه عليا بقالها كام يوم يا البريست يا تمص صوابعها بس هى اييه .. بتفهم انهم صوابعها ف بتزن اكتر

وحكايه الحبوب الحمرا لسه متكلمه فيها النهردا نفس الحكايه بالظبط حتى كنت داخله ف استفسارات اقول نفس الكلام

والتتينه حاولت بكل الطرق جبتلها كل الاشكال مرضيتش عتاوزة البريست

ثالثا سؤالى بقي ف السريع كده انا هبدأ العصاير ان شاء الله لما تتم التالت يعني كمان كام يوم

واعرف انهم المفروض يبقو اربع انواع كل نوع ف اسبوع

عاوزة اعرف .. ابدأ ب اييه .. ونسبت العصير للمايه قد اييه .. واديها كام مللى ف المره .. وكام مره ف اليوم معلش هو الموضوع طويل بس دللونى بالله عليكم

انتى ليه يا جميل هتبتدى تدخلى عصاير بدرى كده
الاحسن تستنى لما تتم 4 شهور

انا هبتدى الاكل والى هو عبارة عن زبادى وسيريلاك ف الخامس ان شاء الله

انما العصاير حجات خفيفه كده ف الرابع ان شاء الله بإذن الله

عندي كتاب انت وطفلك والطبيب مكتوب فيه ان ف الشهر الخامس اللبن مبيبقاش كفايه علي البيبي ف بيتدخلو حاجه تانيه لسه بصراحة مكملتش الكتاب عملت لجوزى الاكل :d

ف هبدأ ف العصاير احسن ف الرابع

ام سيمو والله مش حافظة ميعاده بس تقريبا بيجي الساعة 4 او 4 ونص لكن ميعاد دكتور ماجد بقي معرفش كل يوم ولا ايه اصلي مش عارفة اتابع الميعاد ده عشان جوجو هانم وللأسف معرفتش افتح اشوف الحلقة

M!ss Tuky;14147003:
انا هبتدى الاكل والى هو عبارة عن زبادى وسيريلاك ف الخامس ان شاء الله

انما العصاير حجات خفيفه كده ف الرابع ان شاء الله بإذن الله

عندي كتاب انت وطفلك والطبيب مكتوب فيه ان ف الشهر الخامس اللبن مبيبقاش كفايه علي البيبي ف بيتدخلو حاجه تانيه لسه بصراحة مكملتش الكتاب عملت لجوزى الاكل :d

ف هبدأ ف العصاير احسن ف الرابع

خللي بالك يا توكي، ان لما بيكتبوا الشهر الخامس بيبقي قصدهم انه قفل الخامس وابتدي في السادس غير كلامنا احنا، فهماني.
خللي العصاير في نص الرابع احسن

كتكوتة البرنامج بييجي الساعة ٤ علي الحياة الحمرا وكل يوم دكتور مختلف.. أم سيمو هو الهز غلط علي الطفل؟ غير حكاية انه بيتعود دي علشان أنا ابني متعود من أول يوم خلاص

OM SIMO;14137400:
هيا نلعب




موضوع انهارده هيكون ازاى تلعبى مع طفلك فى شهور عمرة الاولى
طبعا الموضوع المرادى مش انا اللى كتباه من دماغى
انا نقلاه من موقع مجمعالكم منه شويه افكار للعب مع اطفالنا و التواصل معاهم

الشهر الاول:

عرض دمى الأصابع


ربما لاحظتِ أن قوة البصر لدى وليدك الصغير محدودة قليلاً؛ ويبدو أنه لا يدرك وجود الأشياء التي تبعد عنه، ويكفي أن تقرّبي غرضاً من حدود نظره (أبعديه عن وجهه ما بين 8 بوصات إلى 15 بوصة كمسافة مثالية) لكي تكتشفي كم يستطيع أن يبصر بالفعل! إنها مهارة لازمة لبقائه؛ فالأطفال الرضّع يأتون إلى هذه الدنيا مزودين بما يمكّنهم من العثور على الغذاء، وهذه هي المسافة التي تكون بين وجه الرضيع وبين أمه أثناء الرضاعة! تعرّفي على مهارات طفلك البصرية التي تنمو وتتطور من خلال لعبة بسيطة تستخدمين فيها دمى الأصابع.

المهارات التي يتمّ تنميتها: القوة البصرية والتفاعل
سوف تحتاجين إلى: مجموعة من دمى الأصابع البسيطة. يمكنك تصنيع إحدى هذه الدمى بنفسك من الورق المقوّى الخشن الملوّن وأقلام الفلوماستر.

اجعلي طفلك يستلقي على ظهره أو ضعيه مستلقياً على مقعد هزاز. ضعي دمى الأصابع في كلا السبابتين باستخدام مجموعة من تلك التي اشتريتها من أحد المتاجر أو صنعتها في البيت (انظري الإرشادات أدناه). قربي أصابعك ببطء حتى تصبح ضمن حدود رؤية الطفل، وانتظري حتى يركّز على وجهي الدميتين. بعدها، قدّمي كل دمية للطفل وأنت تتحدثين ببطء وهدوء، كأن تقولي له مثلاً: "مرحباً! أنا القطّ هرهور!". وخلال الحديث الذي تقولينه على لسان كل دمية منهما، احني إصبعك إلى الأمام وكأن الدمية تنحني لطفلك. انتظري للحظة كما لو كنت تتيحين فرصة لطفلك كي يردّ على الدمية، ثم واصلي إجراء هذا الحوار (من جانب واحد) بين الطفل والدمية. أخيراً، دعي الدميتين تقدمان موكباً احتفالياً أمام الطفل وتتمايلان إلى الأعلى والأسفل بعيداً عن مجال رؤية صغيرك.

ولكي تصنعي دمية الأصابع بنفسك، قومي بما يلي: استخدمي الورق المقوّى الخشن والملون. قصّي الورقة على شكل مستطيلات صغيرة، واصنعي اسطوانات بسيطة بحجم أناملك (بحيث يمكن أن تلتف على إصبعك) ثم قومي بلصقها بالشريط اللاصق أو الصمغ أو الدباسة. ارسمي بقلم الفلوماستر وجوهاً بملامح غير معقدة: فالأطفال الرضع يتفاعلون بشكل مباشر وكبير مع الوجوه البسيطة المرسومة.
التدليك (المسّاج) اللطيف






ليس من المبكر أبداً منح طفلك تجربة التدليك (المسّاج) الأولى مع قوة الشفاء التي تنشأ من الاتصال البشري. يولد الطفل مع حاسة لمس متكاملة، وهي إحدى الطرق الرئيسية التي يحتك بها بالعالم الخارجي.

المهارات التي يتمّ تنميتها: تحفيز الحواس
سوف تحتاجين إلى: زيت عطري لطيف للتدليك (المسّاج) مثل زيت اللوز الحلو، أو زيت نباتي خالص من دون أي إضافات.

دعي طفلك يتقلب عارياً على طبقة من حفاضات القماش أو على منشفة (فوطة) حمام (إذا كان جو الغرفة بارداً، ألبسيه قميصه الصغير). قومي بتدفئة القليل من الزيت بين يديك عبر فركهما، ثم دلّكي بشرة الطفل بهما بلطف شديد بدءاً من قدميه. لفّي كل إصبع من أصابع قدميه، ثم استخدمي إبهاميك للضغط على أخمص قدميه. استمري في التدليك حتى تصلي إلى الساقين. اضغطي برفق على الساقين والفخذين وكأنك تقولبين أو تشكلّين الطين (الفخار). (خلال المرات القليلة الأولى، قد يكون من الأفضل تدليك قدميه وساقيه فقط إلى أن يعتاد على هذا الإحساس). بالنسبة لمنطقتي الصدر والبطن، ضعي كلتا يديه بلطف على مركز جذع طفلك، ثم انشري زيت التدليك من المركز إلى الجانبين، كما لو كنت تبسطين صفحات كتاب. استخدمي أطراف أصابع يديك – بينما تكون يداك مفرودتين – للتدليك إلى الخارج على شكل دوائر صغيرة. واصلي التدليك طالما بدا على الطفل أنه يستمتع بذلك؛ وتوقفي بمجرد أن يبدأ بإظهار عدم الراحة.

الشهر الثانى:

طفلي السائق!











يحب الأطفال الرضّع الركل، لماذا؟ لأنهم يُعِدِّون سيقانهم الصغيرة للمشي. أمتعي طفلك الذي سيصبح دارجاً (وأضفي جواً من المرح على أوقات تغيير الحفاضات) من خلال بعض التمارين العفوية.

المهارات التي يتمّ تنميتها: المهارات الحركية
سوف تحتاجين إلى: لا تتطلب هذه اللعبة أي معدات أو أدوات.

عندما يكون طفلك مستلقياً على ظهره على طاولة التغيير أو الوسادة، أمسكي بساقيه وساعديه للقيام بتمرين رياضي صغير يناسب سنّه. هذه هي طريقة ركوب الدراجات: أمسكي كاحلي الطفل وحرّكي ساقيه وكأنه يركب دراجة هوائية، أو علّميه الركل العالي: ارفعي ركبتيه واجعلي كل ساق تركل ركلة عالية. ولماذا نهمل الذراعين؟ ضعي ذراعيه على جانبي جسمه ثم ارفعيهما فوق رأسه. (يمكنك تسمية هذه الحركة لعبة "الضفدع"!). راقبي كم سيستمتع الطفل برفع الذراعين في الهواء والابتسام! يبدو أن الأطفال الرضّع يحبون ذلك.

كم أحب هذه الأصوات!


يولد الأطفال بغريزة متطورة للـ"جفل والاندهاش" كردة فعل استجابية للأصوات الصاخبة. ومع مرور الوقت، تتحول هذه الغريزة إلى حبّ للأصوات المثيرة للدهشة، وخصوصاً أصوات الطحن والصرير أو القعقعة. يساعد سماع الصوت ثم رؤية مصدره طفلك على فهم واستيعاب الأنواع الأخرى من الروابط.


المهارات التي يتمّ تنميتها: حاسة السمع، وإدراك مبدأ السبب والنتيجة.
سوف تحتاجين إلى: أشياء من المنزل تصدر أصواتاً حين تكدسينها وتكوّمينها، مثل الورق المشمع أو ورق القصدير (الألمنيوم أو السيلوفان)، ولعبة تصدر صريراً أو ضجة ما.

اجمعي الكثير من الأشياء التي تصدر أصواتاً، مثل قطعة من الورق المجعد، أو لعبة قابلة للضغط، أو كيس من الورق المشمع. اجلسي أو استلقي بجانب طفلك واعرضي كل صوت من هذه الأصوات مع تغيير ترتيبها كي يفاجأ الطفل دائماً. ثم ضعي الغرض الذي أتى منه الصوت في يده وساعديه على جعله يصدر الصوت ذاته الذي سمعه. كرري هذه اللعبة على مدى الأشهر المقبلة وراقبيه لتري إذا كان ينظر إلى يديك أو يستوعب مصدر الأصوات.

الشهر الثالث

غنّي لطفلك!




بدأ طفلك للتوّ يتعلم بعض الكلمات والأصوات المرتبطة بها والصادرة عنها. يمكنك غناء إحدى أغنيات الأطفال التي تشبع حبّهم للمفاجآت.


المهارات التي يتمّ تنميتها: القدرة على الكلام، وإدراك مبدأ السبب والنتيجة
سوف تحتاجين إلى: لا تتطلب هذه اللعبة أي معدات أو أدوات.

غني له إحدى أغنيات الأطفال التي تحفظينها في ذاكرتك، لكن سلطي الضوء على عنصر المفاجأة من خلال المؤثرات الصوتية والحركات. ابدئي الغناء بهدوء وببطء ثم ارفعي صوتك في النهاية. حاولي مرة أخرى مع تقليد صوت حيوان يأتي ذكره في الأغنية (العصفورة مثلاً، أو الصوص (الكتكوت)، أو الكلب، إلخ... استخدمي لعبة محبوبة لدى طفلك تكون على شكل أحد تلك الحيوانات وحرّكيها أمامه وأنت تقلدين صوت الحيوان. يمكنك أداء هذه الأغنية اللطيفة لإلهاء الطفل أثناء تغيير الحفاض، كما تعتبر وسيلة رائعة لإبقاء طفلك مستيقظاً عند ركوب السيارة لمسافة قصيرة عندما لا ترغبين بأن ينام أو يأخذ قيلولته حينذاك.


أين ماما يا تُرى؟

يفرح الأطفال الرضّع الذين يدركون العلاقة بين السبب والنتيجة كلما رأوا شيئاً غير متوقع يظهر أمام أعينهم فجأة. تعدّ مفاجأة الطفل برؤية وجهك سبباً لإطلاق أجمل الضحكات، لكن يمكنك تحويلها إلى لعبة أكثر تسلية باستخدام مجموعة كبيرة من تعبيرات الوجه المثيرة للضحك.

المهارات التي يتمّ تنميتها: إدراك مبدأ السبب والنتيجة، ودوام الأشياء التي تغيب عن ناظري الطفل (ما يختفي عن النظر يبقى موجوداً في مكان ما)
سوف تحتاجين إلى: غرض ما تختبئين وراءه.

أجلسي طفلك في كرسيه الهزاز أو مقعد السيارة المخصص للأطفال. اختبئي في مكان يستطيع طفلك أن يراك فيه، ثم اظهري أمامه فجأة وعلى وجهك ابتسامة مبالغ فيها أو علامات الاستغراب والدهشة، واكتشفي إذا كانت هذه اللعبة ستعجب صغيرك فتنتزع منه الضحك البريء أم لا! كرري ذلك مع تغيير تعبيرات الوجه المضحكة (تجنبي التعبيرات المخيفة بالطبع!) في كل مرة تعودين فيها إلى الظهور مرة أخرى أمام عيني الطفل مع تبديل المكان الذي يظهر فيه رأسك، على سبيل المثال وراء الكرسي، ثم وراءه من الجانب الايمن، وبعدها وراءه من الجانب الأيسر. واصلي اللعبة حتى تتعب عضلات وجهك. كما يمكنك أيضاً أن تلعبي هذه اللعبة الجميلة مع طفلك من خلال إظهار رأسك من أماكن أخرى كمدخل المنزل أو أركان البيت.


الشهر الرابع


ما أجمل الفقاعات!



يبدو أن يدي طفلك الرضيع بدأتا تصلان إلى كل مكان الآن؛ فهو يمسك بالأشياء لأنه من المثير بالنسبة له رؤية شيء ما ثم الوصول إليه ولمسه. تتعلّم يداه كيف تنفذان ما يأمر به عقله الصغير!

المهارات التي يتمّ تنميتها: التنسيق العضلي – العصبي بين اليد والعين، ومعرفة أجزاء الجسم
سوف تحتاجين إلى: أنبوب لنفخ الفقاعات.

أجلسي طفلك على كرسي يهتزّ (نطّاط). انفخي القليل من الفقاعات بلطف في اتجاهه بحيث يستطيع الوصول إليها والتقاطها أو فرقعتها (مع الحرص على عدم وصول فقاعات الصابون إلى عينيه). وبعد أن يعتاد الطفل على حركة الفقاعات قد يكون مستعداً لممارسة اللعبة التالية. انفخي الفقاعات بحيث تسقط على ساقيه وذراعيه ويديه وبطنه ... إلخ. وسمّي كل جزء من أجزاء جسمه الذي تمسّه الفقاعات في كل مرة: كأن تقولي له مثلاً: "هناك فقاعة على بطنك!"، "هناك فقاعة على يدك!". وعندما يكبر قليلاً، ستكون هذه اللعبة ممتعة أثناء الاستحمام. هناك خاصية غريبة في فقاعات الصابون، فهي تعلق على البشرة الرطبة من دون أن تنفجر فتتيح لطفلك فرصة للنظر إليها قبل فرقعتها. يستحسن أن تجعلي الفقاعات كبيرة كي تزداد متعة فرقعتها.


على متن الطائرة!

اقرئي في الأسطر التالية تفاصيل لعبة تسلّيك في الوقت الذي تقضينه مع طفلك وأنت تعلّمينه متعة الحركة. في هذه الأثناء، ستساعدين طفلك على صقل المهارات الحركية المتنامية بينما "تطيرين" بجسده الصغير في الهواء.

المهارات التي يتمّ تنميتها: المهارات الحركية
سوف تحتاجين إلى: لا تتطلب هذه اللعبة أي معدات أو أدوات.

اجلسي القرفصاء وطفلك في حضنك وظهره إليك. أمسكي الطفل جيداً بإحدى يديك بينما تضعين الأخرى وراءك لتدعم ظهرك، والآن ارفعي رجليك وهما مشبوكتان وطفلك عليهما. فيما يرتفع طفلك عالياً، قولي له: "ها هي الطائرة تقلع! وترتفع، وترتفع، وتذهب بعيداً!". وحين تنزلين طفلك قولي له: "ها هي الطائرة تهبط وتحطّ في المطار!". شجعي طفلك على رفع ذراعيه إلى جانبيه ليشكّل جناحي الطائرة. وعندما يكبر قليلاً، يمكنك زيادة سرعة رفعه وإنزاله قليلاً وهو على رجليك.

في حال كنت تحبين المغامرة، يمكنك ممارسة هذه اللعبة في حوض استحمام قليل الماء. وعبر استخدام نفس الحركة، تستطيعين رفع طفلك فوق سطح الماء وأنت تقولين له: "ها هي مركبة الفضاء تنطلق!"، ثم أنزليه وسبّبي تناثراً قليلاً لقطرات الماء وأكملي تعليقاتك بالقول: "ها هي مركبة الفضاء تعود لتهبط في البحر!".


الشهر الخامس

ألبوم صوري الأول!



من المفيد جداً أن يتعَرَّفَ طفلك على الوجوه المألوفة (بما فيها وجهك أنت) لأنه بذلك يتعلّم ربط الأشخاص بأسمائهم ووجوههم.

المهارات التي يتمّ تنميتها: التعرف على الأنماط، والمهارات الحركية الصغرى
سوف تحتاجين إلى: ألبوم صور صغير يحتوي على جيوب بلاستيكية شفافة لحفظ الصور.

اشتري ألبوم صور صغيراً واملئيه بلقطات لطفلك ولمن يتعامل معهم في حياته. بالإضافة إلى الأقارب وأصدقاء الأسرة (وهم أكثر من تظهر صورهم في الألبومات)، حاولي أن تُدخِلي أيضاً صور المربيات (جليسات الأطفال) أو من يرعاه أو الجيران وصور الأطفال الرضّع الآخرين الذين تعرفينهم.

أعطي الألبوم لطفلك وأخبريه أنه ملك له. اجلسي معه واعرضي عليه الصور وأتيحي له الفرصة للتعبير عن مشاعره أمامك. ستجدين أنه سيستجيب بحماسة للصور المألوفة لديه، بينما يشير إلى أي وجوه لا يعرفها وكأنه يستفسر منك: "من هؤلاء؟". ضعي الألبوم على أحد الأرفف أو في صندوق ألعابه الصغيرة حتى يستطيع تصفحه بمفرده فيما بعد. وستجدين أن هذا الألبوم تحوّل بسرعة إلى شيء مفضل لديه، وهو يمثل حلاً للآباء والأمهات لإلهاء الطفل أثناء السفر بالطائرة أو رحلات السيارة الطويلة.


حصاني الجميل!




يحب الأطفال الرضّع المفاجآت، والتي يتعلّمون من خلالها أن لكل فعل نتيجة ما. (كما يتعلّمون منها توّقع ما سيحدث).


المهارات التي يتمّ تنميتها: إدراك علاقة السبب بالنتيجة
سوف تحتاجين إلى: لا تتطلب هذه اللعبة أي معدات أو أدوات.

اجلسي على كرسي أو أريكة مع ضم ركبتيك معاً وثني ساقيك على شكل زاوية قائمة. ثم ضعي طفلك على ركبتيك بحيث يكون وجهه مواجهاً لك وساقاه على الجانبين. ضعي يديك على خصر طفلك لتثبيته ثم حركيه بلطف وهو على ركبتيك كمن يركب حصاناً، وأنشدي أغنية (من الذاكرة أو مبتكرة) عن ركوب الحصان وباعدي بين ساقيك قليلاً وأنت تمسكين طفلك بإحكام كي لا يسقط على الأرض.

وحين يكبر طفلك يمكنك ممارسة هذه اللعبة معه بإيقاعات أسرع و"سقوط" أسرع، لكن التزمي بالنغمات الهادئة في هذا السنّ. يمكنك أن تميلي بركبتيك يميناً ويساراً لتعطي طفلك الإيحاء بأنه يركب بالفعل شيئاً ما، وفي نهاية الأغنية دعيه يرتمي بين ذراعيك لتحتضنيه بحنان.

الشهر السادس


صفق بيديك!

يعيش الطفل "لحظة خارقة" حين يبلغ شهره السادس فيكتشف أن يداه يمكن أن تتلامسان. وحتى قبل أن يتقن طفلك هذه المهارة، يستمتع ويتسلّى بألعاب التصفيق، والتي تتيح له فرصة للتفاعل معك وجهاً لوجه ومحاولة تقليد أفعالك وحركاتك.

المهارات التي يتمّ تنميتها: التنسيق والانسجام بين اليدين
سوف تحتاجين إلى: لا تتطلب هذه اللعبة أي معدات أو أدوات.

لطالما كانت الألعاب القديمة مفضلة لدى الأطفال الرضّع، ولكن هذه اللعبة أصعب قليلاً. أجلسي طفلك على الأرض واجلسي أنت القرفصاء ووجهك تجاهه. إذا لم يكن قد أتقن مهارة الجلوس بعد، فضعي وسادة خلف ظهره كي تدعمه وتسنده. بعد ذلك، غني له هذه الأغنية وأنت تنفذين الأوامر المذكورة فيها حتى يقلدك:

صفّق صفّق بيديك،
صفّق بيديك الصغيرتين،
اضرب الأرض بقدميك،
ضع يديك على رأسك،
افرك بطنك بيدك، وهكذا دواليك.

أعيني طفلك على القيام بهذه الحركات بنفسه حتى لو اضطررت إلى إمساك رجليه ومساعدته في ذلك. استمري في اختراع كلمات من هذا القبيل عن تحريك حاجبيه وإخراج لسانه مثلاً طالما أن الأمر يضحكه.




الشيف الدمية!


قد يكون العشاء وقتاً مناسباً لطفلك كي يتعلم أن للأفعال نتائج. وتفيد هذه اللعبة بشكل خاص عندما يشعر صغيرك بالملل أو الضجر من الوجبات ويقاوم الأكل ويمتنع عنه.

المهارات التي يتمّ تنميتها: استيعاب علاقة السبب بالنتيجة، وفتح الشهية
سوف تحتاجين إلى: لعبة دبدوب، أو دمية بذراعين مرنين، وملعقة طعام للأطفال.

إذا كان طفلك لا يبدو متحمساً لإطعامه، فعليك الاستعانة بدمية مفضلة لديه أو لعبة دبدوب أو غيرها. أحضري اللعبة إلى الطاولة وقولي بأن صديقاً خاصاً سيقدم وجبة العشاء الليلة. أمسكي بملعقة في مخلب أو يد اللعبة ودعيها تطعم الطفل. سوف يضمن لك قيام الدب بإطعام طفلك النتيجة التي تريدينها. يمكنك أيضاً أن تُجلسي الدمية بجوار طفلك وتربطي مريلة الطعام حول عنقها ثم تقولين بأنك سوف "تُطعمين" طفلك وضيفه الصغير بالتناوب. لو كان طفلك قد تعلّم بالفعل كيفية الإمساك بالملعقة جيداً، اسمحي له بأن يُطعم صديقه بالملعقة. (ولكن كوني على استعداد لغسل وجه الدمية فيما بعد).




نكمل بكرة باقى الشهور
على فكرة يا جماعه الموقع دا رائع اكيد اكترنا مشترك فيه
لما بتشتركى فيه بيبعتلك كل اسبوع عن تطور طفلك وايه المهارات للى بيكتسبها كل اسبوع
و ايه الالعاب اللى ممكن تلعبيها معاه

اللى ميعرفش الموقع دا يقوللى وانا ابعتهوله ع الخاص

أنا مشتركة فيه من أيام الحمل موقع رائع جدااااااا

انا كمان عاوزة الموقع

M!ss Tuky;14147003:
انا هبتدى الاكل والى هو عبارة عن زبادى وسيريلاك ف الخامس ان شاء الله

انما العصاير حجات خفيفه كده ف الرابع ان شاء الله بإذن الله

عندي كتاب انت وطفلك والطبيب مكتوب فيه ان ف الشهر الخامس اللبن مبيبقاش كفايه علي البيبي ف بيتدخلو حاجه تانيه لسه بصراحة مكملتش الكتاب عملت لجوزى الاكل :d

ف هبدأ ف العصاير احسن ف الرابع

فعلا يا توكى زى ما ايمى قالت ان لما بيكتبو الرابع بيبقى قصدهم لما يتمه مش من اوله
و لو انتى عايزة تعرفى العصاير
عندك عصير تفاح عصير برتقال مخفف ممكن تحطى تفاح على موز على كمثرى على جوافه
يعنى على حسب الفاكهه الموجوده بس بلاش الفراوله و المانجو
بس بكرر تانى انا مبشجعش انك تبداى دلوقتى متستعجليش يا حبيبتى

QUOTE=~OM-ADAM~;14148633]كتكوتة البرنامج بييجي الساعة ٤ علي الحياة الحمرا وكل يوم دكتور مختلف.. أم سيمو هو الهز غلط علي الطفل؟ غير حكاية انه بيتعود دي علشان أنا ابني متعود من أول يوم خلاص[/QUOTE]
متخافيش يا بوسى الهز الخفيف عادى اللى بنخاف منه هو
الهز الجامد العنيف غلط ع البيبى لانه ممكن يؤدى لنزيف فى المخ لا قدر الله
يعنى الناس اللى متعوده تلاعب ابنها بعنف و ترميه فى الهو جامد كده و هو لسه صغير
غلط طبعا عشان كمان عضلات الرقبه عنده بيبقى لسه متحكمش فيها

موضوعنا انهارده عن
التهابات الاذن



التهابات الا\ن الوسطى من اكتر الحاجات اللى بتبقى متعبه جدا لو حصلت
و للاسف شائعه جدا فى الاطفال الرضع
و غالبا بيسبقه دور برد جامد



طيب يعنى ايه ؟




اقولك المفروض اان الاذن الوسطى دى بتبقى المكان اللى ورا طبله الاذن على طول
و بتفتح فيه قناه ستاكيوز طبعا المكان ده المفروض يفضل جاف على طول
طيب لسبب من الاسباب المكان ده بقى جواه سائل
ساعتها هيكون مكان مثالى لنمو البكتيريا و الفيروسات
طيب ايه اعراضها؟





بصى يا ستى اعراضها مختلفه باختلاف الحاله نفسها
لو الحاله بسيطه او لسه فى اولها هتلاقى البيبى مقريف و بيعيط كتير
ممكن يشد فى ودنه او يهرش فيها(بس خللى بالك مش كل بيبى بيشد فى ودانه يبقى عنده التهاب)
ممكن تلاقيه دافى شويه
لو الحاله جامده
هتلاقى البيبى بيعيط كتير مع الرضاعه بال\ات عشان كل مهيبلع هتوجعه
هتلاقيه سخونيه جامده
ممكن تلاقى افرازات صفرا جايه من ودنه
ريحه ودنه وحشه

طيب ليه الالتهابات دى بتيجى فى االاطفال اكتر؟




لان قناه استاكيوز اللى بتوصل مابين زوره و وودنه بتكون فى الاطفال قصيرة جدا وواسعه و افقيه
فبيبقى سهل ان اى سائل يتنقل عن طريقها للودان



اهم حاجه عايزة اقولها ان من اكتر الاسباب اللى بتؤدى لالتهابات الاذن
الوضع الخاطىء للرضاعه
انك ترضعى البيبى و هو نايم على ظهرة دا اكبر غلط لان زى ما قولنا ان اللبن كده هيبقى سهل جدا
انه يدخل للاذن و يعمل التهابات
و الوضع الصحيح انه يبقى مايل و رااسه مرفوعه شويه
طيب هل فى خطورة من الاتهابات دى؟
طبعا لو متعالجتش كويس ممكن تسبب ثقب صغير فى طبله الاذن بس غالبا بيقفل تانى
و تكرار الاصابه لفترات طويله ممكن تسبب فقدان السمع بس ناااااااااااااااادرا اوى



غالبا لو الحاله خفيفه بتخف لوحدها بس لو الالتهاب جامد
يبقى انتى اول متحسى باى عرض من الاعراض دى تروحى لدكتور انف و اذن عشان يبص عليه بمنظار الاذن
و يوصفلك المضاد الحيوى المناسب و اهم حاجه انك تكملى كورس العلاج بالكامل




واشوفكم على خير يا قمرات

بجد انتى فوق الممتاز يا ام سيمو
جزاكى الله خير وربنا يباركلك فى سيمو يا رب

ربنا يجازيكي خير يا ام سيمو

وكتكوووته انا ف الكتاب كاتبين عند بلوغ الطفل الشهر الخامس يعني اعتقد ف بدايته مش لما يتمه ولا حاجه

عموما مفيش مشاكل نستني شويه مجتش ع الشهر ده

احسن حاجه يا ام سيمو اتكلمتى فيها التهاب الاذن لحسن انا خفت ع تايا جدا لانى برضعها وانا مسنوده ع مخده وبعدين وهى ع صدرى بنزل بيها عالسرير بتفضل حطاه ف بقها مش بترضع بس عشان متصحاش منى وبعدين استني لما تروح ف النوم واشيلو من بقها
ف كنت خايفه جدا بس قللت كتير من الوضع ده اليومين دول

ام سيمو ربنا يباركلك يارب بجد انتي هايلة ربنا يحميكي ممكن نتكلم بقى عن التسنين و اعراضه و كده ان شاء الله

اوجزتى واوفيتى درس جميل وبجد كنت محتاجه الدروس دى ف جوجو بس اهو بتعلم ف اللى جاى ربنا يسعدك ويكرمك كرم عظيم دنيا واخرة
انا فعلا كانت متعطله يارب تكون اتصلحت ويجزيكى خير على اهتمامك
لكى منى كل الود F:F:

katkooota_7aboooba ام حــور;14151546:
بجد انتى فوق الممتاز يا ام سيمو
جزاكى الله خير وربنا يباركلك فى سيمو يا رب

يا حبيبتى تسلمى ربنا يخليكى

M!ss Tuky;14152713:
احسن حاجه يا ام سيمو اتكلمتى فيها التهاب الاذن لحسن انا خفت ع تايا جدا لانى برضعها وانا مسنوده ع مخده وبعدين وهى ع صدرى بنزل بيها عالسرير بتفضل حطاه ف بقها مش بترضع بس عشان متصحاش منى وبعدين استني لما تروح ف النوم واشيلو من بقها
ف كنت خايفه جدا بس قللت كتير من الوضع ده اليومين دول

ايوة يا توكى خللى بالك يا حبيبتى و بنا يبعد عنها كل شر يا رب

dandona om jou;14153309:
ام سيمو ربنا يباركلك يارب بجد انتي هايلة ربنا يحميكي ممكن نتكلم بقى عن التسنين و اعراضه و كده ان شاء الله

ان شاء الله يا دودى هنتكلم عنه بالتفصيل انا كنت جبت سيرته فى موضوع البكاء بس ان شاء الله اعمله موضوع لوحده

@زهرة دبلانة@;14157864:
اوجزتى واوفيتى درس جميل وبجد كنت محتاجه الدروس دى ف جوجو بس اهو بتعلم ف اللى جاى ربنا يسعدك ويكرمك كرم عظيم دنيا واخرة
انا فعلا كانت متعطله يارب تكون اتصلحت ويجزيكى خير على اهتمامك
لكى منى كل الود F:F:

حبيبتى ربنا يخليكى ع الدعوة الجميله
انا بعتلك الرساله خلاص يا رب تكون وصلت

ام سيمو جزاك الله كل خير الموقع جميييل
انا جودى جالها التهاب الاذن الوسطى ده بس ساعتها كانت بتحرك راسها بطريقه غريبه يمين شمال ورا بعض كدا روحت للدكتور قالى فى التهاب فى الاذن الوسطى وادانى مضاد حيوى فعلا وقالى ياما انتى بترضعيها غلط ياما بتحميها غلط وانا غالبا كنت برضعها غلط بس الحمد لله خفت منه

طيب يا أم جودي هي كانت بتحرك رأسها ازاي؟ علشان آدم ساعات بحسه بيحرك راسه يمين وشمال ورا بعض بسرعة ذي ما يكون حد بيضربه ورا بعض كده

موضوعنا انهارده ان شاء الله عن
التسنين


امتى البيبى بيسنن؟
طبعا دى حاجه بنختلف من بيبى للتانى غالبا اول سنه للبيبى بتطلع من 6ل 8 شهور
فى اطفال بتسنن بدرى فى التالت او الرابع
و فى ساعات نادرة اوى اوى البيبى بيتولد بسنه او اتنين
تخيلو؟ انا مرة شوفت بيبى 3 ايام عنده سنتين
و ع العكس فى اطفال يتتاخر فى التسنين لحد سنه او اكتر
فمفيش داعى للقلق لو اتاخر ابنك
غالبا الاسنان بتطلع اتنينات
على الترتيب التالى:



اعراض التسنين:


ازاى اعرف ان ابنى بيسنن؟
اول حاجه ان دى بتختلف من طفل للتانى
يعنى ممكن طفل ميحسش باى حاجه خالص و تتفاجئى انه طلع سنان
و طفل تانى تلاقيه تعبان و مقريف و بيعيط كتير
و السبب فى كده الاكلان و الانتفاخ اللى بيبقى فى اللثه ساعه ظهور الاسنان
و الاعراض دى بتختفى على طول اول م السنه تطلع


طيب ايه الاعراض دى؟

هتلاقى البيبى بيريل كتير
لو مشيتى بصباعك على اللثه هتلاقيها وارمه و منفوخه او ممكنة تحسى بالسنه تحت اللثه

ممكن يسخن شويه بس مش لدرجه كبيرة يعنى لحد 37.5 مثلا

بيعيط كتير و مش بينام كويس


ممكن شهيته للاكل تقل

هتلاقى البيبى بيعض فى صوابعه او اى حاجه قدامه

ممكن تلاقيه بيشد فى ودانه لان الالم ممكن يسمع فى ودانه
ودا لما يطلع الاضراس

ممكن تلاقى حوالين بقه فيه احمرار و دا من اللعاب بتاع الطفل

خللى بالك
التسنين مش بيسبب اسهال او اى تعب تانى فى الجسم

طيب اتصرف ازاى عشان اخفف الالم ده؟

حطى صباعك مكان اللثه و ادعكى فيه شويه دا بيخفف الالم


اديله عضاضه وممكن تجيبى اللى بيبقى جواها ميه و طيها فى التلاجه بتساعد على تسين الالم شويه


اخر حاجه انك ممكن تستعملى جيل مسكن


و اشوفكم على خير
سلاااااااااااااااااااااام

ام سيمو موضوع حلو كتير تسل ايدك
كنت عايزة االك بخصوص الرضاعه انا برضع بنتي وهي مفروده على بطني يعني بطنها على بطني وده بيكون قبل النوم وبعدين لما تنام انقلها جنبي هل ده فيه مشكله بالنسبة لها

ويا ريت كمان تكلمنيا عن طريقة فصل الطفل في سرير و اوضه لوحده بيكون ازاي