استفسارات وتساؤلات الامهات عن كل شئ (الجزء السابع)

بنت من الزمن ده;13966451:
هو يابنات ايه الفرق بين المشايه اللى مفتوحه من تحت والمشايه اللفيها زى سجاده من تحت دى زى الل ام فارس حاطه صورتها وبيكونوا في حدود كام الاسعار في مصر

ثانى حاجه بوسي مرسي ياحبيبتى على ردك انا قصدى في شهاده الميلاد نفسها يابوسي مش كاتبيين اصلا على الكبدى ده انتى عندك كاتبين حاجه عن الكبدى ب ده هو في كراسه التطعيمات كاتبيين انا قصدى في الطباعه نفسها ف الشهاده نفسها مش عارفه فاهمه قصدى ولا لا في التمبليت بتاع الشهاده يعنى

المشاية بتبقي فيها القطعة دي من تحت عشان رجليهم تسند عليها لو رفعاهم عن الارض عشان مش يفضلوا متعلقين كده ورجلهم تتعبهم، وبتتشال وتتحط عادي
اما التطعيمات انا بردو كنت مستعربة الموضوع ده اوي وعمالة اسأل نفسي ومش عارفة والله بس قلبت في كراسة التطعيمات لقيته مكتوب فيها هي في اخر صفحة ودي اصلا مش بيكتبوا ولا يعلموا فيها علي اي حاجة
كنتي بتسألي علي الاكل وكده يا دودون انا عن نفسي والبنات هايعترضوا انا عارفة بس انا حابة اني امشي معاها واحدة واحدة وبشوف استجابتها معايا الحمدلله، يعني صدر الفراخ بعمل المخلي وبسلقه مع جزر من غير اي توابل ولا ملح ولا حاجة، ولسان العصفور بسلقه بردو من غير تحمير ومش بطحنه لأ بسيبه بحاله كده عادي، وممكن تعمليه متحمر من غير زيت يعني تحمصيه في الفرن عادي خالص

sweetylolla85;13967380:
كتكت ممكن تقوليلي محل رشا وراندا ده فين
والمحل اللي في سفير اسمه ايه واي محلات لعب اطفال مهاوده شويه ممكن تديني عناوينها وفين عاوزه اشتري لعب بس متكونش حراقه اوي ااقل لعبه في لفللي بمبلغ وقدره

رشا وراندا في عباس العقاد بس قدام شوية يعني مش في اوله هايبقي علي ايديكي اليمين، وله فرع في روكسي بس بقالي فترة معدتش عليه فمعرفش قفل ولا ايه بس ده من ايامنا والحمدلله لسه فاتح وعنده لعب بردو، ومحل بتاع سفير قصاد التوحيد والنور عالطول اللي هناك عدي الشارع بس، وفيه 3 محلات لعب قريبين من بعض اوي في ميان صلاح الدين جنب سيلفر بتاع الاحذية اتنين واحد يمين وواحد شمال وواحد تالت قصاده، لو افتكرت تاني هقولك

لؤلؤة عروس البحر;13968225:
بنات ابني عنده برد خنفره في أنفه وبلغم على صدره وعطس

الخنفرة اديله نقط اوترفين صح كدة

طيب البلغم والبرد أديله ايه؟؟
بنات اللي يعرف يجاوبني بسرعة الله يخليكوا ابني تعبان اوي

نونه الف سلامة عليه بس لازم تكشفي لن الحالات دي ممكن تكون حاجة تانية ومش عارفين، يعني جوجو كانت كده وطلع بعد الشر عنه نزلة شعبية وكده ومكنتش اتصور كده، بس هي كانت بتاخد نقط امبروكسول للبلغم

CuTie KaTkOoTa;13969385:
المشاية بتبقي فيها القطعة دي من تحت عشان رجليهم تسند عليها لو رفعاهم عن الارض عشان مش يفضلوا متعلقين كده ورجلهم تتعبهم، وبتتشال وتتحط عادي
اما التطعيمات انا بردو كنت مستعربة الموضوع ده اوي وعمالة اسأل نفسي ومش عارفة والله بس قلبت في كراسة التطعيمات لقيته مكتوب فيها هي في اخر صفحة ودي اصلا مش بيكتبوا ولا يعلموا فيها علي اي حاجة
كنتي بتسألي علي الاكل وكده يا دودون انا عن نفسي والبنات هايعترضوا انا عارفة بس انا حابة اني امشي معاها واحدة واحدة وبشوف استجابتها معايا الحمدلله، يعني صدر الفراخ بعمل المخلي وبسلقه مع جزر من غير اي توابل ولا ملح ولا حاجة، ولسان العصفور بسلقه بردو من غير تحمير ومش بطحنه لأ بسيبه بحاله كده عادي، وممكن تعمليه متحمر من غير زيت يعني تحمصيه في الفرن عادي خالص


رشا وراندا في عباس العقاد بس قدام شوية يعني مش في اوله هايبقي علي ايديكي اليمين، وله فرع في روكسي بس بقالي فترة معدتش عليه فمعرفش قفل ولا ايه بس ده من ايامنا والحمدلله لسه فاتح وعنده لعب بردو، ومحل بتاع سفير قصاد التوحيد والنور عالطول اللي هناك عدي الشارع بس، وفيه 3 محلات لعب قريبين من بعض اوي في ميان صلاح الدين جنب سيلفر بتاع الاحذية اتنين واحد يمين وواحد شمال وواحد تالت قصاده، لو افتكرت تاني هقولك


نونه الف سلامة عليه بس لازم تكشفي لن الحالات دي ممكن تكون حاجة تانية ومش عارفين، يعني جوجو كانت كده وطلع بعد الشر عنه نزلة شعبية وكده ومكنتش اتصور كده، بس هي كانت بتاخد نقط امبروكسول للبلغم

طب انا اعمل ايه دى الخنفرة مستمره معاها رغم انو الدكتور ادالها نقط فم اسمها زيرتك ووكحه بس مش كتير وعطس طبعا

لا والكيكي بتاعتها غرييييييييييييبه امبارح كلمت الدكتور حتى من قبل ما اغيرلها البامبرز من الخضه بجد

زى ما يكون بيبي بياكل اكل كيكي مش عاديه مليانه نقط كتييير بيضا مكلكعه وزى بلغم كده فيها بس الدكتور طمنى قالى كل دى نضافه بطن

طيب ممكن تجاوبوا على سؤالي من صفحتين من فضلكو

ازيكم يا ماميهات
حبيت بس اقولكو ان فيه عرض دلوقتى فى خيرزمان
على حفاضات سانيتا بامبي الوسط والكبير والكبير جدا
بدل ب 48 ب 34
يعنى خصم 14 جنيه
والعرض كاتبين لحد 10 يناير او حتى نفاذ الكمية
انا قولت لازم اقولكو وربنا يكرمكم ويبارك فى اولادكم
سؤالى بقى امتى البيبهات ينتبهوا لما ننادى عليهم ؟

dandona om jou;13963747:
المفروض ايه الجرعات اللي ايدها ليوسف لما يتم الشهر الرابع ان شاء الله من سيرلاك الميلوبا و العصاير ابدأ بإيه

الاحسن ياجميل تبدأي بالعصاير انا بدأت بعصير برتقان مخفف 1:1 لمدة اسبوع وبعدين عصير ليمون 50 سم ميه +5 قطرات ليمون والاسبوع الثالث عصير طماطم متقشره ومنغير بذر والاسبوع الاخير تبدأي تديله زبادي

الكلام ده لو هتبدأي من السادس كان جدول مديهولي الدكتور بس انا بدأت من نص الخامس

كتكوته مرسي ياحبيبتى وربنا يخليلك جوجو القمر بس انا بردو مش فاهمه يعنى الكبدى ده بيخدوه مع الثلاثي ولا لا انا اتجننت خلاص

قلولى لو سمحتم بتعملوا عصير التفاح ازى لولادكم
عشان انا عملته النهاردة بس لقيتة تقيل كده ولونة مش زى بتاع بره
قشرت التفاحة وقطعتها قطع صغيرة وحطيت ماية بعد ماغليتها وسكر وضربتة بس تقيل

بنت من الزمن ده;13971735:
كتكوته مرسي ياحبيبتى وربنا يخليلك جوجو القمر بس انا بردو مش فاهمه يعنى الكبدى ده بيخدوه مع الثلاثي ولا لا انا اتجننت خلاص

بصي ياقمر انا مش فاهمه مشكلتك اوي بس الواضح انك بتسألي عن تطيعم الكبدي ..شوفي تطعيم الكبدي ب بيتاخد 3 مرات في شهرين و4 و6 والتلات مرات دول معاهم التطعيم الثلاثي + شلل الاطفال بس

sally2007;13971946:
قلولى لو سمحتم بتعملوا عصير التفاح ازى لولادكم
عشان انا عملته النهاردة بس لقيتة تقيل كده ولونة مش زى بتاع بره
قشرت التفاحة وقطعتها قطع صغيرة وحطيت ماية بعد ماغليتها وسكر وضربتة بس تقيل

اه ياقمر هو بيبقى تقيل بس مش اوي يعني مش خفيف زي بتاع بره طبعا بيبقى شبه شويه تقل عصير الجوافه كده ..وياسلام لما تيجي تضربي التفاحاية تحطي شوية عصير برتقان فريش هيخلي طعمها حلو وكمان عشان ميجيش للبيبي امساك من التفاح

طيب يا هوبي لو هبدأ ان شاء الله لما يتم الرابع اعمل ايه

hoobie;13972062:
بصي ياقمر انا مش فاهمه مشكلتك اوي بس الواضح انك بتسألي عن تطيعم الكبدي ..شوفي تطعيم الكبدي ب بيتاخد 3 مرات في شهرين و4 و6 والتلات مرات دول معاهم التطعيم الثلاثي + شلل الاطفال بس

طيب سؤال هو تطعيم الكبدى بيبقى مكتوب كدا فالشهاده؟ لانه مش مكتوب عندى حاجه عنه

هوبي مرسي ياحبيبتى شوفي ايوه عليكى نور يا ام فارس شكلك بتقري افكاري ههههههههههه انا بقى قصدى ان في شهادة الميلاد يابنات مش كاتبين عنه حااجه انتوا عندكوا مكتوب عنه حااجه في شهادة الميلاد ؟ فمش عارفه اصلا هو خده ولا لا

انا مش قادرة افيدك و الله لان شهادة ميلاد جودى مش كنت بختم فيها لانهم اخدوها و هى بتطلع الباسبورت و مش خدناها تانى كنت بخليهم يختمولى فى الورق بتاع المصل و اللقاح
انا جودى عندها برد و طالع لها فى وشها حجات حمرا كتييير كده لما الجو بيبقى برد بتكون موجوده لو اتدفت بتروح هو ده ايه بقى

بنات انتو ايه البروتكول اللي بتلبسو بيه عيالكو ايس كاب دلوقتي ابني عنده اربع شهور ونص
لبسته واحنا خارجين ايس كاب ومقلعتهولهوش الا لما رجعنا ونام وبعدها بساعتين في عز النوم قلعتهوله قلت عشان يبقي دفيان ومفيش اي تيار هوا وعاديكم كحه وعطس وخنفره بعد ماقلعتهاله بخمس دقايق
ودلوقتي هو دافي وطبعا مخنفر وبيكح
المفروض البسهاله ازايي؟
وبعدين انا كنت ملبساه واحده قطن كنت عاوزه اجيبله صوف اجيب بقي ولا البسه ولا بلاش واللي حصل ده حصل من ايه

M!ss Tuky;13969531:
طب انا اعمل ايه دى الخنفرة مستمره معاها رغم انو الدكتور ادالها نقط فم اسمها زيرتك ووكحه بس مش كتير وعطس طبعا

لا والكيكي بتاعتها غرييييييييييييبه امبارح كلمت الدكتور حتى من قبل ما اغيرلها البامبرز من الخضه بجد

زى ما يكون بيبي بياكل اكل كيكي مش عاديه مليانه نقط كتييير بيضا مكلكعه وزى بلغم كده فيها بس الدكتور طمنى قالى كل دى نضافه بطن

طيب النقط مش بتنضف مناخيرها ومفيش اي حاجة بتطلع، حاولي تنضيفيها ومعلش هي ممكن تاخد وقت شوية يا اما تجربي نوع تاني يمكن ده مش مساعد معاها لكن الكيكي مش عارفة مظنش اني جربته مع جوجو قبل كده انا كنت بشوف بس يبقي فيه اسود مش ابيض





ام هينار بالصدفة لقيت في لفلي مشاية شيكو بصيت علي سعرها ب 699 تقريبا ولقيت جوانب سرير في تشايلد مول عليها رسمة كيتي ب 150 والراجل قلي في سعر اقل كمان ب 105 دول اللي هما جوانب بس مش طقم وعنده بورت بردو بس بتاع لفلي شكله احلي

sweetylolla85;13974224:
بنات انتو ايه البروتكول اللي بتلبسو بيه عيالكو ايس كاب دلوقتي ابني عنده اربع شهور ونص
لبسته واحنا خارجين ايس كاب ومقلعتهولهوش الا لما رجعنا ونام وبعدها بساعتين في عز النوم قلعتهوله قلت عشان يبقي دفيان ومفيش اي تيار هوا وعاديكم كحه وعطس وخنفره بعد ماقلعتهاله بخمس دقايق
ودلوقتي هو دافي وطبعا مخنفر وبيكح
المفروض البسهاله ازايي؟
وبعدين انا كنت ملبساه واحده قطن كنت عاوزه اجيبله صوف اجيب بقي ولا البسه ولا بلاش واللي حصل ده حصل من ايه

غالبا عرق ولما شلتيه اخد برد ماما دايما بتقول مش هتلبيها ايس كاب عشان ماتاخدش برد

dandona om jou;13972358:
طيب يا هوبي لو هبدأ ان شاء الله لما يتم الرابع اعمل ايه

والله يا دندونه مش عارفه انا مبدأتش من الرابع انا بدأت من نص الخامس بس برده ممكن تبدأي بعصير برتقان مخفف نفس الجدول كده بس خلي كمية قليله يعني مثلا ملعقة واحده برتقان على ملعقه واحده ميه وتديهاله ده اول يوم وتاني يوم زيدي شويه وكده لحد ماتكملي الاسبوع وبعدين الاسبوع اللي بعديه ابدأي في عصير الليمون ونفس النظام

ام فارس2010;13973222:
طيب سؤال هو تطعيم الكبدى بيبقى مكتوب كدا فالشهاده؟ لانه مش مكتوب عندى حاجه عنه

بنت من الزمن ده;13973366:
هوبي مرسي ياحبيبتى شوفي ايوه عليكى نور يا ام فارس شكلك بتقري افكاري ههههههههههه انا بقى قصدى ان في شهادة الميلاد يابنات مش كاتبين عنه حااجه انتوا عندكوا مكتوب عنه حااجه في شهادة الميلاد ؟ فمش عارفه اصلا هو خده ولا لا

لا شهادة الميلاد نفسها مفيهاش غير الدرن وشلل الاطفال والتطعيم الثلاثي

اما في دفتر التطعيمات اللي بتاخدوه اول مايتولد مكتوب فيه من ورا صفحة 16 والست اللي في مكتب صحة المنيل معلمالي على اللي اخده .

sweetylolla85;13974224:
بنات انتو ايه البروتكول اللي بتلبسو بيه عيالكو ايس كاب دلوقتي ابني عنده اربع شهور ونص
لبسته واحنا خارجين ايس كاب ومقلعتهولهوش الا لما رجعنا ونام وبعدها بساعتين في عز النوم قلعتهوله قلت عشان يبقي دفيان ومفيش اي تيار هوا وعاديكم كحه وعطس وخنفره بعد ماقلعتهاله بخمس دقايق
ودلوقتي هو دافي وطبعا مخنفر وبيكح
المفروض البسهاله ازايي؟
وبعدين انا كنت ملبساه واحده قطن كنت عاوزه اجيبله صوف اجيب بقي ولا البسه ولا بلاش واللي حصل ده حصل من ايه

بصي يا قمر انا بحس ان الايس كاب ده بيجيب برد للبيبي على طول علشان بيدفي راسه زياده عن اللزوم..انا بحب اكتر الجاكيت اللي بيكون فيه كاب علشان مش بيعرق البيبي زي الايس كاب و القطن احلى من الصوف ده الصوف هايخليه يسخن اوي من كتر الدفا و هايعيا على طول..
بنات انا يوسف بقاله يومين بيعمل كيكي غريييييييبه لونها على مخضر و ريحتها:badly: مش عارفة ليه كده هو عنده بس شوية بلغم بس الحمد لله مش كتير.. و الاكل بياكل سيريلاك او بسكوت بس مافيش حاجة تخلي الكيكي اخضر كده..

اميرة مصرية;13976052:

بنات انا يوسف بقاله يومين بيعمل كيكي غريييييييبه لونها على مخضر و ريحتها:badly: مش عارفة ليه كده هو عنده بس شوية بلغم بس الحمد لله مش كتير.. و الاكل بياكل سيريلاك او بسكوت بس مافيش حاجة تخلي الكيكي اخضر كده..

الف سلامة علية ياقمر ربنا يطمنك علية انا اللى اعرفة ان الكيكى الاخضر بيبقى برد حاولى تدفية كويس وتلبسية بنطلونات اللى هى القطن دى تحت البجامات بتاعتة انا بعمل كدة لمالك والحمد للة بيبقى متدفى
وكمان بالنسبة للريحة الدكتور قالى ان الريحة بتاعة الكيكى بتتغير علامة من علامات التسنين المراحل الاولى بتاعتها يعنى ربنا يطمنك علية ياجميل

ازيكوا يابنات
البنات اللى بتسال على التطعيم الكبدى ب يابنات دة بيتاخد مع التطعيم الثلاثى والنقط بتاعة شلل الاطفال انا سالت الدكتور بتاع مالك وقالى كدة بس عشان الشهادات دى من زمان اوى ومش جددوا شكلها فامش كاتبين حاجة غير فى الشهادة الالوان دى من ورا بس هى بتتاخد معاهم ماتقلقوش
سؤال يابنات انا عارفة ان السنتين اللى تحت هما اللى بيظهروا الاول بس لما يجوا يظهروا بيطلعوا هما الاتنين مع بعض ولا واحدة واحدة يعنى كل واحدة بتطلع لوحدها ؟