استفسارات وتساؤلات الامهات عن كل شئ (الجزء السابع)

بنات لو البيبي مستعد انه يقعد ومبسوط بكدا اعمل ايه لان عيسى بيزهق من كتر ما بينام فى البيبي جيم دى طيب انا سالت دكتورة وقالت تقعديه عادى بس ميكنش 90 درجة ... اسنده يعنى بمخدات وارجع ضهره لورا شوية ؟ هوا ما شاء الله الحمد لله هيخلص الرابع اخر الشهر

razminia;13977773:
ازيكوا يابنات
البنات اللى بتسال على التطعيم الكبدى ب يابنات دة بيتاخد مع التطعيم الثلاثى والنقط بتاعة شلل الاطفال انا سالت الدكتور بتاع مالك وقالى كدة بس عشان الشهادات دى من زمان اوى ومش جددوا شكلها فامش كاتبين حاجة غير فى الشهادة الالوان دى من ورا بس هى بتتاخد معاهم ماتقلقوش
سؤال يابنات انا عارفة ان السنتين اللى تحت هما اللى بيظهروا الاول بس لما يجوا يظهروا بيطلعوا هما الاتنين مع بعض ولا واحدة واحدة يعنى كل واحدة بتطلع لوحدها ؟

بالنسبه للتسنين ياقمر هو الاغلب بيطلعوا تحت فعلا بس انا ابني طلع الاتنين اللي فوق الاول ومع بعض ..يعني ممكن يطلعوا تحت والاتنين مع بعض برضه ..بس خدي بالك وقتها بيبقى متعب اوي ياحبايبي فلازم تديله مسكن عشان الالم وكمان عشان يرضى ياكل

رجائي رضا ربــــي;13977902:
بنات لو البيبي مستعد انه يقعد ومبسوط بكدا اعمل ايه لان عيسى بيزهق من كتر ما بينام فى البيبي جيم دى طيب انا سالت دكتورة وقالت تقعديه عادى بس ميكنش 90 درجة ... اسنده يعنى بمخدات وارجع ضهره لورا شوية ؟ هوا ما شاء الله الحمد لله هيخلص الرابع اخر الشهر

بصى ياقمر انا بصراحة مش عارفة هما المفروض يقعدوا من امتى بس انا ابتديت اقعد مالك من اخر الرابع بس مش كتير يعنى مثلا ربع ساعة كدة العب معاة وارجعة تانى وكمان فى اوقات الرضاعة بس بيبقى بنسبة 45 درجة مش قاعد اوى
وابتديت انة متقبل انة يقعد لوحدة لما خلص الخامس بس لازم اسندة طبعا يعنى حسيت ان ظهرة ماشاء اللة متقبل انى اسيبة من غير ماابقى خايفة على ظهرة
وهو دلوقتى ان شاء اللة هيخلص السادس كمان يومين بيقعد بس مفيش توازن اوى يعنى ممكن لقدام او على جنب يتقلب يعنى وانا سمعت الدكتور محمد رفعت فى التى فى ان فية فرق بين القعاد والتوازن يعنى البيبى ممكن تقعدية يقعد عادى من اخر الرابع بس انك تسيبية لوحدة عشان يقعد من غير ماتكون حاجة مسنداة من الجناب او قدام دى اسمها حفظ التوازن ودى مش تيجى غير على السابع او التامن وممكن بعد كدة كل طفل وحسب مهاراتة بتكون اية فربنا يطمنا عليهم دايما يارب

مميهات انا عندى سؤال خاص بيا انا مش فارس ممكن

انا بقالى اربع شهور نفسى مسددوده خالص ونزلت حوالى15 كيلو ووشى الناس بتقولى بقى اصفر المشكله انى ماليش نفس خالص للاكل وخدت فاتح شهيه ومفيش فايده

بنات تاتا جلدها ملتهب اووووووووووووووووووووووووووى

لونو احمر وشويه هيقلب ب دم ف مكان البامبرز كده وفي جلد متشال خالص

بحطلها كريم ديكتاركوت كنت بحطهولها وكان بيجيب نتيجه بس بضراحة مكانتش بتعمل كيكي كتير

دلوأتى بتعمل كتير مع اى غازات بتطلع كيكي لونو اخضر مع الكلاكيع البيضا دي وكل شويه بغير البامبرز بس جلدها مش عاوز يخف عشان كل شويه بغيرلها

اعمل ايييييه صعبانه عليا جدا بتفضل تعيط لما بلبسها البامبرز من الوجع

وسؤال تانى انا حابه ادخل العصاير لما تتم ان شاء الله الشهر التالت

يعني عاوزة عصير تفاح وبرتقال وميه بليله ان شاء الله

بس زى ما سالى قالت التفاح هيبقي تقيل اوى زى الجوافه فعلا كده ومش هيطلع من النيبلز بتاعه الببرونة

ف اعمل ايييه او تنصحونى ب اى نوع عصير بيور من بره اجيبو ؟

وسؤال تالت هديها ان شاء الله التطعيم بكره بإذن الله بتاع الشهرين ف هديها سيتال ومكان الحقنه اسمع انو لازم كمادات ف اعمل ايييه ف البرد ده والوجع الى هتبقي فيه وطبعا هتبقي مقريفه

اتصرف ازاى قلولى لو سمحتو

ام فارس2010;13978069:
مميهات انا عندى سؤال خاص بيا انا مش فارس ممكن

انا بقالى اربع شهور نفسى مسددوده خالص ونزلت حوالى15 كيلو ووشى الناس بتقولى بقى اصفر المشكله انى ماليش نفس خالص للاكل وخدت فاتح شهيه ومفيش فايده

ممكن يكون عندك بعد الشر انيميا بتسد النفس حاولي تعملي تحاليل

M!ss Tuky;13978177:
بنات تاتا جلدها ملتهب اووووووووووووووووووووووووووى

لونو احمر وشويه هيقلب ب دم ف مكان البامبرز كده وفي جلد متشال خالص

بحطلها كريم ديكتاركوت كنت بحطهولها وكان بيجيب نتيجه بس بضراحة مكانتش بتعمل كيكي كتير

دلوأتى بتعمل كتير مع اى غازات بتطلع كيكي لونو اخضر مع الكلاكيع البيضا دي وكل شويه بغير البامبرز بس جلدها مش عاوز يخف عشان كل شويه بغيرلها

اعمل ايييييه صعبانه عليا جدا بتفضل تعيط لما بلبسها البامبرز من الوجع

وسؤال تانى انا حابه ادخل العصاير لما تتم ان شاء الله الشهر التالت

يعني عاوزة عصير تفاح وبرتقال وميه بليله ان شاء الله

بس زى ما سالى قالت التفاح هيبقي تقيل اوى زى الجوافه فعلا كده ومش هيطلع من النيبلز بتاعه الببرونة

ف اعمل ايييه او تنصحونى ب اى نوع عصير بيور من بره اجيبو ؟

وسؤال تالت هديها ان شاء الله التطعيم بكره بإذن الله بتاع الشهرين ف هديها سيتال ومكان الحقنه اسمع انو لازم كمادات ف اعمل ايييه ف البرد ده والوجع الى هتبقي فيه وطبعا هتبقي مقريفه

اتصرف ازاى قلولى لو سمحتو

بالنسبه للالتهاب اللي بتقولي عليه ده حصل بالضبط لابني كان حوالين فتحة الشرج ومن كتر الالتهاب كان بيطلع دم وبيبهدله ياحبيبي لما يعمل كيكي ..الدكتور كاتبله على كريم اسمه لجنوكايين وماشاء الله ممتاز مع محمد لانه بيعالج وبنج خفيف في نفس الوقت ولحد دلوقتي اي التهاب يحصل باستخدمه فممكن تجربيه

بالنسبه للتطعيم في بنات بتعمل كمادات ميه ساقعه او كمادات نشا انا مكنتش بحط اي حاجه يدوبك السيتال وبس

M!ss Tuky;13978177:
بنات تاتا جلدها ملتهب اووووووووووووووووووووووووووى

لونو احمر وشويه هيقلب ب دم ف مكان البامبرز كده وفي جلد متشال خالص

بحطلها كريم ديكتاركوت كنت بحطهولها وكان بيجيب نتيجه بس بضراحة مكانتش بتعمل كيكي كتير

دلوأتى بتعمل كتير مع اى غازات بتطلع كيكي لونو اخضر مع الكلاكيع البيضا دي وكل شويه بغير البامبرز بس جلدها مش عاوز يخف عشان كل شويه بغيرلها

اعمل ايييييه صعبانه عليا جدا بتفضل تعيط لما بلبسها البامبرز من الوجع

وسؤال تانى انا حابه ادخل العصاير لما تتم ان شاء الله الشهر التالت

يعني عاوزة عصير تفاح وبرتقال وميه بليله ان شاء الله

بس زى ما سالى قالت التفاح هيبقي تقيل اوى زى الجوافه فعلا كده ومش هيطلع من النيبلز بتاعه الببرونة

ف اعمل ايييه او تنصحونى ب اى نوع عصير بيور من بره اجيبو ؟

وسؤال تالت هديها ان شاء الله التطعيم بكره بإذن الله بتاع الشهرين ف هديها سيتال ومكان الحقنه اسمع انو لازم كمادات ف اعمل ايييه ف البرد ده والوجع الى هتبقي فيه وطبعا هتبقي مقريفه

اتصرف ازاى قلولى لو سمحتو

ادهم جلدة كان بيقشر برضه وحطلته كينا كومب وبقى كويس الحمدا لله
انتى فعلا لما تروحى تديها سيتال عشان مش تسخن ولو سخنت بعد كذا ساعة ترجعى تديها كمان مرة سيتال
وبعدين تعمللها كمدات ماية بنشا معلشى هى الحقنة بتورم وبيقلولك معنى انها تورم يعنى التطعيم كويس وجاب نتيجة معاها وابقى حطيها على حجرك بحيث انها جسمها يسخن من جسمك وانتى بتعمللها الكمادات عشان متبقاش سقعانه قوى ومعلشى يحببتى هى يومين وهتبقى كويسة مكان الحقنة
وبالنسبه للعصير انا مش عارفة تقريبا عصير التفاح عمل اسهال لاادهم فجربى معاها كده وشوفى هيعملها ولا لا

sweetylolla85;13974224:
بنات انتو ايه البروتكول اللي بتلبسو بيه عيالكو ايس كاب دلوقتي ابني عنده اربع شهور ونص
لبسته واحنا خارجين ايس كاب ومقلعتهولهوش الا لما رجعنا ونام وبعدها بساعتين في عز النوم قلعتهوله قلت عشان يبقي دفيان ومفيش اي تيار هوا وعاديكم كحه وعطس وخنفره بعد ماقلعتهاله بخمس دقايق
ودلوقتي هو دافي وطبعا مخنفر وبيكح
المفروض البسهاله ازايي؟
وبعدين انا كنت ملبساه واحده قطن كنت عاوزه اجيبله صوف اجيب بقي ولا البسه ولا بلاش واللي حصل ده حصل من ايه

انا بلبس ادهم ايس كاب قطن واوقات صوف ولما برجع مش بقلعه على طول شوية وبقوم مقلعه وحده وحده مش بشيلة مرة وحده يعنى ببين شوية من شعره وبعدين اقوم شايلة عشان مش يبرد

hoobie;13972080:
اه ياقمر هو بيبقى تقيل بس مش اوي يعني مش خفيف زي بتاع بره طبعا بيبقى شبه شويه تقل عصير الجوافه كده ..وياسلام لما تيجي تضربي التفاحاية تحطي شوية عصير برتقان فريش هيخلي طعمها حلو وكمان عشان ميجيش للبيبي امساك من التفاح

ايوة فعلا كان تقيل زى الجوافة بس ياقمر انا ادهم لما شربة عمل اسهال تفتكرى من العصير ولا من ايه

مس توكى الف سلامة على تايا بصى ياقمر بدل ماتحطلها كمادات ماية على مكان الحقنة عشان ماتورمش انا كنت بجيب لمالك زى لزق كدة من الصيدلية اسمة تيمبو كول ومكنش بيخليها تورم ولا حاجة هو ب 5 جنية او 7 مش متاكدة اوى بس كان خطيرر فعلا هاتية بعد ماتطعميها وحطيهولها على مكان الحقنة وربنا يعديهالها على خير ان شاء اللة

أم تايا حأقولك علي حاجة طبيعيه لبنتك هاتي بابونج و اغللي ميه و حطيه فيها كأنه للشرب و شيليه في ازازة صفيره كده و كل ما تيجي تغيري لبنتك بعد ما تنضفي مكان الكيكي سأسأي ليها بالقطنة كويس و بعد كده نشفيلها و ان شاء الله حيريحها و أحسن من 100 دوا طبيعي و جميل و لو عندك دفايه شغليها و سيبيها شويه كده قبل البامبرز و الكيكي لونه أخضر عندها برد في معدتها

razminia;13978802:
مس توكى الف سلامة على تايا بصى ياقمر بدل ماتحطلها كمادات ماية على مكان الحقنة عشان ماتورمش انا كنت بجيب لمالك زى لزق كدة من الصيدلية اسمة تيمبو كول ومكنش بيخليها تورم ولا حاجة هو ب 5 جنية او 7 مش متاكدة اوى بس كان خطيرر فعلا هاتية بعد ماتطعميها وحطيهولها على مكان الحقنة وربنا يعديهالها على خير ان شاء اللة

اجيبهولها ان شاء الله وانا جايه من الصيدليه

Boody we zady;13978809:
أم تايا حأقولك علي حاجة طبيعيه لبنتك هاتي بابونج و اغللي ميه و حطيه فيها كأنه للشرب و شيليه في ازازة صفيره كده و كل ما تيجي تغيري لبنتك بعد ما تنضفي مكان الكيكي سأسأي ليها بالقطنة كويس و بعد كده نشفيلها و ان شاء الله حيريحها و أحسن من 100 دوا طبيعي و جميل و لو عندك دفايه شغليها و سيبيها شويه كده قبل البامبرز و الكيكي لونه أخضر عندها برد في معدتها

يارييت انا هشغللها الدفايه واخليها من غيربامبرو بس طيب لما تعمل حمام اعمل ايه

sally2007;13978693:


ايوة فعلا كان تقيل زى الجوافة بس ياقمر انا ادهم لما شربة عمل اسهال تفتكرى من العصير ولا من ايه

لا معتقدش منه لان التفاح بيعمل امساك في الاصل ..فشوفي يمكن اديتيله حاجه تانيه هي اللي عملت الاسهال

بصي يا أت تايا لما تعمل حمام هاتيلها صابون طبي خاص من الصيدليه عشان مش يلهبها زياده و نشفي كويس و بعد كده امسحي بميه البابونج دي و سيبيها شويه صغيرين و بعد كده نشفي كويس و لبسيها البامبرز

يا بنات انا جبت ميلوبا رز ليوسف بتتاخد من الشهر الرابع ان شاء الله لما يتمه في كمان خضار مشكل و فواكه مشكلة بس قلت الاول اجرب الرز اشوف هيتقلاه و لا لا ان شاء الله في كمان بسكويت ميلوبا من الشهر الرابع ايه رايكو يا بنات و عايزة اعرف ادي اد ايه سيريلاك ميلوبا يكون مناسب لسنه و ايه تاني كمان اقدر اديهوله يا بنات

ايه رايكو في نظام التغذية ده يا بنات

الشهر الرابع:

1- عصائر:

برتقال – طماطم – تفاح (1/2 كوب فقط).

2- حبوب:

أرز مسلوق – مهلبيه – بسكويت – سيريلاك.

3- فاكهة:

تفاح – كمثرى (مسلوق ومهروس ولا تضيف سكر).

dandona om jou;13979280:
يا بنات انا جبت ميلوبا رز ليوسف بتتاخد من الشهر الرابع ان شاء الله لما يتمه في كمان خضار مشكل و فواكه مشكلة بس قلت الاول اجرب الرز اشوف هيتقلاه و لا لا ان شاء الله في كمان بسكويت ميلوبا من الشهر الرابع ايه رايكو يا بنات و عايزة اعرف ادي اد ايه سيريلاك ميلوبا يكون مناسب لسنه و ايه تاني كمان اقدر اديهوله يا بنات

طيب لو سمحتي جبتي منين منتجات ميلوبا اللي من اربع شهور

CuTie KaTkOoTa;13974258:



ام هينار بالصدفة لقيت في لفلي مشاية شيكو بصيت علي سعرها ب 699 تقريبا ولقيت جوانب سرير في تشايلد مول عليها رسمة كيتي ب 150 والراجل قلي في سعر اقل كمان ب 105 دول اللي هما جوانب بس مش طقم وعنده بورت بردو بس بتاع لفلي شكله احلي

شكرا ياقمر تعباكى معايا بس هو فين تشيلد مول ده وكان اشكال حلوة بينكات وكدة؟ومعلش ماشوفتيش ناموسية بالاستاند بتاعها؟ وانا خلاص جبت بورت من بيبى شوب
يعنى رايك اشترى المشاية المعروضة دى تبقى لقطة

معلش يا جماعة هتعبكم معايا بس مش عارفة اية اللى بيحصل ورا بعض اليومين دول..اول امبارح مريم درجة حرارتها عليت ل39 و سيتال و الكمادات معملوش حاجة فاديتها لبوسة دولفين 12.5 mg و الحمدلله الحرارة نزلت و كانت طبيعية امبارح و جت على بليل اخدت الرضعة من هنا و جابت كل اللي فى بطنها من هنا و طول الليل بالمنظر دة منمناش خالص و هى يا عينى جعانة اوى و عياط مستمر طول الليل اكلتها من شوية رضعة صغيرة و بردو مجرد ما خلصت نافورة لبن اتفتحت هو دة ميكروب ولا اية يا بنات انا مستنية ااى دكتور يفتح عشان اروحله بس قلت يمكن حد يكون حصل معاه الموضوع دة قبل كدة و يطمني

ام تايا انا سمعت تجربة أم على النت عن حكاية التسلخات لابنها ان دكتور نصحها بانها تعرضه للشمس
من غير بامبرز وفعلا قالت ان التسلخات دى خفت خالص ,,,

شكرا لام سيمو وام هينار وكتكوتة الله لايحرمني منكوا يارب

ان شاء الله بنحاول نوديه الدكتور انهاردا

sweet_toota;13981833:
معلش يا جماعة هتعبكم معايا بس مش عارفة اية اللى بيحصل ورا بعض اليومين دول..اول امبارح مريم درجة حرارتها عليت ل39 و سيتال و الكمادات معملوش حاجة فاديتها لبوسة دولفين 12.5 mg و الحمدلله الحرارة نزلت و كانت طبيعية امبارح و جت على بليل اخدت الرضعة من هنا و جابت كل اللي فى بطنها من هنا و طول الليل بالمنظر دة منمناش خالص و هى يا عينى جعانة اوى و عياط مستمر طول الليل اكلتها من شوية رضعة صغيرة و بردو مجرد ما خلصت نافورة لبن اتفتحت هو دة ميكروب ولا اية يا بنات انا مستنية ااى دكتور يفتح عشان اروحله بس قلت يمكن حد يكون حصل معاه الموضوع دة قبل كدة و يطمني

الف سلامة عليها بصي دى برد في معدتها لان ابني كدة بردو ماما قالتلي معلش لانه اخد برد وفي المعدة كمان وان شاء الله مش ميكروب ولا حاجة شربيها كدة حاجة دافية والسيتال ميعملش نتيجة من اول مرة واستمري على الكمادات

أمة الله ترجو رضاه;13979439:
طيب لو سمحتي جبتي منين منتجات ميلوبا اللي من اربع شهور

ا صل دندونة عايشه فى الكويت ياقمر وبتجيب من عندها

دندونة النظام الغذائى ده حلو قوى