استفسارات وتساؤلات الامهات عن كل شئ (الجزء السابع)

على فكرة ياام تايا انا اختى قلتلى هى ومرات اخويا حاجة وفعلا طلعت صح
ان المنديل المبلله زى ايزى كير وغيره بتعمل التهابات وبتخلى الجلد يقشر واختى لماكانت بتستخدمها لبنها كانت بتعمله كده
ولما بطلت ابنها بقى كويس

وانا كنت كل لما اغير لدودى برضه كنت بمسحله بيها وكانت الالتهابات مبترحشى نهائى والله لما بطلت استخدمها الحمدا لله بقى زى الفل ومن يوميها مجلوش التهابات بعمل ايه بقى لما اجى اغيرله بجيب منديل ورق وماية وامسحله بيهم والبسه البامبرز بعد كده بس بعد مابمسح بمنديل وماية منديل ناشف وقوم منشفة

جربى كده كذا يوم وان شاء الله تايا هتبقى كويسه

ام تايا انتي بتستعملي مناديل مبلله !!!!!!!!!!! طبعا غلط و غلط كبير هيا اللي بتلهب جلد البيبي يا جميل ربنا يكون في عونها بجد بليز شيليها خالص و مش تستعمليها و لا البلودرة كمان عشان بتعمل برده التهاب

sally2007;13983203:
على فكرة ياام تايا انا اختى قلتلى هى ومرات اخويا حاجة وفعلا طلعت صح
ان المنديل المبلله زى ايزى كير وغيره بتعمل التهابات وبتخلى الجلد يقشر واختى لماكانت بتستخدمها لبنها كانت بتعمله كده
ولما بطلت ابنها بقى كويس

وانا كنت كل لما اغير لدودى برضه كنت بمسحله بيها وكانت الالتهابات مبترحشى نهائى والله لما بطلت استخدمها الحمدا لله بقى زى الفل ومن يوميها مجلوش التهابات بعمل ايه بقى لما اجى اغيرله بجيب منديل ورق وماية وامسحله بيهم والبسه البامبرز بعد كده بس بعد مابمسح بمنديل وماية منديل ناشف وقوم منشفة

جربى كده كذا يوم وان شاء الله تايا هتبقى كويسه

ايوة فعلا المناديل دى اكبر سبب للالتهابات مكنتش بعمل بيها خالص بس بقالى كام يوم بكسل وبعمل بيها عشان البرد والالتهابات بدات ترجع تانى

بصى يا ام تايا انا دكتاكورت كويس حطيه مرتين يوميا لمده اسبوع وان شاء الله هتروح

مناديل سيباميد رائعة وطبية ومش بتعمل اى التهابات وممكن تستعمل لجسم البيبي كمان

om_hienar;13980527:
شكرا ياقمر تعباكى معايا بس هو فين تشيلد مول ده وكان اشكال حلوة بينكات وكدة؟ومعلش ماشوفتيش ناموسية بالاستاند بتاعها؟ وانا خلاص جبت بورت من بيبى شوب
يعنى رايك اشترى المشاية المعروضة دى تبقى لقطة

اه سعرها حلو اوي بس شوفي الاوبشنز بتاعتها بردو بس اكيد مادام شيكو هاتبقي متينة وتستحمل، انا شفت في التتوحيد والنور من كام يوم حاجات ب 100 وكسر وحاجات ب 200 وكسر زي بتاعة جوجو، المهم تشايلد مول في مكرم عبيد بعد التوحيد والنور بحاجة بسيطة وبعده عالطول كيدز بارك، انا شفت جوانب كتير حطنها علي الرف كده بس الوحيد اللي صورته كانت واضحة ليا اللي كان ابيض في بينك وعليه رسمة كيتي القطة دي، وكان عنده الناموسية اللي زي الشمسية دي وممكن تجيبيها من التوحيد والنور بردو، ولا انتي قصدك المرتبة اللي فيها ناموسية

sweet_toota;13981833:
معلش يا جماعة هتعبكم معايا بس مش عارفة اية اللى بيحصل ورا بعض اليومين دول..اول امبارح مريم درجة حرارتها عليت ل39 و سيتال و الكمادات معملوش حاجة فاديتها لبوسة دولفين 12.5 mg و الحمدلله الحرارة نزلت و كانت طبيعية امبارح و جت على بليل اخدت الرضعة من هنا و جابت كل اللي فى بطنها من هنا و طول الليل بالمنظر دة منمناش خالص و هى يا عينى جعانة اوى و عياط مستمر طول الليل اكلتها من شوية رضعة صغيرة و بردو مجرد ما خلصت نافورة لبن اتفتحت هو دة ميكروب ولا اية يا بنات انا مستنية ااى دكتور يفتح عشان اروحله بس قلت يمكن حد يكون حصل معاه الموضوع دة قبل كدة و يطمني

جوجو حصل معاها كده وبعد الشر عن مريومة طلع البلغم اللي كان عندها نزل علي معدتها وعملها نزلة معوية وقلبة في البطن عشان كده كانت بترجع كل حاجة تاخدها، فاخدت حقنة وبعدها تقعد متاكلش لمدة ساعة باين وبعدين الاكل يبقي اللبن وبس وبكمية بسيطة خالص والفرق بينهم يبقي مدة معينة حسب ما الدكتور كان قايلي وواحدة وواحدة ازود الجرعة في اليوم اللي بعده وكده

يا بنات محمد ابني طالعله في وشه في خدوده كده لون احمر جامد عارفين لما حد يطلع من دفا على برد فخدوده تحمر كده ..اهو هو كده بقاله كذا يوم والاحمر ده خشن شويه جربت احطله بيبي اويل مجبش نتيجة حد يقولي كريم اطفال او لوشن يكون كويس وينفع على بشرة الوش

فعلا يابنات انا بستخدم المناديل المبلله ع طووول

بستحرم موضوع المايه والمناديل لحسن تبرد منى

اهى جالها تسلخات مش راضيه تخف خالص

عموما مش هستعمل مناديل تانى ور بنا يكرم ياارب

M!ss Tuky;13985118:
فعلا يابنات انا بستخدم المناديل المبلله ع طووول

بستحرم موضوع المايه والمناديل لحسن تبرد منى

اهى جالها تسلخات مش راضيه تخف خالص

عموما مش هستعمل مناديل تانى ور بنا يكرم ياارب

بصي يا أم تايا أنا في البرد كنت بعمل ايه بجيب علبه بلاستيك كده و أحط فيها ميه دافيه و كيس قطن كبير خليه جانبك يا جميل و امسحيلها بالميه مرة و اتنين لحد ما تنضف و بعد كده امسحيلها بالميه بتاعه البابونج يا جميل و لو عشان الريحه ممكن تستخدمي ميه مخففه بميه ورد و تمسحيلها كده مسحه خفيفه و تنشفي كويس و تستخدمي زيت ممتاز عشان التسلخات

M!ss Tuky;13985118:
فعلا يابنات انا بستخدم المناديل المبلله ع طووول

بستحرم موضوع المايه والمناديل لحسن تبرد منى

اهى جالها تسلخات مش راضيه تخف خالص

عموما مش هستعمل مناديل تانى ور بنا يكرم ياارب

اوعي بجد انا مكنتش اعرف انك بتعملي كده وافتكرتها حصلها مع المية ، لأ خلي دي للخروج بس، لكن طول ما انتي في بيت يبقي بالقطن والمية الدافية في الشتا وتنشفي بعدها بفوطة بالراحة كويس وتدهني كريم وتلبسيها البامبرز بقي

M!ss Tuky;13985118:
فعلا يابنات انا بستخدم المناديل المبلله ع طووول

بستحرم موضوع المايه والمناديل لحسن تبرد منى

اهى جالها تسلخات مش راضيه تخف خالص

عموما مش هستعمل مناديل تانى ور بنا يكرم ياارب

بصى ياقمر انا فى الصيف كنت بمسح ماية ساقعة عادى انما دلوقتى بعمل بماية دافيه
لو عندك ترمس ابقى حطى ماية فيه عشسان تكون جاهزة على طول جمبك

hoobie;13984288:
يا بنات محمد ابني طالعله في وشه في خدوده كده لون احمر جامد عارفين لما حد يطلع من دفا على برد فخدوده تحمر كده ..اهو هو كده بقاله كذا يوم والاحمر ده خشن شويه جربت احطله بيبي اويل مجبش نتيجة حد يقولي كريم اطفال او لوشن يكون كويس وينفع على بشرة الوش

انا كمان عايزة نفس السؤال بنوتى دايما خدودها ناشفه و حمرا جامد وساعات بتقشر

كان فى بنوتة حاطه ماشية وليها سجادة من تحت كده
اناشفتها النهارده فى المحل ب 185ج والبنت قلتلى انها مستويات وكمان كرسى هزاز
بس انا لو كنت هجبها كنت هنزل فى سعرها وافاصل معاها
بس لان ادوم لسه بدرى على المشاية بس انا لفتت نظرى عشان كانت البنوتة اللى حاطه صورتها تقريبا بيبو كانت بتسال على سعرها

hoobie;13984288:
يا بنات محمد ابني طالعله في وشه في خدوده كده لون احمر جامد عارفين لما حد يطلع من دفا على برد فخدوده تحمر كده ..اهو هو كده بقاله كذا يوم والاحمر ده خشن شويه جربت احطله بيبي اويل مجبش نتيجة حد يقولي كريم اطفال او لوشن يكون كويس وينفع على بشرة الوش

نفس السؤاااااااال

أمة الله ترجو رضاه;13979439:
طيب لو سمحتي جبتي منين منتجات ميلوبا اللي من اربع شهور

انا عايشة في الكويت يا قمراية موجودة في كل الامكان و الجمعيات و السوبر ماركت بس مش عارفة هيا مش موجودة في مصر و لا ايه

ممكن تجاوبوا على سؤالي للمرة المليون لو سمحتو عبروني

بنات انا جبت ميلوبا رز ليوسف بتتاخد من الشهر الرابع ان شاء الله لما يتمه في كمان خضار مشكل و فواكه مشكلة بس قلت الاول اجرب الرز اشوف هيتقلاه و لا لا ان شاء الله في كمان بسكويت ميلوبا من الشهر الرابع ايه رايكو يا بنات و عايزة اعرف ادي اد ايه سيريلاك ميلوبا يكون مناسب لسنه و ايه تاني كمان اقدر اديهوله يا بنات

ايه رايكو في نظام التغذية ده يا بنات

الشهر الرابع:

1- عصائر:

برتقال – طماطم – تفاح (1/2 كوب فقط).

2- حبوب:

أرز مسلوق – مهلبيه – بسكويت – سيريلاك.

3- فاكهة:

تفاح – كمثرى (مسلوق ومهروس ولا تضيف سكر).

dandona om jou;13989224:


ممكن تجاوبوا على سؤالي للمرة المليون لو سمحتو عبروني

بنات انا جبت ميلوبا رز ليوسف بتتاخد من الشهر الرابع ان شاء الله لما يتمه في كمان خضار مشكل و فواكه مشكلة بس قلت الاول اجرب الرز اشوف هيتقلاه و لا لا ان شاء الله في كمان بسكويت ميلوبا من الشهر الرابع ايه رايكو يا بنات و عايزة اعرف ادي اد ايه سيريلاك ميلوبا يكون مناسب لسنه و ايه تاني كمان اقدر اديهوله يا بنات

ايه رايكو في نظام التغذية ده يا بنات

الشهر الرابع:

1- عصائر:

برتقال – طماطم – تفاح (1/2 كوب فقط).

2- حبوب:

أرز مسلوق – مهلبيه – بسكويت – سيريلاك.

3- فاكهة:

تفاح – كمثرى (مسلوق ومهروس ولا تضيف سكر).

دندونه النظام ده كويس بس بيتهيالى عصير الطماطم مش دلوقتى
بصى انا بدات بالخضار المسلوق و الفواكه المهروسه واحده واحده
و عصاير التفاح والجوافه والبرتقال المخفف
و بسكوت ميلوبا برضه حلو اوى من الشهر الرابع
و السيريلاك رز بس مبداتش فى القمح الا فى اخر الخامس

sally2007;13986558:
كان فى بنوتة حاطه ماشية وليها سجادة من تحت كده
اناشفتها النهارده فى المحل ب 185ج والبنت قلتلى انها مستويات وكمان كرسى هزاز
بس انا لو كنت هجبها كنت هنزل فى سعرها وافاصل معاها
بس لان ادوم لسه بدرى على المشاية بس انا لفتت نظرى عشان كانت البنوتة اللى حاطه صورتها تقريبا بيبو كانت بتسال على سعرها

طيب انهى محل ده؟

ام سيمو انا قلت اجرب ميلوبا الرز من اربع شهور زوي ما مكتوب عليه و لو تقبله اجرب البسكويت بردو بتاعم في من اربع شهور

بس عايزة اعرف ابدا اول نوع عصير ايه معاه و بتكون الطريقة ازاي يعني مثلا لو هعمل تفاح اعمل اد ايه

و المسلوق بردو طريقته ازاي بالله عليكم يا بنات

dandona om jou;13989592:
ام سيمو انا قلت اجرب ميلوبا الرز من اربع شهور زوي ما مكتوب عليه و لو تقبله اجرب البسكويت بردو بتاعم في من اربع شهور

بس عايزة اعرف ابدا اول نوع عصير ايه معاه و بتكون الطريقة ازاي يعني مثلا لو هعمل تفاح اعمل اد ايه

و المسلوق بردو طريقته ازاي بالله عليكم يا بنات

صح كده
ابداى بعصي التفاح والبرتقال المخفف
يعنى قشرى التفاح وقطعيه وشيلى من البذر و بعدين حطى عليه ميه و اسلقيه
لو عايزاه عصير اضربيه بالميه بتاعته فى الخلاط
ولو عايزاه ماسك نفسه عشان تاكليهوله طفيه من الميه و اهرسيه
ابداى الاول بنص تفاحه كده و يمكن كمان مش يخلصها
و ممكن بعد كده تعملى الكمترى بنفس الطريقه

بس خلى بالك النوع اللى تجربيه تديهوله 3ايام قبل متدخلى نوع تانى عشان لا قدر الله لو عنده حساسيه من حاجه تبان
ومتقلقيش يا قمر

OM SIMO;13989644:
صح كده
ابداى بعصي التفاح والبرتقال المخفف
يعنى قشرى التفاح وقطعيه وشيلى من البذر و بعدين حطى عليه ميه و اسلقيه
لو عايزاه عصير اضربيه بالميه بتاعته فى الخلاط
ولو عايزاه ماسك نفسه عشان تاكليهوله طفيه من الميه و اهرسيه
ابداى الاول بنص تفاحه كده و يمكن كمان مش يخلصها
و ممكن بعد كده تعملى الكمترى بنفس الطريقه

بس خلى بالك النوع اللى تجربيه تديهوله 3ايام قبل متدخلى نوع تانى عشان لا قدر الله لو عنده حساسيه من حاجه تبان
ومتقلقيش يا قمر

تسلمي يارب يا ام سيمو متحرمش منك ابدا

بقولك صحيح انا قبل كده يوسف كان عنده موضوع الخدود المحمرة دي و بتكون خشنة كده ملسمها مختلف عن بقية الوش و الكتور قالي ان جي اكزيما عادية بتيجي للاطفال و بتروح حتى مرضاش يكتبلي على حاجة قالي حطيله اللوشن المرطب بتاعه و خلاص و هيا هتروح ان شاء الله و فعلا بقيت احط لوشن و زيت الاطفال من هيمالايا و ماشاء الله راحت ماشاء الله