استفسارات وتساؤلات الامهات عن كل شئ (الجزء السابع)

dandona om jou;13989182:

انا عايشة في الكويت يا قمراية موجودة في كل الامكان و الجمعيات و السوبر ماركت بس مش عارفة هيا مش موجودة في مصر و لا ايه

منتجات الشهر الرابع لأ بصراحة شوفتها مرة واحدة و مش فاكرة فين و مش لاقياهه تانب

بنات ايه رايكو في العضاضة ماما بتقولي مش كويسة عشان سنان الطفل مش بتطلع مظبوطة انا شفت كده زي عضاضة بتتلبس في صوباعك و تحطيها في بؤ البيبي عشان يعض عليها حد جربها دي و ايه رايكو مع تجربة العضاضة

أمة الله ترجو رضاه;13989719:
منتجات الشهر الرابع لأ بصراحة شوفتها مرة واحدة و مش فاكرة فين و مش لاقياهه تانب

ممكن تشوفي في كارفور او سوبر ماركت تكون كبيرة هتلاقي كل المنتجات عندهم

dandona om jou;13989718:
تسلمي يارب يا ام سيمو متحرمش منك ابدا

بقولك صحيح انا قبل كده يوسف كان عنده موضوع الخدود المحمرة دي و بتكون خشنة كده ملسمها مختلف عن بقية الوش و الكتور قالي ان جي اكزيما عادية بتيجي للاطفال و بتروح حتى مرضاش يكتبلي على حاجة قالي حطيله اللوشن المرطب بتاعه و خلاص و هيا هتروح ان شاء الله و فعلا بقيت احط لوشن و زيت الاطفال من هيمالايا و ماشاء الله راحت ماشاء الله


ه

انتى تؤمرى يا دوندن على فكرة اسمك على اسمى
بالنسبه للخدود انا كنت حاسه انها نوع من الاكزيما بس بكدب نفسى
خلاص هجيبلها اللوشن بتاع جونسون عشان يطريها شويه

و بالنسبه للعضاضات انا جبت لسما كل انواع العضاضات بس مكنش بيعجبها اى حاجه
كانت بترميهم وتعضعض فى اى حاجه تاني

طيب هل هيا صحية و لا ايه العضاضات

[COLOR=mediumturquoise]نداء الى كل البنات اللى بتسال على الخدود الحمرا انا مالك كدة وشوية تبقى صاقعة وشوية تبقى سخنة ولما كنت عند الدكتور سالتة عنها وقالى دى حساسية بتيجى مع تغيير الجو من حر لبرد او العكس وبتنتهى لوحدها وسالتة انى احطلة اى حاجة عليها قالى لا هى بتروح لوحدها قالتلة طيب اى زيت او كريم من بتاع الاطفال قالى بالعكس دى ممكن تزودها اكتر اغسليلة وشة مرة الصبح اول لما يصحى ومرة قبل ماينام عشان تبعدى عن وشة اى ميكروب فامتقلقوش خالص ياماميهات خير ان شاء اللة[/COLOR]

dandona om jou;13989911:
طيب هل هيا صحية و لا ايه العضاضات

والله كان فى دكتور بيقول انها مش كويسه عشان الفك
بس انا مقتنعتش بكلامه المهم انها تكون طريه وخفيفi

dandona om jou;13989727:
بنات ايه رايكو في العضاضة ماما بتقولي مش كويسة عشان سنان الطفل مش بتطلع مظبوطة انا شفت كده زي عضاضة بتتلبس في صوباعك و تحطيها في بؤ البيبي عشان يعض عليها حد جربها دي و ايه رايكو مع تجربة العضاضة

دندونة والله يابنيت كتير بنرد عليكي والله وانتي مش بتاخدي بالك وبتزعلي بعد كده وبتفتكري ان محدش رد، فاكرة حتي قبل كده كنت عملتلك اقتباس لردي مرة وانتي منتيش شوفتيه، بصي اللي بتقولي عليها دي مش عضاضة دي معمولة للثة والسنان، بتبقي زي فرشة مصغرة كده، والعضاضة مفهاش حاجة عادي وكده كده هما هايمروا بمرحلة العض دي في اي حاجة قصادهم وفيه جل كمان بيتحط علي اللثة لو وجعاهم وتعباهم عشان يهدي شوية

لو عايزة ابدأ أأكل هينار لما تبدأ ولا لما تخلص التالت وابدأ بايه؟؟؟؟؟؟؟

لؤلؤة عروس البحر;13982881:
شكرا لام سيمو وام هينار وكتكوتة الله لايحرمني منكوا يارب

ان شاء الله بنحاول نوديه الدكتور انهاردا




الف سلامة عليها بصي دى برد في معدتها لان ابني كدة بردو ماما قالتلي معلش لانه اخد برد وفي المعدة كمان وان شاء الله مش ميكروب ولا حاجة شربيها كدة حاجة دافية والسيتال ميعملش نتيجة من اول مرة واستمري على الكمادات

CuTie KaTkOoTa;13983992:
اه سعرها حلو اوي بس شوفي الاوبشنز بتاعتها بردو بس اكيد مادام شيكو هاتبقي متينة وتستحمل، انا شفت في التتوحيد والنور من كام يوم حاجات ب 100 وكسر وحاجات ب 200 وكسر زي بتاعة جوجو، المهم تشايلد مول في مكرم عبيد بعد التوحيد والنور بحاجة بسيطة وبعده عالطول كيدز بارك، انا شفت جوانب كتير حطنها علي الرف كده بس الوحيد اللي صورته كانت واضحة ليا اللي كان ابيض في بينك وعليه رسمة كيتي القطة دي، وكان عنده الناموسية اللي زي الشمسية دي وممكن تجيبيها من التوحيد والنور بردو، ولا انتي قصدك المرتبة اللي فيها ناموسية


جوجو حصل معاها كده وبعد الشر عن مريومة طلع البلغم اللي كان عندها نزل علي معدتها وعملها نزلة معوية وقلبة في البطن عشان كده كانت بترجع كل حاجة تاخدها، فاخدت حقنة وبعدها تقعد متاكلش لمدة ساعة باين وبعدين الاكل يبقي اللبن وبس وبكمية بسيطة خالص والفرق بينهم يبقي مدة معينة حسب ما الدكتور كان قايلي وواحدة وواحدة ازود الجرعة في اليوم اللي بعده وكده

ميرسي يا بنات ربنا يخليكم

انا روحت الدكتور و طلع عندها نزلة معوية و بردو عندها برد و احتقان فى الزور و كتبلها على حقنة زى ما حصل معاكي يا ايمي و مضاد حيوي و انتينال و خافض دولفين عند اللزوم و قالى اديها لبن بجرعات بسيطة و متخفف يعنى لو بحط 5 معالق على 150 احط معلقتين بس عشان ميبقاش تقيل و هروحله تانى يوم التلات ان شاء الله..دعواتكم يا بنات ربنا يشفيها يارب

و عايزة اقلكم لو اللعب بتاعتهم تنفع تتعقم عقموها لان انا معرفش دة حصلها من اية انا بهتم بنضافة اكلها جدا بس اللعب انا لاحظت انها بتحطها فى بقها و كل حاجة تقع فى ايديها على بقها علطول و اكيد دة اللى عملها ميكروب

CuTie KaTkOoTa;13990426:
دندونة والله يابنيت كتير بنرد عليكي والله وانتي مش بتاخدي بالك وبتزعلي بعد كده وبتفتكري ان محدش رد، فاكرة حتي قبل كده كنت عملتلك اقتباس لردي مرة وانتي منتيش شوفتيه، بصي اللي بتقولي عليها دي مش عضاضة دي معمولة للثة والسنان، بتبقي زي فرشة مصغرة كده، والعضاضة مفهاش حاجة عادي وكده كده هما هايمروا بمرحلة العض دي في اي حاجة قصادهم وفيه جل كمان بيتحط علي اللثة لو وجعاهم وتعباهم عشان يهدي شوية

يا قمر انا مكنش اصدى عل السؤال ده اللي زعلت منه لا على السؤال اللي قبليه بتاع الاكل في سن 4 شهور قوليلي المهلبية لسن اربع شهور بتتعمل ازاي بقى

razminia;13978802:
مس توكى الف سلامة على تايا بصى ياقمر بدل ماتحطلها كمادات ماية على مكان الحقنة عشان ماتورمش انا كنت بجيب لمالك زى لزق كدة من الصيدلية اسمة تيمبو كول ومكنش بيخليها تورم ولا حاجة هو ب 5 جنية او 7 مش متاكدة اوى بس كان خطيرر فعلا هاتية بعد ماتطعميها وحطيهولها على مكان الحقنة وربنا يعديهالها على خير ان شاء اللة

انا جبتو وحطيتو وصعبانه عليا جداااااااااااااا

جلدها لازال ملتهب وهيبدأ يجيب دم خلاااص

بتعمل حمام بقالها اسبوع عبارة عن مخاط كدجه بحس انو عامل زى الزيت بس لذج

ومليان كلاكيع بيضا وشكلو مش طبيعي خالص

بتعمل اكتر من 7 مرات ف اليوم لما بتطلع الغازات

وده الى مخللى جلدها ميخفش بسهولها لانى بغيرلها ع طول

انا شيلت المناديل وبقيت استخدم الميه

بس للاسف من كتر الحمام الكريم مبيقعدش ع جلدها خااالص اعمل ايييه انا صعبانه عليا اوى

وخدت التطعيم النهردا ف كلو مع كلو :(

أم تايا اعمليلها تحليل براز أفضل للأطمئنان

om_hienar;13990875:
لو عايزة ابدأ أأكل هينار لما تبدأ ولا لما تخلص التالت وابدأ بايه؟؟؟؟؟؟؟

لا لا تالت ايه كده بدري اوي متستعجليش اوعي كده، خليها من اول الخامس او نهاية الرابع

sweet_toota;13992982:
ميرسي يا بنات ربنا يخليكم

انا روحت الدكتور و طلع عندها نزلة معوية و بردو عندها برد و احتقان فى الزور و كتبلها على حقنة زى ما حصل معاكي يا ايمي و مضاد حيوي و انتينال و خافض دولفين عند اللزوم و قالى اديها لبن بجرعات بسيطة و متخفف يعنى لو بحط 5 معالق على 150 احط معلقتين بس عشان ميبقاش تقيل و هروحله تانى يوم التلات ان شاء الله..دعواتكم يا بنات ربنا يشفيها يارب

و عايزة اقلكم لو اللعب بتاعتهم تنفع تتعقم عقموها لان انا معرفش دة حصلها من اية انا بهتم بنضافة اكلها جدا بس اللعب انا لاحظت انها بتحطها فى بقها و كل حاجة تقع فى ايديها على بقها علطول و اكيد دة اللى عملها ميكروب

الف سلامة عليها يا دودو شفتي زي ما حصل مع جوجو بالظبط فعلا وبردو اخدت ادوية كتيرة بس الحمدلله متقلقيش هتتحسن بسرعة بس ظبطي موضوع اللبن والاكل ده زي ما الدكتور قالك، بصي هو حصل لجودي من البلغم مش من تلوث، بس طبعا كلامك مية مية وصح جدا

dandona om jou;13995083:
يا قمر انا مكنش اصدى عل السؤال ده اللي زعلت منه لا على السؤال اللي قبليه بتاع الاكل في سن 4 شهور قوليلي المهلبية لسن اربع شهور بتتعمل ازاي بقى

النظام اللي انتي كتباه حلو سواء الاكل او العصاير، والمهلبية بتتعمل باللبن الصناعي والنشا نفس طريقة بتاعنا بالظبط بس خليها اطري طبعا متجمديهاش اوي وممكن تحطي نقطة عسل يحلي طعمها بقي بس مش لازم لأن هما كده كده بياخدوا اللبن من غير حاجة، وزيها بردو نفس الطريقة لمهلبية الفواكه، بتعملي عصير برتقال او اي فاكهة عادي وتحطي معاه النشا وتحطيهم علي النار يغلوا مع بعض ويمسكوا نفسهم شوية، واي عصاير لو هتديهاله لوحدها، يبقي بعد ما تعصريها صفيها كويس

M!ss Tuky;13997121:
انا جبتو وحطيتو وصعبانه عليا جداااااااااااااا

جلدها لازال ملتهب وهيبدأ يجيب دم خلاااص

بتعمل حمام بقالها اسبوع عبارة عن مخاط كدجه بحس انو عامل زى الزيت بس لذج

ومليان كلاكيع بيضا وشكلو مش طبيعي خالص

بتعمل اكتر من 7 مرات ف اليوم لما بتطلع الغازات

وده الى مخللى جلدها ميخفش بسهولها لانى بغيرلها ع طول

انا شيلت المناديل وبقيت استخدم الميه

بس للاسف من كتر الحمام الكريم مبيقعدش ع جلدها خااالص اعمل ايييه انا صعبانه عليا اوى

وخدت التطعيم النهردا ف كلو مع كلو :(

حبيبة قلبى وديها لدكتور عشان تطمنى لان كل بيبى بيختلف عن التانى واحتمال تكون وخده برد وديها للدكتور خصوصا انك بتقولى بتعمل 7 مرات كيكىفىاليوم ليكون بعد الشر اسهال ويصفيها فروحى واطمنى اكتر انا مش بخوفك بس بدل القلق اللى انتى فيهده لما تروحى للدكتور هيطمنك احسن برضه وربنا يطمنك عليها بس روحى عشان يكتبلك حاجة للبرد لو هى عندها برد فى معدتها ولا حاجة

dandona om jou;13989224:


ممكن تجاوبوا على سؤالي للمرة المليون لو سمحتو عبروني

بنات انا جبت ميلوبا رز ليوسف بتتاخد من الشهر الرابع ان شاء الله لما يتمه في كمان خضار مشكل و فواكه مشكلة بس قلت الاول اجرب الرز اشوف هيتقلاه و لا لا ان شاء الله في كمان بسكويت ميلوبا من الشهر الرابع ايه رايكو يا بنات و عايزة اعرف ادي اد ايه سيريلاك ميلوبا يكون مناسب لسنه و ايه تاني كمان اقدر اديهوله يا بنات

ايه رايكو في نظام التغذية ده يا بنات

الشهر الرابع:

1- عصائر:

برتقال – طماطم – تفاح (1/2 كوب فقط).

2- حبوب:

أرز مسلوق – مهلبيه – بسكويت – سيريلاك.

3- فاكهة:

تفاح – كمثرى (مسلوق ومهروس ولا تضيف سكر).

حبيبة قلبى رديت عليكى وقلتلك النظام كويس قوى
ونص كوب كويس عشان تعرفى اذا كان هيتقبلة ولا لا

om_hienar;13989322:
طيب انهى محل ده؟

هو المحل فى بنها ياجميله

OM SIMO;13989644:
صح كده
ابداى بعصي التفاح والبرتقال المخفف
يعنى قشرى التفاح وقطعيه وشيلى من البذر و بعدين حطى عليه ميه و اسلقيه
لو عايزاه عصير اضربيه بالميه بتاعته فى الخلاط
ولو عايزاه ماسك نفسه عشان تاكليهوله طفيه من الميه و اهرسيه
ابداى الاول بنص تفاحه كده و يمكن كمان مش يخلصها
و ممكن بعد كده تعملى الكمترى بنفس الطريقه

بس خلى بالك النوع اللى تجربيه تديهوله 3ايام قبل متدخلى نوع تانى عشان لا قدر الله لو عنده حساسيه من حاجه تبان
ومتقلقيش يا قمر

:thumbs_up::thumbs_up:

اختى برضه وماما قلولى اى نوع اكل ادخله لازم اجربه 3او 4 ايام عشان اشوف هيعمله حساسية او اسهال ولا لا او هيتعب منه

دودى عنده قشر فى راسة وبعملهبزيت بيبى جونسون واسيبة شوية وبعدين اسرحه بيطلع وبعدها بيومين يطلع ويزيد اكتر اعمل ايه بقى

البنوتات اللي مسافرين
هوا صحيح دلوقتي لالبيبي مش بيضاف على جواز سفر مامته

و لازم جواز السفر يطلع بالشهادة الجديدة

sally2007;13997668:
دودى عنده قشر فى راسة وبعملهبزيت بيبى جونسون واسيبة شوية وبعدين اسرحه بيطلع وبعدها بيومين يطلع ويزيد اكتر اعمل ايه بقى

سما كانت كده لحد مزهقت و سيبته مش بقيت اطلعه خصوصا انه كان بيطلع بشعرها
بس على بعد الرابع كده شيلته و مطلعش تانى

لا البيبى مش بيضاف على جواز سفر مامته بيطلعلو باسبورت لوحده و هم اخدو مننا الشهادة القديمة مش عارفة اخدو الجديدة ولا لا

يا بنات آدم من امبارح بالليل شغال كحة وعطس ومخنفر وزادت الكحة والعطس النهارده.. أنا حطيتله اوترفين علشان الخنفرة أعمل ايه مع العطس والكحة خصوصا ان الدكتورة بتاعته مش بتيجي غير بالليل لسه؟ كمان ساعات يبقي الكيكي اخضر غامق وثقيل كده لزج شوية يعني وساعات يبقي اصفر فيه حاجات صغيرة بيضاء ذي كلاكيع نونو كده حد يعرف ده من ايه؟ أنا مش عارفة سبب علشان هو يادوب شهرين مش بيأخذ حاجة غير صدري والبيبي درينك.. كمان سؤال بره الموضوع حد اخذ حبوب ميكروليت بتاعت منع الحمل ولو حد اخذها حس بتغيير في كمية اللبن؟