استفسارات وتساؤلات الامهات عن كل شئ (الجزء السابع)

CuTie KaTkOoTa;14057865:
لا ان شاء الله مفهاش حاجة لو مفيش اغماء او تريجع يبقي تمام بس خللي بالك وتابعي بردو لو ورمت ولا حاجة وديها للدكتور او لو زادت في العياط فترة كبيرة عن اللزوم


الحمدلله يا جميلة هما فعلا بيشغلونا بطريقة فظيعة بس ان شاء الله لما يكبروا حبة نقدر ندخل اكتر من كده
فرع المهندسين 11 ش سوريا المهندسين



فرع الدقى
22 ش مصدق الدقى

اسمها سالوبيتات داخلية بيبقي فيه منها كت ونص وكم عادي انا بجيب الصياد خامتها حلوة وسعرها حلو، وفيه طبعا بيبي كلاب اعلي منها كمان وحلوة اوي وفيه بابيون بس دي خفيفة عنهم بس بتفضل تكفي لسن اكبر منهم عشان خفيفة وارخص منهم هما الاتنين طبعا وفيه ماما كير حلوة بردو بس هاتي مقاس اكبر شوية عشان تكفي معاكي فترة

وبالنسبة للشعر انا كمان كده ومش لاقية وقت والله اروح للدكتورة، بس جبت خلطة زيوت للدكتور امير صالح وله موقع عالنت ممكن تعملي سيرش عليه وهتلاقي اسئلة واجوبة في كل حاجة تقريبا وبيجي علي قناة كمان، انا قلت اجرب واشوف بس لسه فترة العلاج مخلصتش فمش عارفة احدد لسه بس ان شاء الله لازم اروح لدكتورة بردو، اعرف واحدة كويسة وكبيرة بس في مصر الجديدة اسمها حنان الكحكي.


ربنا يخليكي يا كتكوتة على ردك

ايوة انا بردو بقول انه الوضع اكيد بيتغير ويبدؤوا ينشغلو شوية مع نفسهم :D
سالوبيتات الصياد دي الاقيها فين وكم سعرهم تقريبا وبيبي كلاب كمان الاقيهم فين معلش حتعبك معايا وياريت لو بالمهندسين لو تعرفي

انتي كمان بيطلعلك الحبوب الصغيرة دي ؟
ايوة انا عارفة الدكتور ده كنت بحضر برنامجه على قناة الرحمة بجد ما شاء الله عليه شاطر جدا وتحسي انه عنده ثقة بكل علاج بيقول عليه..فعلا لقيت بالموقع بتاعه حاجات مفيدة اوي..تسلمي يا قمر


[QUOTE=كيوت لولا;14059521]بنوتات انا طاهرت محمد النهارده

هوا هيفضل تعبان قد ايه

وكمان حد يقولي نوع بريست بادز كويس بيتغسل
انا جربت فارلين و معجبنيش

الف مبروك وان شاء الله يقوم بالسلامة

~OM-ADAM~;14060544:
ربنا يخليكم يا بنات بجد.. توكي الحمدلله رحت فعلا للدكتورة بتاعته قالت كيس دهني وحولتنا علي دكتور جراحة قال ان السبب فيه زيادة جرعة تطعيم الدرن اللي اخدوه أول ما اتولدوا وقال الحمدلله اننا أخذنا بالنا بدري أول ماظهر لأن كده هيروح بالعلاج ومش هنحتاج تدخل جراحي الحمدلله وكتبوا لنا علي علاج لمدة شهر.. وقال ان نفس الورم ده ممكن ييجي اندر ارم كمان وده الأغلب.. الحمدلله بجد كنت خايفه جدا لما الدكتورة جابت سيرة التدخل الجراحي ألف حمد وشكر لله ربنا ستر.. توكي حمدالله علي سلامة تايا والله كل ما ادخل أبقي عايزه اسالك ومش عارفه ايه بينسيني

الحمد لله على سلامته وان شاء الله معافى

ياسمينــــا;14061424:
بصي الي بتغسلة دول ولا ليهم لازمة انا جربت جميع انواع البريست بادز نك
أفنت سانوسان وكل دول بيسربوا حتى لو حطة منهم اتنين بس احسن حاجة ماشية عليها وتستحمل كتييير هي شيكو تحفة بجد

جزاكي الله خير انا كنت لسى حسأل البنات عنهم..طيب الاقي فين نوع شيكو وكم سعرهم وهم دو بيتغسلو ولا لا ؟




[QUOTE=nemonamanemo;14065996]بنات بليز حد يقولي بتعملوا مهلبيه ازاي بلبن صناعي

نيمو ازيك يا قمر عاملة ايه..والف مبروك على حلى لو انا ما باركتلكيش..والله مش فاكرة اذا باركتلك او لاء :o على كل حال مبروك وتتربى بعزكم ان شاء الله

~OM-ADAM~;14082074:
ياقمرات أعرف ازاي ان لازم اغير البامبرز للمقاس الأكبر؟ بالوزن ولا ازاي؟

يابوسي الوزن مش مقياس خالص تاتا كانت 5 كيلو ماشاء الله وبقي يسرب بشكل فظيع ف جبتلها اتنين وسط كده لقيتو حلو اوى معاها خدى بالك لما تكون شاربه بيبي درينك او اعشاب اعرفي ان البامبرز هيتملى بسرعه عشان تعتبر الاعشاب زى الميه بتنضف البطن وتنزل بسرعه بيحصل كده مع تاتا وخدى بالك بردة مقاس رقم 3 مكتوب عليه من 4 كيلو ل 9 ف اديها براح بلاش يمسك عليه

صوت العيون ʚϊɞ ام سندس ʚϊɞ;14083360:
بنات هو فى محلات بيع جمله للبامبرز وكدا فى ميدان الجامع او حواليه ان شاء الله
ضرورى

سامى سلامه ونجمه هليوبوليس وفي سامى سلامه قدام جامع الشيخ كشك الى ف مصر والسودان

رجائي رضا ربــــي;14083570:
بنت من الزمن دا انا جبت عربية جراكو بصراحة عجبانى اوى هيا عجلها ضخم بس متينه وحلوة وكمان فيها وضع النوم دا غير ممكن تشتريها بالكارسيت ويتركب ادامك يعنى يكون البيبي فى وشك ولما يكبر يقعد عادى والوانها جميلة اوى انا جبت التريكواز

دندونة جبتلك الكلام دا من الكتاب اللى عندى

مع بلوغ الشهر الخامس لا بد أن يكون طفلك قادرا على :

تثبيت رأسه عندما يكون فى وضع عمودي

رفع صدره مستندا على ذراعيه عندما يكون مستلقيا على معدته .

مع نهاية هذا الشهر سوف يستطيع بعض الأطفال الجلوس بدون مساعدة عند الاستناد على أيديهم ولكن معظمهم سوف يستمر فى هذا الوضع

الانتباه لشىء فى حجم الزبيب (ولكن احرصى على وضع مثل هذه الأشياء بعيدا عن متناول الطفل)
إطلاق صرخة طويلة حادة فى ابتهاج وسرور
الوصول إلى شىء
الابتسام بشكل تلقائي
الابتسام لكي حين تبتسمين
الإمساك بشخشيخه توضع على مقربة من ظهر أو أطراف الأصابع
الحفاظ على الرأس فى مستوى واحد مع الجسم عند جذبه للجلوس

وقد يكون قادر على
التقلب فى اتجاه واحد
تحمل بعض الثقل على ساقيه
التلفظ بتركيبات لفظيه مكونة من أصوات متحركة وساكنة مثل آه وجو
إصدار أصوات رذاذ
الالتفات فى اتجاه أحد الأصوات

وربما يكون قادرا على:
الجلوس بدون دعم

انا وعدتك بانى هيجيبلك جدول للأكل بس لما أروح للدكتورة ان شاء الله لانى لسه مأكلتش عيسى :)


سؤال هوا البيبي بينام كام ساعة فى عمر ال4 شهور ,,, انا عايزة الغى حكاية الرضاعة بالليل هل غلط دلوقتى ولا اعمل ايه ؟

رجائي اعتقد ان هو ده الكتاب الى عندى لانو نفس الكلام ب الاسلوب حتى حبايه الزبيب بردو :D

عيون حمودي
لا مفيش غير أفنت بس الي منزلة برست بادز بيتغسلو الاربعة 100 جنية بس برضوة بيتبلوا بسرعة

اما الي هقولك علية دلؤتى كلهم بيستعملوا بيترموا
افنت 28 واحدة 53 جنية
نك 28 واحدة 48 جنية
سانوسان 30 واحدة 30 جنية
شيكو 30 واحدة 50 جنية والكبيرة 60 واحدة 100 وفي صيدليات بيبعوا الكبيرة 77 جنية والصغيرة 48 جنية
بس نصيحة ليكى انا استخدمت كل دول كلهم بيسربوا معادا شيكو وكنت بحط من
كل نوع منهم اتنين تحت بعض وكانوا بيسربوا كمان الوحيدة الي حلوة اووووى
هي شيكو تحسيها كبيرة كدة وبتستحمل ومش بتسرب بسهولة

بصي انا كنت بجبهم من العزبي او من صيدلية سيف

اوصفيلى بالظبط من عند كشرى ابو ربيع يا توكى

dandona om jou;14084432:
طيب كتكوتة لو ابني مولود و هوا 2 كيلو 870 جرام المفروض يبقى كام دلوقتي ان شاء الله

بين 5800 و6800 طبعا مش بالحرف بردو ده كده لما قفل الرابع ولما يقفل الخامس ان شاء الله مفروض يبقي ازيد من كده بنص كيلو كده

صوت العيون ʚϊɞ ام سندس ʚϊɞ;14084458:
مممممممممم اهو معاكى لو عرفتى قوليلى يمكن اعرف اوصفلك لو عرفت

بصى اول شارع الخليفه الى فيه هارديز بمشى شويه لبعد قبنورى كدا تقريبا واخش يمين

خلاص حاضر، بس انا معرفش خالص الدخلة اللي تقصديها ده من الخليفة، حساكي كده بعيدة اوي، انا اللي جاي في بالي من هناك شارعين واحد اللي بيوديكي علي الفا ماركت والتاني علي نادي هيليوبوليس عند الاشارة والاتنين بعاد ومش يوصلوا علي ميدان الجامع، لكن انا بروحه من عند تسيباس اللي بعد المحكمة لو عارفاه او ممكن من حرية مول لو هروح علي صلاح الدين عالطول او من ميدان الاسماعيلية من عند السلام شوبينج كده يعني

katkooota_7aboooba ام حــور;14085536:

السلام عليكم
ازيكم يا ماميهات
معلش النت كان فاصل عندى لفترة ومعرفتش اتابع معاكم
حور يا بنات لا سننت ولا بتحبى هى كده اتأخرت؟؟

لا مش اتأخرت يا جميلة متقلقيش ووزن البيبي وطبيعة جسمه كمان بيفرقوا في تأخره في الحركات والقعاد والزحف وكده، انتي اهتمي بردو بالكالسيوم في الاكل والفيتامينات

عيون حمودي;14085699:

ربنا يخليكي يا كتكوتة على ردك

ايوة انا بردو بقول انه الوضع اكيد بيتغير ويبدؤوا ينشغلو شوية مع نفسهم :D
سالوبيتات الصياد دي الاقيها فين وكم سعرهم تقريبا وبيبي كلاب كمان الاقيهم فين معلش حتعبك معايا وياريت لو بالمهندسين لو تعرفي

انتي كمان بيطلعلك الحبوب الصغيرة دي ؟
ايوة انا عارفة الدكتور ده كنت بحضر برنامجه على قناة الرحمة بجد ما شاء الله عليه شاطر جدا وتحسي انه عنده ثقة بكل علاج بيقول عليه..فعلا لقيت بالموقع بتاعه حاجات مفيدة اوي..تسلمي يا قمر

تسلمي يا جميلة، بيبي كلاب سهل تلاقيها في المحلات الكبيرة عن الصياد وبيبقوا في حدود 45 للشايتين مع بعض بس ده لو شاية لكن معرفش السالوبيتات دي بكام بقي، والصياد ارخص كتير بس قطنهم حلو بردو بس هاتي مقاس كبير شوية بردو عشان يكفيه فترة، انا بجيبهم من المحل بتاعهم نفسه وللأسف مالوش فروع جنبك، بس ممكن تلاقيه في بعض المحلات بردو او كارفور او المحلات الكبيرة.

لأ انا مش عندي حبوب بس شعري بيقع وخف اووووووووي

في محل زيرو تو فايف في المهندسين ورا مسجد مصطفي محمود ده فيه كل حاجة للأطفال وفي محل نبتون -شارع سوريا -المهندسين واور كيدز ميدان المساحه الدقى قصاد ماكدونالدز الناحية التانيه وسيف ستورز محطة المساحه جامب صيدلية سيف وفي لفلي فى سور نادي الزمالك وفرع فى مصدق

ايمي السلوبيتات بتع بيبي كلاب اتنين مع بعض تقريبا 57
وانا شعري بيقع بطريقه بششششششششششعه بقول لجوزي هما حميتين تاني وابقي قرعه هههههههه

ماميهات انا ظروف شغلى انا وجوزى وحشة اوى يعنىمابنعرفش ناخد اجازات ولا نسافر نتفسح والزقازيق مافيهاش فسح ولا لبس ولا اى حاجة فبيجيلى اكتئاب على طول ده غير المذاكرة اللى مابتخلصش ابدا بس والله من ساعة ماعرفتكم وانا كل متعتى انى ادخل اقرا واشارك معاكم واللى بتنزل وتوصف الحاجات اللى جابتها كانى كنت معاها وكانى شايفة هينار بتكبر زى اولادكم بجد انا مبسوطة انى معاكم اوى وشكرا ليكم يااحلى اصحاب لسة ماقابلتهمش اموووووووووووووووووووووووووووووووووواه


ردوا بقى على سؤالى صفحة 48 ههههههههههههههه

ام هنار الزقازيق ولله حلوة وفيها فسح انزلى القوميه ولله هتنبسطى انتى ساكنه فيين او الحته اللى فيها شارع البوسطا هى شعبيه شويه بس حلوة انا بحب الزقازيق ولله بس بابا مش بيحبها هههههههههه وفيه محلات اطفال عاادى هو مش كتير زى القاهرة بس كويسه ولله او اخرجى مع اصحابك وخدى بنتك معاكى انتى جبتلها عربيه بجد مش هتتعبي خااالص ولبسيها تقيل وعيشى حياتك يااابنتى

عالم سمسم;14088954:
ايمي السلوبيتات بتع بيبي كلاب اتنين مع بعض تقريبا 57
وانا شعري بيقع بطريقه بششششششششششعه بقول لجوزي هما حميتين تاني وابقي قرعه هههههههه

:lol::lol: احنا كلنا خلاص بجد مش ممكن اللي بيحصلنا ده


كيف تنبت أسنان الطفل الطبيعي العادي؟


الأسنان العلوية
يختلف موعد نمو الأسنان اختلافاً كبيراً باختلاف الأطفال.
فهنالك طفل إذا ما مضغ شيئاً ثارت أعصابه وسال لعابه طيلة ثلاثة أو أربعة أشهر قبل ظهور سن من أسنانه، وبالتالي يحول حياة الأسرة كلها إلى جحيم.
وآخر تكتشف أمه فجأة إن إحدى أسنانه قد نبتت قبل أن يخطر ببالها ذلك.
وثمة طفل تظهر أول سن له عند بلوغ الشهر الثالث وآخر لا تظهر قبل أن يبلغ العام الأول من عمره.
ومع ذلك فإن كلا الطفلين سليم الجسم طبيعي.
صحيح أن بعض الأمراض تؤثر في العمر الذي تنبت فيه أسنان الطفل، ولكنها أمراض نادرة.
فبالنسبة للطفل السليم الجسم يتوقف العمر الذي تظهر فيه أسنانه على طبيعة تكوينه الوراثي لا أكثر ولا أقل.
ففي بعض الأسر، تنبت أسنان الأطفال في عمر مبكر وفي بعضها الآخر يتأخر نموها.
وإذاً فليس لك أن تفترضي أن طفلك لامع لمجرد أن أسنانه ظهرت مبكرة، وليس لك كذلك أن تفترضي أنه طفل متخلف بسبب تأخر ظهور أسنانه.

تبرز أول سن للطفل العادي الطبيعي وهو في نحو الشهر السابع من عمره،
ولكنه يبدأ منذ الشهر الثالث أو الرابع من عمره بالمرور في مرحلة يلاحظ فيها أنه يكون أحياناً متوتر الأعصاب يسيل لعابه ويعض.
وبما أن الطفل العادي تنبت له عشرون سناً عندما يبلغ من العمر نحو عامين ونصف العام،
فمن السهل علينا مراقبة الطفل إبان فترة الإسنان (بروز الأسنان) أو معظمها.
وهذا بدوره يوضح لنا كيف يسهل إلقاء اللوم إذا أصيب الطفل بألم أو اعتراه مرض
خلال هذه الفترة على عملية بروز الأسنان.

وجرت العادة قديماً أن يُلقى اللوم على الأسنان إذا ما أصاب الطفل نوع من أنواع الرشح، والإسهال، والحمى.
علماً بأن أسباب هذه الأمراض هي الجراثيم وليس بروز الأسنان.
ومع ذلك يبدو أن بروز الأسنان يضعف المناعة لدى بعض الأطفال بحيث يصبحون في تلك الفترة أشد تعرضاً للإصابة بالحميات ومختلف الأمراض.
ولكن إذا مرض طفلك خلال فترة بروز الأسنان، وبلغت حرارته 5ر38ْ أو أكثر، فإنه يكون بحاجة لمراجعة الطبيب لتشخيص مرضه ومعالجته، كما لو أنه قد أصيب بالمرض في غير فترة ظهور الأسنان.

وأول سنين تنبتان للطفل هما عادة السنان الوسطيان السفليان من الأسنان المعروفة بالقواطع.
(الأسنان الثماني الأمامية ذات الأطراف القاطعة الحادة).
وبعد بضعة أشهر تنمو القواطع العلوية الأربع.
وهكذا تكون للطفل الطبيعي العادي عندما يبلغ عامه الأول ست أسنان قواطع، أربع علوية وإثنتان سفليان.
ثم تمر عادة فترة ركود تمتد بضعة أشهر، يبدأ بعدها ظهور ست أسنان أخرى ـ السنان السفليان الباقيان من القواطع،
بالإضافة إلى الأضراس الأربعة الأولى.
وبذلك يسبق ظهور هذه الأضراس الأربعة ظهور الأنياب.

ويلاحظ أنه بعد أن ينبت للطفل الضرس الأول، تمر فترة توقف تمتد بضعة أشهر قبل أن تبدأ الأنياب بالظهور واتخاذ مكانها بين القواطع والأضراس.
ويتم ذلك عادة خلال النصف الثاني من العام الثاني من عمر الطفل.
أما أسنان الطفل الأربع الأخيرة فهي الأضراس الثانية التي تقع وراء الأضراس الأولى مباشرة،
ويتم ذلك عادة خلال النصف الأول من العام الثالث من عمر الطفل.

هل يجب أن أشتري مشّاية لطفلي تساعده على تعلّم المشي؟


إن وضع الطفل في مشاية (كرّاجة أو يوبالا) يشبه تسليم مراهق سيارة فيراري – إنها مخاطرة!
تكثر نسبة الحوادث والإصابات في مشايات الأطفال أكثر من أي جهاز أو غرض آخر خاص بالصغار. والسبب أن المشاية تزوّد الطفل بسرعة إضافية (يمكن للطفل أن يصل إلى متر واحد في اللحظة بانطلاقة واحدة)، وتزيد من الوزن وتعرّضه لأخطار متعددة.

تحدث الإصابات غالباً عندما تتعثر مشاية الطفل فتسقط من أعلى الدرج (السلّم) أو ترتطم بالأثاث أو فرن الغاز. كما هناك مخاطر إضافية على الطفل كأن يحرق نفسه بالشمعة أو كوب شاي أو قهوة ساخناً. كما تتيح المشاية للطفل الوصول إلى أغراض المنزل التي قد تصيبه بالتسمّم مثل العطور وسائل تنظيف الفم مع أنها تكون قد تُرِكَت في مكان آمن سابقاً.

يعتقد الكثير من الناس أنه عندما يكون الطفل منشغلاً في "عربته" الصغيرة، معناه أنه آمن ويمكن تركه من دون مراقبة لفترات قصيرة. في الحقيقة، تحتاجين إلى اهتمام وانتباه أكبر عندما يكون صغيرك في المشاية ومن الآمن أكثر لو تركت طفلك على الأرض في غرفة خالية من الأخطار. (اقرئي المزيد حول تأمين منزلك لحماية طفلك).

لن تساهم المشاية في تعليم صغيرك المشي. في الواقع، قد تؤخر كثرة استعمالها تطور هذه المهارة لدى طفلك قليلاً. يحتاج طفلك إلى التدحرج والتقلّب والحبو أو الزحف والجلوس واللعب على الأرض حتى ينجز مهارة المشي الجوهرية.

بالرغم من المخاوف التي برزت بسبب الإحصائيات والأرقام، فإن منع مشايات الأطفال مسألة غير واقعية. يظن بعض الخبراء أن هذه المشايات يجب أن تُصمّم للأطفال ما فوق التسعة أشهر من العمر والذين يعرفون أصلاً كيف يجلسون ويزحفون، مع ضرورة الحدّ من سرعة المشاية. يرجع الأمرإلى اللمستهلك في الحصول على مزيد من المعلومات حول سلامة استخدام المشاية عند شرائها.

لو اقترح عليك أحدهم شراء مشاية لطفلك، حاولي أخذ الخيارات الأخرى المتاحة بعين الاعتبار، أو اذهبي إلى خيار طبيعي أكثر كأن تتركي طفلك يتدرّب ويتمرّن على الأرض بالطريقة التقليدية القديمة.

ياه لا دا بعيد اوى انا فعلا اعرف دخلات الفا ودى قريبه من الى قلتله
عمتا جربت فاينى وحلوة ما شاء الله

صوت العيون ʚϊɞ ام سندس ʚϊɞ;14091139:
ياه لا دا بعيد اوى انا فعلا اعرف دخلات الفا ودى قريبه من الى قلتله
عمتا جربت فاينى وحلوة ما شاء الله

انا فعلا كنت بستخدم فايني وهي صغيرة وكان حلو بس مشكلته منفوخ اوي هدومها مش هتدخل فيها كده وساعات كان بيبقي فيه واحدة او اتنين اللزق بتاعهم بايظ

ازيكو يا قمرات و اخبار كتاكيتكو ايه؟؟ يا رب نشوفهم احلى و لاد و بنات في الدنيا.. بنات انا كان عندي سؤال هو انا اشرب يوسف مية من امتى؟؟؟ انا بدوقه المية بلاقيه بيرجع مش عارفة ليه؟؟هو ده عادي ولا في مشكله؟؟

اميرة مصرية;14091906:
ازيكو يا قمرات و اخبار كتاكيتكو ايه؟؟ يا رب نشوفهم احلى و لاد و بنات في الدنيا.. بنات انا كان عندي سؤال هو انا اشرب يوسف مية من امتى؟؟؟ انا بدوقه المية بلاقيه بيرجع مش عارفة ليه؟؟هو ده عادي ولا في مشكله؟؟

سبيه فترة كده مش كبيرة وارجعي جربي كل شوية انا جودي مكنتش بتقبلها نعائي وتقعد تقفل بقها او لو داقتها بردو تعمل صوت وتقلب وشها كأنها هترجع خلاص وتتفها ووشها يكشر اوي كده وتتقرف وجربت المغلية والمعدنية الاتنين كانوا كده لكن لما كبرت بقي بقت عادي بالنسبة لها

بنات في فرع للصياد في الاسكندرية

وصفة الدكتور جميل القدسي في إدرار الحليب عند المرضع بإذن الله

يجب على المرضع التي تجد أن حليبها ضعيف أن تكثر من تناول *
عشبة القمح مفرومة في داخل السلطة بمعدل 4 ملاعق عند الغداء و4 ملاعق عند العشاء , فهي رائعة جدا وغنية جدا بالعناصر وهي تجعل الحليب نوعيا بما تثريه من عناصر عظيمة فيه ويكون الملعقة من هذا الحليب تعادل في فوائدها فنجانا كاملا

التمر حيث إنه يحتوي على مادة الأكسيتوسين التي تساعد في تقلص الألياف العضلية الظهارية المحاطة بقنوات الحليب وتساعد على إدرار الحليب وقد كان طعام مريم عليها السلام حين ولدت , وقد قال رسول الله صلى الله عليه وسلم " فإنه كان طعام مريم حين ولدت ولو علم الله طعاما خيرا منه لأطعمها إياه "

الحلبة والكراوية : حيث يؤخذ من كل الأشياء السابقة ملعقة صغيرة وتوضع كلها
في تيرمس حافظ للحرارة وبعدها يضاف عليها ماء ساخن دون درجة الغلي ويغلق عليها بشكل محكم وبعد نصف ساعة يبدأ الشرب منها بمعدل ما يعادل كاسة الشاي الصغيرة كل 3 ساعات فنحصل على نتائج ممتازة إن شاء الله خلال أسبوعين , ويمكن استخدام الكراوية فقط حيث إن الحلبة تطرح عن طريق الجلد فتسبب رائحة عرق غير مرغوب فيها أحيانا .

يجب تجنب الدجاج المهرمن في هذه الفترة فهو يؤدي إلى اضطراب هرموني شديد ويؤثر بشكل كبير على العملية الهرمونية المنظمة في إنتاج الحليب وإدراره .

ازيكم يا حبايبي
يوم الخميس كان تطعيم عيسى لاربع شهور نقط وحقن وعدت على خير الحمد لله ,,
, وشفت هناك اعلان عن تطعيم الروتا وقالو انه خارجي هوا برضو فى مصر خارجي ولا تبع الصحة ؟

وكمان حولونى على دكتور قبل التطعيم عشان الحبوب الحمرا اللى فى الخد دى والدكتور قالى من اللبن الصناعى ومتحاوليش تعرضيه للهوا برا كتير وكتبله كريم فيه نسبة 1% كورتيزون بس االحمد لله جاب نتيجة سريعة

طيب انا بدأت اجيب ليه بسكوت ميلوبا اللى مكتوب عليه من اربع شهور احطه فى اللببرونة ولا اعوده على المعلقة وكمان جبت الرز اللى بيتعمل بلبن عملته بلبن صناعى ورفض نهائي وهل دا ممكن يعمله امساك ؟

هو تطيعم التسع شهور عباره عن ايه ان شاء الله

رجائي رضا ربــــي;14103826:
ازيكم يا حبايبي
يوم الخميس كان تطعيم عيسى لاربع شهور نقط وحقن وعدت على خير الحمد لله ,,
, وشفت هناك اعلان عن تطعيم الروتا وقالو انه خارجي هوا برضو فى مصر خارجي ولا تبع الصحة ؟

لأ هنا خارجي بردو هو والانفلونزا البكتيرية والاذن الوسطي وحاجات كتيرة

صوت العيون ʚϊɞ ام سندس ʚϊɞ;14104505:
هو تطيعم التسع شهور عباره عن ايه ان شاء الله

نقط شلل وفيتامين أ وبس مفيش حقن المرة دي