استفسارات وتساؤلات الامهات عن كل شئ (الجزء السابع)

sweet_toota;13927748:
يا جماعة ساعدوني بقى عشان انا قرفت بجد البامبرز السعودي الاخضر فى ازرق دة خلاص مش بقيت الاقيه و الابيض هو اللى مكتسح السوق و كنت بضطر استعملهولها مع انه مش مريحها و بيسرب المشكلة دلوقتى انه عملها تسلخات فظيعة الحتة اللى تحت حمراااااا و فيها تعاوير بتجيب دم و انا علطول بغيرلها بالمية و انشفها كويس و احطلها كريم سانوسان و لما لقيت كدة غيرت و جبتلها سودو كريم و بردو مش عامل حااااااجة و الزفت التسلخات بتزيد اعمل اية ردوا بسرعة بليز انا هغير و اجيب مولفيكس بس التسلخات اعملها ايةةةةةةةةةةة

دندوووووووون اسيك يا حبيبتى.. بصى بلاش اى حاجه فيها كورتيزون لانها بتهرى الجلد وبتبهدله ..انا اخويا طبيب جابلى كتاب الماستر بتاع طب الاطفال_كتاب اد كده ياختى ال ايه اسلى وقتى:lol:
المهم مكتوب الكورتيزون للحالات very severe
ومايزدش عن اسبوع.
والدكاتره عارفه كده كويس بس بيستسهلوا وعلشان اووبا يومين التسلخات تكون راحت وانت دكتور مافيش زيك وياليت منك تسعه:lol:
بصى انا بنتى كانت كده بردك ومانفعش معاها غير حاجتين:
1_تديها اى حاجه مضاده للفطريات تروسيد مثلا مرتين فاليوم صبح والليل لمده اسبوع
2_فى كريم زنك من شركه بيودرما حلو جدااااااا وبيطرى ويصلح ماافسده الكيناكومب:lol:
اسمه atoderm po zinc
ده تمشى عليه بعد كل غيار
وممكن بعد ماتخف السودو كريم
وخلال اسبوع هاتبقى زى الفل.. وماتستسهليش يا فوزيه وتديها كينا كومب تانى:mad:

ازيكم حبايبي

هيا الكولونيا بتاعة الأطفال اللى مرسوم عليها ديزني ينفع احطها لعيسى من دلوقتى

وامتى أجيب البرفانات الخاصة بالاطفال

سلام لاحلى امهات

بغيت اعرف احسن انواع اللهايات ولدي واجد يصيح

اليوم ابوه جاب ليه ماركة شيكو بس طلع السيلكون قصير

فما يعرف يمصها عدل

ألم الزمان ... لو بترضعى طبيعي أفضل لهاية لابنك هيا نوع nuk
لانها شبيهه جدا لصدر الأم
وفيه نوع كمان كويس من افنت

رجائي يا قمر انا جايبة ليوسف كولونيا جونسون اللي هيا نسيم الربيع باين اسمها كده لونها ازرق بس بحططله منها على الهدوم كده بسيط اوي لما بنكون خارجين غير كده لا يا قمراية

شكرا يا دندونة منا بسأل عشان موضوع االخروج دا
... دلوقتى بعتمد على البودرة بحط منها على الهدوم قبل ما يلبسها ,, طيب والبرفانات الخاصة للبيبي من امتى؟

رجائي رضا ربــــي;13947335:
شكرا يا دندونة منا بسأل عشان موضوع االخروج دا
... دلوقتى بعتمد على البودرة بحط منها على الهدوم قبل ما يلبسها ,, طيب والبرفانات الخاصة للبيبي من امتى؟

و الله يا رجائي مش عارفة موضوع البرفانات ده من امته بس اكيد مش من دلوقتي عشان لا قدر الله ما يجلهيمش حساسية في الصدر اتوقع الكولونيا دي اخف و مخصصة للاطفال في سن صغير

ازيكوا يابنات وحشنى عاملين اية فى السقعة دى
ام عيسى انا كنت عايزة ارد عليكى من زمان فى موضوع التتينة دى
بصى ياستى انا الدكتور بتاع مالك قالى لو عايزة تديلة التتينة ممكن من اول يوم لحد الشهر السادس لحد الشهر السادس هيبقى صعب جدا انك تبطليهالة لانها بتبقى عاملة زى الفطام واكتر كمان فبصراحة خوفنى منها وقلت كفاية هيتفطم من حاجة واحدة اللى هى الببرونة طبعا لانى برضع صناعى الحمد للة فمحبتش انى اديهالة
والدكتور محمد رفعت سمعتة فى التى فى ان الحاجة الغلط مش محتاجة انك تبطليها بالتدريج يعنى كانت ام بتسالة ابنها عندة سنة ولسة بياخد التتينة لحد دلوقتى وخايفة لحسن ماتعرفش تبطهالة فقالها التتينة مش محتاجة انك تسحبيها منة بالتدريج لازم تبطلهالة لانها من العادات الغلط من وجهة نظرة فلازم تتبطل وعلى طول
انا قولتلك على كلام الدكتور بتاع مالك واللى سمعتة من محمد رفعت الدكتور اللى فى التى فى وشوفى ياقمر اللى يناسبك ويناسب ابنك ربنا يخليهولك
سؤال يابنات انا بلبس مالك شراب عشان طبعا الدنيا برد جدا انتوا حاسين طبعا السؤال بقى هو غلط انى البسهولة وهو نايم سمعت انة غلط على العين حد سمع الموضوع دة قبل كدة ؟

اعلى الجنان;13930884:
انا نفسى اعرف لما بسالكم عن حاجة لااما متجاوبوش لاما الاجابة تكون حاجة كدة ع الماشى مش عارفة لية هو الملف مش عشان الاستفسار ةالتساؤلات ولا انا غلطانة

اكيد لو ماجاوبناش يبقى مانعرفش بس معلش قولى السؤال تانى جايز نعرف المرة دى وماتزعليش يا قمرة:D

monyfofo;13930898:
بنتى عندها امساك بقالها كام يوم ومش بتعمل غير بلبوس الجلسرين صعبانه عليا اوى وبتعد تعيط
انا لو ادتها اللبوس كل يوم غلط انا بديها كل يومين كده بس بتصعب عليا اوى من العياط عشان الامساك وبديها عصير برتقال يمكن يضيع الامساك شويه مفيش خالص بحس ان الامساك بيزيد مش بيقل

لا عادى اللبوس مش غلط ماتقلقيش
لو بيجيلها امساك كتير فى حاجات ممكن تاخدها تنظملها الهضم ممكن تسألى الدكتور عنها زى زيت اللوز أو دوا اسمه جاست ريج أو دوا دوفالاك واكيد فى حاجات تانية استشيرى الدكتور برضه احسن

om_hienar;13933709:
اصلها معروضة عانت جديدة ب210 جنيه فكنت بفكر اجيبها ومعرفش اسعار المشايات ايه بس حاسة انها سعرها حلو هو مشايتك كانت بكام

واااااااااااو السعر ده بجد؟
انا شوفت مشاية شيكو فى تويز ار اص كانت وهممممممممممممممممممممممية بجد بس مش عارفة بكام

مشمش ام محمد;13933487:
ام هينار اشمعنى ماركة شيكو انا معرفش اسعارها بس غالبا شيكو ماركه غاليه بس سؤال ليه تجيبي مشايه غاليه اصلا وهي مش هتقعد فيها الا شهور بس وبعد كده تتركن المهم تجيبي مشايه تحسيها مرتاحه فيها وتكون فيها لعب تشدهااا واهم حاجه تكون بمستويات يعني تترفع وتنزل وكده يعني وكمان في مشيات ممكن تشيلي الجزء الي تحت ترفعيه شويه وتبئا عامله زي الكرسي الهزاز وكمان فيها من تحت سناده كده تحط رجلها عليها عشان لو حبيتيها تريح رجليها وكده ومش تمشي بيهااا وانا محمد قعدته فيها لما خلص ال 5 شهور بس في ناس بتقول انها غلط ولازم من سن 9 شهور بس انا سالت دكتور هنا قالي عاادي معرفش بئا ايه الي يناسب بنوتك

اه عادى المشاية مش مشكلة .. ممكن من السادس تقريبا مفيش مشكلة
ومعاكى حق مش لازم ماركة ولا حاجة كلها كام شهر وتتركن خالص

sweet_toota;13927748:
يا جماعة ساعدوني بقى عشان انا قرفت بجد البامبرز السعودي الاخضر فى ازرق دة خلاص مش بقيت الاقيه و الابيض هو اللى مكتسح السوق و كنت بضطر استعملهولها مع انه مش مريحها و بيسرب المشكلة دلوقتى انه عملها تسلخات فظيعة الحتة اللى تحت حمراااااا و فيها تعاوير بتجيب دم و انا علطول بغيرلها بالمية و انشفها كويس و احطلها كريم سانوسان و لما لقيت كدة غيرت و جبتلها سودو كريم و بردو مش عامل حااااااجة و الزفت التسلخات بتزيد اعمل اية ردوا بسرعة بليز انا هغير و اجيب مولفيكس بس التسلخات اعملها ايةةةةةةةةةةة

التسلخات دى هاتلها بوليدرم كويس اوى بس اوعى يدخل جوا

هو من برا

وهاتى بيبى جوى
وتتشطف مش بمايه
لا بمايه وشاور جل عشان نمنع اى فطريات

سويت توتا استعملى زنك اوليف لوشن حلو اوى وبيضيه الالتهابات والتسلخات على طول

dandona om jou;13945664:
يعني لو البيبي جاب 6 كيلو او 7 كيلو قبل الشهر السادس يبقى نبدأ معاه أكل بالتدريج اصدك كده و لا انا فهمت غلط يا قمراية

ايوة صح يا دندن

رجائي رضا ربــــي;13947175:
ازيكم حبايبي

هيا الكولونيا بتاعة الأطفال اللى مرسوم عليها ديزني ينفع احطها لعيسى من دلوقتى

وامتى أجيب البرفانات الخاصة بالاطفال

ا نا الدكتور قالى محطش برفان قبل سنة لاادهم عشان مش يعمله حساسية

ألم الزمان;13947225:
سلام لاحلى امهات

بغيت اعرف احسن انواع اللهايات ولدي واجد يصيح

اليوم ابوه جاب ليه ماركة شيكو بس طلع السيلكون قصير

فما يعرف يمصها عدل

افنت نوعها كويس ياقمر

كتكزتة هى دى الماشية ياقمر بس ماما كانت جايبة 2 وحده ب 45 ج بس قريبة من دى والتانية ب 60ج
وام 60ج زى اللى فى الصورة بس الفرق بدل البطة الصفراء دى كان كور

سويتى توتا استعملى للتسلخات كينا كومب انا جربت بيتاديرم وسودوكريم ومعملوش حاجة فسالت جوز اختى دكتور وقالى على كينا كومب وفعلا ما شاء الله بيضيع الالتهابات وكويس قوى معايا

كتكزتة هى دى الماشية ياقمر بس ماما كانت جايبة 2 وحده ب 45 ج بس قريبة من دى والتانية ب 60ج
وام 60ج زى اللى فى الصورة بس الفرق بدل البطة الصفراء دى كان كور
[/QUOTE]

دي منين يا سالي دي ممكن توصفيلي المحل وهو عندو لعب اطفال تاني أصل شكلو حلو ورخيص
انا جبت مشايه لجود ب 190 وبتتحول لكرسي هزاز بس مش ماركه يعني

السلام عليكم ورحمه الله و بركاته ........ بالنسبه لي آنه ولدي يعاني من جفاف في بعض مناطق جسمه في البدايه كانت بقع صغيره والحين اشوف صار الجفاف مالي رجلينه و ايدينه عند الكوع سالت الدكتور وقالي استخدمي زيت الاطفال بس الصراحه احسه ما ينفع ومدري شاسوي ؟
الشيء الثاني ولدي شعره خفيف ابي طريقه اتخليه يكثف

ماميهات نداء لMOMO'S MUM ممكن نعمل ليستة زى بتاعة التجهيزات والحوامل عشان زى ماشفنا اسامنا وفرحنا نشوف اسامى ولادنا وبنوتاتنا
زى كدة مثلا
ام هينار....................هينار............10-10-2010
ميس توكى...............تايا...............10-10-2010
ام آدم......................آدم................
ام ياسين العسل........ياسين...........
.
.
.
وكدة يعنى يا ماميهات كل واحدة تزود اسم و تاريخ ميلاد النونو بتاعها

اقدر أأكل هينار من اول ولا آخر الرابع وتاكل ايه؟

شوفو كدة
http://forums.3roos.com/showthread.php?t=585406

ازيكوا ياحلويين انا بقى مستعجله جدا جدا لانى رايحه بكرة اعمل اجراءات الاقامه هنا ف الكويت و لسه شايفه دلوقتى ف كراسة التطعيمات ان فيه تطعيم الكبدى ب وفي شهادة الميلاد مش كاتبين ان فيه الكبدى ده خالص هو شلل الاطفال والثلاثي اللى هو الدفتيريا والتيتانوس والسعال الديكى فدلوقتى بقى انا مش عارفه هو اتطعم الكبدى ده ولا لا بسرررررررعه يابنات ربنا يكرمكوا انا ماشيه بكرة بدري

ازاى متطعمش الكبدى ب ده عند الشهرين تطعيم DPT ده الثلاثى
Hepatitis Bهو ده الكبدى ب و بيكون معاهم شلل الاطفال OPV اكيد اخده بيتاخدو كلهم مع بعض يا اما حقنة واحدة اسمها مربع او حقنتين

شكرا يا أم مالك على ردك
هوا موضوع التيتنه مقتصر على النوم بس يعنى لما يزن عشان ينام بلف بيه شوية واديهاله يقوم نايم واشدها علطول طيب اعمل ايه عشان انسيهاله اسيبه يزن شوية عما ينام ؟

الشراب ملوش دعوة بالعين طيب ما احنا بنيمهم بالسلوبيت المقفول من عند الرجلين لازم تدفى رجليه عشان لو اتكشفت بالليل كمان