استفسارات وتساؤلات الامهات عن كل شئ (الجزء السابع)

مرحبا يالغوالي

حبيت أستفسر

بنتي عمرها ست شهور

ومنطقة الذقن عندها بيضاء وساطعه أكثر من الوجه

أيش ممكن يكون هذا البياض ؟؟؟

وجزاكم الله خير

CuTie KaTkOoTa;13930624:
مش قبل 4 شهور




توكي بصي اجلي الكاريير شوية لما ضهرها يمسك نفسه حبة، وبالنسبة للبس دفيها كويس، يعني جوجو مثلا لو هي لابسة بنطلون جينز وبتاعها تقيل مش خفيف زي بتاع الكبار كدهن بلبسها تحتيه بنطلون قطن والشراب طبعا والشوز، ولو بنطلون شتوي بس مش مبطن مثلا او مش تقيل اوي بخلي تحتيه الكولون التقيل، ولو جيبة وده زي امبارح مثلا والجو كان تلج بالليل، فلبستها تحتيها بنطلونين قطن وفوقهم الكولون كمان عشان رجليها بانية يعني كانها بمثابة لابسة بنطلون خروج وتحته القطن.

والسالوبيتات عادي من 3 ل 6 كويسين عشان يكفوها فترة اه، دايما اللبس الخارجي خليه كبير عشان هايبقي تحته حشو لكن الداخلي اقل شوية او عادي هو مش هايبان كده كده بدل ما تجعي تشتري تاني بعد حاجة بسيطة

اصل يا كتكوته تايا ماشاء الله الله اكبر عليها طولانه يعني طالعه طويله يا اما السن ده كل يوم بيفرق عن التانى ولا ايه المهم ان السالوبتا بجيبها بتلبسها لمدة 15 يوم بعد كده متجيش عليها طول بس ياستى ف السلوبتات رخمه معاها هو الى نافعها لحد دلوأتى البنطلون الجينز والبلوفرات وبترسها هدوم تحتهم بس نفسي اغيرلها الشكل بجد

كمان لما لبستها سالوبت كان قماشه تقيله مضلعه كده وشراب بكلون تححتها وتيشرت بكباسين من تحت كنت حاسه ان الجو سقعه عليها

بالنسبه للبيبي كارير يعني لما تبقي ف رابع شهر ولا لما تتم الرابع شهر ؟

سلطانة الفرح;13931008:
مرحبا يالغوالي

حبيت أستفسر

بنتي عمرها ست شهور

ومنطقة الذقن عندها بيضاء وساطعه أكثر من الوجه

أيش ممكن يكون هذا البياض ؟؟؟

وجزاكم الله خير

لازم لازم دكتور جلديه ضرورى ياقمر ان مكنش حاجه محتاجه يبقي ع الاقل طممنى
الى اعرفو انو بيبقي خلل ف خلايا الجلد .. بس ان شاء الله خير وروحي اتطمنى

ماميهات هو مشاية البيبى تعملها حدود كام لو ماركة شيكو؟؟ واقعدها فيها من امتى

بنات سؤال بئا محمد لسا مقعدش لوحده وهو دلوقت قرب يخلص ال 6 شهور ولسا بيعمل الكيكي ف يالبامبرز ابتدي ااقعده على البوتي امتى بئا عشان يتعود يعمل فيها؟؟؟ ولا هو اتاخر ولا ايه

ام هينار اشمعنى ماركة شيكو انا معرفش اسعارها بس غالبا شيكو ماركه غاليه بس سؤال ليه تجيبي مشايه غاليه اصلا وهي مش هتقعد فيها الا شهور بس وبعد كده تتركن المهم تجيبي مشايه تحسيها مرتاحه فيها وتكون فيها لعب تشدهااا واهم حاجه تكون بمستويات يعني تترفع وتنزل وكده يعني وكمان في مشيات ممكن تشيلي الجزء الي تحت ترفعيه شويه وتبئا عامله زي الكرسي الهزاز وكمان فيها من تحت سناده كده تحط رجلها عليها عشان لو حبيتيها تريح رجليها وكده ومش تمشي بيهااا وانا محمد قعدته فيها لما خلص ال 5 شهور بس في ناس بتقول انها غلط ولازم من سن 9 شهور بس انا سالت دكتور هنا قالي عاادي معرفش بئا ايه الي يناسب بنوتك

مشمش ام محمد;13933487:
ام هينار اشمعنى ماركة شيكو انا معرفش اسعارها بس غالبا شيكو ماركه غاليه بس سؤال ليه تجيبي مشايه غاليه اصلا وهي مش هتقعد فيها الا شهور بس وبعد كده تتركن المهم تجيبي مشايه تحسيها مرتاحه فيها وتكون فيها لعب تشدهااا واهم حاجه تكون بمستويات يعني تترفع وتنزل وكده يعني وكمان في مشيات ممكن تشيلي الجزء الي تحت ترفعيه شويه وتبئا عامله زي الكرسي الهزاز وكمان فيها من تحت سناده كده تحط رجلها عليها عشان لو حبيتيها تريح رجليها وكده ومش تمشي بيهااا وانا محمد قعدته فيها لما خلص ال 5 شهور بس في ناس بتقول انها غلط ولازم من سن 9 شهور بس انا سالت دكتور هنا قالي عاادي معرفش بئا ايه الي يناسب بنوتك

اصلها معروضة عانت جديدة ب210 جنيه فكنت بفكر اجيبها ومعرفش اسعار المشايات ايه بس حاسة انها سعرها حلو هو مشايتك كانت بكام

ام هينار انا يا قمر في الامارات جبتله مشاية جونيور في حدود 140 درهم يعني في حدود 200 مصري بردوو بس الاهم من السعر يا قمر امكانيات المشايه نفسهاا وان كنت جايباها من عرض في البيبي شوب لو عجباكي هاتيها هي سعرها مناسب

ياقمرات بليز هو تطعيم الشهرين عبارة عن ايه؟ وبيسخن ولا لا؟ ولو بيسخن عملتوا ايه وقتها؟

تطعيم الشهرين يا ام ادم حقن ونقط في الفم وبيكون النقط بتاعت شلل الاطفال
وبيسخن شويا انا اديت محمد ادول نقط

بيسخن يا بوسى لازم تديله السيتال بعد التطعيم بنص ساعة عشان معاه شلل اطفال نقط او ممكن قبل التطعيم
الدكتورة يا ام تايا اسمها ليرين الشاذلى و ليها عياده الللى انا كنت بروحها فى الرحاب فى المركز الطبى الاول و ليها واحدة تانية فى مصر الجديدة بس مش فاكرة العنوان ممكن تجيبيه من الدليل و فعلا ممتازة بسال جوزى دلوقتى على عنوان عيادتها بيقوللى اشمعنى ايه اللى فكرك قولتله واحدة صحبتى بنتها متتخيرش عن بنتك ههههههههههههههه
التيتينة جربيلها افنت كده يمكن تكون قلييطة :lol:و تحبها

ميرسي يا مشمش ويا بوسي.. أخبار الصين ايه ههههههه عندنا ثلج ربنا معاكم.. طيب أديله قد ايه سيتال قبل ما اروح أنا مش عايزاه يسخن خالص.. و الحقنة بتكون فين؟

~OM-ADAM~;13935864:
ميرسي يا مشمش ويا بوسي.. أخبار الصين ايه ههههههه عندنا ثلج ربنا معاكم.. طيب أديله قد ايه سيتال قبل ما اروح أنا مش عايزاه يسخن خالص.. و الحقنة بتكون فين؟

انا بدي يوسف تلات ارباع قطارة قبل ما اروح على طول و الحقنة بتكون في الفخذ

انا بفكر يا بنات اني مديش يوسف اكل الا من السادس ان شاء الله لاني خايفة الحقيقة و منظمة الصحة العالمية محذرة من كده ايه رايكو انتو بقى بالله عليكو قولولي تجربة كل واحدة فيكو

dandona om jou;13937300:
انا بفكر يا بنات اني مديش يوسف اكل الا من السادس ان شاء الله لاني خايفة الحقيقة و منظمة الصحة العالمية محذرة من كده ايه رايكو انتو بقى بالله عليكو قولولي تجربة كل واحدة فيكو

اعلى الجنان;13930884:
انا نفسى اعرف لما بسالكم عن حاجة لااما متجاوبوش لاما الاجابة تكون حاجة كدة ع الماشى مش عارفة لية هو الملف مش عشان الاستفسار ةالتساؤلات ولا انا غلطانة

ليه بس يا جميلة، هو سؤالك كان ايه، بس احنا بنرد عليكي عادي والله، اكيد محدش عرف او مخدناش بالنا

monyfofo;13930898:
بنتى عندها امساك بقالها كام يوم ومش بتعمل غير بلبوس الجلسرين صعبانه عليا اوى وبتعد تعيط
انا لو ادتها اللبوس كل يوم غلط انا بديها كل يومين كده بس بتصعب عليا اوى من العياط عشان الامساك وبديها عصير برتقال يمكن يضيع الامساك شويه مفيش خالص بحس ان الامساك بيزيد مش بيقل

لا اللبوس عادي خالص متخافيش منه، حتي لو كل يوم، الدكتور قاللي مفيش حاجة اسمها تتعود عليه ومتعملش من غيره والكلام ده، ده حاجة مساعدة كأنك بتفتحلها الباب بس عشان تعمل، وشوفي اكلك انتي كمان ممكن تكوني اللبن عندك عاملها امساك

M!ss Tuky;13932015:
اصل يا كتكوته تايا ماشاء الله الله اكبر عليها طولانه يعني طالعه طويله يا اما السن ده كل يوم بيفرق عن التانى ولا ايه المهم ان السالوبتا بجيبها بتلبسها لمدة 15 يوم بعد كده متجيش عليها طول بس ياستى ف السلوبتات رخمه معاها هو الى نافعها لحد دلوأتى البنطلون الجينز والبلوفرات وبترسها هدوم تحتهم بس نفسي اغيرلها الشكل بجد

كمان لما لبستها سالوبت كان قماشه تقيله مضلعه كده وشراب بكلون تححتها وتيشرت بكباسين من تحت كنت حاسه ان الجو سقعه عليها

بالنسبه للبيبي كارير يعني لما تبقي ف رابع شهر ولا لما تتم الرابع شهر ؟

ما شاء الله، ما انتي دايما متجبيش الحاجة اللي قدها بالظبط، سيبك من المنظر والشكل في الفترة دي، المهم تبقي حاجة مريحة وفيها وسع شوية عليها من العرض والطول الاتنين ومش تاخدي بالمقاس بس، لأن في مقاسات كتير بتلاقيها بتختلف من موديل للتاني، يعني نفس المقاس ممكن يكون الموديل ده اصلا واسع والموديل التاني يكون مجسم او ضيق، والكاريير خليها لما تتم اربعة احسن واضمن

om_hienar;13933275:
ماميهات هو مشاية البيبى تعملها حدود كام لو ماركة شيكو؟؟ واقعدها فيها من امتى

بصي مش عارفة ، بس انا مشاية جوجو كانت ب 275 باين ومش شيكو، فاكيد شيو هاتبقي اغلي كتير وفعلا ملهاش لزوم ماركة زي ما ندي قالتلك، واكيد اللي عالنت دي تقليد بقي اصل مش معقول

dandona om jou;13937300:
انا بفكر يا بنات اني مديش يوسف اكل الا من السادس ان شاء الله لاني خايفة الحقيقة و منظمة الصحة العالمية محذرة من كده ايه رايكو انتو بقى بالله عليكو قولولي تجربة كل واحدة فيكو

بصي يا دندن مادام انتي كده كده مش بترضعي طبيعي، يبقي اكليه بدري احسن، لكن لو كنتي طبيعي كان ممكن يبقي من بداية الخامس مثلا لو مش حابة قبل يعني، وهما بيقولوا كده عشان محدش يكسل ويقلل الرضاعة والبيبي مياخدش فايدتها الكاملة منها او يهتموا بالاكل علي حساب الرضاعة، فانتي اعملي حاجات خفيفة كده واحدة واحدة ساعتها، انا جوجو لما كانت قبل ما تتم الرابع بحاجة بسيطة خالص الدكتور وزنها لقاها زادت بسيط اوي واللبن مبقاش مكفيها فقاللي هضطر ادخلها اكل بقي لأن كده ماينفعش بس هو مكنش عايز من دلوقتي بس الضرورة بقي، فدخلها عصاير وسريلاك ده اول حاجة، وبعدهم بقي بشوية زبادي لايت

ياكتكت جالها امساك عشان ادتها عصير جوافه ومكنش متصفى حلو :((((

monyfofo;13937626:
ياكتكت جالها امساك عشان ادتها عصير جوافه ومكنش متصفى حلو :((((

الجوافة كده كده بتمسك، بس ازاي مش متصفي حلو، خللي بالك احسن تشرق منك وخففي العصاير ومش تديها كمية كبيرة، ودايما في نفس اليوم اللي تديها حاجة، وازني معاها بعد شوية حاجة تانية عشان ولا يجلها امساك ولا اسهال، حاولي يعني بقدر الامكان

هوا اصلا في سيريلاك من اربع شهور انا اللي شفته ميلوبا سيريلك من اربع شهور بالخضار و الفواكه و القمح و الرز وو في بسكوين كمان من اربع شهور بيدوب في الحليب مش عارفة الصراحة ايه رايكو انتو

البنات اللي بيدوا ولادهم اس 26 بيكون لون الكيكي بتاعهم ايه

om_hienar;13933275:
ماميهات هو مشاية البيبى تعملها حدود كام لو ماركة شيكو؟؟ واقعدها فيها من امتى

مشايه شيكو بحوالي660 وهي حلوة بس برضه كتير على مشايه السعر ده ..انا كنت جايباله واحده ب480 تقريبا نوع لاف مام وندمت بعد كده لان في الاخر كله صيني

كان العصير تخين مش سايل اوى مكنش بينزل من الببرونه اصلا وادتهولها بالقطاره