استفسارات وتساؤلات الامهات عن كل شئ (الجزء السابع)

ميرسي يا بنات ربنا يطمنكوا يارب طيب يعنى الكورتيزون دة مفيش منه قلق بالذات مع البنات عشان الهرمونات و كدة؟

sweet_toota;13928325:
ميرسي يا بنات ربنا يطمنكوا يارب طيب يعنى الكورتيزون دة مفيش منه قلق بالذات مع البنات عشان الهرمونات و كدة؟

دودو معلش كنت نسيت اقولك في المشاركة اللي فاتت حاجة وزودتها ابقي شوفيها تاني معلش، والكورتيزون لأ كنت لسه كاتبة ان جوزي سأله علي كده، قاللي لأ لأن دول 3 ايام بس وكمان ده دهان موضعي والحساسية لازم علاجها بيدخل فيه كورتيزون

جزاكي الله خير يا ايمي انا بعت اجيبه من الصيدلية

وعشان المخالفة بتلبسوا ولادكم شرابات فى البيت او وهما نايمين فى السقعة دى ولا برة بس؟

sweet_toota;13929120:
جزاكي الله خير يا ايمي انا بعت اجيبه من الصيدلية

وعشان المخالفة بتلبسوا ولادكم شرابات فى البيت او وهما نايمين فى السقعة دى ولا برة بس؟

لا بدأت البسها اه من كام يوم لأني كنت حاسة انها هتبرد مني كده والجو اليومين دول تحديدا بقي لازم يلبسوا وبشدة شرابات انا لسه بدورلها علي لكاليك كمان تكون اتقل لأن الشراب شيفاه خفيف وخصوصا اني بحطها في المشاية كمان فرجلها بتلمس الارض، دفيها كويس اوي لأن الجو من امبارح مريب وبررد وتراب فظيع

موضوع مشتريات اطفالنا في قسم ازياء الاطفال

حياكم

http://forums.3roos.com/showthread.php?p=13928890#post13928890

sweetylolla85;13926323:
تسلمي يامشمش انا بس كان نفسي يبقي فيه تغيير بس وماله نستني يامشمش

هههههههههههههههههه يترعب مين يابسبس ده بيحب الدباديب الضخمه اوي دي جدا بتاعتي كل مايشوفها عينه تتشعبط عليها ومره جبتله واحد ماما فضلت تقولي حرام قام ماسك الدبدوب وحط حته كده في بوقه وعاش


توكي اللي انتي فيه ده ماينفعش بجد انتي صعبانه عليا اوي
بصي انا مريت بالحاله دي بس يوسف كان عنده شهر وقتها هو مكنش بيحب التيتنه ولحد دلوقتي بيكرهها جدا
بصي لو صدرك فضي اعمليلها رضعه اعشاب دافيه تهديها وتنام ولو بتاخد صناعي يبقي كويس وانتي حطي كريم اسمه pur lane في الوقت ده عشان الالتهاب يقل وصدرك يملي وخدي بالك انا ابني كان رافض البيبيرونه خالص وهو صغنن بس طلع مابيحبش النيبلز بتاعه بيبيرونه nuk وانا كنت فاكراه بيكرهه كل البيبيرونات اتاريه كان بيحب بتاعه افنت فعرفتله بقي
وبعد ماتخلص الصناعي او الاعشاب تكوني مغيرالها وتسيبيه في سريرها ممكن تعيط حبه بس طنشي شويه وهاتعيش في ملك مع نفسها وماتسمعيش كلام حد اللي يقولك قاسيه واللي بقولك مفتريه اصل الكلام ببلاش وانتي اللي شايله الهم اهو حاولي بس تنظمي حياتها وخليكي جاده
بنات ممكن تجاوبو علي سؤالي هنا ربنا يكرمكم يارب
http://forums.3roos.com/showthread.php?p=13926585#post13926585

انا بديها تتينه نك ونوبي مش حباهم خالص مش قابلاهم قولت يمكن مش حابه الى النيبلز بتعتها مقشوطة ف نزلت جبتلها واحده ل عمر شهرين النيبلز بتاعتها غريبه كده ملهاش شكل محبتهاش تفتكرى تحب التتينه الى النيبلز بتاعتها مدورة ؟
ولا انتى بتتكلمى ع الببرونة

هى بتاخد ببرونى افنت وشيكو وجونيور عادى

انا بسأل ع التتينه

اه يابنات بدأت احس انها عايزة الببرونة ع طول ف بقها حتى لو شبعانه اعمل اييه ابوها ساعات يريح نفسو ويحطلها الببرونة فاضيه وهى هبله بتمص فيها .. اعمل اييه ؟

ولولا انا لما ببقي لوحدى بسيبها تعيط مع نفسها المشكله فللى حواليا ارهقونى خصوصا انها يترضع مع نفسها ف عز ما صدرى بيفضي منها مبعرفش بقي شبعت ولا مشبعتش

انا حاسه نفسي ف ورطة :(

أم ياسين العسل;13927034:
انا كنت بعمله قد البيضه كدا فخهمانى

يعنى ربع بطاطسايه مثلا
بس تستوى كويس اووووووووووووووووووووووووى



الطفل كا ما يكبر كل ما مقاومته للاكل بتكتر

بس بما انها بنت روحى للدكتور يمكن عندها التهابات فى البول عملالها فقدان شهيه



اولا لسه بدرى على انها تتقلب متقلقيش على 3 هتتقلب

ثانيا امنعى صدرك عنها قولتلك كل ساعتين مش علطول ولو جاعت بين الساعتين يبقى اعشاب بس

مغلبانى يا بسبس عياط عياط وزهق لما انا زهقت طيب ولنفرض انها شبعت وحطتها وقعدت تعيط لحد وقت قد ايه اسيبها تعيط مع نفسها

sweet_toota;13927748:
يا جماعة ساعدوني بقى عشان انا قرفت بجد البامبرز السعودي الاخضر فى ازرق دة خلاص مش بقيت الاقيه و الابيض هو اللى مكتسح السوق و كنت بضطر استعملهولها مع انه مش مريحها و بيسرب المشكلة دلوقتى انه عملها تسلخات فظيعة الحتة اللى تحت حمراااااا و فيها تعاوير بتجيب دم و انا علطول بغيرلها بالمية و انشفها كويس و احطلها كريم سانوسان و لما لقيت كدة غيرت و جبتلها سودو كريم و بردو مش عامل حااااااجة و الزفت التسلخات بتزيد اعمل اية ردوا بسرعة بليز انا هغير و اجيب مولفيكس بس التسلخات اعملها ايةةةةةةةةةةة

الدكتور كاتبلي ع مرهم اسمو ديكتاكورت حلو اوى

Bossy22;13926018:
تصدقى يا بسبس لقيت بتاعة الفيدروب ا مللى هههههههههههه اول مرة اخد بالى هبقى ابصعلى الغطا اللى فى الهاى كال يا كتكت انا لسة مش فتحت العلبة
ام تايا غيرى الدكتوووووووووووور انا رحت لاول لدكتور زى بتاعك ده و قعد يقوللى ترضع بالساعات عادى و حقها و الكلام ده مقتنعتش بيه ورحت لدكتورة ممتازة هى اللى ظبتطلى الرضاعة بتاعة جودى لو عايزة اسمها اقولك و هى عندها عيادتين و استاذ فى طب عين شمس يعنى بتفهم اللى انتى فيه ده عذاب انا مجرباه
سؤال بقى ااكل جودى شوفان دلوقتى وللا لسة و اغليه فى ميه وللا ايه؟؟؟

ياريييت ادينى عنوانها بليييز

om_hienar;13926200:
نفس الكلام والله لدرجة انى بحس ان دوا الحساسية هو اللى صهللها ماهو هينار عكس البشر:cool::pلدرجة انها امبارح والله صاحية من 9 الصبح ل12 بالليل تخيلى ونفس حوار صدرى كانها بتاخده على شوق يبقى باباها شايلها ويجيبها بعد 5 دقايق صريخ تتلهفه كانهم واحشين بعض من سنين وتنام ماتصحاش ترضع بال8 ساعات انا بس اللى بصحيها بالعافية تاخد مصتين وتتصطل جننتنى لان ده مش لسنها ابدا دى 5 اسابيع بس وغلبت اقنعها ان اللى فى سنها مابيعملوش كدة بس مين مفيش تفاهم :hysterical::|:hysterical:

انا تعبت يا هينار خارت قوايا :sick:

البنات الي اطفالهم لسا صغنين خالص وخاصه توكى صعبانه عليا موت وبتفكريني بمحمد لما كان مغلب الي جابونى معلش هي فتره زفت هتعدي هتعديب استحمليها واتحلي بالصبر شويااا انا عارفه انه غلب ومرمطه وجنبهم وجع قلب عليهم معلش نظمى الرضاعه وبلاش موال تاخد سدرك تيتينه هووو تعود وادمان كمان ولحد دلوقت مش عارفه اضبط محمد في الحوار ده بس ربناا يحميهم ويخليهم لينااا كل ما افتكر ان في ناس بتتمنى ضوفر عيل بصبر اكتر واطول بالي معلش حببتى لينا اجر

ومعلومه كمان العياط مفيد جدا لدماغ البيبي دي رحمه من ربنا عشان يخرجوا بيه الشحنات الزياده الي في دماغهم ربنا يحميهم يارب وبصي لو بتعيط عياط دلع ورخامه نفضي ليها انما لو شحتفه معلش شيليها وهزيهاا شويا واستحملي يابنتي

ازيكم يا قمرات ... شكرا يا أم ياسين على ردك ياريت أسمع منكم تجاربكم عن التيتنه عشان خايفه عيسى يتعود عليها وهوا مش بينام غير وهيا فى بقه ..

انتو كنتو نصحتونى على العصاير انا سألت دكتورة امبارح قالتلى لسه شوية وكمان الأكل محددتش من 6 شهور قالتلى لما تحسى انى راسه بيعرف يسندها عشان يقدر يبلع كويس وكمان متلهف على الأكل لما أكل انا وكدا وممكن أبدأ بسيريلاك رز ... فقرررت انى استمر على اللبن وبس شوية كدا

وكمان بالنسبة للقعاد فى المرجيحة والعربية وكدا قالتلي يقعد مايل 45 درجة مينفعش يقعد 90 درجة

وكمان اللى بيعملو الرضعة بميه معدنية مش لازم نغليها ,,,, انا كنت بحسبها تقيلة عليه وبغليها دلوقتى بدفيها بس واحطها فى الترمس

ومهم اوى اوى اوى حتى اللى بيدوا فيتامين دال لازم تعرضو ولادكم للشمس 3 مرات فى الاسبوع




نداء خاص الى سالى جوانب السرير اللى حطيتى صورتها بتعلى لفوق ,,, لانى سرير الاطفال فى مصر عندى عالى انا رحت بيبي شوب ونسيت أسأل عليهم

مشمش كلامك والله بيهديني شويه ربنا يعدى الفتره دى ع خير ياارب

زوزو13;13918602:
يسعدني اني انضم لتجمعكم
بصراحه انا عندي مشكله تعباني بنتي عندها سنه مشاء الله لاحظت ان سورتها بارزه لبره شويه خوفت وديتها لدكتورها بس لما كشف عليها البامبرز كان ضاغط السره للداخل فكان شكلها عادي ويالتالي الدكتور قال لي انها طبيعيه بس والله صدقوني السره بروزها بيظهر وهي واقفه او لما تتعصب بشكل مزعج انا خايفه من الفتاق لاسمح الله ومش عارفه هل وضع بنتي طبيعي ولا لأ ياريت لو في حد حصل مع عياله نفس شيء يطمني لأني في غاية القلق

انا ابني وبنتي كانو كده وكان عندهم فتق سري فكنت بحطلهم لزق للسرة والحمد لله بيقفل علي سنة بس طبعا الدكتور هو الي يقدر يحدد فتق وله لا هو الفتق لما تدوسي عليه بيدك بتحسي بالامعاء بتعاعت البيبي

رجائي رضا ربــــي;13929573:


نداء خاص الى سالى جوانب السرير اللى حطيتى صورتها بتعلى لفوق ,,, لانى سرير الاطفال فى مصر عندى عالى انا رحت بيبي شوب ونسيت أسأل عليهم

رجائى الجوانب اللى كانت محطوطة مش انا اللى كنت حاطه صورتها دى بيبو كانت بتسال على سعرها
وانتى قصدك ايه وضحى معلشى سؤالك

مقلتوليش ابتدى ادى ادهم سيريلاك من امتى؟

CuTie KaTkOoTa;13919272:



بنات انا كنت عند دكتور جوجو النهاردة الاستشارة يعني، المهم قاللي تفضل تاخد الدوا بتاع مضاد الحساسية ده طول الشتا كوقاية، وكتبلي علي ماكسي كال ده كالسيوم وفيتامين د عشان لما تخلص اللي عندها الهاي كال والفيدروب ممكن تاخد ده علي بعضه وخلاص، وكانت في ناموسة قرصاها كتير اوي في وشها وهي جلدها من النوع الحساس اوي اللي بيفرش القرصة وتكبر اوي وكمان بردو بقالها يومين كده ملتهبة من تحت في صورة نقط كده من ورا وحمرا اوي كأنها هتنزل دم المهم شافها قاللي دي باكتيريا بتنزل مع الكيكي من التسنين، وقلتله هو فعلا اليومين دول غامق اوي او فيه اسود فكتبلي كريم ليها هو هو اللي هدهن منه للوش بردو، وجوزي بيقولي طيب الكورتيزون ده مش غلط، قاله لأ ده موضعي وهما كلهم 3 ايام ولازم علاج الحاجات دي والحساسية يبقي كورتيزون عشان البنات اللي كانوا قالقانين مش يقلقوا.

عايزة اعرف بقي امتي البيبهات بيبتدوا يميزوا ويفهموا كلامنا او يعرفوا الصح من الغلط وامتي يعرفوا ان ده اخر السرير او الكنبة مثلا وبعد كده هيقعوا؟

الف سلامة عليها
جودى برضه بيجليها النقط اللى تحت ظهرها دى والدكتور كان كاتبلها على باندرمال والحمد لله دوا كويس
هو كتب لجوجو ايه؟؟؟

فى قناة ناشيونال جيوجرافيك كانوا بيقولوا ان البيبى على سن سنة مفروض يكون فاهم 40 كلمة :worn_out:
بس مش عارفة والله التطور بيبقى عامل ازاى مش عارفة هيفضلوا هبل كده لحد امتى !!

razminia;13919296:


الف سلامة عليها ياايما واللة انا اول مرة اعرف منك انها تعبانة الف سلامة عليها انا مالك برضة كدة جتلة الحساسية دى بس ماعرفش الدكتور هيخلية يستمر على الدوا اللى مديهولة ولا لا انا رايحالة يوم السبت ان شاء اللة ربنا يطمننا عليهم يارب ياجميل
صحيح يابنات انا سمعت امبارح محمد رفعت فى التلفزيون بيقول ان البيبى ممكن ينام فى اوضة منفردة من اول يوم لية حتى لو بيرضع طبيعى
ولازم لازم لو الام مش قادرة تعمل كدة من اول يوم يبقى الحد الاقصى ليها يبقى 6 شهور عشان بعد كدة بيبقى صعب جدا انها تعودة انة ينام فى اوضة لوحدة حد سمع الموضوع دة قبل كدة

الف سلامة عليه ربنا يشفيه ويخليهولك
انا سمعت برضه نفس الكلام بس عادى يعنى اهالينا كانوا بينيمونا جنبهم وبعدين بقينا ننام فى سرايرنا عادى
لو انتى عندك المقدرة انك تسيبيه فى اوضته عوديه هى خطوة لقدام مش حاجة وحشة
بس اولا ليه ينام فى سريره جنبك عشان تبقى مطمنة عليه

بسكوتى;13919373:

ازيكو يابنات
انا عندى حماده يابنات مش عارفه اعمله ايه علشان يتعود على الاكل اللى مش مهروس واحده واحده جربت اهرسله الخضار واسيب فيه حتت نونو خالص لدرجة مش بتشاف ولما تنزل فى زورو القيه زى ما يكون هيرجع وبخاف موت لما بيعمل كدا عاوزه اعرف اتصرف ازاى هو بئه ماشى فى الشهر التامن دلوقت وكمان شوفتكو بتقولو ممكن اكلو رز بالملوخيه ودا مضروب فى الخلاط ولا كدا عادى يكون الرز سليم؟ وكرات اللحمه اللى فى لسان العصفور برده يكون لسان العصفور مضروب ولا ازاى واحمره ولا اسلقه من غير تحمير وكمان المكرونه ازاى انا بخاف اديله اى حاجه جدااااااااااا من الشرئه اللى بيعملها دى مع ان ماما بتقولى لازم اعوده على الاكل من دلوقت لانه كبرعلى المهروس
ومعلش يعنى كمان كنت عاوزه اعرف ممكن اعمله البسكوت باللبن العادى ومهلبيه باللبن بتاعنا عادى ولا لسه تقيل على معدته ؟

لا ماتقلقيش لما يشرق اضربيه على ظهره واكلي تانى مرة فى مرة هيتعود ويمضغ
وماتديلوش الاكل مهروس قوى عشان يتعود ومش لازم لسان العصفور يضرب ولا حاجة ممكن تهرسيه شوية بالشوكة
الرز والملوخية بيبقوا طريين اصلا وبيتظفلطوا مش محتاجين يتهرسوا :lol:
البسكوت اعمليه باللبن بتاعه هو او باعشاب او بعصير موز مثلا لكن مش باللبن بتاعنا
المهلبية ممكن تتعمل بلبن جهينة عادى مفيش مشكلة

sweetylolla85;13919387:
بنات شوفو ده كده
http://forums.3roos.com/showthread.php?p=13919368#post13919368
قولولي بقي يوسف عنده اربع شهور و10 ايام عاوزه اشتريله لعبه يفهمها غير الشخاليل والبيبي جيم لانه معندوش غيرهم ونفسي اشتريله العاب تانيه
ومعلش نفسي اخرجه لمكان مناسب لسنه مش عارفه اوصلهالكم ازاي يعني فيه الناس اللي بيبقو لابسين شخصيات كارتون اي حركات كده بدل ماهو مخنوق في البيت لاني معرفش غير اماكن خروج الكبلر

ممكن تجيبيله عرايس او اى حاجة بتعمل صوت موبايل مثلا
واى خروجة بالنسباله فى السن ده حلوة يابنتى كل الناس بالنسباله لعبة ماتقلقيش هيبقى مبسوط من غير مايروح مكان معين
لما يكبر بقى شوية ويفهم يبقى 4 ولا 5 سنين ابقى وديه دريم بارك :lol:

ام فارس2010;13919448:
انا بعمل لفارس المهلبيه وسعات الريال باللبن بتاعنا وكمان البسكوت متقلقيش


انا عاوزه اسال سؤال فار المفروض هيتعم تتعيم الست شهور دا بيبقى عباره عن ايه؟ حقن ولا نقت ولو حقن بتبقى فين

حقنة فى الرجل ونقط

Bossy22;13919837:
انا جبت من مصر كالسيوم هاى كال عايزة اعرف الجرعة لسن 7 شهور و نص ايه و هو بتاخد كل يوم ؟؟؟؟؟ و قالولى الهاى كال يغنى عن الفيدروب اوقف الفيدروب وللا ايه انا خايفة انى بتصرف من دماغى كده و هنا مش بيكتبووو كالسيوم خالص اللا بالتحليل و انا مش عايزة اشكشك البنت بس هم بيعتمدوو انهم يومياااا لازم يعرضو الاطفال للشمس و انا جودى مش بتشوف الشمس اساسا فعايزة حاجة تعوض الموضوع دهو لو وزن الولادة 3500 يبقى الوزن 7 شهور ايبه ؟؟

انا بديى جودى ديكال ب12 بس من غير الفيدروب وبيبقى كل يوم

~OM-ADAM~;13920662:
بسبس و كتكوتة طيب هو آدم كان ٤ كيلو بس بعدها خس خالص وبان علي شكله خالص.. لما رحت للدكتورة وهو عنده ١٧ يوم كان ٤٢٠٠ من اسبوع كان عنده شهر و ١٧ يوم كان ٥٢٠٠ كده كويس ولا ايه رأيكم؟ الدكتورة قالتلي هو كده كويس صح كده؟

طبيعى فى الاول الوزن يقل بس ما شاء الله كده وزنه كويس

اول اربع شهور معدل زيادة الوزن 750 جرام لكيلو
وبعد كده 300 جرام باين مش فاكرة
او تشوفى هو زاد قد ايه وتقسمى على عدد الايام مفروض يبقى بين 15-30 جرام فى اليوم

طالبة الحق;13920892:
شكرا يا بنات لكل اللي رد عليا ربنا يكرمكوا يارب
ام ادم الف شكر ياقمر ، فعلا الاهالي احيانا بيقولوا كلام عجيب ناسيين الفجوة الزمنية اللي بينا وبينهم:) ربنا يهديهم لنا، وبالنسبة لسانيتا بامبي فهل ياجميل بيتباع في محلات الجملة اللي بتبيع البامبرز وكده ولا بيتباع في الصيدليات؟
بسبس ازيك الاول يا عسل، عمر يا ستي بيرضع لفترات طويلة ومرات كتير ، يعني الاتنين مع بعض

بصى انا بنتى كانت بترضع خمس او ست ساعات متواصل الدكتور قالى انها كده مش بتشبع على الرغم ان الوزن كان معقول عشان هم مفروض مايطولوش قوى كده
مفروض المدة الطبيعية للرضاعة 10 دقايق - 40 دقيقة

مشمش ام محمد;13921017:
انا بئا عندي مشكلتين محمد مش مركز في الرضاعه نهائي يعني مبيرضعش فتره على بعضها ال اوقت النوم طول ماهو صاحي بئا ياخد بؤ بؤبؤ كده يعني وافضل اشد فيه واعدله عشان ياخده يبئا مشغول بكل حاجه حوالينا ده بئا دلع ولا شبعان ولا ايه مع العلم انا باكله بس بردو مش كميات مشبعاه يعني بردو بيفضل يتدلع على الاكل والمفروض ارضعه كم مره في اليوم وهو صاحي

انا عايشة نفس المأساة :thumbs_down: وكل اللى يشوفها يقولى انتى مابتأكليها هى رفيعة كده ليه:thumbs_down::thumbs_down::thumbs_down:

marioum27;13924156:
مبروك التجمع الجديد ومش عايزين مخالفات بأه مش هفضل أدور عليكو كل شويه :mad::mad:
المهم حد يقولي بأه دلوقتي جود بنتي مش بترضا تاكل خالص احببها ازاي في الأكل عشان تعبت جدا في الموضوع ده
افضل اتنطط قدامها عشان تفتح بقها وفي الاخر تاخد معلقه واحده ولا اتنين وتقفل بقها بالضبه والمفتاح مع اني بحاول ابعد وقت الاكل عن وقت الرضاعه بس برضو مفيش فايده

اكليها معاكوا على السفرة فى نفس الوقت لما تشوفكوا بتاكلوا نفسها تتفتح ان شاء الله

اميرة مصرية;13924180:
مبروك على الجزء الجديد و يا رب نوصل للجزء المليون؛انا كنت عايزة اعرف هو انا ممكن اأكل يوسف لسان عصفور من دلوقتي ولا لأ؛ و لو ينفع اعملهولو ازاي؟

اه عادى اسلقيه واكلهولهه بالهنا والشفا

sally2007;13924399:
امتى ابتدى ادى ادهم سيريلاك

لما يتم 4 شهور ان شاء الله

رجائى رضا ربى معلش مش هقدر افيدك بنتى رفضت التيتينة لوحدها

sweet_toota;13927748:
يا جماعة ساعدوني بقى عشان انا قرفت بجد البامبرز السعودي الاخضر فى ازرق دة خلاص مش بقيت الاقيه و الابيض هو اللى مكتسح السوق و كنت بضطر استعملهولها مع انه مش مريحها و بيسرب المشكلة دلوقتى انه عملها تسلخات فظيعة الحتة اللى تحت حمراااااا و فيها تعاوير بتجيب دم و انا علطول بغيرلها بالمية و انشفها كويس و احطلها كريم سانوسان و لما لقيت كدة غيرت و جبتلها سودو كريم و بردو مش عامل حااااااجة و الزفت التسلخات بتزيد اعمل اية ردوا بسرعة بليز انا هغير و اجيب مولفيكس بس التسلخات اعملها ايةةةةةةةةةةة

اكتر بامبرز مريحنى والحمد لله هو المصرى
الابيض فعلا سئئئئئئئئئئئئ جدااااااااااااااا تسريب بشع وتسلخات معرفش ليه
انا بستعمل المصرى ما شاء الله احسن بكتير
ولما بيجيلها التسلخات دى بستعملها بانديرمال ممتاز ما شاء الله لحد ماتخف ببطله وبحطه مع كل غيار

sweet_toota;13929120:
جزاكي الله خير يا ايمي انا بعت اجيبه من الصيدلية

وعشان المخالفة بتلبسوا ولادكم شرابات فى البيت او وهما نايمين فى السقعة دى ولا برة بس؟

لازم شراب طبعا يا جماعة
انا بلبس جودى شراب بقالها شهرين تقريبا الجو بيبرد بالذات بالليل
وحاليا بلبسها شراب كولون لازم سواء فى البيت او الخروج عشان الللبس بيترفع مفيش حتة من رجليها تبان وتبرد

sally2007;13929740:
رجائى الجوانب اللى كانت محطوطة مش انا اللى كنت حاطه صورتها دى بيبو كانت بتسال على سعرها
وانتى قصدك ايه وضحى معلشى سؤالك

مقلتوليش ابتدى ادى ادهم سيريلاك من امتى؟

مش قبل 4 شهور




توكي بصي اجلي الكاريير شوية لما ضهرها يمسك نفسه حبة، وبالنسبة للبس دفيها كويس، يعني جوجو مثلا لو هي لابسة بنطلون جينز وبتاعها تقيل مش خفيف زي بتاع الكبار كدهن بلبسها تحتيه بنطلون قطن والشراب طبعا والشوز، ولو بنطلون شتوي بس مش مبطن مثلا او مش تقيل اوي بخلي تحتيه الكولون التقيل، ولو جيبة وده زي امبارح مثلا والجو كان تلج بالليل، فلبستها تحتيها بنطلونين قطن وفوقهم الكولون كمان عشان رجليها بانية يعني كانها بمثابة لابسة بنطلون خروج وتحته القطن.

والسالوبيتات عادي من 3 ل 6 كويسين عشان يكفوها فترة اه، دايما اللبس الخارجي خليه كبير عشان هايبقي تحته حشو لكن الداخلي اقل شوية او عادي هو مش هايبان كده كده بدل ما تجعي تشتري تاني بعد حاجة بسيطة

*pippo*;13930190:
الف سلامة عليها
جودى برضه بيجليها النقط اللى تحت ظهرها دى والدكتور كان كاتبلها على باندرمال والحمد لله دوا كويس
هو كتب لجوجو ايه؟؟؟

فى قناة ناشيونال جيوجرافيك كانوا بيقولوا ان البيبى على سن سنة مفروض يكون فاهم 40 كلمة :worn_out:
بس مش عارفة والله التطور بيبقى عامل ازاى مش عارفة هيفضلوا هبل كده لحد امتى !!

:lol::lol: الله يسلمك يا بيبو، كتبلها علي ليترو ديرم وانتينال وانا كمان بستخدم بامبرز المصري بردو وحلو وريحته حلوة هو نفسه يعني، والقناة دي مفتوحة 24 ساعة عندنا هي وفتافيت وفوكس سيريس وشانيل تو وشوية توب موفيز بس انا مش بحبها دي بقي :D:D:D

لو عايزة تحفظي قران و انتي في بيتك شرفوني في موضوعي
http://forums.3roos.com/showthread.php?t=581111

انا نفسى اعرف لما بسالكم عن حاجة لااما متجاوبوش لاما الاجابة تكون حاجة كدة ع الماشى مش عارفة لية هو الملف مش عشان الاستفسار ةالتساؤلات ولا انا غلطانة

بنتى عندها امساك بقالها كام يوم ومش بتعمل غير بلبوس الجلسرين صعبانه عليا اوى وبتعد تعيط
انا لو ادتها اللبوس كل يوم غلط انا بديها كل يومين كده بس بتصعب عليا اوى من العياط عشان الامساك وبديها عصير برتقال يمكن يضيع الامساك شويه مفيش خالص بحس ان الامساك بيزيد مش بيقل