19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

الله يا مشمش تسلم ايدك انا بحبها

مهو انا فعلا ساعات بشوفه هناك ولما انوي اجيبه ملقيش واسأل الراجل يقول مفيش مليش نصيب ههههههههه
انا بقي مش هحطها في دماغي ولو لقيت اجيب علطول او تبعتيلي طبق ينوبك ثواب وخلاص ههههههههه

لقاء فى نوع طاسا فى مصر و حلل اسمها zipter اختى جابتها و تحفة و ميزتها انها امنة تماما و مش بتسبب امراض ربنا يحفظنا و ممكن تعملى الاكل فيها من غير دهون خالص بس هى غالية شوية عشان امنة تماما يعنى الطاسة كانت ب 3000 جنيه و فيه بالتقسيط على سنتين لو عايزة ممكن اجيبلك نمرة التليفون تاعتهم و عندهم تشكيلات كبيرة اوى انتى هاتى من عندك الحلة بتاعة الرز احنا مجربينها من امريكا و تحفة اللى هى ليها ايد طويلة و سوده من جوه

ياه يا ندى بقالى قرن ماكلتهاش هى صعبة متعبة فى عمايلها؟؟؟؟ ولازم فول مدشوش وللا ممكن فول عادى؟؟؟؟

ام ميزوو الحله كلها تحت امرك يا جمييل
بووسي سهله مووت ومبتاخدش وقت واعتقد لازم فول مجروش بس لو عندي فول من العادي اجرشيه انتي هم يعني هيخترعوا فيه؟؟؟
يعني قشري الفول وهو ني كده واقسميه نصين وربنا معاكي بئا ههه
وبعدين انقعيه في ميا من بالليل
والصبح حله فيها بصلتين وفصين توم وكزبره وبقدونس وملح وكمون والفول المنقوع ده وعليهم شويه ميا وسيبيه يغلي لحد ما الفول يتهري ويطيب مع الحاجه وبعدين صفيه شويااا عشان الميا متخليهوش عايم زي العدس احنا عايزينه يجمد كده وتخبطيه في الحيطه يرجعلك تانى هههههههه صفيه وبعدين في الخلاط اهرسيه جامد وبعدين في اطباق وقدميه على الوشل بصل محمر في شويه سمنه او زيت

عندى لحمه أستيك متبله أعملها غير بوفتيك؟؟

ندى شكلك هتطلعيها فى دماغى بس انا اخرى انقع الفول و بعد كده اقشره مش هقسمه ما كده كده هيتهرى و متعرفيش بنحتاج كام فوولة :D

هههههههههههه بوسي بقولك ربنا معاك يوخل ينفسك طووويل دول يجو عشروميت تلاف فولايه كده هههههههههههه
دودي اعملى بيكاتاااااااااااااااااااااا

hoba555;13765374:
بنات ايه طريقه كيكه الزبادي
وعملت الريش وكانت جميله بطريقه ام بودي بس انا ملحقتش اخليها في التتبيله كتير
وخليتها في الصنيه شويه وبعدين كملت سوا علي شبكه الفرن وعجبت جوزو الحمد لله
تسلميلي يا ام بودي

وانتي منزلتش المقادير بتاعت المعجنات

طريقتين للعضوة هند في كيكة الزبادي


كيكة الزبادي بالشيرة


المقادير:

كوب زبادي أو علبة زبادي صغيرة
ثلاثة أرباع كوب سكر
نصف كوب زيت
2 بيض + قليل من الفانيليا
كوب طحين منخول + ملعقة بيكنج باودر


الطريقة :

أولا نسخن الفرن نضع الشبك في الوسط.
نخلط المقدير السائلة بالترتيب اولا البيض مع الفانيليا ثم السكر ثم الزيت ثم الزبادي

( أنا أفضل خلط المقادير السائلة بخلاط العصير ،وذلك للحصول على نتيجة رائعة للكيك )

ثم نخلط في وعاء اخر الطحين مع البيكنج باودر

نخلط المقادير الجافة مع السائلة ..حتى يتجانس الخليط
ثم ندهن الصينية بقليل من الطحينية السائلة أوالزيت

( في هذه الكيكة لم أرش القالب بالطحين ، فقط دهنته بالزيت )

نسكب الخليط في الصينية (( مقاس وسط )) وندخلها الفرن بحرارة 170 مدة نصف ساعة

ونكون مجهزين الشيرة ، وأول ما نطلع الكيكة وهي ساخنة نصب عليها الشيرة الباردة
ثم نتركها حتى تبرد ، ومن ثم نقدمها ..



كيكة الزبادي الرخامية


لم أصور خطوات عملها .. لكنها سهلة جداً ..






المقادير :

علبة روب ( سعة 170 مل )
كوب سكر
3 أرباع كوب زيت
3 بيضات + فانيلا
كأس وربع طحين
ملعقة طعام بيكنج باودر
ملعقة طعام كاكاو بودرة


الطريقة :

نفس طريقة الكيكة السابقة .. في خلاط العصير نخلط البيض والفانيلا
ثم السكر ثم الزيت ثم الزبادي ..
ويصب المزيج في وعاء مع الطحين والبيكنج ، ويخلط على أقل سرعة

وفي القالب نصب 3 أرباع المزيج والربع المتبقي نضيف له الكاكاو البودرة ونخلط ..

ونصبه في القالب ونقوم بعمل تموجات ..

تدخل الفرن على درجة 170 مئوية ، لمدة 30 دقيقة

sosiii-cat;13770236:
ربنا يخليكي يا لقاء انتي اللي شطورة والله ربنا يحميكي :)


انا عمري ماشفت عجينة فوندام متشكلة جاهزة هنا

وكنت عايزة اسأل برضو ينفع اعملها في البيت ولا لا علشان مابيعجبنيش طعم الجاهزة بشع

وحشني اووووي فندام لا كازيتا احلي طعم بجد بس نعناع بس اللي عنده.

lekaa139;13770301:

لان اكيد اللي بيعملوا تورتات عالفيس بوك دول بيعملوها هما بالببيت

انتي قصدك عجينة السكر اللي بيشكلوا بيها التورت ويعملوا اشكال وتصميمات ولا الفندام؟

مشمش ام محمد;13772263:
هههههههههههه بوسي بقولك ربنا معاك يوخل ينفسك طووويل دول يجو عشروميت تلاف فولايه كده هههههههههههه
دودي اعملى بيكاتاااااااااااااااااااااا

جوزى مش بيحبها وانا عامله دايت

دودي اعملي السيتك بتاع ام بدوي اللي بالصويا صوص
انا جربته وبجد جميل
هو علي الموقع

السلام عليكم و رحمة الله و بركاته
بجد انتو باسم الله ما شاء الله جامدين و ان مشكلتى انى برجع من الشغل متأخر مش بلحق اعمل اكل بمزاج فبقلب اي حاجة و ربنا بيستر الحمد لله

انا شايفة فى مناقشات كتيرة على البيكاتا و طرق مختلفة و انا شخصيا جربت طرق كتيرة جدا بس عمرها ما ظبطت زى بتاعت كورتيجيانو و سبكترا و روسترى و ستيك اوت
المهم مرة اخويا كان عامل عزومة و كانوا جايبين واحدة نعمل الاكل و كانت عاملة بيكاتا وهم زي بتاعت المطاعم بالظبط و طبعا مرات اخويا عرفت الطريقة و قالت لنا عليها و تم التنفيذ و النتيجة ى بتاعت برة بالظبط و احلى كمان

الطريقة : هى غريبة شوية بس بجد تحفة الطعم
بتجيب صينية بتاعت الكيك و حجمها على حسب الكمية انا هقول المقادير لشخصين او تلاتة يعنى نص كيلو لحمه بفتيك او ستيك حسب التفضيل
و تشوح معلقتين دقيق كبار مليانين فى معلقتين زبدة او سمنة بنفس المقدار يعنى كل معلقة دقيق مع معلقة زبدة او سمنة وعلى فكرة بالزبدة بتكون أحلى يعنى بردو على حسب الكمية يعنى لحمة اكتر يبقى نزود المقادير و نفضل نشوحهم لحد ما يبقى لونهم بنى محروق (لو حد بيحب الصوص فاتح ميخليهوش يتحرق اوى) و متقلقوش مش بيكون طعمة محروق
المهم نزود كبايتين ميه كبار عليهم و ملعقة كبيرة توابل لحمة او التوابل اللى بتحبوها و فلفل بس متحطوش الملح دلوقتى خلوه للأخر علشان بيخلى اللحمة متستويش بسرعة و نسيب المية دى على النار تفضل تغلى و تهري نفسها غليان
المهم نجيب مشروم طازة و مهم يكون طازة إلا لو مفيش متوفر يبقى علب بس الافضل الطازة و نقطعه شرايح و نحطه يستوى فى المية و بردو نسيبها تغلى و تهرى نفسها
و نجيب طاسة تيفال كبيرة و نسخنها على النار من غير سمنة و لا زيت و لا أي حاجة بس تكون سخنة اوى و نحط فيها اللحمة النية و اللحمة على فكرة من غير تتبيل تماما ولا أى حاجة خالص كدة بدمها (انا استغربت بس لمل عملتها كدة بجد كانت تحفة) و نشوحها فى الطاسة السخنة ولازم تكون تيفال علشان متلزقش و نشوح اللحم على كل حنب بس خدوا بالكو متنشفش يعنى يا دوب بس تنزل ميتها المهم كل ما نشوح حتة نشيلها من الطاسة و نحطها فى المية اللي بتغلى و هكذا لحد ما نخلص اللحمة و نسيبها بقى تغلى مع الصوص شوية محترمين لحد ما تستوى (انا عن نفسى بحبها تبقى مهرية فبسيبها كتير) بس كل واحد على حسب ما بيحب السوا و فى الاخر خالص حطوا الملح و اوعوا تنسوه لحسن مرة نسيتوا و كان شكلى وحش اوى

وعلى فكرة كل اللى داقها أخد الطريقة و قاللى انها زى بتاعت المطاعم بالظبط جربوها مش هتندموا

و بالهنا وو الشفا كلوا أحلى بيكاتا زى بتاعت برة

حاجة كمان بالنسبة لفراخ كنتاكى انا جربتها بطريقة الفرولة بتاعت الدقيق و كانت حلوة اوى و انا حطيتها فى زيت غزير و هديت النار قوى قوى و غطيتها و طلعت طرية و جميلة اوى بي انا كان المفروض احط شوية ملح و توابل على الدقيق قبل ماافروله علشان كان طعمه دقيق شوية كان محتاج شوية نكهه

أم ميزووو;13772577:
دودي اعملي السيتك بتاع ام بدوي اللي بالصويا صوص
انا جربته وبجد جميل
هو علي الموقع

أبعتيلى الموقع عشان راح من عندى

دودي قلبي على الستيك شويه مسطرده ووحته زبده علىالنار وشوحي الاستيك لحد ما يطيب وطلعيه قطعيه بالسكينه بالورب كده واعمليه شاورماااا
قطعي بصل جوانح ودبليهم شويا على خفيف وعليها كزبره خضرا وطكماطم مكعبات نونو ورشه سماق صغيره ورشه بهارات ومشي حالك سندوتشات او اعملي جمبها مكرونا

بس متهيالي لازم كريمه في البيكاتا عشان تبئا بيكاتا ولا ايه؟؟؟؟؟؟
شوفت على عباسيتا في فتافيت طريقه بيكاتا بتاعت ابو شقره عملهااا بالكريمه مش عارفه بئا انهو احلى

مشمش ام محمد;13772780:
بس متهيالي لازم كريمه في البيكاتا عشان تبئا بيكاتا ولا ايه؟؟؟؟؟؟
شوفت على عباسيتا في فتافيت طريقه بيكاتا بتاعت ابو شقره عملهااا بالكريمه مش عارفه بئا انهو احلى

فعلا انا كمان شفتها بتاعت ابو شقرة وعملتها اللى نزلت صورتها اخر مرة دي فعلا تحفة جوزي كان مش مصدق بيقولي دي احلى بيكاتا كلتها في حياتي واحلى من اي مطعم فعلا بجد كانت مظبوطة وتحفة

المكونات
180 جم لحمة بتلو ناعم.
بصل – فلفل اسود – مستردة – مشروم
دقيق
زبدة صفراء
عصير ليمون – زيت
– 200 جم مكرونة Noodles .


طريقة التحضير
تتبل اللحم البتلو بالملح والفلفل و المستردة وعصير الليمون.
توضع اللحمة فى مقلاة بها زبدة وزيت لمدة دقيقتين ثم يوضع عليها المشروم الفريش لمدة دقيقة واحدة ثم يوضع عليها 2 ملعقة كريمة فرنساوى وتترك لمدة دقيقة اخرى..
تقدم مع المكرونة الnoodles وتجمل بقليل من البقدونس المفروم الناعم.

هى دى يا نانى طريقة ابو شقرة

صباح الفل يا بنات

انا عندي بروكلي، اعمله ازاي

ايوا هي دي بتاعت ابو شقره وانا بردو بعملها بنفس الطريقه

قولو لى يا بنات بتعملو خلطة القرنبيط المقلى ازاى؟؟؟؟؟؟