19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

تسلميلي يا سوسي يارب انا هاجي ايه بس من ابداعاتك

حمدلله على السلامه ياايمان
وتسلم ايدك

دموع اشتياقي;13769302:
حماتي لسه ماشيه الان ربنا يوصلها بسلامه يارب

وعملت ده علعشا النهرده بس حلو اويييييي

Bird amore;13768712:
اغيب كام ساعة ارجع القى تورتات و فراخ و شاورما


ما شاء الله عليكم

تسلم ايدك كلكم


انا البرد مدمرنى و مش بعمل اى حاجة خالص

رشرووش;13769127:
:sick::sick:اتفضلوااااااااااااااااااا




طبقى
;):sick:

Boody we zady;13766466:
تورته كده في السريع بس مش شيلت الورق لسه لحد ما تجمد هههههههههههه خفت الهجوم البربري عليها بعد كده و معرفشي أصورها هههههههههه

رووفة;13765609:
رشروووووش تسلم ايديكي بس ايه ده؟؟


انا باة مبسووطة الشاورما طلعت جميلة مع انها ناقصها حاجات كتير
بس انا حطيت عليها فحمة مووولعة عملت طعم وااااااااو وعجبت الكل
بغض النظر عن شكلها




وميرسي يا سووسي ع العيش فعلا طلع محمص وخفييييييف وجميل

ماشاء الله

تسلم ايدكم روعه

ده اكل على ادى عملته بعد ما اتجوزت

كفته رز






كفته بانيه ومكرونه





دى الفراخ الكنتاكى بس انا تقريبا زودت الدقيق اوى والقرمشه طلعت ناشفه اووووى

ياريت الى جربتها تقولى الطريقه الصح








ده الجمبرى البانيه بطريقه نانى ربنا يكرمها
طلع حلو اوى






ده برجر ام بودى تحفه ربنا يكرمها يارب


مكنش عندى عيش كيزر حطيته فى عيش فينو بس طعم البرجر روووووعه






اعذرونى ده تصورير موبايل والصور مش حلوه اوى

شطوره يانور تسلم ايدك يارب يسعدك وللاسف الميزان رافض

الاكل يجنن يانولر انتى اتجوزتى ؟؟؟؟؟؟؟؟؟؟؟؟؟؟؟؟؟؟؟؟مش تقولى
مباااارك ياحبيبتى ربنا يرزقكك بالذريه الصالحه

نور تسلم ايدك يا قمر الاكل شكله حلو اووووي

والفراخ الكنتاكي تقريبا دي شكوة كل اللي جربوه وانا من ضمنهم

كات لولو اعتقد ان الكريب زى الكانيلونى روحى اتاكدى من موقع ام بودى هتلاقى الاتنين باذن اله

تسلمى يا نور ما شاء الله شطورة
هى دى كفته بانيه شارياها جاهزة وقلتيها
ولا انتى عملتيها فى البيت

محدش راضى يقولى العدس بيتعمل مع ايه ليه؟؟؟؟؟

رورو انا بعمل العدس لوحده بعمل جزء خفيف شوربة وجزء بتقله وبيتاكل بالعيش لو عايزة طريقتي قوليلي

cat lolo;13769509:
هى عجينه الكانيلونى هى نفس عجينة الكريب

ايوة يا قمر

2 كوب دقيق

2 كوب لبن

2 بيض

ربع ملعقة صغيرة ملح

رشة كمون ورشة قرفة

نور التقوى;13769687:
ماشاء الله

تسلم ايدكم روعه

ده اكل على ادى عملته بعد ما اتجوزت

كفته رز






كفته بانيه ومكرونه





دى الفراخ الكنتاكى بس انا تقريبا زودت الدقيق اوى والقرمشه طلعت ناشفه اووووى

ياريت الى جربتها تقولى الطريقه الصح








ده الجمبرى البانيه بطريقه نانى ربنا يكرمها
طلع حلو اوى






ده برجر ام بودى تحفه ربنا يكرمها يارب


مكنش عندى عيش كيزر حطيته فى عيش فينو بس طعم البرجر روووووعه




اعذرونى ده تصورير موبايل والصور مش حلوه اوى

ما شاء الله يا نور تسلم ايدك يا قمر:thumbs_up:

اخص عليكى ياسوسى انتى اللى بتقولى كده ؟؟؟؟طبعا من غير كلام ده كفايه نفسك ف الاكل
يلا بسرعه قولى

رورو حبيبة جوجو;13769933:
اخص عليكى ياسوسى انتى اللى بتقولى كده ؟؟؟؟طبعا من غير كلام ده كفايه نفسك ف الاكل
يلا بسرعه قولى

ربنا يكرمك يا رورو ويباركلك في جوجو يارب

هاتجيبي ربع كيلو عدس وتغسليه وتحطيه في الحلة وعليه 5 كوبايات مية وجزرة وبصلة وطماطماية وبطاطساية متوسطة كله متقطع 4 كدة و 4 فصوص ثوم معاهم حطيهم علي النار واقفلي الغطاء حوالي تلت ساعة كدة علي الهادي لما يغلي وبعدين افتحي الغطا وسيبيه يهدا شوية وبعدين حطيه في الخلاط واضربيه كويس وبعدين رجعيه الحلة وحطي فيه شوية شعيرية ومكعب مرقة دجاج وملح وفلفل وكمون وشطة لو عايزة ونص كمية البصل اللي انتي محمراه وتقلبي وتسيبيه شوية
وبعدين تفتحي الغطا وتاخدي بالمغرفة وتملي اطباق غويطة ( دة اللي هايتاكل بالعيش ) وبيتغرف قبل الاكل عادي بيبرد زي الكشك وتزينيه فوق الوش بنص كمية البصل المحمر التاني
وباقي اللي في الحلة تخففيه بكوباية مية وبيبقي شوربة وبتدوقيه وتشوفي لو محتاج ملح كمان
بس كدة انا مابكلش معاه حاجة غير العيش وجوزي بيحب معاه بصل منقوع في خل

قولولى طريقة الكنتااكى ياعيااااااااااااال وسوسي اللبن المكثف بيبقى في اى بارتيشن ف السوبر ماركت واسمه ايه بالانجلش ولنما نحطه ع السينابوون يبقى ساقع ولا سخخن ولله يابنات فتحتوا نفسي اطبخ وابقى شطوووووورة ف المطبخ زيكوا كده ربنا يكرمكوا ياارب ويسعدكوا

ايه الحاجات الجامده دى يا بنااات جوعتونى وانا مليش نفس هههههههههههههه رورو انا بعمل نفس الطريقه بتاعت سوسى فى العدس بسسسسسس من غير ما احمر بصل ولا شيعريه هيه شوربه بس كده وبصل اخضر وعيش متحمص بحمص شويه فى الفرن وبجيب نص رغيف كده اقطعه واحمرة فى حته زيت او سمنه يبقا تقيل بس حلو باخد حتيتين نووونه بس كده حلاوة رووح وانا لسه داخله دلوقتى بصى اول لما اعرف ارغى بالليل هرن عليكى ماشى
عاوزة اعرف طريقه العجه معلش عشان اتاكد بس والصنيه اللى هيه مقاس 24 احطلها كام بيضه عاوزاها طخينه مش رفيعه وحد عنده طريقه حلوة لتخليل البتنجان الرومى غير اللى معروفه اللى هيه توم وفلفل اخضر وملح وكمون وليمون وخل هعمل الموضوع دا بس بعد بكره قصدى خلا بكره الساعه 6 اهى النهارده جوزو هيكمل الكشرى وانا هاكل اى حاجه خفيييفه
وعاوزة طريقه معجنات حلوة اللى هي زى بتاعتك يا ام بودى عاوزة احشيها جبنه او ساده ولعى وشها سكر عارفين القرص اللى بتتباع فى الفرن اللى هيه محشيه زى عسل كده وعلى وشها سمسم نفسى فيها حد يعرف طريقتها
حاجه كمان انا بصراحه مجربتش البيكاتا قبل كده انا لما بيبقا عندى استيك بتبله بفلفل اسمر واحمره على الجانبيت فى حته سمنه او زبده مع فص مستكه وحبهان ولما ياخد لون حلو انزل عليه بحبه ميه نونه نونه لحد ما يستوى واحط الملح بصراحه احلى طريقه بحبها للاستيك كل مره بقول هعمل اى حاجه تانيه وارجع فى كلامى

sosiii-cat;13769387:
انا علي طول بعمل الشاورما بتوابل الشاورما الجاهزة بتاعت سبايسي رووعة
ومرة كنت عاملة فتة شاورما وتبلتها كدة كانت حلوة اوي اوي




دة كلام قديم




**استخدمت رز بسمتي وسويته عادي خالص بالطريقة العادية وحطيت في المية رشة صغيرة اوي كاري ورشة صغيرة اوي كركم وملح ونص مكعب مرقة دجاج
**والشوربة عملتها شوية مية صغيرين ونص مكعب المرقة التاني وسبتها تغلي
** والعيش استخدمت العيش السوري وقطعته بالمقص ورشيت عليه رشة سمنة ودخلته يتحمص في الفرن تحت الشواية
** والفراخ بقي تبلتها من الصبح الساعة 11 كدة بزبادي وملح وفلفل وشطة وزعتر وتوابل شاورما وتوم مفروم ورشة نعناع ناشف
ولما جيت اسويها شوحتها في نقطة زيت وتوم متقطع (اصلي حسيت من غير بصل ولا توم كدة مش هاتعجبنا ) وقفلت عليها الغطا وقرب ماتستوي حطيت قطع صغيرة فلفل اخضر واصفر وطماطم وقلبت
ولما استوت حطيت العيش في الطبق وفوقيه الرز وفوقيه الفراخ والتومية في الاخر وسقيت بشوية شوربة صغيرين خالص
** التومية بقي عملت اسهل تومية هههههه بس بجد ماكنتش قادرة خالص وطلعت حلوة الحمدلله عملت مايونيز علي زبادي علي ثوم مدقوق وفي الخلاط

بس بجد الاكلة الحمدلله طلعت تحفة وهاعملها علي طول كدة ان شاء الله
كانت زي الجاهزة بالظبط نفس الشكل ونفس الطعم

سوسي بجد ماشاء الله فنانة وطريقة تقديمك جميلة اوي ربنا يكرمك

نور التقوى;13769687:
ماشاء الله

تسلم ايدكم روعه

ده اكل على ادى عملته بعد ما اتجوزت

كفته رز






كفته بانيه ومكرونه





دى الفراخ الكنتاكى بس انا تقريبا زودت الدقيق اوى والقرمشه طلعت ناشفه اووووى

ياريت الى جربتها تقولى الطريقه الصح








ده الجمبرى البانيه بطريقه نانى ربنا يكرمها
طلع حلو اوى






ده برجر ام بودى تحفه ربنا يكرمها يارب


مكنش عندى عيش كيزر حطيته فى عيش فينو بس طعم البرجر روووووعه






اعذرونى ده تصورير موبايل والصور مش حلوه اوى

ماشاء الله يانور شطورة اووي بجد
بنات حد جرب يعمل الفوندام بالبيت وهل بتتباع بمصر جاهزة بس للتشكيل او لا

زي كدة




وهل حد شاف الماركة دي في مصر في باقي المنتجات

بنت من الزمن ده;13770067:
قولولى طريقة الكنتااكى ياعيااااااااااااال وسوسي اللبن المكثف بيبقى في اى بارتيشن ف السوبر ماركت واسمه ايه بالانجلش ولنما نحطه ع السينابوون يبقى ساقع ولا سخخن ولله يابنات فتحتوا نفسي اطبخ وابقى شطوووووورة ف المطبخ زيكوا كده ربنا يكرمكوا ياارب ويسعدكوا

دينا اعملي كنتاكي بطريقة مشمش ام محمد اللي بالبيكينج بودر



دة كلامها



احم احم احم انااااااااااااااااا جه انا بئا طريقتي في الكنتاكي مختلفه خاااااااااااااااااالص واعتقد هي الاصح عشان الخلطه بتاعتي مفيهاش بيض خااالص البيض بيخلي للفراخ زفاااره وكنتاكي معتقدش بيحطوا اي بيض في قلي الفراخ فهقولك على طريقتي الي جربتها عشروميت مره وانتي براحتك جربيها او لا وطريقه بسبس كمان حلوووه بس تشبه خلطه الفراخ البانيه انما دي فليها قرمشه من غير لا بقسماط ولا فيجيتاررر

بسم الله نبداا
الاول هتجيبي فرخه بيضاا صغيره مش كبيرررره عشان تستووي
هتقطعيها كالتالي كتفين وصدرين ودبوسين وصفحتين وتننضفيها وحاولي على قد ما تقدري تحافظي على الجلد بتاعهاااا بعد تقطيعها وخاصه جلد الاوراك والاجنحه بالاكتاف الصدور مش مهم بس حاولي ترقي الصدر او تقسميه من الجنب لاتنين كمان عشان ميكونش طخين اوي
وتغسليها طويس طبعا بالملح والدقيق
نيجي بئا لتتبيله الفراخ متستغررررربيش
مرقة ماجي مكعب او اتنين حسب الرغبه وتفتتي المكعب تخليه باودر كده وعليه معلقة خل ونص ليمونه ومعلقة زنجبيل مطحون وحبايتين حبهان بحالهم مش مطحونين وحبة توابل بسيطه ان وجد متكتريش منها يعني واذا حابه تحطي يف الخلطه شطه حمرا بودره لو عايزاها حراقه سابيسي وتخلطي ده كله في بعضه هيكون زي الميا سايله كده ادعكي بيها الفراخ كويس وسيبيها يف التلاجه ساعه ولا اتنين بخلطتها دي

نيجي بئااا للحاجات يال هتقلي بيها الفراخ
دقييييييييييييييييق فقط لا غير وعليه باكو بيكنج باودرررر متستغربيش خليكي معايا للاخر اوكي؟
هتجيبي دقيق كتير مش شويا صغيرين يعني وتحطي عليه باكو البيكنج باودر كله وتجيبي حتت الفراخ المتبله تقلبيها يف الدقيق كويس وتنفضيها يعني متسيبيش الدقيق يكلكع عليها عشان ميتحرقش ف يالنار نفس فكره السمك يعني المقلي تنفضي من عليها الدقيق الزياده وتشيليها على جنب
وترجعي تجيبي حلة غويطه فيها مياا فاتره متكونش لا بارده ولا سخنه عاديه يعني وتغطسي فيها حتت الفراخ واحده واحده بعد ما حطيتي اول طبقة دقيق عليها وتطلعيها بسرعه متكملش ثانيه يف الميا يعني تبليها وتقومي مرجعه الحته للدقيق تاني تقلبيها فيه بردو وتنفضي الزياده وتشيليها على جنب على صينيه مفروده مثلا وباقي حتت الفراخ بنفس الشكل اوقلك انا كل ده ليه واذاي دقيق وميا وباورد الدقيق مع الباودر بينننفش الفرخه وبيخليها تقررمش وعملنا طبقتين دقيق مفصول بينهم طبقة ميااااا الي هي عووضا عن البيض عشان الميا بتتفاعل مع البيكنج باودر فبتنفش الحاجه اكتر والميا بتعمل فاصل بين طبقتين عشان الفراخ متنننننننننشفش
وبعدين تجيبي ززززيت غزززير المهم ي كون غززير وحميه شويا ونزلي فيه الفراخ حته حته وغطي الحله يال بتقلي فيها او الطاسه وتسيبي كل قطعة فراخ تستووووي لمده ربع ساعه بالضبط مش اقل من كده عشان ميطلعش فيها دم وعشان الحتت متتحرقش منك تخلي النار متوسطه تكاد تكون هاديه بس تغططي الحله وتبصي عليها كل شويا عشان تقلبي الحتت ربع ساعه اووو 17 دقيقه بالضبط خليكي على الساعه وتطلعي الحتت على وووورق مناديل طبعا عشان تشرب الززيت الزياده يال فيهاااا
بصي في ناس بتطلعها قبل الربع ساعه وتحطها يف الفرررن عشان بيقولوا ان الفرن مش بيخلي فيها زيت كتيرررر بينشف الزيت يال فيها يعني بس انا لا احبذ هذه الفكره




واللبن المكثف بالانجليش sweetened condensed milk :D مكتوب عالعلبة كدة
هاتلاقيه جنب اللبن البودر تقريبا وحطيه علي السينابون وهي سخنة علي طول وتحطي علي الكمية اللي هتتاكل دلوقتي بس علشان اللي يبرد هاتحتاجي تسخنيه تاني مش هاينفع تسخنيه وعليه اللبن المكثف

lekaa139;13770202:
سوسي بجد ماشاء الله فنانة وطريقة تقديمك جميلة اوي ربنا يكرمك




ماشاء الله يانور شطورة اووي بجد
بنات حد جرب يعمل الفوندام بالبيت وهل بتتباع بمصر جاهزة بس للتشكيل او لا

زي كدة




وهل حد شاف الماركة دي في مصر في باقي المنتجات

ربنا يخليكي يا لقاء انتي اللي شطورة والله ربنا يحميكي :)


انا عمري ماشفت عجينة فوندام متشكلة جاهزة هنا

وكنت عايزة اسأل برضو ينفع اعملها في البيت ولا لا علشان مابيعجبنيش طعم الجاهزة بشع

رورو حبيبة جوجو;13769353:
رورو حبيبة جوجو*, ‏salad, ‏nanoo99, ‏cat lolo, ‏أم مازن*+

شوشيتا هنا ؟؟؟؟؟؟؟؟؟حبيبتى هتظبطنى ؟؟؟؟هههههههههههه انتى فين والله وحشنى طلتك يابنتى وخطك الكبيييير ههههههههههههههههههه
طبختى ايه النهارده ياشوشو ؟

رشروش انتى جايبه كله شوكولاته ليه كده طب نوعى ههههههههههه ولا انتى مدمنه شوكولاته بس شكله حلو اوى
بس خففى منه للعيال عشان السخنيه

والله يارورو ماكنتش قاعده انا كنت فاتحه ومش قاعده معش ياحبى

والنهارده عملت رقاق باللحمه المفرومه وكباب حله بس قطع لحمه كبيره وبطاطس محمره

والعدس انا قولتلك طريقته من كام صفحه ورا كده
لو عايزاها اجيبهالك
وانا بعمل العدس فته بالعيش بس مع بصل اخضر او بصل فى خل
وبيلكم بس مايعملش حموضه غير لو عملتيله طشة توم
وماتحمريش العيش حمصيه بس
وهو بيبقى وجبه كده
انا نفسى فيه هاعمله بكره باذن الله


:):):):):):)