19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

انا بعمل بيض ودقيق وميه وملح وفلفل وكمون وبقدونس وبهارات وبقلب كله بيبقى قوامه وسط لا تخين ولا سائل بس كدة


والاحلى لما بقطع القرنبيط صغير اوي واقلبه مع الخلطة وازود نص بصله و طماطم واقليه وحدات كدة زي الطعميه بيبقى تحفة

sosomedo;13772894:
المكونات
180 جم لحمة بتلو ناعم.
بصل – فلفل اسود – مستردة – مشروم
دقيق
زبدة صفراء
عصير ليمون – زيت
– 200 جم مكرونة Noodles .


طريقة التحضير
تتبل اللحم البتلو بالملح والفلفل و المستردة وعصير الليمون.
توضع اللحمة فى مقلاة بها زبدة وزيت لمدة دقيقتين ثم يوضع عليها المشروم الفريش لمدة دقيقة واحدة ثم يوضع عليها 2 ملعقة كريمة فرنساوى وتترك لمدة دقيقة اخرى..
تقدم مع المكرونة الnoodles وتجمل بقليل من البقدونس المفروم الناعم.

هى دى يا نانى طريقة ابو شقرة

ايوة هي دي بس انا كمان بزود معلقة صويا صوص في تتبيل اللحمه

ولما بحمر اللحمه بشيلها وبعدين بحمر نص بصله والمشروم وبرجع اللحمه تاني واسيبها تستوي شويه وبعدين الكريمة

انا مطلعه لحمه ومش عارفه اعملها ايه

هل من مقترحات ؟؟

بسبس
شوفتي موضووع سوسي الجديد
شكله يمي اووووووووي

ازيكم يابنات

الحقونى جوزى عايز ياكل كشرى وانا عمرى ما عملته
ياريت حد يلحقنى بالطريقه بسسسسسسسسسسسسسسسسسرعه بالله عليكم

نانو طريقة الكشرى
هتجيبى بصل كتير وتقطعيه جوانح وتقليه فى الزيت لحد مايحمر كويس
وبعدين تجيبى مكرونه اسباجتى وتسلقيها
وتجيبى مكرونه صغيره وتسلقيها
وبعدين تجيبى العدس الاسود وتسلقيه فى ميه وتصفى الميه
وبعدين تعملى الرز بس تحطى للرز شعريه كتييير بيبقى احلى
ولو بتحبى الحمص عليه هتنقعيه فى ميه حوالى اربع ساعات وبعدين تسلقيه
طريقه عمل الصلصه بقا:
هتضربى الطماطم فى الخلاط وبعدين تجيبى التوم وتهرسيه وتشوحيه فى الزيت وتحطى عليه شوية خل وتروحى حاطه الطماطم وشويه كمون
وملح وشطه..
طريقة عمل دقة التوم:
هتهرسى التوم وتحطى عليه ميه وملح وخل..
ترتيب الطبق:
هتحطى الرز وبعدين المكرونه الاسباجتى والصغيرة وبعدين العدس وبعدين الحمص والبصل فوق الوش..

انتى بقا تعملى الكميه الى انتى عايزاها يا قمر بس انا والله ببقى اعمل الطريقفه دى بيبقى جميييييل ياريت اكون افدتك يا قمر

http://forums.3roos.com/showthread.php?t=464906&highlight=%D4%E5%ED%CF%C9

دى طريقة كشرى

cat lolo;13774020:
نانو طريقة الكشرى
هتجيبى بصل كتير وتقطعيه جوانح وتقليه فى الزيت لحد مايحمر كويس
وبعدين تجيبى مكرونه اسباجتى وتسلقيها
وتجيبى مكرونه صغيره وتسلقيها
وبعدين تجيبى العدس الاسود وتسلقيه فى ميه وتصفى الميه
وبعدين تعملى الرز بس تحطى للرز شعريه كتييير بيبقى احلى
ولو بتحبى الحمص عليه هتنقعيه فى ميه حوالى اربع ساعات وبعدين تسلقيه
طريقه عمل الصلصه بقا:
هتضربى الطماطم فى الخلاط وبعدين تجيبى التوم وتشوحيه فى الزيت وتحطى عليه شوية خل وتروحى حاطه الطماطم وشويه كمون وشطه
طريقة عمل دقة التوم:
توم وخل وميه ومله وتقلبيهم فى بعض هتدوقى التوم الاول طبعا
انتى بقا تعملى الكميه الى انتى عايزاها يا قمر بس انا والله ببقى اعمل الطريقفه دى بيبقى جميييييل

طريقة ميه ميه


بس هزود حاجة


البصل عشان يبقى مقرمش زي بتاع برا قبل ما تحمريه رشي عليه ملح كتير وسبيه نص ساعه وبعدين اشطفيه وحمريه


الزيت اللى هتقلي فيه البصل استخدميه وانتي بتعملي الرز وانتي بتعملي الصلصه بيدي نكهة تحفة

وعلى صلصه الطماطم حطي ربع معلقة سكر

دي طريقتي في الكشري

رووفة;13773814:
بسبس
شوفتي موضووع سوسي الجديد
شكله يمي اووووووووي

لا مشوفتوش هروح ابص عليه

انا بعمل بريانى

تسلموا يابنات
ربنا يخليكم ليا

بنات انا سالتكم على طريقة البروكلي بس شكلكم ماخدتوش بالكم من السؤال

البروكلي مش بيتعمل لو حده

انا يا بعمله شوربه بروكلي بالكريمه

يا بعمله مع خضار تاني يكون سوتيه

او عموما بعمله سوتيه على البخار طبق جنبي جنب ستيك مثلا

رشرووش;13769127:
:sick::sick:اتفضلوااااااااااااااااااا




طبقى
;):sick:

حلو قوى يا رشرش بالهناوالشفا انا عاوزه حته

دموع اشتياقي;13769302:
حماتي لسه ماشيه الان ربنا يوصلها بسلامه يارب

وعملت ده علعشا النهرده بس حلو اويييييي

تسلم ايدك شكلها توحفه ممكن الطريقه

الي عايزة تحفظ القران او تحفظ اولادها شرفوني هنا يا قمرات
http://forums.3roos.com/showthread.php?p=13774166#post13774166

الطريقة اللى انا كتبتها بيكون فيها دقيق متشوح فى زبدة و دة بدل الكريمة و اللحمة و التوابل بيعملوا شغل فى الصوص

فى واحدة صاحبتى بتعمل طاجن بروكلى بالبشاميل بيبقى حلو بس بصراحة معرفش الطريقة و بتقوللى بيتعمل فى ابو شقرة

طيب سؤال حد يعرف الفانيليا السايلة بتتجاب منين

أم مازن*;13770243:
والله يارورو ماكنتش قاعده انا كنت فاتحه ومش قاعده معش ياحبى

والنهارده عملت رقاق باللحمه المفرومه وكباب حله بس قطع لحمه كبيره وبطاطس محمره

والعدس انا قولتلك طريقته من كام صفحه ورا كده
لو عايزاها اجيبهالك
وانا بعمل العدس فته بالعيش بس مع بصل اخضر او بصل فى خل
وبيلكم بس مايعملش حموضه غير لو عملتيله طشة توم
وماتحمريش العيش حمصيه بس
وهو بيبقى وجبه كده
انا نفسى فيه هاعمله بكره باذن الله


:):):):):):)

ممكن يا شوشو طريقه كباب الحله وممكن اعمل معاها ايه غير الرقاق لان جوزى ملوش فيه

بصى ياسالاد
بتقطعى اللحمه قطع صغيره

فى طريقتين انا عملته بالطريقه التانيه عشان اخف
هاتجيبى حتة زبده وتشوحى فيها بصل كتير واماتدبل شويه تشوحى معاها جزره مبشوره وفصين توم مدقوقين
وتدبل وتنزلى اللحمه ومعاها فلفل اسمر وبهارات ومعلقة صوياصوص وتسيهيها بقى تستوى وحطى معاها مكعبات طماطم وكل ماتحتاج ميه زودى نص كوبايه كده والملح فى الاخر او قبل ماتستوى اوى


انا عملتها بقى عملت البصل والطماطم والجزر وفص توم فى الكبه فرم خشن كده وحطيته عاللحمه مع الفلفل والبهارات وهديت النار وغطيتها وسيبتها مع نفسها وبقيت ابص عليها لو احتاجت ميه ازودها بس هى ماحتاجتش غير نص كوبايه بس

ويتعمل جمبيها رز بتاع الحمام وبطاطس محمره وسلطه
او تتاكل بالعيش مع بطاطس محمره وسلطه

sosiii-cat;13770018:
ربنا يكرمك يا رورو ويباركلك في جوجو يارب

هاتجيبي ربع كيلو عدس وتغسليه وتحطيه في الحلة وعليه 5 كوبايات مية وجزرة وبصلة وطماطماية وبطاطساية متوسطة كله متقطع 4 كدة و 4 فصوص ثوم معاهم حطيهم علي النار واقفلي الغطاء حوالي تلت ساعة كدة علي الهادي لما يغلي وبعدين افتحي الغطا وسيبيه يهدا شوية وبعدين حطيه في الخلاط واضربيه كويس وبعدين رجعيه الحلة وحطي فيه شوية شعيرية ومكعب مرقة دجاج وملح وفلفل وكمون وشطة لو عايزة ونص كمية البصل اللي انتي محمراه وتقلبي وتسيبيه شوية
وبعدين تفتحي الغطا وتاخدي بالمغرفة وتملي اطباق غويطة ( دة اللي هايتاكل بالعيش ) وبيتغرف قبل الاكل عادي بيبرد زي الكشك وتزينيه فوق الوش بنص كمية البصل المحمر التاني
وباقي اللي في الحلة تخففيه بكوباية مية وبيبقي شوربة وبتدوقيه وتشوفي لو محتاج ملح كمان
بس كدة انا مابكلش معاه حاجة غير العيش وجوزي بيحب معاه بصل منقوع في خل

متحرمش منك ياسوسى تسلمى كلك زوق
:adore:أم مازن*;13770243:

والله يارورو ماكنتش قاعده انا كنت فاتحه ومش قاعده معش ياحبى

والنهارده عملت رقاق باللحمه المفرومه وكباب حله بس قطع لحمه كبيره وبطاطس محمره

والعدس انا قولتلك طريقته من كام صفحه ورا كده
لو عايزاها اجيبهالك
وانا بعمل العدس فته بالعيش بس مع بصل اخضر او بصل فى خل
وبيلكم بس مايعملش حموضه غير لو عملتيله طشة توم
وماتحمريش العيش حمصيه بس
وهو بيبقى وجبه كده
انا نفسى فيه هاعمله بكره باذن الله


:):):):):):)

بالف هنا ياشوشو وانا عارفه من غير ماتقولى :adore:
مشمش ام محمد;13771656:
لا انا عمري ما اكلت البصاره امملوخيه دي يا ام بودي بس الي بالخضره جميله
ام ميزو جوزي جابلي الفول ده من الميجا مارت من عند بتاع البهارات وشوفت الفول المدشوش ده بردو في كارفور عند بتاع الرز السايب والبهارات هتلاقيها هناك لان هم بيبيعوا كل انواع البقوليات في الحته دي الاشوله الي بيكونوا حاطنها قدامهم دي
وناننننننننى لازم تاكلى البوصاره وادي طبق عشانك هاتى شوية عيش ويلا اهجمى هتعجببببك كده بئيتوا اتنين في مصر مكلهاش جوزي ونانى يلا مين يزود

DodyCat
[QUOTE=ناني فيبس;13773411:
انا بعمل بيض ودقيق وميه وملح وفلفل وكمون وبقدونس وبهارات وبقلب كله بيبقى قوامه وسط لا تخين ولا سائل بس كدة


والاحلى لما بقطع القرنبيط صغير اوي واقلبه مع الخلطة وازود نص بصله و طماطم واقليه وحدات كدة زي الطعميه بيبقى تحفة

[QUOTEمش فاهمه يانى بتقرصيها زى الطعميه يعنى ولا ايه بتقطعى القرنبيط؟؟؟=ناني فيبس;13773431]ايوة هي دي بس انا كمان بزود معلقة صويا صوص في تتبيل اللحمه

ولما بحمر اللحمه بشيلها وبعدين بحمر نص بصله والمشروم وبرجع اللحمه تاني واسيبها تستوي شويه وبعدين الكريمة

معلش برده قليلى الطريقه كده بالتفصيل ومابتبقاش تقيله
أم يـاسـيـن العسل;13773653:
انا مطلعه لحمه ومش عارفه اعملها ايه

هل من مقترحات ؟؟

ازيك يابسبس وحشانى:adore::adore:

والاقتباس بايظ كده ليه اكتب بعد علامة يساوى ولا البستروف هههههه ولا الاسم وحش الاقتباس عندى اوى قلولى ليه ؟او ازاى ؟