19 مرة نقول يا تري بتعملي الأكل ده أزاي ؟ ( مبدعات مصر القمرات ) شهر ذو الحجه

mooney608;13654992:
ربنا يخليكوا ليا انا المشكلة عندى مشكلة صحية الدكتور قاللى بلاش اى حاجة فيها دقيق و انا بموت فى كل حاجة فيها دقيق :( :'( يعنى مفيش بيتزا و لا فطير و لا عيش ولا كيكة لا كله إلا كدة إهئ إهئ

ربنا يعفو عنك ياقمر

shimaaafifi;13654924:
وفى طريقه واحده فى المخباء التانى كاتبه انه مجرباها

الطريقه دي انا مجرباها وبجد رووووووووووعه الله يجزاها خير الاخت اللي ادتني طريقتهاوكمان فخمه وحلوه اوي للمناسبات وعشان خاطر حبايبي الفتوكات قولت اكتبهالكوا شكلي رغيت كتيرطيب المقادير

كوب ونص حليب بودره

3بيض

تلت كوب زيت

تلت كوب ماء

نص كوب سكر

معلقه بيكنج بودر

نحمر الحليب يفضل كامل الدسم اوعي يتحرق بس يبقي دهبي مقرب علي البني الفاتح وبعدين نضرب باقي المقادير بالخلاط ونخاط عليهم الحليب الي محمرينه
ندهن صبيه بيركس ونصب فيها الخليط ثم في الفرن لمدة نص ساعه نختبر السوي تمام نسبها تبرد

مقادير الكاراميل

تلت كوب سكرعلي النار يسيحونطفيه بنص كوب ماء وعلبة قشطه نصب الصوص علي الكيكه بع ما تبرد ونضعها بالتلاجه 6 ساعات وبعدين بقي دوقو

على فكرة دى زي طريقة ككة النيدو بالظبط بس من غير دقيق هجربها دى لأن كيكة النيدو كانت تحفة ميرسي يا قمر

paradise rose;13654436:

بصى بعد اذن البنات الشاطرين اللى هنا انا هاقولك حاجه تسهل عليكى كتير كتير
استخدمى تورته اسفنجيه الطحان هى اسمها كدا هتلاقى منها البيضه وهتلاقى منها اللى بالشيكولاته
يادوب بتحطى عليها 6 بيضات وربع كوبايه لبن تقريبا وتضربى دقيقه كدا على سرعه قليله وبعد كدا 5 دقايق على سرعه عاليه
وتجيبى صينيه مقاس 24 بتبقى افضل عشان تبقى عاليه وحلوه ممكن تيفال او ممكن الومنيوم
تبطنيها زيت وتعفريها بالدقيق
وتصبى فيها التورته دى وتحطيها فى الفرن
ولما تطلع هتبقى تمام التمام وعاليه وحلوه جدااا وسهله انك تقسميها بسهوله
وتركزى وتفننى زى ماانتى عايزه فى التزويق
التورته دى تقريبا ب 8 جنيه مش فاكره سعرها بس مش هتزيد عن كدا
للتزيين بقى بتجيبى كريم شانتيه وكمبوت خوخ او اناناس او اللى انتى عيزاه
وممكن تجيبى شيكولاته بيضا او دارك زى ماانتى عايزه
بتجيبى كريز
بالنسبه للتزين كل واحد وليه زوق مختلف انتى ارسمى فى ورقه شكلها فى دماغك وهاتى الحاجه ع الاساس دا

طيب ما هي بدل ما تدفع 8 جنيه في علبه دقيق

تدفع بس تقريبا 2 جنيه تمن كوب ونص دقيق عادي وكوب ونص سكر وهتطلع تحفة زي التورت الجاهزة بالظبط

Dr.Flowers;13654560:
بنااااااااات لو سمحتوا عاوزة طريقة كفتة الرز بالمقاااادير وتكون الكميه لفردين بسسس

لو فردين يبقى ربع كيلو لحمه مفرومه وربع كوب رز مطحون ونص بصله نونو ونص حزمة كسبرة وبقدونس وشبت وفص توم وملح وفلفل اسود وبهارات

اخلطي كله سوا في الكبه ماعدا اللحمه ولما يتفرموا كويس حطي اللحمه وافرميهم تاني كله مع بعضه بس ريحيها شويه في التلاجة وصبعي واقلي بقى وحطي في الصلصه

amatalrahman237;13654747:
بنات انا زهقانة بجددددد، حاسة ان دة الاسبوع العالمي للملل
هو انتم بتشغلوا وقتكوا في ايه غير شغل البيت ؟؟؟؟

مع ان احنا في ايام مفترجة في الف حاجة نعملها مش هتحسسنا بملل خالص

قراة قران
اذكار
كتب دينيه

انا عن نفسي بسلي وقتي بحفظ القران وقراة الكتب الدينيه وباجي هنا عروس
وبدخل اتفرج على فديوهات دينيه على اليوتيوب فجاة بلاقي اليوم خلص

shimaaafifi;13654860:
دى طريقه جبتهالك من عالنت بس شكلها حلو


كيكة بدون دقيق

كيكة مبتكرة لاتتضمنن الدقيق في‎ ‎مقاديرها وإنما على الحليب البودرة لذيذة وسهلة وتقدم مع ‏القهوة أو‎ ‎الشاي‎

المقادير‎..
‏3‏‎ ‎كاسات حليب بودرة
‏1‏‎ ‎كاسة سكر‎
بيضتين‎
‏1‏‎ ‎علبة‎ ‎قشطة‎
‎
مقادير التوفي‎:

‏1‏‎ ‎كاسة سكر‎
‏2‏‎ ‎علبة قشطة‎


الطريقة‎ :

ضعي الحليب‎ ‎في قدر وارفعيه على نار هادئه مع التقليب المستمر..حتى يصبح لونه ذهبي ‎.
‎
ضعي‎ ‎السكر والبيضتين وعلبة القشطه في الخلاط الكهربائي واخلطيهم جيدا‎.
‎
صبي‎ ‎الخليط على الحليب المحمص وقلبيه بالملعقه ثم صبيه في صينيه متوسطة الحجم بعد ‏دهنها‎ ‎بالزيت‎ .
‎
ادخلي الصينيه في الفرن المتوسط الحرارة لمدة ربع ساعه تقريبا..أو‎ ‎حتى يحمر وجه الكيكة . مع ‏ملاحظة عدم تشغيل الفرن العلوي‎ .
‎
ابدئي بعمل‎ ‎التوفي..ضعي السكر على النار حتى يصبح سائل ولونه ذهبي ثم صبي عليه القشطة ‏وقلبيه‎ ‎بسرعة وبخفة ‎.
‎
اخرجي الكيكة من الفرن..وضعي التوفي على الوجه بالتساوي..ثم‎ ‎اتركيها حتى تبرد..وقطعيها ‏بقلاوات أو مربعات صغيرة وتقدم مع الشاي أو القهوة .

بالهناء وبالشفاء

shimaaafifi;13654924:
وفى طريقه واحده فى المخباء التانى كاتبه انه مجرباها

الطريقه دي انا مجرباها وبجد رووووووووووعه الله يجزاها خير الاخت اللي ادتني طريقتهاوكمان فخمه وحلوه اوي للمناسبات وعشان خاطر حبايبي الفتوكات قولت اكتبهالكوا شكلي رغيت كتيرطيب المقادير

كوب ونص حليب بودره

3بيض

تلت كوب زيت

تلت كوب ماء

نص كوب سكر

معلقه بيكنج بودر

نحمر الحليب يفضل كامل الدسم اوعي يتحرق بس يبقي دهبي مقرب علي البني الفاتح وبعدين نضرب باقي المقادير بالخلاط ونخاط عليهم الحليب الي محمرينه
ندهن صبيه بيركس ونصب فيها الخليط ثم في الفرن لمدة نص ساعه نختبر السوي تمام نسبها تبرد

مقادير الكاراميل

تلت كوب سكرعلي النار يسيحونطفيه بنص كوب ماء وعلبة قشطه نصب الصوص علي الكيكه بع ما تبرد ونضعها بالتلاجه 6 ساعات وبعدين بقي دوقو

حلوييين يا شيمو بفكر اقوم اعمل واحدة لنورين

mooney608;13654992:
ربنا يخليكوا ليا انا المشكلة عندى مشكلة صحية الدكتور قاللى بلاش اى حاجة فيها دقيق و انا بموت فى كل حاجة فيها دقيق :( :'( يعنى مفيش بيتزا و لا فطير و لا عيش ولا كيكة لا كله إلا كدة إهئ إهئ

ربنا يشفيكي ويعفو عنك يارب

السلام عليكم
ازيكم يا بنات عاملين ايه
كل سنه وانتم طيبين و مبروك علينا الجزء الجديد
معلش مدخلتش من اوله كان عند ماما شغل فى البيت
بس قرات جزء و هقوم افطر وباليل ان شاء الله اكمل
بحبكم فى الله

Bird amore;13617474:
قولولى رايكم بصراحة

تورتة عيد ميلاد جوزو


من قريب



ما شاء الله طلعت عالية جدا




قطع ليكم

ما شاء الله اللهم بارك
شكلها حلو اووووى و تزينها فخم و رقيق
بجد تسلم ايدك يا شيكو حلوه اوووووووى و فعلا عاليه ما شاء الله

انتى عملتى حركه الشيكولاته اللى فوق ددى ازاى؟

Bird amore;13617553:
تسلمى يا قمر اتفضليها:)

عجبتة اووى الحمدلله وبعت منها لحماتى و عجبتها اووى

*****

دى بقى تشيز كيك

و عملتى التشيسز كيك باى طريقه؟
و لو سمحتى يا شيكو
كنت عايزه اسالك بيكاتا الفراخ عملتيها ازاى و الارز بالمستكه؟
رورو
انا قريت كلامك ربنا يفك كربك يارب يارب و يهديلك كل عاصى يارب و يروق بالك
و انا مبسوطه انك هتغيرى من نفسك ما شاء الله ربنا يعينك يارب

ام عمر
الف مبروك عى الحمل ياحبيبتى ربنا يكملك على خير يااااارب
و عقبالى و عقبال كل مشتاقه ياااارب

نور التقوى;13652135:

وعاوزه طريقه للجمبرى البانيه علشان عندى جمبرى وعاوزه اعمله

دى طريقتى و هى سهلة جداا

حتبلى الجمبرى بكام فص توم مفروم ناعم على حسب كمية الجمبرى و تحطى قرن فلفل حامى و كمون و ملح و فلفل اسود و بابركيا و جنزبيل و لليمون و ملعقة صويا صوص دى اضافة من عندى من اساسية بس بتدى طعم حلو جداا للجمبرى تسيبى الخمرى فى التتبيلة اقل حاجة ساعتين وبعدين تحطية فى دقيق وبعدين بيض مخفوق بسيط مع رشة قرفة و ملح و فلفل و بعدين بقسماط و تقلبة و بس كدا
و الجمبرى تعملى معاة مكرونة و بطاطس محمرة

او تعملية ساندوتشات مع الصوص دا هو لية اسم بس انا نسيتة ههههههههههه هو عبارة عن ملعقةمايونيز+ملعقةمستردة+خيار مخلل مقطعة صغير خالص+رشة ثوم بودر+رشة بصل بودر او بصلة صغيرة خالص متقطعة صغير +ملعقة فرنش صوص french dressing تلاقية فى السوبر ماركت و ممكن تستبدلية بكاتشب انا جربة و طلع حلو

أغيب و أرجع ألاقي 6 صفحات مرة واحده !! أنا بقه طقت في دماغي و روحت سيتي سنتر الصبح هههههههههههههههههه كان نفسي أغير جو مع اني تعبانة بس كنت مضايقه كده ما علينا

رورو البطاطس يا جميل المتشوحه و محشيه بالتفصيل في الموقع

سوسي هيا البيتزا بيتحط عليها بيكنج بودر !!! أول مرة أعرف أنا أعرف خميره بس

miramiro;13655363:
ا
ما شاء الله اللهم بارك
شكلها حلو اووووى و تزينها فخم و رقيق
بجد تسلم ايدك يا شيكو حلوه اوووووووى و فعلا عاليه ما شاء الله

انتى عملتى حركه الشيكولاته اللى فوق ددى ازاى؟

و عملتى التشيسز كيك باى طريقه؟
و لو سمحتى يا شيكو
كنت عايزه اسالك بيكاتا الفراخ عملتيها ازاى و الارز بالمستكه؟

تسلمى يا قمر الحركة دى عملتها بالشوكة الاول على الشكولاتة العامقة خطوط بالطول والعرض و بعدين عملت خطوط بشكولاتة افتح منها فطلعت بالشكل دا معايا بالصدفة:o و من الجناب زينتها بشكولاتة مبشورة ناعم مع شوية مكسرات مفرومة ناعم


على فكرة انا فى موضوع الشرح دا خايبة جدا يارب تكون فهمتى حاجة هههههههه:o
التشيز كيك بطريقة ام بودى اللى فى الموقع بس انا فرمت الكيك و فركتة مع شوية زبدة و على الكريمة حطيت ملعقتين كاكاو

البيكاتا دا سهلة جداا وسريعة جدا

انا بحب اقطع الفراخ مكعبات علشان تستوى بسرعة لما بكون مستعجلة لكن لو مش مستعجلة بعملها بصدور بانية بس تكون مدقوقة رفيع اوى

تتبلى الفراخ عصير نص ليمون و فلفل اسود او فلفل ابيض و شوية لبن صغيرين خالص ..بيخلى الفراخ تطرى جدا

تحضرى بصلة صغيرة متقطعة صغير و فصين توم مفرومين ناعم او لو عندك توم بودر يبقى ربع ملعقة صغيرة منة

طبعا مجهزة المشروم و الكريمة تقريبا كيلو صدور بياخد ربع كيلو كريمة طهى

تحمرى الفراخ فى قطعة زبدة و معلقة زيت زيتون تفضلى تقلبى فيها لحد ما يكون لونها دهبى فاتح و تستوى تمام

تطلعى الفراخ من الطاسة و تحطى فى نفس الطاسة البصل مع ملعقة دقيق و تحميرهم شوبة لحد ما البصل يقرب لونة للبنى الفاتح كدا و بعدين تحطى التوم و المشروم و تحمريهم شوية و بعدين مكعب ماجى مدوب فى نص كوباية ماية او لو عندك شوربة تحطى نص كوباية و تسبيها تغلى شوية و بعدين تنزلى عليها الفراخ و تحطى الكريمة و هنا بقى تظبطى الملح و تخليها على النار لحد ما الكريمة تتقل و بس كدا و بلاش تخلى النار عالية عليها

شييييييييييمو يا قمر
عملت الفاهيتا طلعت جميله اوي بس ماكنش عندي ريحان
جزاكي الله خيرا يا جمييييل

*Om Mo3az*;13655629:
شييييييييييمو يا قمر
عملت الفاهيتا طلعت جميله اوي بس ماكنش عندي ريحان
جزاكي الله خيرا يا جمييييل

تسلم ايدك يا ايمى عملتها ازاى

Bird amore;13655670:
تسلم ايدك يا ايمى عملتها ازاى

تسلمي لي يا شيكو يا عسل

دي طريقة شيمو بس انا زودت شوية حاجات من عندي :D



والفاهيتا

دى طريقتى هاتقطعى الصدور وتتبليها بملح ومكعب مرقه وفلفل وفصين توم مهروسين ولمون ومعلقة خل وبهارات وشعرة سكر وريحان ناشف وهاتعملى بقى بصل حلقات وفلفل حلقات وطماطم برده
هاتجيبى بقى طاسه وتحطى فيها معلقة زبده وتسخنيها وتنزلى معلقة سكر تتكرمل وتنزلى بالفراخ تشوحيها على نار عاليه وتنزلى الخضار بقى وتقلبى لغاية مايدبل وتعصرى لمونه قبل ماتطفى وحبة زيتون حلقات كده وبس

انا حطيت الاول شوية سمنه بلدي في طاسه وقليت الصدور فيها وطلعتها وسبتها تبرد وقطعتها لاني كنت متبلاها تتبيله عاديه مش زي بتاعة شيمو
وبعد كده في نفس الطاسه بقى نزلت السكر وكملت بطريقة شيمو

*Om Mo3az*;13655715:
تسلمي لي يا شيكو يا عسل

دي طريقة شيمو بس انا زودت شوية حاجات من عندي :D



والفاهيتا

دى طريقتى هاتقطعى الصدور وتتبليها بملح ومكعب مرقه وفلفل وفصين توم مهروسين ولمون ومعلقة خل وبهارات وشعرة سكر وريحان ناشف وهاتعملى بقى بصل حلقات وفلفل حلقات وطماطم برده
هاتجيبى بقى طاسه وتحطى فيها معلقة زبده وتسخنيها وتنزلى معلقة سكر تتكرمل وتنزلى بالفراخ تشوحيها على نار عاليه وتنزلى الخضار بقى وتقلبى لغاية مايدبل وتعصرى لمونه قبل ماتطفى وحبة زيتون حلقات كده وبس

انا حطيت الاول شوية سمنه بلدي في طاسه وقليت الصدور فيها وطلعتها وسبتها تبرد وقطعتها لاني كنت متبلاها تتبيله عاديه مش زي بتاعة شيمو
وبعد كده في نفس الطاسه بقى نزلت السكر وكملت بطريقة شيمو

شكرا ع قمر ان شاء الله اعملها قريب

الصوره ما طلعتش يا نانى عااااااااااااااااااااا:badly:

ناني فيبس;13651516:
بصي زي ما شاهي قالت يا هوبي روحي الموضوع الاصلي احسن عشان تشوفي بالصور لاني مش عرفة اشرح اكتر



:thumbs_up::thumbs_up:



دي صورة فرك الدقيق من الموضوع الاصلي




الريحان دة بيتحط على المكرونات وعلى السي فود وعلى البيتزا و على السلطات

هو للاكل الايطالي عموما




اكيد يجبلك مفارش سوري طبعا


صوص البيستو دة حلو اوي انا بعمله من الريحان وعين الجمل وطبعا تبليه ملح وفلفل وجبنه برميزان وهو بيلف في الكبه تنزلي عليه بسرسوب من زيت الزيتون لحد ما يتكون عندك صوص

بيتحط على المكرونه بيبقى جميل اوي

ازيكم يا بنات كل سنه وانتوا طيبين
سوال برة المنهج هههههههههههه
قطعت فلفل حامى النهارده وايديا مولعه حد يعرف اعمل ايه لانها هتزيد كمان على بليل

Boody we zady;13655422:
أغيب و أرجع ألاقي 6 صفحات مرة واحده !! أنا بقه طقت في دماغي و روحت سيتي سنتر الصبح هههههههههههههههههه كان نفسي أغير جو مع اني تعبانة بس كنت مضايقه كده ما علينا

رورو البطاطس يا جميل المتشوحه و محشيه بالتفصيل في الموقع

سوسي هيا البيتزا بيتحط عليها بيكنج بودر !!! أول مرة أعرف أنا أعرف خميره بس

سلامتك يا ام بودي ان شاء الله تكوني غيرتي جو
ايوة شيمو قالتلي علشان لو كانت الخميرة مش هاتخمر وكمان بسبس بتعمل عجينة البيتزا من غير خميرة وبتعملها ببيكينج بودر ولما انوي تاني هاسألها ان شاء الله لأن استخدام الخميرة غبي وبيضايقني وساعات الحاجة تترمي بسببها فحرام

*Om Mo3az*;13655629:
شييييييييييمو يا قمر
عملت الفاهيتا طلعت جميله اوي بس ماكنش عندي ريحان
جزاكي الله خيرا يا جمييييل

تسلم ايدك يا ايمي شكلها حلو اوي

sosiii-cat;13656120:
سلامتك يا ام بودي ان شاء الله تكوني غيرتي جو
ايوة شيمو قالتلي علشان لو كانت الخميرة مش هاتخمر وكمان بسبس بتعمل عجينة البيتزا من غير خميرة وبتعملها ببيكينج بودر ولما انوي تاني هاسألها ان شاء الله لأن استخدام الخميرة غبي وبيضايقني وساعات الحاجة تترمي بسببها فحرام



تسلم ايدك يا ايمي شكلها حلو اوي

أنا طول عمري يا سوسي و ماما الله يرحمها بتستخدم الخميره التركي دي و انا بستعملها بقالي اكتر من سنة و مفيهاش مشاكل هههههههههههههه اشمعني انتي يعني هههههههههه

انتي بتستعمليها ازاي طيب ؟

بنات انا انا عاوزه حد يبعتلى موقع بتاع ام بودى وزادى ان امكن :)
ولو ما امكنش برضه يبعته :D

وكنت عاوزه اعرف يعنى ايه عجينة الباف باسترى:study:


ياريت بسرعه

شحات وعاوز عيش فينو:cool:

لا انا ماستخدمتش التركي المرة دي يا ام بودي استخدمت حلو الشام

البيتزا

فراشة البف باستري عجينة موجودة في السوبر ماركت ممكن تحشيها حاجات كتير حلو وحادق وممكن تعملي بيها ام علي كرواسون باتيه سينابون ميني بيتزا يعني اي حاجة هاتحشيها مش هاتقول لأ