17 مرة نقول يا تري بتعملي الأكله دي ازاي ؟ ( مبدعات مصر القمرات ) شهر شوال

منا مش عارفة يا شاهي طيب هي المقاسات بتتكتب فين انا الصواني بتاعتي تيفال زهران

ايوة كنت هاقوللك في قالب التوست برضو صح

sosiii-cat;13238258:
منا مش عارفة يا شاهي طيب هي المقاسات بتتكتب فين انا الصواني بتاعتي تيفال زهران

المقاس فى ظهر الصينيه ياسوسى محفور كده بس دققى

sosiii-cat;13238248:
جزاكي الله خير يا بسبس هاعملهولها ان شاء الله هي بتحب الاكل بتاعنا دة اصلا انما المسلوق وكدة ماعادتش بتقبله

ياسين كدا بس على فكره دا هيخليها تناااااام من البصل :D

هتلاقيها عامله دماااااااااغ
ممكن تعمليه ليكو انتو كمان بالمره بس لما المايه تقل خالص اعملى جوا الرز حفر وجوا كل حفره افقعى يضه وعلى وشها فلفل اسود وسيبيها تستوى عادى



انا بحط لياسين مع الرز لو حطيت فيه البيض دا بحطله حته نونو خالص من الصفار يدوقه بس عشان ميبقاش تقيل عليه

بس بالله عليكم تدعوله عشان تعبان ومأكلش انهارده تماما

بجد مش عارفه اعمله ايه :thumbs_down:


سوسى اقترحى عليا حاجه اعملهاله

sosiii-cat;13238258:
منا مش عارفة يا شاهي طيب هي المقاسات بتتكتب فين انا الصواني بتاعتي تيفال زهران

المقاس بيكون فى ظهر الصينية يا قمر

منا بصيت في ظهر الصينية مافيش حاجة خالص
بس لقيتها مش زهران هههه:D لقيتها tefal مش عارفة اعرف المقاس منين

أم يـاسـيـن العسل;13238277:
ياسين كدا بس على فكره دا هيخليها تناااااام من البصل :D

هتلاقيها عامله دماااااااااغ
ممكن تعمليه ليكو انتو كمان بالمره بس لما المايه تقل خالص اعملى جوا الرز حفر وجوا كل حفره افقعى يضه وعلى وشها فلفل اسود وسيبيها تستوى عادى



انا بحط لياسين مع الرز لو حطيت فيه البيض دا بحطله حته نونو خالص من الصفار يدوقه بس عشان ميبقاش تقيل عليه

بس بالله عليكم تدعوله عشان تعبان ومأكلش انهارده تماما

بجد مش عارفه اعمله ايه :thumbs_down:


سوسى اقترحى عليا حاجه اعملهاله

يااااااااااااااااه ياريت يا بسبس تنام شوية بقي
خلاص انا هاعمل ارز دة بكرة ان شاء الله

ممكن تدي لياسين يا بسبس زبادي بعصير الفاكهة اللي هو دانون او لاكتيل كلاوني ممكن يحبه وهو مسكر كدة
او جربي تديله عصير جزر بالبرتقال هايحبه
وماتغصبيش عليه اوي ممكن يكون بيسنن ومقريف الله يكون في عونه

bonbona we bas;13235543:
نوووووووووووووور سالتك سؤال يا جميل ومش رديتي مستنيه الاجابه؟
عايزه طريقه الكراميل بتاع الكيكه اللي انتي قولتيه بالتفصيل المملل
معلش عشان مش فهتمه قوي ؟.

معلش حبيبتي ماخدتش بالي سوري :o
هقولك بالتفصيل يارب اعرف يعني
هتستعملي كباية الشاي مقدار ليكي ماشي كده وهو كالتالي: :D
كباية سكر + كبايتين لبن على مية + رشة فانيليا + معلقة شاي قشطة او زبدة+ معلقتين شاي مسح نشا
هتدوبي النشا في اللبن ومعاه الفانيليا ومعلقة الزبدة او القشطة بتاعة وش اللبن وحطيه في حلة صغيرة على النار وافضلي قلبي واستمري في التقليب لحد ما يغلي واطفي عليه هيبقى عامل زي الكريمة اللباني كده فيها غليطة شووية مش جامدة ماشي

هاتي بقى طاسة حطي فيها كباية السكر بدون اي اضافات وخلي النار هادية قووي وسيبي السكر يسح على نفسه بس كل شوية لما يسيح من الجناب دخليه بالمعلقة على جوه عشان ميتحرقيش السكر من برة ويبقى لسه جامد من جوه بس متقلبيش كل شوية برضه عشان ميبردش بسرعة ويرجع يسكر تاني
بس لما كله يسييييح نزلي عليه الخليط اللي عملتيه (الكريمة اللباني الخدعة ههههههههه)
هتلاقيه بيفور وانتي بتصبي اصلا ابعدي عن النار
وخلي النار هاااادية وتقلبي بهدوء عشان السكر هتلاقيه جمد فجأة تاني تفضلي وراه لحد ما يفك هياخد منك وقت معلش بس النتيجة جميلة قووي
لو لقيتيه صايص ومش كراميل كده ماسك نفسه في ربع كباية مية دوبي معلقة نشا قد معلقة الشاي برضه وصبيها عليه المهم يبقى كراميل او زي صوص الشيكولاتة كده تعرفي السمك ده صح؟؟
بس يا ستي يارب اكون وفقت في الشرح ;)

رشرووش;13236579:
نوووووووووور
انا بعمل بالمعاير اللى هو شبه الكوبات ده اللى بيقه مكتوب ربع كوب وتلت كوب
عارفه الى بيبقه شويه كوبايات متعلقين فى حلقه كده
هههههههههههههههههههههههههه
اكيد زودتى مايه او زيت
وهى فعلا بتغيب شويه فى الفرن
انتى كنتى جيباه شوكولاه ولا ابيض

منا اشتغلت بالمج طلعت الليلة مية هههههههههههههههههه بس طعمها جميييل هي الكيكة دي ناجحة قوي في التورتة مش انها تتاكل كده تسلية

sosiii-cat;13237578:
كيكة التمر طلعت حكااااااااااااااااااااااية :03::03::03: بجد جزاها الله كل خير هند صاحبة الوصفة ونور طبعا اللي عرفتنا عليها :adore:


جزاكي الله خير يا نور كلك زوق والله

ربنا يخليكي يا حبيبتي كله من ذوووووقك يا قمر
هي فعلا هايلة كنت باغري بابا اعملها بكرة هههههههههههههههه اصلي لقيتها ابتدت تخني وانا بدور على اللي يتخني بشمعة :lol:

أم يـاسـيـن العسل;13238277:

بس بالله عليكم تدعوله عشان تعبان ومأكلش انهارده تماما

بجد مش عارفه اعمله ايه :thumbs_down:

الف سلامة عليه يا حبيبتي معلش ربنا يشفيه ويعافيه
وزي ما سوسي قالت ممكن يكون بيسنن فعلا
يا عيني التسنين ده متعععععب :(

حد يجيب طريقه كيكه التمر دي عندي تمر كتيررررررررر

بيرق أمل;13210519:
معلش يا جميل ماخدتش بالي اسفة

اهي يا حبيبتي الطريقة هي كيكة التمر بصوص الكراميل
http://forums.3roos.com/showpost.php?p=10002660&postcount=4

بس هي مش كاتبة طريقة صوص الكراميل لو عايزاها انا عملتها كده

والكراميل حطيت كباية سكر عادي لحد ما اتكرمل كنت معايرة بنفس الكباية كبايتين لبن ومعلقة نشا وحتة زبدة صغنونة وطبختها على النار بقى شبه الكريمة اللباني او الصوص كده، انا باستعمل لبن بودرة للحلويات
ولما السكر اتكرمل نزلت عليه الكريمة اللباني الاختراع ده هههههههههههههههه طلعت رهيبة والله وخفيفة مش تقيلة كمان خالص

كمان انا مكانش عندي عجوة ولا تمر عندي بلح ناشف
فصصت قد كباية وحطيت كباية مية مغلية عليه وغطيته ساعة عبال ما خلصت اللي ورايا
بعدين ضربته في الخلاط بس الخلاط باظ فقطعته حلقات صغيرة كان روووووووعة وفيه قرمشة جميلة في الكيك

اهي يا ندي دي مشاركة نور

بسبس
فيه حاجة كمان ممكن تعمليها لياسين
بعد ماتسلقي البطاطس وتقشريها ماتهرسيهاش ابشريها بالمبشرة وفرفريها كدة كويس وبعدين حطي معلقة سمنة في طاسة وافرشي البطاطس في الطاسة وحمريها عي الناحيتين تاخد وش دهبي كدة ورشة ملح علي الناحيتين هاتبقي شبه البيض الاومليت انا عملتها افطر بيها النهاردة واكلت نورين عجبتها مع انها مابتاكلش البطاطس المسلوقة خالص دلوقتي

كيكه التمر طلعت رفيعه ومكتومه ايه السبب يا جدعااااااااااااااااان ومش حطيتها في صينيه كبيره ولا حاجه

اسمعوووووووووووووووووونى

عندى كيس خضار مشكل وعندى كيس لحمه مفرومه وعندى نص فرخه صحيحه و عندى صدور فراخ كامله

قولولى اعمل غدا ايييييييييييييييييييه

sosiii-cat;13240721:
بسبس
فيه حاجة كمان ممكن تعمليها لياسين
بعد ماتسلقي البطاطس وتقشريها ماتهرسيهاش ابشريها بالمبشرة وفرفريها كدة كويس وبعدين حطي معلقة سمنة في طاسة وافرشي البطاطس في الطاسة وحمريها عي الناحيتين تاخد وش دهبي كدة ورشة ملح علي الناحيتين هاتبقي شبه البيض الاومليت انا عملتها افطر بيها النهاردة واكلت نورين عجبتها مع انها مابتاكلش البطاطس المسلوقة خالص دلوقتي

طيب حلوه دى ممكن اعملهاله بكره ان شاء الله

انا هجرب معاه كمان شويه معلقة سيريلاك يكون جاع بس واشوفه هيتقبله ولا ايه النظام

نور ربنا يخليكى يا حبيبتى

انا مش عارفه ماله بجد حتى الرضاعه كمان :'(

اعملى صدور الفراخ مشويه فى طاسه تيفال
واعملى الخضار سوتيه
واعملى رز والحمدلله

ازاى خضار سوتيه؟؟

خطيه فى مصفى وحطيه تحت حله مايه سخنه زى حمام البخار اللى بنسيح عليه الشوكولاه
وسيبه المايه تغلى والخضار يستوى بالبخار بس حطى فى المايه ملح ولما يستوى رشى عليه ملح او رشى وهو فى المصفى بس تبقى غطى المصفى بغطا خله علشان البخار يساويه كويس

رشرووش;13241580:
خطيه فى مصفى وحطيه تحت حله مايه سخنه زى حمام البخار اللى بنسيح عليه الشوكولاه
وسيبه المايه تغلى والخضار يستوى بالبخار بس حطى فى المايه ملح ولما يستوى رشى عليه ملح او رشى وهو فى المصفى بس تبقى غطى المصفى بغطا خله علشان البخار يساويه كويس

:sick: دا اكل عيانين دا

طيب منشوحهوش فى حتة سمنه بلدى ونرش عليه شوية بهارات كدا حلوين مع حتة لحمه مفرومه تتحط معاه كدا

ونفرملهم فصين توم حلوين كدا ونشوحهم فى حتة سمنه ونطشها على الخضار

والف هنا

تصدقى جوعت :lol:

بنات ازيكم عملت النهرده المندي بتاع سوسي جمييييييييييييييييييل وتحفه بجد وجربوه

وبلعند فيكي يا رشروش مرمتش الفرخه:D

ههههههههههههههههههه
وانا
انا حتغدى كبسه دياي
ههههههههههههههههه

اعملي كيس الخضار متسبك عادي طبيخ يعني وكفته ورز بشعريه