sosiii-cat;13228040:
نووووووووووووووووووووووور
معلش انا عارفة اني غلسة علشان انتي كتبتيها كتير بس كل مرة انسي اخدها كوبي معلش اخر مرة اكتبيهالي بس احسن عايزة اعملها بكرة ان شاء الله ولو اتظبطت معايا هاخد منها لناس رايحين لهم بالليل
لا يا حبيبتي متقوليش كده انا اللي اسفة معرفتش اعملك الاقتباس امبارح
النت كان وحش قووووووي عندي مش عارفة اعمل ولا مشاركة :mad:
shimaaafifi;13229904:
ده اقتباس لنوووووور ياسوسى بعد اذنها طبعا
تسلمي يا قمر :adore:F:
miobello;13230276:
هو ينفع نضرب مقادير الكيكه فى الخلاط وخطوه تقليب الدقيق دى نقلب بالمعلقه ولا ممكن بالعجان على اقل سرعه معلش زهقتكم بس انا متعقده من الكيكه دى كله معايا حلو الا هى
ايوا يا جميل انا باعمل كده وتقريبا كل الشيفات بتوع الحلويات بيعملو كده لو بتتفرجي على اسامة او الشربيني او منال العالم
رشرووش;13230865:
صباح الخير ياقمرات
يا صباااااااااااااح النور يا قمرة
تعالي يا قمر كده جمبي عايزاكي في كلمتين هههههههههههههه
امبارح عملت كيكة البيتي كروكر طلع هشة قووووووووووووووووووووووي بشكل زي القطن لدرجة مش عارفة اقطعها وبقت تتفرفت مني هههههههههههههههه
انتي بتستعملي انهي كباية في مقدار الزيت والمية؟ انا استعملت الماج
واخدت في الفرن سوا حوالي ساعة و10 دقايق :-o دي ولا الفرخة
عايزة اعرف بعد اذنك انتي بتستعملي انهي كباية بقى
فجر1975;13231725:
معلومات منزليه ولا احلى من كده
معلومات روووووووووووووووووووووووووووووعة والله كتير من اللي قريته هاهتاجه
تسلمي يا جميل
sosiii-cat;13232282:
وكمان ورق العنب بتاع حمات اخوكي بعد اذنك يا قمر
بعد اذن بسبس انا واخدة مشاركة محشي ورق العنب كوبي عندي محتفظة بيه ;)
الورق العنب اهو
الاول هى جابت بصله قطعتها عادى وبتخليها لونها بمبى كدا تقومى نازله عليها بحتة لحمه مفرومه بس مش حمرا اوى لازم يبقى فيها حتة دهن قالتلى كدا
وبعدين اللحمه بتقولى بحط حبه قد كف ايدك كدا
وتقلبى يادوب تغير لونها راحت حاطه ملح وفلفل اسود وبهارات ونازله عليها بالرز (متستغربوش)
قالتلى اشوح الرز تشوحتين كدا واقفل
اكون عامله صلصه لوحدها متسبكه وعليها ملح وفلفل عادى وبعدين احط الصلصه مع الخضره على الرز ونقلب كويس اوى
وبعدين تولعى فحمه حلوه كدا وتقومى عامله حفره جوا الرز وتحطى فى الوسط حتة سمنه بلدى
من غير فويل ولا فنجان لااا فى الرز مباشرة
وتقومى حاطه الفحمه فى الحفره وتقفلى غطا الحله لمدة نص ساعه
قالتلى بعد كدا تفتحى تقلبى الرز كله عشان الطعم يتوزع
وبعدين بحطه فى التلاجه ربع ساعه
ليه بقى؟؟ قالتلى عشان السمنه تمسك فى الرز فا لما اجى الف الرز بيبقى سهل مش محتاج بقى انى ازم ورق العنب عشان يمسك نفسه
لا هو هيمسك نفسه عشان الرز كويس
بقولها بتسقيه ايه ؟؟؟
قالتلى مايه وماجى او شوربه يعنى مع معلقة صلصه وعصرة نص لمونه واسقيه بيه
قولتلها كمية المايه قد ايه ؟
قالتلى بحط الشوربه بحيث انها متوصلش لاول صف ورق عنب عشان ميفكش
;)