manyaa;13136349:
اعمله صينية ازاي ايه الطريقة؟؟و ايه طريقة الرولات بالجزر دي؟؟
جزاك الله خيرا يا جميلة
شكلها حترسي على صيادية..جزاك الله خيرا يا سمسمة
هقولهالك ان شاء الله يا جميل
كيلو سمك فليه + ربع كباية عصير لمون + 2 طماطم كبيرة + نص حزمة بقدونس+ نص حزمة كرفس+ 2 عود بصل اخضر انا مكانش عندي استعملت بصلاية وسط عادية + قرن فلفل اخضر حراق + 6 فصوص ثوم + ملح + فلفل اسمر + كمون + شطة + زيت + لمون شرائح + (فلفل رومي اخضر + جزر) الخضار ده صوابع بالطول رفيعة شوية
هاتي شرائح الفليه افرديها ورشي عليها بسيط قوي فلفل اسمر وبسيط جدااا ملح وسيبيه على جمب
هاتي شريحة الفليه وهتعمليه زي المحشي كده تحطي على الطرف صوبعين جزر وبرضه فلفل رومي والوان ولفيه ورصيه في صينية مدهون بسيطة بحيث الفتحة تكون من تحت واضغطي عليها خفيف
جهزي بقى الصوص الخلطة دي باقي المكونات كلها اضربيها في الخلاط لو الخلاط مش بيساعدك زي الخلاط اللي عندي معوق :lol: باعمل ايه
اهرس الثوم مع الملح والفلفل والكمون والشطة واخلطهم باللمون والزيت وابشر الطماطم وابشر البصل وارجع اضربهم في الخلاط بقى مع بعضه وتضبطي بقى الملح
تصبي كل ده على السمك بالتساوي لو لقيتي كمية الصوص كتيرة على السمك متحطيهاش كلها وشيليه في الفريز لوقت تاني انا لقيت الكمية كتير عليه يعني عايزله كيلو ونص سمك او 2 كيلو كمان، ورصي على الوش لمون حلقات
غطي الصينية بالفويل وسويه ولما يستوي شيلي الفويل واديله وش تحمير وجمبه رز احمر بالطماطم او ابيض هيبقى جميل والف هنا
Boody we zady;13138423:
عاملين ايه يا قمرات أنا روحت امبارح اتغديت أنا و جوزي في راضي باربيكيو بس بجد واااااااااااااااااااااااااااو و مش خساره فيه الفلوس اللي ادفعت أول مرة أكل في مصر و مش أندم علي الفلوس ههههههههههههههههههه
انا ندمت انهرده على 6 جنيه على سندوتش شاورما استغفر الله العظيم يا رب وحش قووووووووووووي هههههههههههههههههههههه مع ان المبلغ صغير بس خسارة اصلا فيه والله
Boody we zady;13138633:
هو فرع من قريه راضي اللي في كفر الدوار و فيه كل حاجة ما عدا الأسماك بس أكل بجد فلاحي و نضيف و ديكور واو و خدمة ممتازة عليهم سلطة جبنة قديمة ملهاش حل ههههههههههههه
انا باعشق سلطة الجبنة القديمة تخيلي ههههههههههههه ومش باعرف اضبطها في البيت زي ما بيعملوها باحس بيحطو فيها زبادي
* كلاسيك *;13140421:
ازيكو يا بنات عاملين ايه
كل سنة وانتو طيبين معلش متأخره بس انا عايشه ف الغيبوبة :D
معملناش كحك السنة دي على امل اتجوز قريب ان شاء الله واعمل
بس عملت دي ف العيد بس حطيتها ف التلاجة يوم وطلع طعمها واااااااااااااو
روعة ماشاء الله بشكل غير طبيعي بجد جربوها
http://forums.3roos.com/showthread.php?t=452679
ام بودي
بالهنا والشفا يا قمر ياريت عندنا زيه ده :D
مفيش منه ف القاهره ؟
وكنت عايزة اسألكم هو كيلو الطماطم بقى بكام؟
بجد مش هزار
وكل سنة وانتي طيبة يا حبيبتي ربنا يسعدك يارب
كيلو الطماطم تالت يوم العيد جبتها بـ 8 جنيه بعدها بيوم جبتها بـ 6 واول امبارح جبتها بـ 5
بجد حراااااااااااااااااام والله العظيم والفاكهة سعرها عبيييييييييط بطريقة متخلفة مفيش عقل بشري يستوعبها الجوافة بـ 6 جنيه ليه يعني ربنا يرحم زمان كنا بنجيبوها بجنيه والكيلو وربع بجنيه ونملو بيها الفريييييييز عشان عصير رمضان فاااااااااكرين :mad: