بيرق أمل;13135585:
أعملي معاه رز صيادية
وممكن بدل السمك الفليه ما تقليه اعمليه صينية بيكون جميل
او رولات الفليه بالجزر والفلفل الرومي عملته مرة طلع روعة وجمبه رز احمر
اعمله صينية ازاي ايه الطريقة؟؟و ايه طريقة الرولات بالجزر دي؟؟
جزاك الله خيرا يا جميلة
على طريق العرس;13135428:
اعملى رز صياديه او رز احمر
شكلها حترسي على صيادية..جزاك الله خيرا يا سمسمة
hoobie;13136262:
يابنات كنت عاوزة اخد رأيكم في حاجه ..بكره ان شاء الله انا وبنات صحابي هنتقابل وعاملين زي ديش بارتي كده بس هنجيب حاجات خفيفه سندويتشات معجنات كده يعني ..دلوقتي انا مش هارفه اعمل ايه الاول قلت هعمل سندوتشات شاورما فراخ بس بصراحه مكسله موت انزل اشتري الصدور ولسه هتبلها وكده ..وبعدين لقيت هنا في عروس بنوته عامله رولات بيتزا بتعمل العجينه عادي وبعدين تفردها مستطيل وتحط الحشوه وتلف العجينه وبعدين تقطعها دواير كده وتسويها في الفرن ..وعجبتني الفكره بس مقلقه اجرب اول مره وتبوظ وكمان الصور بتاعت البيتزا مش باينه فبتخيلها يعني ..فرأيكم اعمل اييييييه
انا كده كده هعمل بسكويت بهارات بتاع دايزي اش مشرفة المطبخ سهل وشكله تحفه بس عاوزة اعمل حاجه تانيه جمبه
حلوة رولات البيتزا دي انا شفتها برده و عجبتني جدا و ان شاءالله حجربها قريب..اعمليها حتكون حلوة ان شاءالله .. و شكلها سهلة احتمال انها تبوظ مش وارد اوي يعني... و ممكن اعملي جزء صغير من العجينة لو لقيتيه مش حلوة كملي بقيت العجينة ميني بينزا عادية...
ممكن تعملي سينابون ... بيبقى جميل برده..
ممكن تعملي كريب باللحمة المفرومة او هو زي الكانالوني... بس بدون باشاميل ... العجينة بعد ما بتعمليها على النار تحشيها لحمة مفرومة و تلفيها رولات كدا و تزينيها بكاتشاب من فوق و جبنة مبشورة و دخليها الفرن الجبنة تسيح و بس...بتبقى حلوة برده ..
ممكن تعملي خلية العسل وللا اسمها خلية النحل .. متهيألي ممكن تتعمل بعجينة البيتزا .. بتعملي العجينة كور و كل كورة تحشيها جبنة و ترصيهم في صينية جنب بعض... و تدخليهم الفرن ..
مممممممم..دي الأفكار اللي عندي حاليا و اللي كنا بنطبقها لما كنت بعمل مع صحابي ديش بارتي..:)