14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

ناني فيبس;12399635:
هههههههههههههه انا فعلا خلاص خللته والكنه منه كمان ههههههههههه شفتي السرعه


بس بردوا تسلم ايدك وجديدة حكايه البيضة دي اول مرة اعرفها


بجد يا بسبس انتي وسالي تسلم ايدكوا انا جمعت بين الطريقتين وعملته خلاص وعجب جوزي جدا جدا لانه طلع زي ما كان عايزة بالظبط الحمد لله

ناني يا قمر بليييز قوللي انتي عملتي ايه بالضبط يعني جمعتي ازاي بين الطريقتين؟ و فين طريقه المكرونة السي فووووود و الصور علي ايميلي

Bossy22;12399750:
هو البيض ده اللى رورو منزلاه حطة عليه زعتر؟؟؟ وللا ملح و فلفل بس و الرز بالبيض ده بيبقى حلو؟؟؟ مبيزفرش البيض اللى فيه؟؟ عايزة اجربه هو بيتاكل معاه ايه و بيتعمل ازاى شكله داخل دماغى اصلى بثق فى زوق بسبس فى الاكل:thumbs_up::thumbs_up:
عايزين اكلات خفيفة كده نواشف فى الحر ده بيقولو درجة الحرارة بكرة 47:worn_out::worn_out:

بصي يا جميل أنا باكل بيض مع كشري أصفر أو مع مكرونة جميل قوي بس رز مش عارفه ايه نظامه بسبس تقولك و بكرة اعملي جبنة قريش بالطماطم و الخيار و البقدونس و هاتي بطيخة:lol::cool:

أنا عملت النهارده رز بالشعريه و خضار سوتيه و ستيك

Bossy22;12399750:
هو البيض ده اللى رورو منزلاه حطة عليه زعتر؟؟؟ وللا ملح و فلفل بس و الرز بالبيض ده بيبقى حلو؟؟؟ مبيزفرش البيض اللى فيه؟؟ عايزة اجربه هو بيتاكل معاه ايه و بيتعمل ازاى شكله داخل دماغى اصلى بثق فى زوق بسبس فى الاكل:thumbs_up::thumbs_up:
عايزين اكلات خفيفة كده نواشف فى الحر ده بيقولو درجة الحرارة بكرة 47:worn_out::worn_out:

لا البيض اسمه بيض مزعتر لكن هو بيتحط عليه ملح وفلفل اسود بس وهو غدايا انهارده كسلت اعمل الرز

بصى الرز بالبيض والله روعه

وخخفيف ماما علطول تعملهولنا فى الصيف وخصوصا فى المصيف

بصى هتجيبى بصله تقطعيها مكعبات رفيوعه صغنونه كدا وتحطى زيت وتحمريها خالص زى رز الصياديه كدا وتقومى حاطه الرز والمايه عادى

ولما الرز يشرب المايه وقبل ما تغطيه وتحطى الشياطه تحته هتقومى عامله فى الرز حفره وجوا الحفره افقعى بيضه :D

وعلى البيضه من فوق شوية ملح صغننين وفلفل اسود وسيبيهم يستووا عااااااااااااددى ولما تيجى تغرفى بقى بالكبشه ولا مش عارف بتسموها ايه تاخدى من جمب اليضه بشويه كدا وتنزلى لتحت للاخر وتلقفى البيضه بالرز اللى حواليها عشان بتلاقى البيضه متوغله لتحت


والف هنا وشفاااااااااااا

Boody we zady;12400086:

أنا عملت النهارده رز بالشعريه و خضار سوتيه و ستيك

نفس غدانا

قوليلى بتعملى الكشرى الاصفر بالبيض ازاى؟؟

لؤلؤة حياتى;12400183:
نفس غدانا

قوليلى بتعملى الكشرى الاصفر بالبيض ازاى؟؟

كشري أصفر قصدك بيكون البيض معاه ازاي و الا الكشري نفسه؟ أنا لما يستوي الكشري و قرب يطفي عليه بعمل حفره و أكسر البيضه يا قمر و ارش ملح و فلفل و أغطي الحله و أسيبها تسنوي مع نفسها

دي ملوخيه عملتها من يومين

انا عملت النهارده فته الشاورما كانت روعه ماعدا العيش جوزى قالى انتى بتاكلى بط ههههههههههوانا اللى اكلته اعااااااااااا وكان جميل بس عنده حق لازم يتسقى بشوربه بيقولى كده ولا ايه

ماعلينا اكله خفيفه وكويسه االله يجبر خاطرها بسبس برده هيااللى اوحتنى هههههههه يلا يابسبس بكره ايه ههههه
ام بودى الملوخيه جميله هاتيلى طبق شكلى هعملها بكره وابو جنى مش راضى اعاااااااااااااا بيقول ام بودى على راسى بس بنتى تاخد واحد من جمب عينى ههههههههههههه المنصوره يعنى ههههههههه

Boody we zady;12400086:
ناني يا قمر بليييز قوللي انتي عملتي ايه بالضبط يعني جمعتي ازاي بين الطريقتين؟ و فين طريقه المكرونة السي فووووود و الصور علي ايميلي




بصي يا جميل أنا باكل بيض مع كشري أصفر أو مع مكرونة جميل قوي بس رز مش عارفه ايه نظامه بسبس تقولك و بكرة اعملي جبنة قريش بالطماطم و الخيار و البقدونس و هاتي بطيخة:lol::cool:

أنا عملت النهارده رز بالشعريه و خضار سوتيه و ستيك

انا بعتلك الطريقة بالصور على ايميلك اللى بعتهولي

وجمعت بين الطريقتين ان مثلا سالي حطيت كمون وفلفلو وبسبس لا بس انا حطيت وبسبس قالت ميه بتغلي وسالي لاء

فانا عملت توم وكمون وفلفل وملح وخل وميه بتغلي وقطعت الخيار ترنشات كبيرة شويه وحطيته في الميه ومعاه قرون فلفل اخضر وفعلا بعد ساعتين وكلناه وكان جميل اوي


اتغدينا النهاردة ملوخيه بالجمبري ورز بالشعريه وبانيه والخيار المخلل هههههههههه

ناني فيبس;12400831:
انا بعتلك الطريقة بالصور على ايميلك اللى بعتهولي

وجمعت بين الطريقتين ان مثلا سالي حطيت كمون وفلفلو وبسبس لا بس انا حطيت وبسبس قالت ميه بتغلي وسالي لاء

فانا عملت توم وكمون وفلفل وملح وخل وميه بتغلي وقطعت الخيار ترنشات كبيرة شويه وحطيته في الميه ومعاه قرون فلفل اخضر وفعلا بعد ساعتين وكلناه وكان جميل اوي


اتغدينا النهاردة ملوخيه بالجمبري ورز بالشعريه وبانيه والخيار المخلل هههههههههه

تسلم ايدكي يا قمر يا ريت تبعتيلي المقادير بتاعه الوصفه أنا رديت عليكي في الأيميل

رورو حبيبة جوجو;12400458:
انا عملت النهارده فته الشاورما كانت روعه ماعدا العيش جوزى قالى انتى بتاكلى بط ههههههههههوانا اللى اكلته اعااااااااااا وكان جميل بس عنده حق لازم يتسقى بشوربه بيقولى كده ولا ايه

ماعلينا اكله خفيفه وكويسه االله يجبر خاطرها بسبس برده هيااللى اوحتنى هههههههه يلا يابسبس بكره ايه ههههه
ام بودى الملوخيه جميله هاتيلى طبق شكلى هعملها بكره وابو جنى مش راضى اعاااااااااااااا بيقول ام بودى على راسى بس بنتى تاخد واحد من جمب عينى ههههههههههههه المنصوره يعنى ههههههههه

عايزه لحمه ولا فراخ ههههههههههههه

بصى هو ممكن تعمليها من غير عيش خالص وتريحى دماااغك :thumbs_up:

Boody we zady;12400436:
كشري أصفر قصدك بيكون البيض معاه ازاي و الا الكشري نفسه؟ أنا لما يستوي الكشري و قرب يطفي عليه بعمل حفره و أكسر البيضه يا قمر و ارش ملح و فلفل و أغطي الحله و أسيبها تسنوي مع نفسها

ماشى يا قمر تسلمىF:

بصوا ياقمرات احنا عندنا هنا فى بيت ماما عزومه كبيره على العشا حوالى 30 فرد عايزه افكار حلوه للعشا انا هجيب تورت جاهزه قلولى اقتراحات للحلو والحادق
وعايزه طريقه حلوه للفاهيتا وشاورما فراخ

بنات لو سمحتوا كان فى موضوع بنات هنا عاملينه لاكلات الدايت انا مش عارفة هو راح فين لو حد عنده يبعتلى اللينك بتاعه
ولو حد عنده افكار لاكلات تنفع فى الدايت ياريت يقولى عليها


والاقى فين الشيكولاتة الخام فى كارفور وهايبر.؟ فى انهى ركن عشان مش عارفة !!!
وكمان قولولى على نوع كويس من عجيبنة الباف باسترى

*pippo*;12403021:
بنات لو سمحتوا كان فى موضوع بنات هنا عاملينه لاكلات الدايت انا مش عارفة هو راح فين لو حد عنده يبعتلى اللينك بتاعه
ولو حد عنده افكار لاكلات تنفع فى الدايت ياريت يقولى عليها


والاقى فين الشيكولاتة الخام فى كارفور وهايبر.؟ فى انهى ركن عشان مش عارفة !!!
وكمان قولولى على نوع كويس من عجيبنة الباف باسترى

http://forums.3roos.com/showthread.php?t=515334

دة موضوع الاكلات الدايت

والشيكولاتة الخام حتلاقيها فى كارفور فى قسم اللى فيه الجيلى والخميرة والدقيق والسكر والحاجات دى

بعد اخر كاشير بشوية كدة


احسن عجينة باف بسترى السنبلة وتقريبا العبوة ب 10
والكرامة برضه حلوة وشغالة وفى حدود 5 او 6

مش عارفة من غيرى حتعملى ايه:lol::lol:

Jumanaa;12402948:
بصوا ياقمرات احنا عندنا هنا فى بيت ماما عزومه كبيره على العشا حوالى 30 فرد عايزه افكار حلوه للعشا انا هجيب تورت جاهزه قلولى اقتراحات للحلو والحادق
وعايزه طريقه حلوه للفاهيتا وشاورما فراخ

أهلا يا فمر طب 30 نفر دول ايه نظامهم يعني فيهم أطفال؟؟؟؟؟؟؟؟؟؟ جايين من سفر و الا معاكم في نفس البلد؟؟؟؟؟؟؟؟

أظن مدام حتجيبي تورتين من بره يبقي كفايه حلو كده

و كمان عزومة سي فووووووود حتكون حاجة حلوة و شيك كمان

يااااه ربنا يخليكى يا ندى مش عارفة فعلا من غيرك كنت هعمل ايه :)

Boody we zady;12397030:
ايه ده هو أنا مش قلتلكم :o يا كثوفي يا كثوفي الا نودي و سوسي مخدتش بالي و الله موجوده في مترو يا قمرات و ألفا ماركت كمان لو قريبه منكم

شكرا يا ام بودي هاشوفها في مترو ان شاء الله الاقيها

يارب سهل;12397388:
معلشى بس انا عندى كام سؤال كدا،انا اصلى بلحق قبل ما اروح بيتى ان شاء الله وانعزل عن العالم كله عشان معنديش نت ولا تليفون ولا جيران حتى:D

دلوقتى احنا فى البيت هنا مبنعرفش نعمل جمبرى حلو،جبناه من اسبوع كدا جمبرى مش مقشر ونضفته وغسلته عادى وحطيته مع فلفل وطماطم وبصل وبههرات وملح وفلفل وكموووون طبعا ف ورق فويل ودخلتهم الفرن
اولا جلد شوية وانا استنتجت ان الفرن كان عالى او الورقة قعدت كتيير فى الفرن
ثانيا طعمه عادى محستش بلذة يعنى يعنى عادى بعكس الجمبرى المقشر لما بعمله بانيه بيطلع له طعم كدا

وكمان الخضااااااااااار الطبيخ:(جارتنا بتطبخ الطبيخ بيكون ليه ريحة حلوة أووووى:oقاعدين نشم
احنا بئا الطبيخ مبيككنش ليه طعم ولاريحة مش عارفة اشمعنى:'(

بالنسبة للجمبري اسلقيه احسن حطيه في حلة بقشره ومعاه بصلاية مقطعة وفلفلاية وطماطماية وخمس فصوص كدة ثوم وبعدين حطي ملح وفلفل وكمون وشطة ولمونة قطعيها نصين وحطيها بحالها جوة الحلة وحطي معاهم نص كوباية مية وسيبيه مع نفسه بقي علي نار هادية مش هايقعد كتير هايستوي في ربع او تلت ساعة وكمان شوربته بتبقي خطيررررة

وبالنسبة للطبيخ بقي انا الحقيقة مش بستطعم اي طبيخ الا لما يكون عليه مكعب مرقة دجاج بتخلي الطعم مختلف تماما

Bossy22;12399750:
هو البيض ده اللى رورو منزلاه حطة عليه زعتر؟؟؟ وللا ملح و فلفل بس و الرز بالبيض ده بيبقى حلو؟؟؟ مبيزفرش البيض اللى فيه؟؟ عايزة اجربه هو بيتاكل معاه ايه و بيتعمل ازاى شكله داخل دماغى اصلى بثق فى زوق بسبس فى الاكل:thumbs_up::thumbs_up:
عايزين اكلات خفيفة كده نواشف فى الحر ده بيقولو درجة الحرارة بكرة 47:worn_out::worn_out:

50 تحت الشمس :sick:
احسن حاجة جبنة وبطيخ :thumbs_up:

Boody we zady;12400436:
كشري أصفر قصدك بيكون البيض معاه ازاي و الا الكشري نفسه؟ أنا لما يستوي الكشري و قرب يطفي عليه بعمل حفره و أكسر البيضه يا قمر و ارش ملح و فلفل و أغطي الحله و أسيبها تسنوي مع نفسها

دي ملوخيه عملتها من يومين

تسلم ايدك يا حبيبتي :thumbs_up:

ياريت تنوروني هنا :adore:




النهاردة كان عندي عزومة

عايزه طريقه مكرونه لازانيا ومكرونه بالصوص الابيض ومكرونه باللحمه المفرومه بليييييييييز بسرعه علشان عايزه اعمل اى حاجه منهم النهارده

http://forums.3roos.com/showthread.php?t=428210&highlight=%E3%DF%D1%E6%E4%E5+%C8%E6%E1%ED%E4%ED%D2
انا دورتلك يادودو ولقيت دى شفيها كده
بالنسبه للى هيا باللحمه المفرومه مش لاقيه بس انتى بتسلقى المكرونه عادى وتعملى اللحمه الفرومه ف صلصه متسبكه وبهاراتك وكده وفلفل حراق ممكن وتحطيها ع المكرونه وتاكلى
يارب اكون افدنك

Jumanaa;12402948:
بصوا ياقمرات احنا عندنا هنا فى بيت ماما عزومه كبيره على العشا حوالى 30 فرد عايزه افكار حلوه للعشا انا هجيب تورت جاهزه قلولى اقتراحات للحلو والحادق
وعايزه طريقه حلوه للفاهيتا وشاورما فراخ

بصى الفاهيتا زى كووك دوور بالظبط وعلى ضمانتى

هتعمليها فراخ او لحمه بنفس الطريقه

تجيبى البانيه او البوفتيك اوك

تتبليه ببصله مبشوره وملح وفلفل اسود وبهارات وطماطمايه مبشوره

وسيبيها ساعتين تلاته اوك

وبعدين تجيبى طاسه تيفال تحطى فيها شوية زيت وتشوحى الفراخ او اللحمه فيها كدا اوك وتشيليهم وتقطعيهم رفيع وبعدين تكونى مقطعه بصا جوليان وفلفل اخضر جوليان تروحى حطاه فى الطاسه دى مع شوية زيت وتقلبتين كدا يدبلو شويه تقومى حاطه نص كوباية مايه اوك وترجعى بقى اللحمه تانى و تحطى صويا صوص معاهم وتسيبيهم يستووا

وبعدين لو اتبقى صوص اوك متبقاش تقومى جايبه مايه مع نشا وتدوبيهم وتحطيهم عليهم ياخدو غلوتين واقفلى النار

وكلى وادعيلى

doaaes;12409262:
عايزه طريقه مكرونه لازانيا ومكرونه بالصوص الابيض ومكرونه باللحمه المفرومه بليييييييييز بسرعه علشان عايزه اعمل اى حاجه منهم النهارده

اللازانيا زى المكرونه بالبشاميل بس من غير بيض

المكرونه باللحمه المفرومه هتعصجى اللجمه وتسبكى الطماطم وفى الاخر تحطيهم مع بعض يااخدوا غلوه وتحطيهم على المكرونه وبس