الرئيسية ركن الشات والمواضيع الترفيهية والألعاب شات عروس 14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

14 مرة نقول يا تري بتعملي الأكله دي ازاي؟ ( مبدعات مصر القمرات )..شهر رجــب

Boody we zady 22-05-2010 1,665 رد 152,711 مشاهدة
أ
أم مازن*
عروس رائعة
19-06-2010 | 06:05 PM
banota_helwa;12380841:
السلاااااااااااااااااااااااااااااااااااااام عليكم
وحشتووووووووووووووووووووووووووووووونى اوى اوى بجد
كلكم وحشتوووووووووووووووووونى جداااااااااااااااا ووحشنى المطبخ بتاعنا هنا هههههههههههههههههههههه
بجد بجد انا بحبكم اوى اوى ومتشكرة جدا لكل اخواتى اللى سالوا عنى راويه وندى ومنونه ونور التقوى ونور وعليا وكلكم كلكم بجد
وبمناسبه انى رجعت ليكم تانى انا عملت تورته كده على قدى يارب تعجبكم رغم انها بجد كانت تحفففففففففففففففففه الحمد لله وكمان التورته دى اهداء منى لحبيبه قلبى باربى ربنا يخليها ليا يااااااااااااااارب

ايه الجمال ده ماشاء الله يابنوته
تتسلم ايديك ياقمر وحمد الله عالسلامه ياجمييييييييييل
أ
أم مازن*
عروس رائعة
19-06-2010 | 06:07 PM
Boody we zady;12381763:
بنوووووووووته حلوة و تورته حلوة حمد لله علي السلامة يا سارة بجد وحشتينا جدا جدا

سوسي بصضي يا جميل اعمليه و شيليه و هو دافي كده أو مش بارد قوي في الفريزر و لما تكوني عايزاه يا قمر سخنيه و حطيله الصوص حيكون زي الفريش ان شاء الله

ميرسي علي ردك في موضوع الوبينج كريم

عملت النهارده قطايف بكريمه الفستق ايه رأيكم؟





رورو جوزك بيحب يأكل ايه و مش بيحب ايه؟

ام بودى القطايف ماشاء الله تحفففففففففففففففففففه تسلم ايديك ياقمر
أ
أم مازن*
عروس رائعة
19-06-2010 | 06:08 PM
أم يـاسـيـن العسل;12384617:
بسبس بنفسها تحضر لحضرتك تقولك الطريقه يا سلام انت تؤمر يا قمر

بصى يا ستى هتعصجى لحمه مفرومه عاااااادى ولما تتعصج تحطى عليها معلقتين صلصه (حسب الكميه يعنى وانتى سيد من يقدر)

وبعدين تكونى محمره شعيريه كدا وتروحى طشاها على اللحمه وتحطيلها مايتها ومكعب ماجى لو تحبى وملح وفلفل اسود وسيبيها تستوى ولو تحبى تدخليها الفرن بعد كدا تاخد وش يبقى تماااااااااااااام

ازيك يابسبس ياقمر

شكله جاااااامد هجرب اكيييييييييييييييد واقوللك
بوسيلى ياسو


حمدلله على سلامتك يا حبيبتى والله كل اما اشوف فطيره بيتزا افتكرك



هشوفلك كدا واقولك




ههههههههههههههههههههه
حلوه اوى بلاش من ده دى ههههههههههههههههههه

انا جوزى لو فى ملح زياده او ناقص يسيب الاكل ويقوم









أ
أم ياسين العسل
مشرفة سابقة
19-06-2010 | 06:18 PM
بقلكم ايه عاجل وسريع

جوزى بيكلمنى وقالى انه جاى بدرى وعايز غداااااا بس لسه على 11 بليل يعنى

فا قولولى اعمل اييييييييييه؟؟
N
N0rma
عروس ماسية
19-06-2010 | 06:34 PM
ايه داااااااااااااااااا
تصدقو اول مرا ادخل هنا
دانتو دايسين هنا جامد

ماشاء الله ان شاء الله هابقى ادخل اتفرج عليكم
أ
أم ياسين العسل
مشرفة سابقة
19-06-2010 | 06:36 PM
N0rma;12389073:
ايه داااااااااااااااااا
تصدقو اول مرا ادخل هنا
دانتو دايسين هنا جامد

ماشاء الله ان شاء الله هابقى ادخل اتفرج عليكم



هههههههههههه داخله تقولى كدا فى الجزء ال 14 ههههههههههه

داحنا بقالنا سنه سوا

صح يا بودى :lol:
t
the happy flower
عروس متألقة
19-06-2010 | 06:58 PM
انتي عندك ايه الاول فراخ ولالحمه
t
the happy flower
عروس متألقة
19-06-2010 | 07:05 PM
بصي ماما بتعملنا البفتيك ازاي تجيب بصله كبيره ومعاها 5 فصوص توم تروح ضربه البصل مع التوم وتروح جايبه حله وتحطه معلقه زيت اوسمن اللي موجود عندك وتروحي رصه طبقه من البفتيك وحطه فوقه البصل والتوم المضروبين مع فلفل اسود وملح وبعد كده طبقه بفتيك وبرده بصل مع التوم لما تخلصي اللحمه يعني تعملي اللحمه طبقات مع البصل والتوم وتهدي النار وتسويهاةعلي نار هاديه اتمني اكون بعرف اشرح وتكوني فهمتي مني وتمعلي معاها مكرونه او رز وسلطه خضراء ولوتحبوا تاكلوا اللحمه مع عيش انتي وراحتك
أ
أم ياسين العسل
مشرفة سابقة
19-06-2010 | 07:11 PM
تسلميلى يا قمر

انا عندى لحمه وفراخ وسمان
t
the happy flower
عروس متألقة
19-06-2010 | 07:14 PM
خلاص ممكن تجربي طريقه عمل البفتيك دي يارب تعجبك علشان متتدعيش عليا
t
the happy flower
عروس متألقة
19-06-2010 | 07:15 PM
ممكن يا ام بودي طريقه عجينه القطايف
أ
أم ياسين العسل
مشرفة سابقة
19-06-2010 | 07:24 PM
am marium;12389376:
خلاص ممكن تجربي طريقه عمل البفتيك دي يارب تعجبك علشان متتدعيش عليا



ياروحى تسلميلى

ادعىى عليكى ايه بس :|


عجينة القطايف مايه ودقيق وبيكنج بودر وتبقى فى سمك عجينة الكريب كدا


تجيبى طاسه تيفال ومن غير زيت او سمنه وتحطيها وتسيبيها على النار لغاية لما تلاقيها عملت فقاقيق كدا تسيبيها لغاية لما تستوى وتحطيها بعيد عن بعض عشان ماتلزقش
s
sosiii-cat
عروس ذهبية
19-06-2010 | 07:47 PM
Boody we zady;12386706:
يا بنااااااااااااااااااااويت أنا قلتكم قبل كده مش تيجيبوا خميره فوريه باكو دي صغيره مش بحبها أنا بجيب القالب 450 جرام تركي عندي بقاله سنة و الله و شغال الله ينور و شوفوا صور مواضيعي في الموقع و شوفوا العجينه بعد ما تخمر و قبل ما تخمر و سعره مش غالي 9 جنيه و نص تأخدي منه و سيبيه في التلاجة مش بيحصله أي حاجة خالص .. ماما الله يرحمها عمرها كله بتستخدمه و كانت بتطلع أحلي مخبوزات بشهاده الكل

كريمه الفستق دي يا بنات أكياس جبتها من مترو الكيس ب 1 جنيه و بريزة بس جميله قوي و طعمها جميل في منها بالموز و الفراوله و الفانيليا




طيب يا ام بودي اجيبها منين بالظبط يعني الاقيها في كارفور او مترو وكدة ولا فين ؟؟

banota_helwa;12388097:
بسبوسه ورورو ربنا يخليكم يااااااااااارب
سؤال بقى هههههههههه فيه ناس بتحط طبق على المحشى وهو بيستوى عشان الرز مش يخرج برا حد فيكم بيعمل كده؟
بسبس ايه احسن حاجة اسقيه بيها عشان انتى ماشاء الله كاتبه كذا حاجة انتى رايك اعمل ايه؟



ماما بتعمل كدة طبق بلاستيك طبعا

وانا بحط ورق فويل
وبنسقيه شوربة او مية بماجي مع معلقة صلصة وملح وفلفل وشطة لو تحبي ونقطتين لمون
B
Boody we zady
عروس ماسية
19-06-2010 | 09:39 PM
am marium;12389386:
ممكن يا ام بودي طريقه عجينه القطايف


بصي يا جميل أنا مع احترامي لبسبس مش بحط علي العجينة بتاعه القطايف بيكنج بودر بحط خميرة ........... كوبايتين لبن عليهم كوبايتين نفس المعيار دقيق و نص م ص خميرة فوريه اضربيهم سوا كويس و سيبيها ترتاح نص ساعه مثلا و ان شاء الله حأنزل الطريقه بالتفصيل بكره في الموقع انتظروها.


بصي يا ساسو أنا لقيت مترو عامل عليه عرض ادخلي علي موقعهم و شوفيه مش عارفه موجود في كارفور و الا لأ هو صناعه تونسيه بس ما شاء الله حاجة نضيفه

تسلمي يا شيمممممممممممممووووووووووو مستنيه أجيب دقيق سميد و أجرب البسبوسه أنا شكلي الوحيده اللي مش جربتها :lol:

بالنسبه للورق العنب أنا معلش يا بنات عشت عمري في الكويت فا اتعودت عليه كمقبلات أكتر منه أكل عادي زي الشوام بيعملوه زيت زيتون و ليمون بس ماما كانت بتعمله عادي يعني زي المصريين بس أنا كنت بكله بره كده
&
&&رانيا&&
عروس رائعة
19-06-2010 | 09:54 PM
بنات انا النهارده اكلت اكله جميله وخفيفه ولذيذه وكلها من ترتيب بسبس الله يسعدها ودول الاطباق
دى البطاطس بطريقتها لذيذه اوى وحلوة اوى فعلا بس جوزى مش بيحب الطشه قالى خففيها او تحطى عليها كمون بس المره الجايه اعملهاله كده

وده التونه بس حطيت البصل لما جه كانت برده حلوة اوى

وده بيض بطريقه بسبس كان جميل اوى برده بس بتهيالى حلقات اشيك بس طعمه كان حلو وعجب جوزى ربنا يسعدها مع عيش وسلطه وكوبايه عصير برتقال وقشطه اوى ورضا الحمد لله

اطبخ ايه بكره بقى اعااااااااااااااااااااااااااااااااااااا
b
banota_helwa
عروس مبدعة
19-06-2010 | 10:02 PM
يارورو ياجامد جوعتينى
بس قوليلى البيض ده اللى هو بتسلقيه وبعدين تحمريه فى سمنه صح ولا مش كده اصل نينه دايما كانت بتعمله ليا كده وبيكون روووووووووووووعه
ام بودى بجد انا مستنيه طريقه القطايف دى ان شاء الله عشان انا عملتها قبل كده وكانت مش اوى يعنى
&
&&رانيا&&
عروس رائعة
19-06-2010 | 10:19 PM
ساسو حبيبتى ايوه هوا فعلا وقطعته عشوائى بس باين اشيك حلقات ورشى ملح وفلفل وبس كده
اه وخفيف كمان وبيشبع الحمدلله يجزيها خير
أ
أم ياسين العسل
مشرفة سابقة
19-06-2010 | 10:45 PM
الف هنا وشفا يا رورو بس انا قولتلك ياروح قلبى تحطى بسمنته اللى حمرتيه فيها عشان لما تقطعيه هياخد من السمنه وهيبقى طعمه احلى واحلى كمان

دا بالنسبه للبيض


البطاطس بجد جوعتينى انا اصلا نفسى فيها اوى

الف هنا وشفا على قلبكم يارب

بكره بقى اعملى حاجه فيها لحمه او فراخ
اختارى وانا اخترعلك هههههههههههههههه



ام بودى طريقة القطايف دى مش بتاعتى دى بتاعة الشيف حسن كان عاملها من كام يوم
&
&Nada&
عروس برونزية
20-06-2010 | 01:07 AM
ام بودى


انا قاعدة ادور فى الموقع بتاع مترو على الخميرة مش لاقياها
هيا فى الصفحة الكام؟؟
وبكام بعد العرض؟؟
B
Boody we zady
عروس ماسية
20-06-2010 | 01:08 AM
lifedrop;12392979:
ام بودى


انا قاعدة ادور فى الموقع بتاع مترو على الخميرة مش لاقياها
هيا فى الصفحة الكام؟؟
وبكام بعد العرض؟؟



يا ندي اللي في مترو هو كريمه الفستق اللي أنا جايباها موجود في العرض لكن الخميرة مش موجوده في عرض

حتعكلوا أكل ايه بكرة

أنا نزلت طريقه القطايف
X