doaaes;12409762:
ميرسى يا رورو انتى وبسبس
بسبس الازانيا احطها فى الفرن عادى من غير بيض يعنى طبقه مكرونه وطبقه لحمه مفرومه وطبقه مكرونه تانى وبشاميل من غير بيض وعلى الفرن؟
الازانيا فرقها عن البشاميل انها فيها صلصه كتير يعني بشاميل خفيف وطبقة مكرونه وطبقة لحمة وطبقة صلصه فيها قطع طماطم وهكذا وبشاميل خفيف وصلصه على الوش ورشه جبنه
انا باكلها كدة هنا في المطاعم الايطالي
at2ota;12410135:
بسبس انا متبله بانيه فى بصل مبشور وملح فلفل اسود وخل وزبادى وبفكر اعملو فاهيتا بطريقتك الى لسه كاتبها بس مش عندى صوص صويا ياترى ينفع من غيرو
انا رايي دي كدة بقت شاورما مش فاهيتا خالص
والفاهيتا اكله مكسيكي يعني مفيهاش صويا صوص لكن فيها بهارات مع البصل والفلفل
والفكرة كلها في طبق المقبلات اللى بيتقدم معاها اللى هي معجون الافوكادوا والجبنه والسلطة وطبعا التورتيا
أم يـاسـيـن العسل;12410349:
اولا ينفع من غيره بس مش هتبقى فاهيتا لان الفاهيتا اصلها الصويا صوص وطعمه هيعجبك اوى اوى بس هتبقى اسمها فراخ مكسيكان :D
اه بصل جوانح
ومتنسيش بقى المايه بالنشا هتعملك صوص حلو اوى اوى
بسبس معلش الفاهيتا مش فيها صويا صوص ومش بيكون فيها صوص اصلا دي بتكون لحمة او فراخ متشوحة بس مع بصل وفلفل
جومانا
انا لما عزمت 25 فرد عملت ايه يا سيتي ومخدش وقت خالص خالص
عملت سلطة يونانيه هي سلطة خضرا وزيادة عليها زيتون اسود وجبنه فيتا
وعملت شوربه مشروم بالكريمه او ممكن تعملي لسان عصفور
الاطباق الرئيسيه
عملت كباب حله
وملوخيه
ورز بالشعريه
وصينيه كوسة بالبشاميل
وصينية مسقعه باللحمة المفرومة
وصينية رقاق
وبانيه
وكبدة اسكندراني
كلها حاجات سهلة جدا ومفيهاش خطوات كتير
ومعظم الاكل عملته قبلها بيوم ونفس اليوم اتبقى حاجات بسيطة جدا اللى هي الفنش الاخير لكل حاجة وبس