لؤلؤة حياتى;12421793:
بنات عارفين الموضوع بتاع سوسى بتاع العزومة انا كنت عملتة مميز علشان انا شايفة انة يستحق التميز لان سوسى شرحة كل حاجة بالتفصيل فى الردود
فجت مشرفة تانية شالت التميز و قالت ان الموضوع مش يستحق التميز بجد حاجة قلت ذوق جداااااااا
عيب اصلا الحركة دى جدااااااااا جدااااااااا من المشرفة و تشيل التميز من غير ما تسأل المشرفة اللى ميزت اية رأيها و اية وجهة نظرها فى ان الموضوع يستحق التميز
و هى اصلا المشرفة ردت فى اول صفة و طرق الاكلات فى الصفحة 3 و 4
بجد والله لو المشرفة مرجعتش التميز زى ما شلتة انا حتعتذر عن الاشراف خالص
اوعى تزعلى يا سوسى بجد
علشان المخالف .... قولولى اطبخ اية النهاردة؟؟
جزاكي الله خير يا شاهي علي تعديل الموضوع
معلش انا مادخلتش امبارح خالص فطبعا ماعرفتش اللي حصل غير دلوقتي بس
وماتضايقيش نفسك .
وتعتزري عن الاشراف ليه بس ؟
انا ماكنتش هازعل لو كانت شالته المهم اني راضية عن اللي انا عملته وكلكوا شجعتوني ورأيكوا انه حلو يبقي خلاص
تسلم ايديكي يا قمر علي التعديل وكدة الموضوع بقي احسن طبعا علشان اللي بيدخل ماكانش بياخد باله اني كاتبة الطرق فعلا
N0rma;12421917:
حبيبة قلبى يا رورو والله يالى وخدا بالك انى سئلت سو\ؤال وولا وحدا ردت عليهF:
لا انا قصدى على لما احط معاه كريم شانتيه فى صوص كدا بيتعمل بحيث ترسمى عليه من فوق بشكل عشوائى لونه احمر انا بسئل ع الصوص الاحمر دا
ةهادور ف اللينكات اللى عندى كدا على طريقته وتسلمى يا حبيبتى على ملاحظتك واهتمامك
هو غالبا هنا لازم احطلى 100 مشاركه عشان ياخدو بالهم من اسئلتى
معلش يا نيرو والله ماخدت بالي من السؤال
اكيد انتي عارفة اني مش هاطنشك انتي حبيبتي :lol:
واكيد البنات فيه اللي ماخدش باله وفيه اللي مش عارف
وانا مش عارفة والله بس اللي اعرفه اني بشوف الصوص دة جاهز في السوبر ماركت كاراميل وشوكولاتة وفراولة وكدة هاتنلاقيه في قسم الحلويات
لؤلؤة حياتى;12423267:
بنات اية صوص الديمي جلاس دا
دة صوص عامله الشيف الشربيني يا شاهي ماكانش موجود الاول كتير بس دلوقتي بقيت بشوفه علي طول في سبينس
هو طعمه شبه مرقة الدجاج وبعمل بيه البيكاتا
أم حموودى القمر;12425848:
السلام عليكم ازيكم يابنات
اتفضلو غدانا النهاردة كبسة وكتف ضانى اللى كنت نزلت طريقته فى موضوع قبل كده بس المرة دى الكتف متقطع مش كامل وده جزء منه مش كله طبعا
ده شكله بعد ما طلع من الفرن
وده شكل الطبق
تسلم ايدك يا ام حمودي جوعتيني الصبح كدة :p
أم يـاسـيـن العسل;12426880:
عايزه تصقيييفه بولى فونك منك ليها ههههههههههههه
عملت السينابون بس بشكل جديد بس طلع حلو اوى اوى بجد
هقلكم الطريقه بس بدون صور معلش لانى مش معايا كابل للكمبيوتر بس اوعدكم هحاول انزلهالكم بكره او بعده بالكتير
بصى يا نيسو العجينه بسيييييييييييييييطه جدا:
حطيت كوبايتين دقيق ومعاهم معلقتين كبار سكر بودره ومعاهم معلقتين صغيرين بيكنج بودر وزرة ملح اوك وروحت مقلباهم سوا
وكيس خميره حطيته فى كوباية مايه فاتره مع 3 معالق سكر صغيرين
وسيبتها فققعت مع فسها روحت حطاها على الدقيق وعجنت لمده 5 دقايق
لغاية لما تتكون عجينه لينه حلوه كدا
وانا بعجن على الرخامه على فكره مش فى طبق لانه اسهل ومش متعب
المهم
سيبيها تخمر ساعتين
بس انا سيبتها نص ساعه بس لاسباب طفوليه ( ان يويو كان نايم ولو صحى مكنتش هعرف اعملها خاااااالص)
الحشوه بقى كانت سكر بودره ومعاها وش اللبن (كنت هرميه قولت يا بت استفيدى منه واداها طعم وهمى) والقرفه ومعلقة سمنه روابى
وحطيها فى الفريزر لوقت الاستخدام لان طبعا الدنيا ساونا
والتغطيه لما تخرج كانت سكر بودره عليه معلقه قرفه ورشيته زى كحك العيد
بصى بقى شكلته شكل جديد قطعت العجينه 6 قطع
كل قطعه قد كورة التنس كدا
وفردتها مستطيل اوك بس مش هيبقى كبير اوك ودهنتها بالخلطه ولفيتها رولوبيطلع رول رفيع وبعدين لفيت الرول دا زى التعبان كدا
وترصيهم جمب بعض وبعدين دخليهم الفريزر بقى وولعى الفرن
عقبال ما الفرن يسخن تكون هى جمدت لان الجوا نااااااااار والشغل بالسمنه بشع
المهم تدخليها لافرن على 200 على الرف الوسطانى لمده 15 دقيقه وبعدين تولعى الشوايه وبسسسسسس
الف هنا وشفا
اه نسيت لما تخرج رشيها بالسكر والقرفه
وبجد طريه مووووووووت وحلوه اوى اوى بجد عجبتنى جدا وخصوصا التوبينج بتاعها خفيف كدا وفى السريع
تسلم ايدك يا بسبس تصقيفة بولي فونك كبيرة مني ليكي :)
بس يعني ايه بولي فونك ؟هههههههه
وحاولي تنزلي الصور علشان اشوفه
احسن حاجة انك قلتي مش لازم خميرة ونزود البيكنج بودر لأني بجد اتعقدت :o
lifedrop;12427457:
والله يا ايمان متتعبيش نفسك
هوا احنا غرب:worn_out:
بس ممكن تعمللنا تورتة
سينابون رولز
جلاش
بسبوسة
بيتزا
جيلى
كريم كراميل
كيكة بالشيكولاتة
ابل باى
كوردون بلو او شيش طاووق ورز الريزو(اشمعنى انا:p)
ممكن تعمللنا طبق حلويات مشكل كدة على الماشى
من الاخر متتعبيش نفسك يا بنتى احنا اصحاب بيت وحندخل نشوف اللى فى التلاجة وحناكل احنا:lol::lol::lol::lol:
هههههههههههه والله انتي عسل يا نودي
انتوا بتتقابلوا صح ؟؟
