كلاكيت اول مره اكلات للدايت ولذيذه موووووت

موضوع رائع تسلمى

موضوع اكثر من رائع اهم شي الشكل الصحي عشان نحافظ على جسمنا وعشان الصحة كمان بصراحة انا بعد اول ولادة زدت زيادة كبيرة بعدين ضايقني جسمي وحسيت روحي كبرت فالعمر وبصراحة كله من اكلي الغلط شكولاته يوميا وحلويات لكن غيرت النظام بلا رجيم يعني الاكلات الي عايزة قلي اشويها ولواستخدمت زيت استخدم كمية بسيطة جدا واخترعت شوربات وسلاطات وعموما انا احب السلاطات وخصوصا المشوية واحاول اعمل عصاير فالبيت وجسمي اصبح احلى وحاعطيكم نوع من السلطات اول سلطة سلطة الطماطم المشوي جيبي بصلة كبيرة و3طماطم طازجة واشويها وبعدين ازيلي القشرة وافرمي لكن موش فرم جامد فرم خفيف واقطعي كسبر اخضر قطع صغيرة مع ثوم مدقوق مع ملح ورشة كمون وحطيهم فالصحن مع ملعقة زيت زيتون وان شاء الله كل مرة ادش وافيدكم وتفيدوني

mokka;11400098:
حاولى جربيه يا راوية فى البيت والله طعمه زى اللى برة واحلى كمان وسهل خالص

mokka;11403425:
بصى انا مجربتش قبل كدة اشويه على الشواية الكهربا بس انا بجيب صاج الفرن وادهنه نقطتين زيت كدة واحط السمك عليه بعد ما اكون حطيته فى الردة وبرفع الصاج بالشبكة بتاعة الفرن برضه
وبعدين ممكن تحطى بقية الحشوة فى صينية وتحطى السمك وتحطى حبة ماية صغنانين ودخليه الفرن ينشف زى ما شيماء قالت

انا فهمتك وعجبانى اوى على فكره ياموكا بس انا عارفه ان جوزى ساعة اقوله كده هيقولى ليه الشى بريال واحد بلا وجع دماغ هههههههههههه اسمعينى انا عارفه جوزى وكمان هنا بتطلبيه يحشهولك عادى فهيقولى كده ههههههههههههههه تسلمى

موضوع اكتر من رائع يابنات
لي رجعة معاكم

ام رغد@ربا;11406215:
موضوع اكثر من رائع اهم شي الشكل الصحي عشان نحافظ على جسمنا وعشان الصحة كمان بصراحة انا بعد اول ولادة زدت زيادة كبيرة بعدين ضايقني جسمي وحسيت روحي كبرت فالعمر وبصراحة كله من اكلي الغلط شكولاته يوميا وحلويات لكن غيرت النظام بلا رجيم يعني الاكلات الي عايزة قلي اشويها ولواستخدمت زيت استخدم كمية بسيطة جدا واخترعت شوربات وسلاطات وعموما انا احب السلاطات وخصوصا المشوية واحاول اعمل عصاير فالبيت وجسمي اصبح احلى وحاعطيكم نوع من السلطات اول سلطة سلطة الطماطم المشوي جيبي بصلة كبيرة و3طماطم طازجة واشويها وبعدين ازيلي القشرة وافرمي لكن موش فرم جامد فرم خفيف واقطعي كسبر اخضر قطع صغيرة مع ثوم مدقوق مع ملح ورشة كمون وحطيهم فالصحن مع ملعقة زيت زيتون وان شاء الله كل مرة ادش وافيدكم وتفيدوني

تسلم ايدك ياقمر وكلامك مظبوط ميه الميه
ومستنين باقى وصفاتك الصحيه

garfeild;11403776:
السلام عليكم
انا النهارده عملت سمك وقار فيلية في الفرن لاني مكنتش عايزة اقليه وصورت بعض الخطوات في السريع




الطريقة
طماطم وتوم وبصل مضروبين في الكبة وملح وفلفل اسود


ونحط السمك في صينية تيفال وعليه الخلطة(طماطم + بصل + توم + ملح وفلفل اسود) ونقطع شرايح ليمون ونحطهم فوق السمك مع شبت وبقدونس مفروم وشوية ماية


ونحطهم في الفرن لمدة ساعة
ونحمره تحت الشواية
وبيكون كده






وعملت جمبه رز صيادية وشوربة طماطم بحبها اوي هقولكم على طريقتها برضه
نقطع توم قطع صغيره ونحمرها في معلقة سمن صغيرة خالص في حلة تيفال لغاية مايكون لونه دهبي زي كده


ونكون مجهزين طماطم وقرن فلفل اخضر حامي ونضربه في الخلاط
ونحطه مع التوم مع فلفل اسود وملح ومكعب مرقة و2 كوب ماية ونحط بقدونس وشبت مفروم



وتخليها ع نار هاديه لمدة ربع ساعة
بس مصورتهاش بعد مااستوت

شوفت الطريقه فى موضوع ام بودى وكنت عايزه قوللك هاتيه هنا كمان لانه ممتاز وصحى جدااااااااااااااااااااااااااااااااااااااااااااااااااااا وشكله لذيييييييييييييييييييذ
تسلم ايدك بجد:065:

garfeild;11403920:
انا جوزي عايز ياكل بكرة بانية وانا مش عايزة اقلي بصراحة حد عنده طريقه حلوة للبانيه ويكون في الفرن؟

بصى انا اعرف انك ممكن تعمليه زى البانيه عادى وتدهنيه زيت زيتون خفيف وتدخليه تحت الشوايه
بس بصراحه مجربتش جربى قطعه ولو عجبتك كملى الباقى وان شاء الله هاتنفع والف هنا مقدما

يابنات
دى طريقة الخضار السوتيه
هاتجيبى الخضار اللى عايز تعمليه بروكلى وفاصوليه خضرا وبسله وجزروكوسه وعود كرفس بيديها طعم وريحه روعه وقعيهم ب مش صغير اوى وماتقشروش الكوسه عشان الفايده اللغذائيه
هاتحطيه فى مصفى وتحطى تحتها ميه وتسيبيه يسشتوى عالبخار ولما يستوى حطى نقطة زيت زيتون وشوحيه فيها مع ملح وفلفل وبهارات والف هنا

وكبسة الفراخ اهى برده
هاتسلقى فرخ عادى ببصل وطماطم وملح وفلفل وبهارات وزعتر وحبهان
هاتجيبى حله وتحطى معلقتين زيت زيتون وتشوحى بصله وجزره وفلفل الوان او اخضر بس
وتجيبى قطع فراه وتشوحيها معاهم وحطى كركم وقرفه والبهارات دى بقى اطحنيهم وحطيهم(ليمون ناشف وقرنفل وقرفه وجنزبيل وكبيبه ) وزودى الميه وحطى طماطمايه مبشوره ولما تغلى الميه حطى ملح ونزلى الرز المنقوع ولما يغلى هدى النار ولما يستو حطى مكسرات محمصحه للتزين ولو هاتحطى زبيب لازم تكونى ناقعاه كويس قبلها بساعتين
وحطى الفراخ تحت الشوايه وبس الف هنا
طبعا دى الطريقه الصحيه
العاديه بقى بتشوحى البصل فى زيت وزبده بس كتير حبه عشان الرز البسمتى بيحب السمنه الكتير وابقى زودى الملح شويه عشان طعم الرز يبان
وبس الف هنا ياجميل

mokka;11403452:
دى طريقة بسبس بالفراخ جربتها وبجد تحفة
بصى شرايح البانيه عادى

هاتجيبيها وتقطعيها شرايح زى الشاورما كدا وبعدين تعصرى عليها نص ليمونه عشان الزفاره

وبعدين تجيبى طاسه وتحطى فيها زيت قليل مش كتير حاجه قليله بس وبعدين تحطى الفراخ فيها وبعدين يا ستى تشوحيها

لما تتشوح خالص كدا ويتغير لونها وتبقى دهبى فاتح كدا
تروحى حاطه عليها ملح وفلفل اسود وبهارات واقلب كدا

وبعدين اطلعها على جمب

وفى نفس الطاسه اكون مقطعه بصله صغنوووووووووونه ( ممكن نستغنى عنها ) ومعاها فلفل متقطع جوليان كدا اخضر بقى واحمر كدا وعيشى حياتك يعنى ولو عايزه ماشروم حطى وقلبى قلبى لغايه لما المشروم يبقى دهبى ولو مفيش مشروم يبقى يادوب الفلفل يتشوح كدا

وتروحى مرجعه الفراخ تانى للطاسه وتحطى عليها نص كوباية مايه وتغطيها على نار هاديه

لما تشرب ربع كوباية مايه ويتبقى ربع هيبقى دا الصوص بتاعها تقدميها جمب الرز المسلوق وتبقى اكله اخر الاجه ههههههههههههههههه

شكرا يا قمررررررر

وممكن تجيبى البانيه وتحشيه خضار سوتيه بس يكون تلات اربع سوا ويكون شرايح طويله ورفيعه وتلفيه وتدهنيه زيت زيتون وتسيبيه عالنار ينزل ميته ويشربها وتدخليه تحت الشوايه ياخد لون برده يبقى حلو

عارفين يابنات
كنت عملت من كام يوم كده للعشا برجر بطريقه جميله اوى وعجبتنى جداااا
جبت شرايح طماطم وبصل وفلفل اخضر وعود كرفس ودعكتهم بس مش دعك جامد يعنى بملح وفلفل وبهارات بس قليله اوى لانه متبل وبرده الملح مش كتير خالص شعره بسيطه اوى وحطيتهم فى الصينيه وحطيت معاهم البرجر ولما استوى حمرته تحت الشوايه وعملته فى توست ريجيم مع جبنه وطماطم و وخس كان جميل مش شرط توست ريجيم ممكن كيزر عادى بس انا عملته كده عشان الدايت

جميله طريقة البرجر دى ياشوشو احسن من القلى تسلمى ياقمر

دموع الملائكه;11410185:
جميله طريقة البرجر دى ياشوشو احسن من القلى تسلمى ياقمر

تسلمى ياقمر :065:

garfeild;11403920:
انا جوزي عايز ياكل بكرة بانية وانا مش عايزة اقلي بصراحة حد عنده طريقه حلوة للبانيه ويكون في الفرن؟

garfeild طريقة السمك ما شاء الله جميلة
بالنسبة للبانية انا ناوية بعد كدة اعملوا عادى فى بيض وبقسماط وبعدين احط عليه نقطة زيت وادخله تحت الشواية
بصراحة انا مجربتوش بس فى ناس جربوه وشكروا فيه اوى

شيماء تسلمى على الوصفات عجبنى البرجر والكبسة اوى

mokka;11410257:
شيماء تسلمى على الوصفات عجبنى البرجر والكبسة اوى

تسلميلى ياقمر:065:

shimaaafifi;11410047:
وممكن تجيبى البانيه وتحشيه خضار سوتيه بس يكون تلات اربع سوا ويكون شرياح طويله ورفيعه وتلفيه وتدهنيه زيت زيتون وتسيبيه عالنار ينزل ميته ويشربها وتدخليه تحت الشوايه ياخد لون برده يبقى حلو

شيمو انا بعمل الفراخ البانيه المحشية كدة بس بحشيها بسطرمة وريحان وفلفل اخضر وجبنة رومي مبشورين وبتبقي حلوة برضه

sosiii-cat;11410500:
شيمو انا بعمل الفراخ البانيه المحشية كدة بس بحشيها بسطرمة وريحان وفلفل اخضر وجبنة رومي مبشورين وبتبقي حلوة برضه

جميله اوى الطريقه دى برده تسلم ايدك ياسوسى
:08:

جمييييييييل اووى الموضوع ده
انا جوووزى بيضاايق منى جداا
لانى دايما بكتر الزيت والسمنة فى الاكل

بحس ان هو ده اللى بيدى الطعم

لكن لما شوفت كلامكو لاقيت العكس

ان شاء الله هحاول بعد كده اقلل الزيت واعمل اكل صحى زيكوو

متابعة معااكو
:)