حلوة بمعانيها;11230751:
حلو برنامجج وان شاء الله تشوفين نتايج حلوه
عني أنا أوكي أراقب وزني على طول وآكل كل اللي في خاطري بس بحساب يعني لو ثقلت في الريوق ما آكل غده وأتعشى خفيف، وإذا ما تريقت أتغدى والعشا مو مشكلة.
وأحب أطبخ أكل صحي
زيت الزيتون - لو شنو اتحطين ما يضر لأنه مفيد للجسم وفيه الكولسترول المفيد يعني حتى لو تشربينه شرب بس لا تطبخينه يقولون يصير مضر يعني طبخي بزيت نباتي ووقت التقديم حطي زيت الزيتون.
الذرة - ترى وايد دسم ابتعدي عنه أو خففيه يعني مره بالأسبوع عن خاطرج
الجبن السايل - حتى لو يحلفون لي إنه خفيف الدسم ما أصدقهم لأن يسوونه بالزيت
النشويات - بكل أنواعها اتمتن يفضل تاكلين الحاجه بدون خبز أو رز يعني لحم خالي أو دجاج
السمك - وايد مفيد خصوصا المشوي وما فيه زيت ولا شي وأنا أحبه عشان جذي دايما رشيقة هههههه
الدجاج - بدون جلد مسلوق أو مشوي
المكسرات - الشي الوحيد الصحي والغير مشبع بالدهون هو الجوز
الروب - من أهم المنحفات ويقوي الجهاز الهضمي
البطاطس - مقلي مشكلة ومسلوق مشكلة ههههه لأنه مره يكون غني بالدهون ومره غني بالنشويات
المايونيز - إنسيه تماما
المشروبات الغازية - إنسيها بعد وعديها من المحرمات ههههه وخصوصا أنها ثاني أكسيد الكربون يعني مضره للجسم وتنفخ البطن وتحد من التنفس
الرياضة مهمة جدا، وإذا كنتي مثلي مو فاضية للرياضة، مثلا لو رايحة السوق وقفي بعيد وإمشي مو لازم عند المحل توقفين يعني تحركي، تبغين ماي أو شاي لا اتقولين للخدامه جيبي لي قومي إنتي بنفسج، خلج نشيطه وتحركي بالبيت.
يا ريت تشترين لج الجهاز اللي يطبخ بالبخار يكون أفضل تضمنين إن الطعام صحي مية بالمية
تسلمين على هالنصايح :f: ..
بالنسبة لزيت الزيتون استخدم البكر الممتاز يعتبر افضل انواع زيت الزيتون .. واستخدام زيت الزيتون في الطبخ بدل الدهون الثانية يساعد على توازن الحمية بحيث انه يخليه صحيا اكثر واخف دهنيا :ok:
الحل ام وين;11230890:يعطيج الف عافيه على هالمجهود
والله انج عطيتيني حافز علشان اكمل الريجيم
ربي يعطيج كل الي تتمنينه يارب
فرحتيني والله :02: ..
ويارب تكملين ريجيم وتوصلين للوزن اللي تتمنينه :f:
بنت الاصايل;11231248:
كلام حلو وسليم!
ما شاء الله عليج.. بس عندي ملاحظة حبيبتي.. مو كل الزيت زيتون مضر في الطبخ.. تجي نوعيات أغلى سعرها شوي الظاهر النوع البكر او شي جذي.. المهم انا ماشتريه الا متأكدة ان مكتوب عليه يصلح للطبخ!!
ترى يكتبون على الغرشة هالملاحظة في الزيت اللي ينفع للطبخ..
مثل الشي استخدم البكر الممتاز :ok:
مسز عادل;11234505:
مرحبا
بس كأني سمعت في برنامج طبخ صحي ان زيت الزيتون فيه كالوري واجد
زيت الزيتون يحتوي على دهون غير مشبعة اذا كان اهو يحتوي على نسبة كالوري عالية شلون الدهون العادية :042:
وعموما زيت الزيتون ينصح فيه لمحاربة الكولسترول وتصلب الشرايين + مرض السرطان { بعيد الشر عن الجميع } + للمعدة والكبد لانه سهل الهضم + وللسكري{ بعيد الشر عن الجميع } \ وحتى في فترة الحمل لانه يساعد على نمو الاوعية الدموية في الجنين
امم
اللي عندي مكتوب عليه ان في الملعقة الوحدة 120 كالوري
مسامحة على الاطالة بس حبيت اوضح
:f:
