تجمع ورغى حوامل مصر لشهر ذي القعدة 1430 يارب قومهم كلهم بالسلامة

كوباية مايه;10500188:
لا مش عندى انا كنت هركبه وبعدين قولت هجيب يو اس بى وبعدين باباه قعد يقوله لما تحب مراتك تدخل النت تبقى تدخل عندنا

وجربت شويه بس لقيته هو وحماتى بيجيوا يقعدوا جمبى يبصوا انا بعمل ايه ويقروا كلامى معاكو وكدا

فا بطلت ادخل وبعدين ابقى قاعده مثلا والاقى حمايا يتسحب من ورايا ويقف يبص وحماتى نفس الحوار

وحماتى تقولى انتى بتكلمى شباب
اقولها شباب ايه بس يا طنط انا بكلم صوحابى فى الكليه

وبعدين اى صوره تشوفها على النت تقول لجوزى مراتك منزله صورها على النت وحاجات كدا وتبقى صورة جزمه ولا شنطه ولا حتى عربيه تقول ان دى حاجاتى الشخصيه وجوزى يتعصب ويركبه مليون عفريت

واللى تقراه تروح تسيح بيه عند عم جوزى بقى وعمته وخالته

يعنى مصر كلها بتعرف

لا ربنا يهديهم بس حاولي تقنعي جوزك يدخلك نت عندك في البيت و اتحججي بأي حجة

يالهوي يا بسبس ربنا يكون في عونك يابنتي، بس مخبيش عليكي انا عمالة اضحك دلوقتي مقدرتش امسك نفسي بصراحة عشان تخيلت منظرهم وهما بيتسحبوا ويراقبوكي من بعيد وعامليز زي الشخصيات اللي بتطلع في الافلام الانجليش.

whiteoff;10500175:
و عليكم السلام امة الله ازيك

الحمد لله بخير يا جميلة

انتي عاملة ايه؟؟




بسبس

الصراحة أهل جوزك طبعهم صعب أوي ... معلش كنت عايزة أسألك سؤال ممكن يكون بايخ شوية ... لو مش عايزة تردي عادي مش بزعل والله ... هما طبعهم مختلف عن أهل القاهرة؟؟ مش عارفة اشرحها إزاي بس بحس إن اللي ساكنين في محافظات تانية دايما بيكون طبعهم مختلف يمكن لأن القاهرة الدنيا فيها منفتحة لدرجة إننا اتعودنا على حاجات بقية الناس شايفاها إجرام علشان عمرهم ما سمعوا عنها

CuTie KaTkOoTa;10500212:
يالهوي يا بسبس ربنا يكون في عونك يابنتي، بس مخبيش عليكي انا عمالة اضحك دلوقتي مقدرتش امسك نفسي بصراحة عشان تخيلت منظرهم وهما بيتسحبوا ويراقبوكي من بعيد وعامليز زي الشخصيات اللي بتطلع في الافلام الانجليش.

(y)(y)(y)(y)(y)

لا هو عايز يدخله بس الكسل بعيد عنك
اكتر واحد كسول فى العالم والله وبعدين حمايا بيلعب فى مخه فا بيكسله اكتر فهمانى انما هو مش رافض الحمدلله

والله قالى خدى الموبايل بتاعى وادخلى مع صوحابك زى مانتى عايزه وكدا ببس قولتله عيب تكون انت موجود وانا اسيبك وادخل يعنى


وفعلا مره ورا مره هتخليه يمنعنى منه خالص وساعتها ولا هعرف اقعد على القهوه حتى

أمةالله;10500221:
الحمد لله بخير يا جميلة

انتي عاملة ايه؟؟




بسبس

الصراحة أهل جوزك طبعهم صعب أوي ... معلش كنت عايزة أسألك سؤال ممكن يكون بايخ شوية ... لو مش عايزة تردي عادي مش بزعل والله ... هما طبعهم مختلف عن أهل القاهرة؟؟ مش عارفة اشرحها إزاي بس بحس إن اللي ساكنين في محافظات تانية دايما بيكون طبعهم مختلف يمكن لأن القاهرة الدنيا فيها منفتحة لدرجة إننا اتعودنا على حاجات بقية الناس شايفاها إجرام علشان عمرهم ما سمعوا عنها

بصى سريعا عشان جوزى جيه

هما ببساطه شايفين فعلا كدا وبعدين شايفينان كل اللى من مصر منحلين ونصابين ومرتشين وحاجات كدا

هبقى اكمل بكره بقى عشان جوزى جيه

سلام يا قمرات

مي ما تزعلينيش منك ما انا اسكندرنية وكله تمام متفتحة و باكل بليلة ليل و نهار من ساعة بسبس ما جابت سيريتها

أمةالله;10500221:
الحمد لله بخير يا جميلة

انتي عاملة ايه؟؟




بسبس

الصراحة أهل جوزك طبعهم صعب أوي ... معلش كنت عايزة أسألك سؤال ممكن يكون بايخ شوية ... لو مش عايزة تردي عادي مش بزعل والله ... هما طبعهم مختلف عن أهل القاهرة؟؟ مش عارفة اشرحها إزاي بس بحس إن اللي ساكنين في محافظات تانية دايما بيكون طبعهم مختلف يمكن لأن القاهرة الدنيا فيها منفتحة لدرجة إننا اتعودنا على حاجات بقية الناس شايفاها إجرام علشان عمرهم ما سمعوا عنها

انا بردو مع الرأي ده غالبا.



توتا عحبتك اوي :D:D:D:D انتي تخيلتيهم زي ما انا بقول بردو :D:D:D

سلام يا بسبس

بسبس

كنا عايزين نتقابل

بما إنك في القاهرة تحبي تيجي؟؟

يوم الحد أو الاتنين الجايين ... عايزين نروح النادي الأهلي علشان مكان عام ومحدش يقلق وبتاع :tongue:

اللي مش مشترك هدخله أنا إن شاء الله :D

ايوة يا كتكوتة و انا كمان ضحكت بس ما رضيتش ازعل بسبس

whiteoff;10500242:
مي ما تزعلينيش منك ما انا اسكندرنية وكله تمام متفتحة و باكل بليلة ليل و نهار من ساعة بسبس ما جابت سيريتها

لا يابنتي مي مش قصدها علي المحافظات المتنورة دي :D:D:D اليكس زينا بالظبط وعادي جدا ومحافظات البحري اصلا معظمهم عادي جدا، لكن اللي تحت بقي هما اللي فيهم ناس وناس.

whiteoff;10500258:
ايوة يا كتكوتة و انا كمان ضحكت بس ما رضيتش ازعل بسبس

لا متخافيش مظنش بسبس تقدر تزعل مننا وكمان هو انا قلت حاجة وحشة انا بهزر :D:D:D

مي عاملة ايه وعبدلله عامل ايه دلوقتي والجرح بقي احسن ولا ايه.

و انت البيبي عامل معاكي ايه يا كتكوتة

صحيح انت ليكي اسم تاني نناديكي بيه

whiteoff;10500242:
مي ما تزعلينيش منك ما انا اسكندرنية وكله تمام متفتحة و باكل بليلة ليل و نهار من ساعة بسبس ما جابت سيريتها

لا متزعليش يا قمر

ما هو اسكندرية نفس الشيء برضه

يعني القاهرة واسكندرية تحسي إن الناس ليهم طبع معين نوعا ما ويمكن المنصورة برضه علشان تعتبر مدينة كبيرة وبتاع

بس ده مش معناه إن اللي ساكنين في المحافظات جهلة أو فلاحين

بس اللي يعيش في القاهرة بيشوف اللي محدش شافه

يعني مثلا أعتقد مفيش كافيهات في المنصورة ... ولو فيها أكيد مفيش بنات بتقعد تشرب سجاير في الكافيه :D

وأعتقد مفيش ترصيصة الحب اللي على الكباري غير في القاهرة ... أكيد طبعا ناس بتعمل كده في كل حتة بس مش بالكميات دي ... أصل الكمية هي اللي بتخلي الواحد يتعود على المنظر

يعني حماة بسبس بسبب انها عمرها ما شافت حد بيقعد على النت كتير متخيلة إن كل واحدة قاعدة على النت بتكلم شباب:ss: وعلشان هي مش بتقعد مش متخيلة إن فيه صور للمسنجر عادية ... لأ بالنسبة لها أي صورة لازم تبقى بتاعتي

فهمتي قصدي ايه؟؟

بنات انا حقوم اكل حاجة و ارجعلكم جعانة جدا

فهمتك يا جميل ;)

CuTie KaTkOoTa;10500282:
مي عاملة ايه وعبدلله عامل ايه دلوقتي والجرح بقي احسن ولا ايه.

الحمد لله يا قلبي

الجرح قفل بفضل الله وعمل قشرة ... ده اللي كان مخوفني انه ميقفلش ونحتاج خياطة أو كده

وأهو قاعد بيعوض اللعب اللي فاته امبارح وبيطلعه عليا كحلي الحمد لله :):)

whiteoff;10500283:
و انت البيبي عامل معاكي ايه يا كتكوتة

صحيح انت ليكي اسم تاني نناديكي بيه

يا بنتي انتي كل ده معرفتيش اسمي ولا ايهن مش احنا كنا عمالين نقول ايمي وان وايمي تو وايمي باور تو وداش والحاجات دي، عشان فيه كذا ايمي.

بس انا فكرت في فكرة احسن عشان اللخبطة، ممكن ايمي وايما وايمو، وبما ان ايمي اللي هي دمعو اقدم مني هنا ومشهورة وكله عارف اسمها فخليها هي ايمي زي ما هي وفيه ايمو اللي القلب الابيض بردو زي ما هي، انا بقي هاخد إيما EMMA او اي حاجة زي ما تحبوا.