رابطة امهات واطفال مصر لشهر شوال1430"كل عام وأنتم بخير"

toty858;10389413:
سلودة حبيبتى انا موجودة اهوة والله بس بدخل متاخر لانى اصلا بصحا 6 المغرب :)
بصي ياجميلة بليز مام فية لبس بيتى بيجامات نازل عليها تخفيض وعندو سالوبيتات شتوى بس مش مقاس نوناتنا لا اصغر بس برضو اغلبية اللبس بناتى بلاش تروحى :)
البطانية لا لسة مش جبتها بصراحة مستنية جوزى يجى هروح لفلى ولسة مش لفيت غير جوة الهرم بليز مام وسيف ستورز بس انا بتعجبنى حاجتة طبعا بس مستنية اما اروح اشوف لفلي بحب حاجتة وكمان بيكون قماشتها حلوة

توتو بصي انا لسة مجبتش اى لبس شتوى يعتبر يعنى انا جبتلها 6 بيجامات للبيت قطن تقيل كدة بكم
هجيب عليهم 4 كمان قطيفة او قماشة تقيلة للبيت
وكنت شاريلها جاكت قطن دابل فيس بكم ماركة الصياد بلبسه دلوقتى على الفساتين
وجيبلها جاكت بكم كدة لونة احمر هجبلها علية جينز ابيض كنت شفتو في سيف ستورز

وهجيب مثلا 8 شايات بكم وزيهم بنص مش شايات اقصد سالوبيتات داخلية
والخروج هجيب طقمين شيك لانى شفت الطقم ب 450 :( هجيب 2 بس
وهجيب سالوبيت منفوخ وشوزات للاطقم دول وشراباتهم
وجوانتيات وطواقي قطن للبيت
وباديهاات بكول قطن
وطبعا بطانية ولحاف وكوفرتة قطيفة وسليب باج وبس كدة :)

توتي ازيكي ياقمر ..بصي ياستي انا كنت لسه امبارح في لفلي وشفت بطانياتهم ومش حلوة معجبتنيش خالص ..سعرها حوالي 120 ..واللحاف نفس الكلام ..انا كنت جبت من عندهم لحاف السنه اللي فاتت حلوة جدا جدا فوق الميه برضه بس يستاهل ..المهم كان عاجبني عندهم بطانيه اسمها بيبي ميراج ولمارحت اجيبها ملقتهاش وكنت مضايقه اوي ..المهم من كام يوم شفتها في التوحيد نور هي هي بيبي ميراج برضه وبنفس السعر ..هبقى اجيبها ان شاء الله

انا بقى لسه مجبتش غير بيجاما واحده خريفي كمان مش عارفه اجيب مقاس كام من الشتوي ..يعني محمد دلوقتي 5 ونص ..اجيب شتوي مقاس سنه مثلا ..على اساس انه هيلبس كذا حاجه تحت الهدوم وللا اعمل ايه .. على فكره انا شفت شايات حلوة اوي في جيل مقاس من 6 ل12 وبينزل اكبر كمان الواحده ب16 تقريبا هي نص كم بس قماشتها حلوة اوي اوي هبقى اجيب منها لان الفرع اللي رحته كان فيه واحده بس

ميوي ازي عبدالله دلوقتي ابقي طمنينا عليه ياقمر

سلاد ازيك ياجميله ..على فكره السلبينج باج اللي انتي حاطاهم دول متجبيش منهم فاشلين جدا والعيال بتتزحلق لتحت ..انتي اصبري شويه وهاتي اللي بيبقى صوف او قماش بطانيه وبيبقى بدراعات عادي هتلاقيهم في لفلي مش فاكره ب70 وللا 170

بنات بالله عليكم ادعوا لعبدالله

الحرارة مش راضية تنزل من امبارح ولا هو نام ولا أنا عارفة أنام من القلق

اديته لبوس دولفين ينزلها من 39 ل 38 وترجع تطلع تاني بعد شوية

أنا هقوم أصلي الضهر واجهز علشان عيادة الدكتورة بتفتح 2 ونص هاخده ليها

ادعوا له بالله عليكم تبقى حاجة بسيطة وتعدي

مى ان شاء الله خير وربنا يطمنك عليه


وان شاء الله الدكتوره تقولك سنان


ابقى طمنينا لما توصلى

أمةالله;10392003:
بنات بالله عليكم ادعوا لعبدالله

الحرارة مش راضية تنزل من امبارح ولا هو نام ولا أنا عارفة أنام من القلق

اديته لبوس دولفين ينزلها من 39 ل 38 وترجع تطلع تاني بعد شوية

أنا هقوم أصلي الضهر واجهز علشان عيادة الدكتورة بتفتح 2 ونص هاخده ليها

ادعوا له بالله عليكم تبقى حاجة بسيطة وتعدي

الف سلامه علي عبد الله ان شاء الله تكون حاجه بسيطه

ابقي طمنينا عليه لما ترجعي من عند الدكتور

نودىىىىىىىىىىىىى انتى هنا طمنينى عليكى

سلامو عليكوووووووووووووو
ازيكو

مي الف سلامة على اللولي شافاه الله وعافاه ياريت تطمنينا عليه وان شاء الله خير وتكون حاجة بسيطة

السلام عليكم

ازيكو ياامهاااااات

مى الف سلامة ع اللولى ربنا يشفية ويعافية ياااارب

حد هنااااااااااااااااااا

السلام عليكم يا بنات مصر يا رب تكونو فاكرينى
ايه اخبار ولادكم القمرات
انا عايزة اسالكم سؤال مهم
امتى اقدر اعلم ابنى على الحمام هو دلوقتى سنة و حوالى شهر والغريب انى لما اسال الدكاترة يقولوا لسه بدري اما الامهات بيقولوا انتى اتاخرتي
انا محتارة لانه رافض تماااااااااااااااااااما كل ما احطه على البوتى يصرخ و ميسكتش الالما البسه البامبرز يروح عامل فيه على طول خلاص هاتجنن

e_walaa;10394248:
السلام عليكم يا بنات مصر يا رب تكونو فاكرينى
ايه اخبار ولادكم القمرات
انا عايزة اسالكم سؤال مهم
امتى اقدر اعلم ابنى على الحمام هو دلوقتى سنة و حوالى شهر والغريب انى لما اسال الدكاترة يقولوا لسه بدري اما الامهات بيقولوا انتى اتاخرتي
انا محتارة لانه رافض تماااااااااااااااااااما كل ما احطه على البوتى يصرخ و ميسكتش الالما البسه البامبرز يروح عامل فيه على طول خلاص هاتجنن

عليكم السلام يا ولاء
نورتينا ف تجمع الامهات
بالنسبة لسؤالك اولا ربنا يخليلك ابنك

بس عن تجربة ان فعلا لسة بدرى ع موضوع البوتى دة

انا بنتى سنتين و5 شهور دلوقتى
وانا كنت بدءت معاها وهيا سنة و10 شهور

عقبا ما بدءت تفهم وتستوعب اية دة وكدة

كمان معلومة الصبيان بيتأخروا شوية يعنى ممكن لو عودتية من سنتين او قبل كدة بشهر ممكن تعدى لحد سنتين ونص
وحسب بقى استجابة طفلك او تشجيعك واسلوبك معاة
بس متقلقيش خالص

انتى ممكن تقلعية البامبرز وهو نايم وتفرشى تحت مشمع وكدة ع سبيل انك بتريحى جلدة
لكن مستسنيش منة انة يتحك دلوقتى
وربنا معاكى
ونحب نشوف ع طول معانا

السلام عليكم ازيكم يا مهمهات وحشتوني خالص مالص

فعلا يا ولاء لسا بدري اوي الدكاترة يقولولك مش قبل سنتين عشان الطفل يكون ابتدى يفهم يعني بعد ما ابنك يبقى عنده سنتين تبتدي تفهمي ايه يعني بوتي وكده وان شاء الله يستوعب على طول

e_walaa;10394248:
السلام عليكم يا بنات مصر يا رب تكونو فاكرينى
ايه اخبار ولادكم القمرات
انا عايزة اسالكم سؤال مهم
امتى اقدر اعلم ابنى على الحمام هو دلوقتى سنة و حوالى شهر والغريب انى لما اسال الدكاترة يقولوا لسه بدري اما الامهات بيقولوا انتى اتاخرتي
انا محتارة لانه رافض تماااااااااااااااااااما كل ما احطه على البوتى يصرخ و ميسكتش الالما البسه البامبرز يروح عامل فيه على طول خلاص هاتجنن

ولاء ياااااااااه فينك يا بنتى مبقتيش تدخلى ليه وحشتينا..
ماشاء الله يوسف كبر
وزى البنات ماقالولك اصبرى عليه شوية لسه بدرى جدا قدامك شوية لحد ما يبقى سنة و10 شهور مثلا وربنا يعينك
وياريت متبقيش تتاخرى علينا وتعالى ارغى معانا زى زمان..

مي الف سلامه لعبدالله شافاه الله وعافاه هابقى اكلمك ان شاء الله اطمن عليه

بنات بالله عليكو ادعو لزوجى لانه تعبان اوى وبيرجع برضه زى زمان
هو اساسا مكنش خف بس انا اللى بطلت اقولكم اخباره علشان بس متزهقوش
ربنا يهديه ويرضى يعمل منظار هو اللى هيبين كل حاجة
بس هو خايف يعمله
دعواتكم يا بنات بجد.......

ربنا يشفيه يارب سالي وان شاء الله خير متقلقيش بس الاحسن يعمل المنظار عشان الدكتور يكتبله الدوا اللي يريحه

hoobie;10395647:
ربنا يشفيه يارب سالي وان شاء الله خير متقلقيش بس الاحسن يعمل المنظار عشان الدكتور يكتبله الدوا اللي يريحه

يارب ياهوبى ربنا يسمع منك ويهديه
هو هيروح لدكتور ونشوف هيطلب منظار ولا ايه وربنا ييسر..

ميرسي يا بنات طمنتونى والله اصل اللى بيغيظني الستات الكبار اللى تلاقيهم يقولولك ايه ده الواد لسه بيلبس البامبرز ده اللى فى سنة بيدخل الحمام لوحده لما بيشلونى و يحسسونى انى العيب فيا انا