تجمع بنات مصر الراغبات في جسم رشيق

تسلم ايدك يا فجر افكار جميله اوي


توفي نورتي وربنا معاكي يلا شدي حيلك وان شاء الله بنات اسكندرية يساعدوكي

ملك حياتي نورتي بس برافو عليكي انك نزلتي كل دة اللى يقدر ينزل كدة يبقى هيقدر يكمل ان شاءالله


شيكو متقلقيش من رمضان خالص فعلا زي ما قلتي المعدة بتكش لما الاكل بيقل متقلقيش مش هترجع تاني

انا لما بقصد نستعد لرمضان اقصد اننا نتدرب من دلوقت على قلة الاكل

ملك حياتي

عايزينك تفيدينا بالنظام اللى كنتي ماشية عليه عشان تنزلي الوزن دة كله عشان نستفيد

لأ انا مقلقتش من كلامك

بس انا كل ما اقعد وافكر ف رمضان بخاف

انتى عارفه كتير بنوخم موت ف رمضان مع ان المفروض شهر العمل يعني

بس لأنى مبنزلش خالص الا لضرورة

فخايفة كمان من موضوع السحور والنوم بعديه على طول

والحلويات وكده

ربنا يهون علينا يارب ويبلغهولنا يارب :)

انتي متقليش في الفطار والسحور متخفيش هو بيبقى قرب الصبح يعني هيتهضم على مدار اليوم

هو الخوف من الحلويات والعزومات يبقى نعمل حسابنا ونخس دلوقت عشان لو نفسنا راحت لحاجة في رمضان مايبقاش في منها مشكله


انا على الفطار النهاردة بتاع المغرب كلت لحمة مشوية ومعلقتين رز

وبيبو اللى احنا فتحنا الموضوع علشان خاطرها مظهرتش خالص

بيبو انا شيفاكي انتي لسه مبدأتيش في الرجيم

يلا اتشجعي وابداي عشان صحتك وشكلك يا حبيبتي يكونوا في احسن حال

السلام عليكم يا بنات
ازيك يا نانو يا عسل
الموضوع حلو قوى
انا لاازم اخس ان شاء الله علشان التكيسات دى تقل باذن الله وعلشان جسمى يبقى شكله حلو وعلشان اصلا ان السمنة بتجيب امراض كتير ربنا يحفظنا

انا طولى 159 ووزنى 75
هدفى الاول 70
والثانى 65 والثالت ان شاء الله لو ربنا قدر لى 60 يارب
بصوا بقى يا بنات انا عندى فكرة كل واحدة فينا تكتب طريقة حلوة للاكل بتاع الريجيم تكون جديدة وفى نس الوقت لذيذة وفى نفس الوقت ماتطخنش طبعا هتقولوا طماعة
بقولكم يا بنات هو زيت الزيتون طعمه حلو فى الاكل ولا ايه؟
طيب وممكن نحطوا فى كل الاكل ولا حاجات معينة
عاية تشجيع الله يخليكوا لان النفسية دمار وكل ماتبقى نفسيتى وحشة باااااااااااااااااااااااااااكل كتييييييييييييييييييييير ربنا يستر
سلام يا قمرات

السلام عليكم

ازيكم يا بنات عاملين ايه؟

انا بدأت يا نانى من يومين بس بخفف أكلى بس.. بس مش عارفة ليه بفشل فى كتابة اليوميات :D بس انا معاكوا ومتابعاكوا اول بأول

دينا حمدى;9770898:

انا لاازم اخس ان شاء الله علشان التكيسات دى تقل باذن الله وعلشان جسمى يبقى شكله حلو وعلشان اصلا ان السمنة بتجيب امراض كتير ربنا يحفظنا

الف سلامة عليكي يا قمر ربنا يعفو عنك ويتم شفاكي على خير يا رب ويرزقك ذرية صالحة تقر بيها عينك
أما بالنسبة لموضوع النفسية فانا بضم صوتي لصوتك لأن نفسيتي ضايعة خالص من زمان وادوية الاكتئاب زودتلي وزني وبوظتلي شعري فاطريت ابطلها طبعا لأن السمنة و بوظان الشعر فحد زاتهم يدمرو النفسية

اه ... نسيت اقولكم
انا طولي 159 ووزني .... 105 كجم :BYE2: :21_235:
عايزة علميات استئصال مش رجيم .. مش كدا
المهم انا كدا خسيت 4 كجم في اسبوع ... كنت ماشية مع دكتور بس اتخنقت من الانظمة اللي بيكتبها مش مريحاني نفسيا خالص
وبصراحة دي مش اول مرة اروح لدكتور واخس وكل مرة برضو يا مش بكمل يا بكمل بس مبثبتش
محتاجة تشجيع رهييييييييييييييييب
عايزة اخس طبعاً عشان صحتي ضهري وركبتي بيوجعوني اوي وخطيبي كمان عايزني اخس لسه بدري على الفرح بس انا بقالي سنة مخطوبة وفي خلال الفترة دي رحت ل3 دكاترة للرجيم وولا مرة كملت للأخر
ممكن ابقى انزلكم الانظمة اللي عندي عشان اللي يستفيد منها ويعملها يدعيلي اخس بجد عشان انا تعبت خااااااااااااالص :21_184:

السلام عليكم ورحمة الله وبركاتو انا عضوة جديدة وعجبني موضوع ناني للرجيم عشان هو مشكل وحدة وانا ليا الشرف اني اكون من ضمن المشتريكات في هذا الموضوع لو سمحتو لي وشكرا

cico;9768612:
ملك حياتي


وحشتيني يا حبيبتي والف سلامة عليكي يا قمر

ربنا يعينك ويسهلك الامور يارب

اميننننننن يا رب


كيكو ازيك يا قمر اخبارك اية وعاملة اية مع الدايت
وحشتينى والله






فانا بجد قلقانة عايزة حد يطمني

كيكو حاولى يعنى بعد السحور تقعدى شوية كدة استنى تصلى الفجر واقرا قران

يعنى حاولى تتسحرى قبل الفجر بساعتين كدة وبعدها استنى تصلى الفجر ونامى
وما تقلقيش اكل السحور كلة هيتضم من الحركة طول النهار :D

المشكلة بقى عندى بعد الفطار
وخصوصا انى جوزى هيكون هنا وممكن اووى اكل ويا حماتى :ss:
طبعا مش هاقولها عاملة لامش هاكل والكلام دة
فدة هيكون تحدى وربنا يعينى علية

حاضر يا نانى من عينيا
اممممممممممم هاقولك شوية حاجات كدة من اللى كنت باعملها
بس ادعولى ربنا يتم شفائى على خير ويرزقنى ويرزق كل مشتاقة بالذرية الصالحة
امييننننننن يا رب العالمين


1/
اول مرحلة انا بداتها فى الرجيم كانت انى قللت فى الاكل شوية بشوية تدريجى
لانى بصراحة حاولت قبل كدة انى اعمل رجيم ومش كنت باستمر
فقلت اغير المرة دية واجرب مع نفسى واشوف هانجح ولا الاكل هيغلبنى

رغاية صح :D

معلشى استحملونى
المهم اهم حاجة انك تقللى تدريجى فى البداية مش تاخدى قرار انا عايزة اعمل رجيم
تقومى بداة الرجيم وبعد اسبوع تملى لا مينفعشى ما دام بداتى لازم تستمرى
وتكملى مشوارك للنهاية :wink:

2/

اهم حاجة فى الرجيم الرياضة

رجيم بدون رياضة بيساوى ترهل
لازم تمارسى رياضة
ومش شرط تروحى جيم انا كنت بالعب فى البيت
اعملى سيرش فى جوجل او فى المنتدى ما شاء الله مليان بالتمارين اللى تقدرى تمارسيها وانتى قاعدة فى البيت

3/
المياة لازم تشربى ما لايقل عن 8الى 10اكواب فى اليوم
طبعا المية معروف فوايدها التى لاتحصى ولا تعد هى اساس الرجيم هى وطبق السلطة :D

4/

حاولى بقى انك تتخلصى من الاكل الدسم اللى فى التلاجة
واستبدلية باكل صحى
على فكرة انا كنت باكل من اكل البيت عادى جدااااااااا
شطارتك بقى انك تخلية صحى
تعملية نئ فى نئ وتقللى الدهون على قد ما تقدرى
يعنى فى البداية كنت باحط فى الاكل كلة معلقة زيت
الوقتى باحط بالنقط :D يعنى نقطتين او 3 بالكتير واحيانا باستغنى عنة
واهلى اتعودوا على كدة خلاص هههههههههه


نانى انا مستجلة الوقتى بس دول شوية حاجات من عندى سريعة كدة

لو عرفت ادخل الوقتى تانى هاكتب الباقى اوك

ربنا يقوينا كلنا يا رب ونوصل للوزن المثالى واحنا بصحة وعافية

صباح الخير يا جماعة
ايه اخبار الريجيم معاكم؟

صباح النور
الرجيم يوم الجمعة والسبت باز
حيث انى سافرت لاهلى فكان لازم من عمل حلة محشى ماتينة
اتبعتها بحمام وكشك لوز

لكن نبداء من اليوم
ربنا معنا

ازيكم يا بنا اخباركم ايه واخبار الرجيم معاكم ايه؟

انا الصراحة مش بدأت الرجيم الفعلى لكن قللت كتير فى الاكل وربنا يقوينا ونوصل للوزن المثالى


تسلم ايدك على طريقة الجمبرى انا عملته قبل كده وكان جميل جدا

انا يعني

الحمد لله ماشى الحال

بس انا مبحبش الرياااضة اعمل ايه

جسمي بيوجعني من اقل حاجة :(:(:(
بيبو اخبارك ايه ف الريجيم يا قمر ؟

ازيك يا كيكو
انا الحمد لله كويسة وبخفف فى الاكل على قد ماقدر
بصى انتى جسمك بيوجعك من الرياضة عشان عضلاتك ضعيفة من عدم لعب الرياضة.. العضلات بتضعف مع عدم الاستخدام.. اتى قاعدة فى البيت مش بتنزلى خالص صح؟
حاولى تبدأى بالمشى واغصبى على نفسك العبى تمارين فى البيت ابدأى بخمس دقايق هتلاقى جسمك وجعك.. تانى يوم العبى تانى حتى لو لسة جسمك وجعك صدقيى بعد يومين هتفرق جامد معاكى وابدأى زودى فى الوقت بعد كده

وربننا يقدرنا كلنا ونقدر نوصل للى احتا عايزينه
ويارب مصر تكسب امريكا فى الماتش ههههههه

بنات انا بقالى 7 ايام عامله رجيم اول ما بدات كان وزنى89
ووزنت نفسى النهارده لقيت وزنى85 انا مبسوطه وربنا يقدرنى واكمل ادعولى

صباحكم/مساكم ورد
ايه الاخبار؟
يارب تبقوا تمام
انا هدير وحابه انضم معاكو انا فعلا بعمل دايت في معهد التغذيه في القصر العيني
انا طولي 160 سم ووزني 93 الحمدلله نزلت 4 كيلو ونص بس نزلتهم ببطء شديد
المهم عندي نصايح كتير وتعليمات عشان شايفه حاجات كتير انتو كاتبينها مش مظبوطه
بس محتاجه انام جدا
ان شاء الله لما اصحي من النوم ادخل اقولكو علي مجموعه التعليمات
وفي حاجات هتبسطكوا اوي بأذن الله
وهقولكو كمان اكلاتي المفضله في الدايت
ادعولي ربنا يقدرني واخس وابقي حلوه كده قبل فرحي الي فاضل عليه 4 شهور
يلا ربنا ييسر لنا كلنا الاحوال وان شاء الله كلنا نخس
هدفي الاول بأذن الله ابقي 90
والتاني85
والتالت80
والرابع 75
والخامس 70
اهدافي كتير:D

رورو ما شاء الله مبروك يا جميل يارب تخسى واحنا معاكى ونفضل بصحة