تجمع بنات مصر الراغبات في جسم رشيق

توفي نودي;9897309:
اهلا بكل البنات الجديده

ومفتقدين كل البنات القديمه فين رورو و جوي

طبعا طبعا مفيش ولا كيلو نزل من عندي بسبب اكلت المحشي بس نزلت 300 جرام دي حاجه تجن بس انا هصبر ال20 يوم دول واشوف النتيجه

وزني اول المسابقه 88 و تاني اسبوع جرام86.300 والاسبوع ده 86 فقط لا غير والدورة متأخره عليه 4 ايام وقلقاني جدا و الشهر الي فات اخرت يومين هو ده عادي يا بنات ولا في حاجه الي تعرف تقلي

مبروك النزول

ومتقلقيش من الدورة دة عادي عشان هي بتتاثر بالحالة النفسية بتاعت تجهيزات الجواز وكدة


بالنسبة للوزن ممكن ناخد الاراء و رأي الاغلبية هو طبعا اللى هيمشي انا ديمقراطية جدا هههههههههههههههههههه

ناانى ازيك يا قمر
طمنينى عاملة اية فى الدايت ووزنك بقى كام الوقتى

ازيكم يا بنات عاملين ايه؟
بقالى فترة ملخبطة فى الدايت عشان المصيف.. كنت بلعب رياضة بس .. مشى وعجل وكده ..
وبقالى برضه فترة ماوزنتش نفسى عشان مش عندى ميزان.. هوزن ان شاء الله كمان يومين كده..
وكمان حاسة انى زدت فى الوزن لأن عندى امساك بقالى فترة من بعض الادوية اللى باخدها..
ان شاء الله رجعت معاكم من النهاردة..
الفطار مش فاكراه بصراحة كنت مشغولة جدا فى الشغل مش فاكرة اكلت ايه..
المهم الغدا بفتيك وسلطة..

ازيكم يا بنات التجمع ده بجد فظيع وهاكون معاكم من النهارده ان شاء الله انا طولى 156 ووزنى 63 ونفسى اكون 53 بس فى مشكله انا طول النهار بره البيت ومش عارفه امشى على ريجيم خالص اعمل ايه وعايزه اخس 10كيلو دول قبل رمضان انا فرحى بعد العيد ان شاء الله

السلام عليكم
ازيكم يا قمرات
مبروك لكل البنات اللي خسوا واهلا بكل القمرات الجداد
المنتدي بقي ملخبط خالص اليومين دول
انا شايفه عندي نص الصفحه بالطول بس
عشان كده مش بشارك
انا انهارده اتوزنت يا بنات والحمدلله وصلت لهدفي الاول وهو 90 كيلو الحمدلله رب العالمين
بأذن الله هدفي التاني خلال الشهر ده 85 يارب اوصلهم
انا انهارده فطرت كبايه زبادي و6 مشمشات ضربتهم في الخلاط مع معلقتين سكر وعملتهم زبادو وكان طعمه حلو وبيشبع
وفي الغدا اتغديت 6 معالق مكرونه و4 صوابع كفته وسلطه كتييير
واتعشيت كوبايه كورن فليكس دايت بالردو +نص كوبايه لبن وتفحايه
يلا ورونا الشطاره :)

السلام عليكم ورحمه الله وبركاته
اولا بحييكم علي التجمع ده اللي بيدينا النشاط عشان نشجع بعض
ثانيا انا طولي 160 كيلو ووزني كان 100 كيلو من شهر ونص وحاليا بقيت 88 بس متابعه مع دكتور كويس جدا وهدفي اني اكون 65 كيلو ان شاء الله وحبيت اني انضم ليكم عشان اتحمس معاكم وان شاء الله هبقي انزل الانظمه اللي الدكتور بيكتب لي عليها كل يوم حد وخميس
والنظام من الخميس انهارده لحد يوم الاحد عباره عن
الفطار :بيضتين مسلوقين ورغيف عيش سن او ربع رغيف بلدي وخضروات طبعا
الغدا: عباره عن 2 تفاحه
العشا: علبه تونه مصفاه من الزيت ومشطوفه بالخل وسلطه خضرا او 2 سمك بلطي مشوي وسلطه خضرا
وانا بتوزن مرتين في الاسبوع يوم الاحد ان شاء الله اقولكم النتيجه
وبمشي كل يوم ساعه او ساعه ونص
ربنا يوفقنا كلنا يارب

ملك حياتى;9898202:
ناانى ازيك يا قمر
طمنينى عاملة اية فى الدايت ووزنك بقى كام الوقتى

اهلا يا حبيبتي انا تمام الحمد لله وماشية كويس قربت اوصل للوزن اللى عايزاه انا بقيت 66 كيلو الحمد لله وطولي اصلا 165 وانتي اخبارك ايه

قصة كبيرة;9898719:
ازيكم يا بنات عاملين ايه؟
بقالى فترة ملخبطة فى الدايت عشان المصيف.. كنت بلعب رياضة بس .. مشى وعجل وكده ..
وبقالى برضه فترة ماوزنتش نفسى عشان مش عندى ميزان.. هوزن ان شاء الله كمان يومين كده..
وكمان حاسة انى زدت فى الوزن لأن عندى امساك بقالى فترة من بعض الادوية اللى باخدها..
ان شاء الله رجعت معاكم من النهاردة..
الفطار مش فاكراه بصراحة كنت مشغولة جدا فى الشغل مش فاكرة اكلت ايه..
المهم الغدا بفتيك وسلطة..

ولكم باااااااك يا بيبو
يارب تكوني قضيتي اجازة سعيدة
معلش لو في شوية زيادة هتعوضيها ان شاء الله والف سلامة عليكي

دودو هانم;9900366:
ازيكم يا بنات التجمع ده بجد فظيع وهاكون معاكم من النهارده ان شاء الله انا طولى 156 ووزنى 63 ونفسى اكون 53 بس فى مشكله انا طول النهار بره البيت ومش عارفه امشى على ريجيم خالص اعمل ايه وعايزه اخس 10كيلو دول قبل رمضان انا فرحى بعد العيد ان شاء الله

اهلا يا دودو منورة
اهم حاجة تفطري قبل ما تنزلي
وانتي برا كلي حاجات مفيدة خلي معاكي تفاحة او سندوتش توست اسمر بقطعه جبنه عادي خليهم في الشنطة ايه المشكلة
وازازة ميه

ولما تروحي تتعشي حاجة خفية

اهم وجبة عندك تكون الفطار

*حبيبة حبيبي*;9900430:
السلام عليكم
ازيكم يا قمرات
مبروك لكل البنات اللي خسوا واهلا بكل القمرات الجداد
المنتدي بقي ملخبط خالص اليومين دول
انا شايفه عندي نص الصفحه بالطول بس
عشان كده مش بشارك
انا انهارده اتوزنت يا بنات والحمدلله وصلت لهدفي الاول وهو 90 كيلو الحمدلله رب العالمين
بأذن الله هدفي التاني خلال الشهر ده 85 يارب اوصلهم
انا انهارده فطرت كبايه زبادي و6 مشمشات ضربتهم في الخلاط مع معلقتين سكر وعملتهم زبادو وكان طعمه حلو وبيشبع
وفي الغدا اتغديت 6 معالق مكرونه و4 صوابع كفته وسلطه كتييير
واتعشيت كوبايه كورن فليكس دايت بالردو +نص كوبايه لبن وتفحايه
يلا ورونا الشطاره :)

مبرووووووووك يا حبيبة وان شاء الله توصلي لكل اهدافك
وبالهنا والشفا اللى كلتيه

مرهفه المشاعر;9900623:
السلام عليكم ورحمه الله وبركاته
اولا بحييكم علي التجمع ده اللي بيدينا النشاط عشان نشجع بعض
ثانيا انا طولي 160 كيلو ووزني كان 100 كيلو من شهر ونص وحاليا بقيت 88 بس متابعه مع دكتور كويس جدا وهدفي اني اكون 65 كيلو ان شاء الله وحبيت اني انضم ليكم عشان اتحمس معاكم وان شاء الله هبقي انزل الانظمه اللي الدكتور بيكتب لي عليها كل يوم حد وخميس
والنظام من الخميس انهارده لحد يوم الاحد عباره عن
الفطار :بيضتين مسلوقين ورغيف عيش سن او ربع رغيف بلدي وخضروات طبعا
الغدا: عباره عن 2 تفاحه
العشا: علبه تونه مصفاه من الزيت ومشطوفه بالخل وسلطه خضرا او 2 سمك بلطي مشوي وسلطه خضرا
وانا بتوزن مرتين في الاسبوع يوم الاحد ان شاء الله اقولكم النتيجه
وبمشي كل يوم ساعه او ساعه ونص
ربنا يوفقنا كلنا يارب

اهلا بيكي معانا يا مرهفة وشيدي حيلك وان شاء الله توصلي للوزن اللى نفسك فيه


فطاري النهاردة يا بنات
كورن فليكس مع حليب خالي الدسم

والغدا سمكة مشوية وسلطة

والعشا نسكافيه

الحمد لله يا نانى تمام

بس فى شوية لخبطة فى الاكل يلا كلها كام يوم واروح للدكتور
يا رب بقى مش عدت اخد الدوا عشان ارجع تانى للدايت

ازيكم ياحلوات انا النهارده فطرت خياره كبيره وشاى و2 بقسماط حلو كده ولا ايه؟؟ ولسه ماتغديتش مش عارفه هكمل كده ولا ايه يارب اقدر اكمل واوصل للوزن اللى عاوزاه

انا كلت النهاردة
الفطار عصير اناناس وواحدة زبادي قليل الدسم
الغدا ربع فرخة مشوية
العشا هاكل تفاحة
وهوزن ان شاء الله خلال اليومين دول
ايوة كدة تشجييييييييييييييييييييييييع

بنات انا زعلانة بس مش هصدق
انا وزنت لقيت وزني اقل كيلو واحد بس طيب ازاي انا خسيت وكل هدومي وسعت عليا
مش عارفة يمكن الميزان بايظ
اروح واوزن في مكان تاني؟؟؟؟؟؟؟؟؟؟؟

معلش يا انجل ماتزعليش

جربي تتوزني تاني

والاحسن يكون عندك ميزان في البيت

ودة السبب اننا لازم نوزن في اوقات قريبة لان المدد الطويلة دي بيحصل فيها حاجات واحنا مش حاسين لكن لما نتوزن دايما بناخد بالنا اكتر ونصلح بسرعه

واكيد انتي في حاجة غلط في نظامك وانتي مش عارفة

النهاردة فطرت وحدة مافن صغيرة

واتغديت طبق بسلة صغير مطبوخ ني في ني مع ربع فرخة

والعشا 2 برتقال ووحدة بسكوت

ازيكم يا جميلات اخبركم ايه

ازيك يا ناني وجوي لسه النت عندها بايز ولا ايه:X_hell1:


[GLINT]واهلا بكل القمارات الجداد الي معانا[/GLINT]:9_33:


انا امبارح والنهارده استويت من كتر النزول والدورة اخيرا وصلت وتعباني جدا بس اكتر حاجه بسطاني اني مبوزتش الرجيم ومشيه عليه بس من بكره انشاء الله هشيل وجبت العشا وهيبقه نظامي عادي

الفطار شاي اخضر بالنعناع وعلي الساعه 2 هاخد النسكافيه بتاعي

والغد هيكون سلطه خضرا او سوتيه + اي بروتين جنبو

هو ده نظام ال20 يوم بتاعي بس مع شويه تعديلات

انا فرحي قرب خالص فعوزة اضغط نفسي شويه وهرجع انزل الجيم يوم الخميس انشاء الله بعد ما الدورة تخلص

بس وانا عارفه اني زهتكم من الكلمه دي بس بجد انا محتجاها:21_186::21_186: (أمانه عليكم الدعاء)

صباح الخير يا بنات
انا النهاردة وزنت نفسى لقيتنى زدت الكيلو اليتيم اللى خسيته.. الحمد لله انى مازدتش اكتر .. :(
المهم هحاول احترم نفسى تانى من النهاردة ان شاء الله.:(

ازيكم انا وزنت لقيت نفسى نزلت واحد كيلو

انا حاسة انوا بداية تمشى

انا عايزة اعرف انتوا بتنزلوا تتمشوا فين ؟

القاهرة بتاعتكم دى مافيهاش حتة الواحد ينزل يتمشى

قبل ما اتجوز كنت بنزل على الاقل 3او 4 مرات فى الاسبوع اتمشى

دلوقتى مافيش اى مكان اية الحل

صباح الخير يابنات
انهارده فطرت بيضتين مسلوقين ورغيف السن وكلت خيارتين
ادعولي انهارده ميعاد الدكتور والوزن يارب انزل كيلو حتي
كنت عايزه اعرف اشتري شاي الاخضر منين انا كا بيجيلي من بره بس مش عارفه اشتريه منين من هنا وايه احسن نوع ؟
ساره القاهره بحالها كده مفهاش ممكان للتمشيه:cool: قوليلي انتي منين ياقمر وانا اقولك تتمشي فين انا كل يوم بمشي ساعه او ساعه ونص وبصراحه احسن مكان تمشي علي سور المترو لا يمين ولا شمال حوالي 3 محطات او اربعه رايح جاي

السلام عليكم ورحمة الله وبركاته

انا اول مرة اشترك معاكم

انا مسلمة من الاسكندريه عندى 24 سنة متزوجة ولا اعول

طولى: 150 (ازعه يعنى ) هههههههههه

ووزنى :امبارح اتوزنت طلعا (73.300)

هدف التخسيس: الصحه الجيده والشكل الوااو والنونو ان شاء الله ربنا يكتب الحمل والصحه لكل بنات المسلمين يارب

مشكلتى بقى عدم الحرة تمام غير فى نطاق البيت لانى بعتمد فى نزولى على التكسيات مع الحر كمان الواحد مش قادر اصلا

ومشكلتى التانيه عدم النظام فى الاكل يعنى ماليش مواعيد يعنى انا لحد دلوقتى مش فطرت ساعدونى بقى عايزة اخس هدفى الاول ان شاء الله 70 وبعدين نتفاهم هههههههههههه

شكرا ليكم على التجمع الحلو دة ربنا يحقق لكل واحده فيه امانيها يااااااارب

قصة كبيرة;9913368:
صباح الخير يا بنات
انا النهاردة وزنت نفسى لقيتنى زدت الكيلو اليتيم اللى خسيته.. الحمد لله انى مازدتش اكتر .. :(
المهم هحاول احترم نفسى تانى من النهاردة ان شاء الله.:(

معلش يا قصه كيلو زياده مش مشكله كبيره انشاء الله ينزل بسرعه