looloo86;8973650:
بصي يا جميلة النظام إلي هامشي عليه إن شاء الله من بكرا هبعتهولك عل خاص و يا رب توافقي تعمليه معايا عشان محدش رضي يعملو معايا مع إن والله بيخسس جامد بس على فترة ٣ شهور
أنا مش مقتنعة قوي بنط الحبل لأسباب كتيرة إن بيقولو بتوقع الرحم أنا مش مصدقة الكلام دة بس بردو بلاش منها أحسن و كمان مش هتقدري تنطي نص ساعة ورى بعد أصل لازم رياضة تحرق و عشان تحرقي لازم وقت أطول
بصي أنا عندي عجلة و أربترك و بنزل أمشي ممكن تشتركي في جيم أنا كنت مشتركة كان حاجة تحفة بس المواعيد بتعتو صعبة فالشتى
أحسن حاجة للرياضة المشي ولو نص ساعة بس النظام إلي هبعتهولك لازم ساعة و الأخت روح الحب هي إلي عملاه و ما شاء الله هي والمجموعة بتاعتها وصلو لوزن عارضات الأزياء على النظام دة وللأسف جيت عل أخر و مكنش ينفع اشارك
الفكرة اننا بنمشي عل دايت إسبوعين و الوزن كمان كل إسبوعين و اليوم المفتوح بعد إسبوعين لحد الساعة ٨ بس و بعديها ممنوع الأكل
هبعتهولك عل خاص إن شاء الله
ساندي يا جميلة مرسي على نصحتك بس القهوة والنسكافه مفدين للقلب على فكرة و بيخسسو لو نسبة الدهون ثابتة في جسمك مش بتتخني يعني بس العيب ذي مقلتي المايا ف الحل إن قصاد كل كباية منهم كباية مايا نورتي الموضوع بجد على طول بحب أشوف مشركتك
يا ريت تجي تنوريني أنا و didem حتى ولو للتشجيع أو لو عايزة أبعتلك النظام يمكن تبقي عارضة أزياء ههههه
ميرسي يا قمر ربنا يكرمك يارب بس أنا داايما هفتانه وعايزة اللي يأكلني هههههههههههه ههه
looloo86;8974278:
ماشي يا جميلة إن شاء الله ننجح يا رب
و الوزن إن شاء الله الجمعة الجاية لأ إلي بعديها و لازم لازم وعد محدش يوزن صدقيني بتفرق فالنفسية و الإحباط
على فكرة أنا جيبة اقراص ردة و باخد omega ٣ كبسولات بس مبخدهاش إلا لما بلتزم و مدام هلتزم من بكرا هبتدي أخدها
أنا شربت كبيتين شاي أخضر دلوقتي و أنا اعدة بالنعناع و لعبت ساعة عل عجلة هقوم بقى أنام عشان أبدأ اليوم من بكرا معاكي بس أصلها بتشتي مش جيلي نوم من الرعب من صوت البرق هههههه بشرحلك الفيلم إلي عيشة فيه
Didem;8975684:
قوليلى ايه فايده الاوميجا 3 ؟
عشان لو حلوه اخدها
لولووو وديدم يا بنات أرجوكم بلاش الأوميجا 3 دي أنا زمان كنت هجيبها وموهمه بيها علشان سمعت ان الفيتامين دا رهيب للبشرة وبعد كده أخويا دكتور قالي بلاش الحبوب اللي بتبقى فيتامينات علشان بتبقى مضروبه وصلاحيتها منتهية وأنا خفت آخدها والله يابنا ت الكلام جا فعلا صحيح لإن في فعمارتنا واحد رياضي جدا وبياخد دايما الأوميجا 3 علشان يعني بقى تبقى صحته حلوة والله العظيم يابنات جاله انسداد في الشرايين وأنا بالصدفه أهله لما حصله كده قالولي انه بيلعب رياضه وبياخد الاوميجا 3 وحديد
أرجوووووووووووووووكم بلاش والله العظيم أنا مبنصحكم إلا علشان خايفه عليكم الناس مبقاش عندها ضمير
خليكوا في المصادر الطبيعية ولو عايزين تاخدوه طبيعي موجود في الأسماك بكثرة خصوصا السلمون وكلوا أسماك مشوية أو تونه تبقى حلوة وضامنين انها مفيهاش مواد حافظه كتير
Didem;8975677:
السلام عليكم ورحمه الله
صباح الخير
جمعه مباركه باذن الله
انا الحمد لله فطرت الساعه 11 ربع رغيف بلدي جواه بيضه مسلوقه وكوبايه شاي بلبن
وشربت قبل الفطار كوبايه ميه وبعده كوبايه ميه
وان شاء الله عالساعه 2 ونص هاشرب كوبايه شاي اخضر
بس مش هاقدر العب اي رياضه اليومين دول خالص عشان انا عندي ...:o:o
نتقابل عالغدا باذن الله
أنا بقى يالولو وديدم عايزة أقولكم على نظام لو قدرتوا تعملوه والله لتخسوا وكمان تبقى صحتكوا حلوة جدا لإنه بيعالج أمراض كتير ويحمي منها وهو سهل بس عايز استمرار وعزيمه
الطريقة دي عرفتها من واحد ربنا يكرمه بيعرف في الطب النبوي
وهي انك لما تصحي تشربي 4 أو 5 كوبايات مية وتستني ساعة وبعدين تفطري عادي وتستني بعدها بساعتين متاكليش حاجه
وبعدين لو كلتي فاكهه تستني بعدها بساعتين برده متاكليش حاجه وبعدين تشربي 4 أو 5 كوبايات ميه وبعدها بساعة تتغدي وبعدها لغاية ساعتين متاكلوش حاجه ونفس الشئ قبل العشا 5 كوبايات ميه وبعد العشا لمدة ساعتين مفيش أكل
هو نظام صعب شوية وعايز تنظيم بس والله العظيم لو عملتوه هتلاقوا جسمكوا خس جدا وكل السموم اللي فالجسم بتطلع
وأنا نفسي خسيت جدا لما كنت بشرب ميه كتير قوي
وكمان أنا كانت وقعت في ايدي ورقه مكتوبه عن النظام دا ومكتوب فيها ان النظام دا بيشفي اللي عنده نقرص وسكر وأمراض كتيرة مش فاكراها
بس كده قولولي ايه رأيكوا فيه بقى
