رجيم صحي للصيف مين معايا

السلام عليكم ورحمه الله
انا انهارضه فطرت تفاحه وكوب شاي بلبن بس
معرفش مش عوزه اكل تاني ليه
نفسى مسدوده مع ان مفيش حاجه خالص الحمد لله
يلا مش مهم خير ان شاء الله
ابقى ادخلى يالولو وقولى يومياتك

didem

حساكي ضاغطة جامد علا نفسك مش عايزة أديقك بس كدة لائمة مرة وحدة هتكلي كتير لائمة مش هتحرقي كويس بعد كدة لازم يا قمر بالذات تفطري كويس دي أهم وجبة و بتظبت الحرق

أنا إنهردة لعبت ساعة بس عل عجلة و فطرت نسكافه و ربع رغيف جبنة بيضة و شربت كوبياة شي أخضر بالنعناع و خروب سخن من غير سكر

لا والله يالولو
انا اساسا مش من الناس دي
يعنى عمري ماحبيت الرجيمات الهبله بتاعه الصنف الواحد ولا الكيميائي ولا الحرمان
انا اللى نفسي بقت مسدوده والله بدون سبب
يعنى دلوقتى بشرب كبايه شاي اخضر وحاسه انى مش جعانه خالص
هحاول انهرضه عالغدا باذن الله اكل طبق ملوخيه وطبق سلاطه وربع فرخه مسلوقه وربنا ييسر
وعلى فكره انا مش مستعجله خالص
يعني يوم 13 مايو باذن الله لو خسيت حتى 5 كيلو هبقى انا الكسبانه باذن الرحمن

ولا أنا مستعجلة يا قمر
تخيلي امبارح شفت وحدة في منتدى أجنبي عملة هدف ٣ بوند في شهر مارس يعني بتاع كيلو ونص كدة و أهم حاجة عندها انها تلعب رياضة بعدد ساعة معينة خلال الشهر طبعاً هي كانت مليانة و قربت من الوزن المثالي بس عرفة إلي عجبني انها حاطة هدف حقيقي مش صعب و مش خيال

أنا كمان الحمدلله هعدل أهدافي هههه يعني لو كيلو فال إسبوع أو نص مش مهم المهم اني أخسهم و مش يرجعو تاني و أكلي يرجع صحي مش شيبسيات و شوكولاتة و الأكل الغريب دا إلي بكلو و أنام أو أكل تاني هههه

انتي يمكن عشان ال-.......... نفسك مسدودة مع انها المفروض العكس أو ممكن من الشاي الأخضر هو بيسد النفس و بينعنش كدة

عرفة في وحدة بردو في منتدى أجنبي ههههه بتسأل على انها لو مش ليها نفس تاكل هل لازم تاكل غصب عنها عدد السعرات المسموح بها فال يوم قللوها اه بس لو ملهاش نفس تاكل مكسرات عشان فيها OMEGA ٣ ههههه فينك يا ساندي و تاكل فواكه مجففة طبعاً مش كتير هي بس تظبط بيهم سعرتها

ايوه كده هما صح يابنتى
مش تلاقيلك واحده عاوزه تخس 30 كيلو فى الشهر وبدون رياضه
وبعد ماتوقف ريجيم ترجع الوزن القديم واكتر
هو بصي اصلا انا مش شايفه انى بعمل ريجيم
انا شايفه انى خلاص وضعت نظام لحياتي فى الاكل
يعنى فطار وغدا وعشا
ولازم الاكل يكون مغذي وكويس وده نظام امشى عليه طول حياتى مش مجرد فتره
هى المشكله عندى انى باكل كميه كبيره من الاكل وكمان طبعا الشيكولاته والشيبسى وكده
ربنا يصبرنا بقى

looloo86;8992287:
حبيبة قلبي جت
وحشاني يا جميلة عاملة إيه
هفتانة ليه بس دة حتى الشتا بيأكل ههههه

بصي يا قمر أنا خريجة صيدلة ههههه مكنتش عايزة أقول كل الفترة دي ههههه و ال-omega3 ٣ دة يا جميلة زيت مش فيتامين و مفيد جداً فوق الوصف و جاركو أكيد خد حاجات تانية معاه أنا عرفة البلاوي إلي بيخدوها و ممكن أدكي لستة تروحي تسأليه هيكلك خد منها sure ههههه عرفة ال-omega ٣ مش بيعمل عضلات أصلاً و شكلو بلبعلو كم حاجة معاه و قال لعيلتو omega ٣ عشان مش عارف مين فالي خدهم السبب ههههه
اسألي أخوكي هيقلك كلو إلا ال-omega ٣ خدوه هههههه طبعاً أنا مش دكتورة بس أنا درستها و بخدها و بديها لماما و didem ههههه
النظام جميل جداً جداً و انتي مفترية جداً جداً عشان هروح و أجي عل حمام فالصقعة دي ههههه بجد انتي عسل و بتحبي تفيدينا قوي ححاول أكتر المايا تدريجي لكن ١٥ كباية فاليوم صعب جداً

لولووووو والله انتي عسل وسكر خالص وانتي اللي وحشاني جدا وبحب أشوفك انتي وديدم بحس انكوا طيبين قوي
وانتي ضحكتيني موت لما قلتي على حتة الحمام دي في الشتا هي فعلا عذاب بس والله هتحسي ان جسمك نشط جدا جدا لإن المية بتنضف كل السموم والبلاوي اللي بناكلها
وفعلا الاول هتحسي انك مش قادرة بس بالتدريج مش هتفرق معاكي خالص ومتخليش حد يشوفك وانتي بتشربي المية دي كلها علشان هيتريقوا عليكي ويحبطوكي
أنا كنت الأول بشربها بكل سهوله بس لما اخواتي شافوني وقعدوا يتريقوا عليا مبقتش أقدر أعملها
بالنسبة يا قمر للأوميجا 3 أنا مش قصدي يا قمر انها هي بالذات وحشه لآ
أنا قصدي ان دلوقتي سوق الأدويه بقى صعب جدا وكل اللي بيشتغلوا في المجال دا اللي هو الأدويه بيغشوا في الحاجات دي وبيحطوا حاجات صلاحيتها منتهية واللي يعرف كده اللي بيتعامل معاهم يعني مش الصيادله لأ الناس اللي بتصنع الأدوية دي بس طبعا مش كل الناس تعرف الكلام دا وربنا يوفقك يا قمر وتخسي انتي وديدم زي ما انتوا عايزين

Didem;8992393:
لولو وساندي ربنا يكرمكم يابناتيت ..يرزق ساندي بالذريه الصالحه ويرزقك يالولو بالزوج الصالح
انا هحاول اعمل زي ماقلتى ياساندي فى موضوع الميه
بس يارب نفسى متموعش واحس انى عاوزه ارجع
طب انا عاوزه اسالك ياساندي
انتى وزنك وطولك كام؟
حملتى قبل كده؟...هرموناتك اتغيرت يعني؟

ديدووووووووووم انتا دكتور ولا ايه يا عم
علشان بتسأليني على الحاجات دي تصدقي أنا مش حاطه في دماغي خالص وروحت عملت تحليل مرة واحده بس والدكتورة قالتلي مفيكيش حاجه خالص وأنا محملتش قبل كده خالص
ومش فاهمه يعني ايه هرموناتي اتغيرت ؟ لإني زي ما قلتلك الحكاية دي مش فدماغي خالص وبقول لو خير ربنا يكتبلي الخلفه ولو مش خير خلاص قدر الله وماشاء فعل
وأنا طويله طولي 170 بس وزني والله ما أعرف ولا بقيس نفسي وأنا مهمله في الأكل خالص مبهتمش بنفسي
وربنا يجازيكي خير ياقمر على الدعوات الحلوة
وبالنسبة للميه مرة على مرة هتتعودي عليها ووالله بتفرق جدا جدا لما بشرب ميه كتير حتى لو مكلتش كويس بحس ان جسمي مرتاح وبشرتي وكمان مبتعبش جامد والالتهابات بتخف جدا
لإن جسم الانسان دا عبارة عن ميه كل خليه في الجسم فيها كمية ميه معينه لو اختلت النسبة دي بتعمل مشاكل في الجسم وتجيب أمراض

هوا انتى ليه يا لولو قسمتى الموضوع احزاب اللى هايمشى على النظام بتاعك تردى علي مشاركتو واللى مش هايمشى مش يلزمك ؟؟؟؟؟؟؟؟؟؟؟
اصل بحس انى بكلم نفسى هنا بدخل اقول لنفسى وافكرها انا كلت ايه الصبح

الله يوفقكم اجمعين

meroo012;9006309:
هوا انتى ليه يا لولو قسمتى الموضوع احزاب اللى هايمشى على النظام بتاعك تردى علي مشاركتو واللى مش هايمشى مش يلزمك ؟؟؟؟؟؟؟؟؟؟؟
اصل بحس انى بكلم نفسى هنا بدخل اقول لنفسى وافكرها انا كلت ايه الصبح

ليه كده ياجميله
انا يمكن مش لولو بس اساسي هى مش قصدها كده
وبعدين هى بترد على اللى بتقدر عليه:)

انا فطرت انهارضه بيضه مسلوقه وربع رغيف
واتغديت 5 معالق مكرونه وحته كبده صغننه خالص وطبق سلاطه
واتعشيت تفاحتين وشاي بلبن
وهاتجنن واوزن يالولو والميزان جنبى اهو ...حسه انه حته شوكالاته ومانعه نفسى عنها

meroo012;9006309:
هوا انتى ليه يا لولو قسمتى الموضوع احزاب اللى هايمشى على النظام بتاعك تردى علي مشاركتو واللى مش هايمشى مش يلزمك ؟؟؟؟؟؟؟؟؟؟؟
اصل بحس انى بكلم نفسى هنا بدخل اقول لنفسى وافكرها انا كلت ايه الصبح

متظلميهاش يا أختي هي ممكن عندها حاجه شغلاها وممكن بترد على اللي تقدر ترد عليه

looloo86;8991515:
معلش يا بنات مش دخلت إنهردة ما شاء الله عليكو
أنا امبارح فطرت ربع رغيف مع بيضة و نسكافه و الغدا كان طبق سلطة كبير مع ٢ برجر مشوي
و العشا كان زبادي مع ربع رغيف و جبنة بيضة خالي الدسم
الرياضة ملعبتش كانت صقعة جداً مش قادرة أعمل حاجة

mero
دة الرد إلي بعد ردك انتي و فتافيت و pinkaya و بعديها انتي مش دخلتي أصلاً و didem بس و pinkaya دخلو و مرسي على ذوقك

suso22
نورتي يا قمر

هههههه نفس احساسي يا didem و حاسة إنو هيفرحني المرة دي
ما شاء الله عليكي يا جميلة
pinkiya فينك إنهردة يا قمر

didem و ساندي مرسي يا حبايبي

أنا بقى فطرت إنهردة ربع رغيف مع جبنة بيضة و الغدا سلطة و ربع رغيف مع برجر و العشا زبادي و مشيت نص ساعة

هوا انتو ليه زعلتو منى كدة انا اكيد مش اقصد ازعل حد بس انا فعلا شايفه انو موضوع جميل وعايزاة يبقى متفاعل بس دة كلن كل قصدى مش اكتر

ووه انيي تعباانه عددل



بس مو من الرجيم :tongue:

من الشغل خخخخ توي بدايه هالشهر مداومه

عندي تريينغ شهرين تبع شهاده الدبلوم




هلااا لولوو
مشكورة ع السؤاال عني

والله حبيبتي انشغلت في الشغل
ولاا قدرت ادخل

قل شربي للمااي وقلت الرياضه في هاليومين الا مرو :ss:

قااعده احاول اطبق النظام قد مااقدر

احمل ويااي الشغل شريحة توست معاها جبن سلايس منزوع الدسم


واشرب ماي 500 مل في الشغل

مااقدر ازيد اخاف كل شوي وانط الحمام هع

واكلت في الغدا في هالثلاث ايام دجاج كل يوم طبخه شكل طبعا بدون دهن
معاها ربع خبز اسمر

اول امس ماتعشيت
وامس شربت لبن ع العشا



بس بحاول اعوض في الرياضه هاليومين لانه قصرت فيها

دعواتكم انه مااقصر فيهاا

لانه الحين الحمدلله ملتزمة ع النظام وتعودت عليه

بس اهملت في الرياضه شوي

ربنا معاكي يا pinkiya
انا انهارضه فطرت تفاحتين وشاي بلبن
واتغديت طبق ملوخيه وشريحه فراخ بانيه
واتعشيت كبايه زبادي وتفاحه
بس والحمد لله على كده
وعاوزه اشرب كبايه شاي اخضر دلوقتي

mero
ولا يهمك ابقي ادخلي قللنا يومياتك

أنا امبارح كنت بحاول أدخل السايت كان في حاجة بليل المهم امبارح فطرت ربع رغيف مع مربى و شاي بلبن و الغدا ٢ برجر مع سلطة و العشا كان فرولة بتاع ١٠ حبات مع زبادي و لعبت ساعة عل عجلة

didem بجد شطورة ما شاء الله
و pinkya يا حبيبتي مبروك و معلش حوار المية د كمان بيحصلي مش بشرب لما بكون خارجة بخاف من كدة بس تقريباً جسمك بيتعود و مش بيطلع المايا مع الوقت بتبقى من تكوين جسمك و حاولي تعملي الرياضة في أول اليوم لئن أكيد فالأخر بتجي تعبانة و هتكسلي أنا كنت بعمل كدة أيام الكلية و الشغل قبل مسيبو هههه يلا استمري

اه إنهردة صحيت عل غدا على طول كان سمك و كالتو من غير عيش مع سلطة و شربت نسكافه عشان أصحصح و لسة مفيش أمل

ايي لولو يبيي ليي اسويي جدي


بس الدواام من وقت الساعه 7

شكلي بقعد من 5 بدل مااقعد 6

وان شاء الله اقدر اسوي رياضه لما اقعد لانه اكون مو مصحصحه هههه

ويعني اكلي نفس كل يوم مايتغير عبارة ويه الشغل ماعندي مجال



والعشاا باكل لبن و خيار

انا انهارضه فطرت موزه وتفاحه وشاي بلبن
واتغديت ربع رغيف ومعاه كام جمبرايايه كده
وناويه اتعشى فاكهه باذن الله
وهاقوم انط شويه حبل ربع ساعه كده واعمل 10 تمارين بطن