رياضه ×رياضه للنشيطااااااات فقط

هلا ليدي مشااء الله عليك خليك كذا متحمس
بس معليش على هالسوال ايش هو كلاس ايروبيك
وانا بصراحة اليوم تمرنت 10دقايق ووقفت كان عيالي معاي وجننوني خلوني اوقف تمرين
ان شاء الله بكره اعوض عن اليوم

الله يعييييييييييينج على عيالج ان شاء الله ... تدرين انا مرات شو كنت أسوي !! ... مثلا كنت اشوف التيلفزون و أسوي تمارين للايد.. يعني كنت أحاول أستغل الوقت في الرياضة.. وأحيانا كنت أشوف التيلفزون وأسوي تمارين ثانية مثلا للبطن ... ومرات كنت أسوي التمارين بعيال أخويي ..خخخخخخخخخخ
كنت اشل ولد اخويي اللي عمره 3 سنين الا شوي.. وارفعه فوق 10 مرات .. أو أخليه ييلس على ريولي وأنا اطيح وأسوي تمارين البطن ... كوووووووووووووني مبدعة .. وممكن تسويلهم حصة رياضة .. تتنططون وتسوون سباقات (كنت أسوي جيه ويا عيال اخواني وواااااااايد يستانسون)

وبخصوص كلاس الآيروبيك .. هو عبارة عن حصة رياضة تنقسم إلى كذا قسم.. أول قسم بس نحمي نسوي تمارين بسيطة.. والقسم الثاني يكون تمارين للايد.. والقسم الثالث يكون تمارين للريول .. وعقب تمارين للبطن والمؤخرة والخصر... يعني نسوي تمارين كاااااااملة للجسم ويا المدربة.. وتكون غالبا الحركات سريعة ..
(ان شاء الله فهمتي عليي)

ماشاء الله فعلا حلو انك تستغلين الاوقات بالرياضية انا عيالي يحبون يتمرنون معاي بس يزهقوني كل لازقيني فيني ماخذ راحتي وانا اتمرن وشكلي بسوي زيك ان في كل وقت اسوي لي تمرين وخصوص اذا ماتمرنت في الصباح احس الوقت باقي اليوم يضيع ولا اقدر اتمرناليوم تمرنت بالدراجه 30دقيقة و20دقيقة تمارين للبطن والخصر والصدر

اي فهمتك عليك بخصوص كلاس الايروبيك هذه الشي حلو يخليك تتحمسين اكثر للتمارينات

مرحبا كيف احوالك اخت ليدي
انا اليوم شكلي مار اقدر اتمرن لان عندي الدورة وتعبانه اشوي
وشكلي مافي تمرين الا يوم السبت هاليومين الجاين مافي وقت للتمرينات

هلا مهذبه .. انا الحمدلله بخير.. انتي شحالج؟ .. يالله لازم كل وحدة أول يومين الدورة ما تقدر تمارس الرياضة... بس شدي حيلج بالسبت .. وعوضي..


بخصوص البارحة: تمرنت ساعة .. عجهاز المشي جريت لمسافة كيلو .. وسويت تمارين بطن وخصر .. وريول وبعد تمارين للمؤخرة

وبخصوص اليوم : سويت رياضة لمدة ساعه الا ربع.. (كان عندي موعد) .. تمرنت عجهاز السكيتنج (اللي مثل مال التزلج) لمدة خمس دقايق.. وعقب سويت لمدة ربع ساعه تمارين للبطن .. وعقب سويت تمارين للايد والمؤخرة ..

وباجر احتمال ما اقدر اسوي رياضة ( والجمعة والسبت اجازتي -- فما اسوي رياضة)

يااي حابه اشترك معاكم
بس انا ابغي الارداف و المؤخره
بطن ماعندي صغيرون كلش
و الصراحه مابغيه يختفي خير شر
احس الكرش الصغير احلى من المسحوت بالظهر ^^

مرحباااا... يا خسارة مسحو الردود ..

"ماوصيك على ماما" الحمدلله عسلامتج وسلامة الوالدة .. انا البارحة قريت يومياتج ... وثلث ساعة رياضة احسن من ماشي.. وبخصوص التعب.. فشي طبيعي.. لأنج انقطعتي فترة عن الرياضة فطبيعي لياقتج بتقل... ويالله ننتظر يومياتج

"مهذبة" شخبارج؟؟؟ وينج مختفية ما تبينين هاليومين!! ... نتريا نسمع آخر اخبارج ويا الرياضة

البارحة أنا سرت الجم وتمرنت ساعة وربع ... واليوم تمرنت ساعة ونص (أكثر شي ركزت عتمارين البطن والخصر والايدين... وبعد سويت تمارين للريول والمؤخرة.. وسويت عالسيكل لمدة 10 دقايق..) هذا كان يومي .. وبحاول باجر أسوي ساعتين >>اشك اني اتفيج:think:

بنات عادي اشترك معاكم انا الحين نفاس بس استنى اخلص الاربعين وابداء الرياضه والرجيم ممكن اشترك معكم بعد الاربعين ...

هلا وغلا أخت ليدي دخلت امس وكتبت اخباري بس انمسحو الردودو
أنا بصراحة من علقت المنتدى وماصار يفتح عزميتي قلت ويوم جاء الجمعة رجعت العزمية وقررت ابتدي من جديد وطلعت مشيت في الهواء الطلق ويالتني ماطلعت هههههههههههه مارجعت الا وانا معاي الفلونزه صار الجو شوي بارد فأطبعا يوم السبت حالتي حاله ماسويت رياضه سويت يوم الاحد نص ساعة بالدراجة و30مرة بجهاز البطن وهاليومين اللي راحو كان عندي اضيوف احس ماصار عندي مجال اسوي رياضه كل شغل في شغل واليو م ان شاء الله بنزل الاحساء وبحاول اسوي رياضيه على خفيف علشان ارجع وانا متحمس للرياضه طولة عليكم بالكلام جالسه اقص قصة حياتي ههههههههههههههههههه روحي الجبيل حياك معنا بالتجمع وان شاء الله احنا مستمرين على طول

هلا "مهذبة" سلامات ما تشوفين شر ان شاء الله ... و الحمدلله الرياضة اللي سويتيها أوووكي.. بس أباج تشدين حيلج أكثر ان شاء الله.. وتعوضين عن الايام اللي ماقدرتي فيها تسوين ... وماعليه خلينا نسمع قصة حياتج .. السوالف ما تضر ...:sa32:

هلا "روحي الجبيل" حياج الله.. وان شاء الله بتتحمسين ويانا..

"ما اوصيك على ماما" وينج اليوم مختفية!!

بالنسبة لي اليوم فسرت الجم وتمرنت لمدة ساعة .. سويت 10 دقايق عجهاز المشي "ماكان لي خاطر أجري".. وعقب ثلث ساعة حق البطن .. وسويت تمارين للخصر .. والايدين ..

ماشاء الله الموضوع مهجوووووووووووووووووور!! شكلي روحي بشارك وبرد على عمري ..خخخخخخخخخ

بالنسبة لي اليوم .. فتمرنت لمدة ساعة ونص.. 8 دقايق جريت.. وخمس دقايق مشيت.. خصصت نص ساعة حق تمارين البطن.. وعقب سويت تمارين متنوعة للخصر.. والايد.. والمؤخرة.. ومنطقة أسفل الظهر "عشان الظهر يستوي محفور".. والريول ... هذا كان يوووومي

هلا أخت ليدي كيفك ماشاء الله عليك خليك كذا على الحماس
اما انا احس وقتي جالس يضيع وانا ماني قادر اسوي رياضه توني اليوم راجع من الاحساء
وكل الايام اللي راحت ماقدرت اسوي شي وأن شاء الله راح اتمرن هاليومين الجايين

هلا مهذبة .. شحالج؟؟ افاااا افااااااااا موقفة عن التمارين!! لأ لأ لأ يالله شدي حيلج وارجعي للرياضة عشان تكتبين يومياتج .. صار الموضوع ممل .. قمت ما اتحمس اني اكتب.. محد يشارك :sad:.. حتى " ما اوصيك على ماما" مختفية !! ما ادري شو مستوي فيها!! بس ان شاء الله المانع خير...

بالنسبة لي اليوم فتمرنت لمدة 50 دقيقة "كان عندي موعد مستشفى".. سويت عالسيكل 10 دقايق.. وعقب ربع ساعة تماريين للبطن .. وعقب نوعت في تمارين الخصر.. والريول .. والايد .. والمؤخرة .. وأسفل الظهر .. هذا يومي باختصار..

[GLOW="9966CC"]
انا بروح الجيم كل اسبوع مرتين او3 مرات بس انا حاسه انه مش كفايه باذن الله معاكم فالمشى ورقص وكل حاجة وباذن الله هنشجع بعض
[/GLOW]

هلا ليدي أنا ان شاء الله راح ارجع للرياضه زي قبل
وارد اكتب لك يومياتي بس هالاسبوع عندي زواج وتعرفين حوسة الزواج
أمس طلعت مشيت حوالي 40دقيقه ولما رجعت سويت تمارين خفية وانا جالس اطالع التلفزيون
واليوم مايندرى يمدني اسوي شي وولا اذا تمرنت راح ادخل واقولك طبعا بكرة نزال الاحساء اعلشان الزواج

هلا "nonaty".. حلووو انج تسيرين الجم.. بس حاولي تزيدين سيرتج للجم ل4 أيام عالاقل... عشان تحصلين نتايج أحلى وأحلى

هلا "مهذبة" زين ماشاء الله رديتي للرياضة... وماشاء الله مشيتي وقت ممتاز.. وان شاء الله عقب ما تخلص امور الزواج .. مالج عذر وبتردين تكتبين يومياتج دايما .. مفهووووم!؟ خخخخ

بالنسبة لي اليوم .. فتمرنت لمدة ساعة وربع فالجم ..سويت عجهاز للريول +المؤخرة لمدة 10 دقايق.. وعقب سويت تمارين للايد.. وبعدين لمدة ثلث ساعة أو اكثر بشوي سويت تمارين للبطن .. وعقب نوعت بين تمارين الخصر.. الظهر.. المؤخرة .. والريول.. هذا كان يومي

واااااااااااااااااااااااااااو يابنات
ماشاء الله عليكم حماااااااااااااااااس
راح ابدأ معاكم ولا ماتبوني
ان شاء الله ببدأ من يوم الجمعه
قووووووووقوووووووو

هلا "رسيس الليل" حياج الله ... أكيييييييد نباج .. بس مب جنه هذا موضوعج!! يعني ما يحتاي عزيمة ...
ليييييييش التاجيل للجمعة؟؟ ابدي على طول لو حتى ل15 دقيقة!! عموما نتريا مشاركاتج.. ومب تختفين..

بالنسبة لي اليوم.. فتمرنت لمدة ساعة.. 10 دقايق عالسيكل.. وثلث ساعة لتمارين البطن.. وسويت تمارين للظهر والريول والايد .. احس اني اليوم ما تمرنت عدل! بس ان شاء الله باجر نعوض ..وووووووهذا كان يومي ..

هااااااااااااااي.. مرحباا...

كالعادة مهجور :)
اليوم تمرنت لمدة نص ساعة .. سويت عالسيكل خمس دقايق .. وباقي الوقت كللللللله تمارين بطن ...وبس هذا كان يومي