رياضه ×رياضه للنشيطااااااات فقط

هلا حبوبتي مهذبة

حياج والله ف التجمع وان شاءالله يارب نقدر نحمسج ونتواصل معاج فالتمرينات وصراحة تمريناتج ساعة أو ساعة نص وااااااااايد حلو وواصلي على هالحماس وان شاءالله تنالي اللي يرضيج

بخصوص تمارين الخصر راح تلاقين فالقسم نسه تمارين واااايد حلوة راح تفيدج وزيدي عدد المرات على حسب استطاعتج وان شاء حبوبتي ليدي تفيدج بعد هي بصراحة شاطرة وايد ونقدر نسيمها المدربة المحترفة للسنوات الطويلة اللي تمارس فيها الرياضة والله يقويها ويعطيها الصحة والعافية

ليدي كيف الحال باركيلي المزيونه شرفت بس خبصت فالأكل بصراحة، ماعرف يمكن تكون هي فاتحة نفسي لا وبعد فالليل مش فالنهار وأكلت مشاوي مع حمص ويقولج حتى مالعبت سبور وايد بس مشيت نص ساعة ( الله المستعان ) ان شاءالله أعوض اليوم وألعب يارب ياكريم ساعة

يلا خلونا نشوف يوميات صديقاتنا الباقيات ودي بحماس منهم أكثر والله وحشوني

مشكورة عزيزتي ماوصيك على ماماعلى ترحبيك
وان شاء الله زي ماقلتي حماس يظل الى الابد

هلا بالاخت "مهذبه" مثل ما قلتي زيادة الخير خيرين .. ويالله شدي حيلج أكثر وتمي حطيلنا يومياتج ويا الرياضة .. وبخصوص تمارين الخصر.. ممكن تاخذين ثقلين .. ابدي ب2 كيلو لكل ايد.. بس اذا حسيتي انهم وايد خفيهم .. الوضعية بتكون كالتالي: تووقفين .. تفتحين شوي ريولج.. تكونين شالة ثقل في كل ايد .. وتنحنين 15 مرة عالينب (الجنب) اليمين .. و15 مرة عالينب اليسار.. كرري ثلاث مرات .. ومع الوقت خليهم 30 بدال 15 .. والتكرار نفسه 3 مرات ..
ملاحظة: حاولي كثر ماتقدرين تنزلين سواء لجهة اليمين أو اليسار
وتمرين ثاني.. تكونين واقفة ومادة ايدج لجدام ..(ايدج بتكون بشكل موازي للأرض) وخذي ثقلين خفاف وحركي ايدينج مرة لجهة اليمين ومرة لجهة اليسار(جزئج العلوي اللي بيتحرك.. مع ثبات الارجل .. سوي 30 .. وكرري 3 مرات ... اذا حسيتي انج تعبتي وما تقدرين تواصلين .. خففي المرات بدال 30 مثلا 20 .. يعتمد على مدى لياقتج

ملاحظة: في التمرينين لازم يكون ظهرج مستقيم .. وما تحنينه عشان ما يستويلج شد عضلي


هلا بــ "ماوصيك على ماما" .. مبروك انها شرفت .. بس حاولي انج ما تلخبطين وايد .. واذا عندج نية سودة :sm2441:للتلخبيط .. لخبطي عالغدا.. بس عموما أنا أحييج انج سويتي رياضة .. لو حتى نص ساعة أحسن من ماشي .. ويالله شدي حيلج .. عشان الفستان يطلع عليج أحلى وأحلى

بالنسبة لي .. فانا جريت 5 دقايق .. ومشيت 5 دقايق .. المسافة كيلو .. (ما احب اسوي اكثر عشان ما اختفي..خخخخ) .. سويت تمارين للايد والخصر والبطن... وبعدين رديت البيت ومع تحميس بنات أخوي سوينا تمرين الليونة للريول .. أخيرا رمت افتح ريلي بمسافة متر وشي:cry:
وجرينا شوي .. وسويت تمرين القبة .. ما ادري اذا تعرفينه .. سويته 3 مرات .. وتميت مرفعة جسمي 10 ثواني .. متتتعب .. وبسسسسسسسسسس ها كل اللي سويته ..

مشكورة أخت ليدي ان شاء الله راح سوي هالتمرين
بس عادي لو استغنينت عن ا لاثقال لان ماعندي اثقال
وان شاء راح اكتب لكم يومياتي بس انا خميس وجمعة اخبط اشوي في التمرينات
ماأحس عندي وقت اتمرن عدل ان شاء الله بكره ابتدي معكم

وينكم يابنات انا دخاله اقولكم وش سويت اليوم
تمرنت ساعة نص ساعة بالدراجة ونص ساعة تمرينات للبطن والخصر
يالله خلوكم متحسين وابي تشجيع على الاستمرار

اهلين بالبنات الله يزيد حماسكم ويحقق اللي في بالكم وانا راح ادخل اسجل وش سويت اذا مافيها ثقل حق نشجع بعض ويا

شـ م ــوخ الموقع من جد رررررررررررررررررررررررررررررررررررررائع الله يعطيك الله يعطيك الصحه والعافيه

صباح الخير للجميع

أهلا susu فالتجمع الحلو اللي عن جد راح يعجبك وخليك متواصلة معانا وشدي حيلج فالتمرينات وخبرينا بيومياتج الرياضة عشان نلاقي منج الحماس ويا هلا فيج مرة ثانية

مهذبة يعطيك العافية والله يقويج

ليدي صباح الخير شخبارج ان شاءالله تمام ماشفنا يومياتج؟؟ عسى ماشر

أما عني أنا بصراحة أحس اني أغار منكم بصراحة ما أروم أسوي رياضة مدة طويلة بالكثير 50 دقيقة أو 45 دقيقة أحس بتعب وخمول

ان شاءالله ألقى الحماس منكم ويارب نكون دافع خير لبعض وبالتوفيق للجميع

وانا معاكم ؟؟

حياج يالغالية

ونحن بانتظار يومياتج الرياضية

ماشاء الله بنات زيادة انضمووو .. الله يزيد.
الاخت "مهذبه" اذا ما عندج اثقال مب مشكلة.. تقدرين تستخدمين أي شي ثاني كثقل .. مثلا دبة الماي (قنينة الماي) شلي ليتر لكل ايد.. أو اي شي ثاني فيه وزن... ومريح حق الشل..

ماوصيك على ماما .. هلا شخبارج؟ صراحة انا هاليومين ما سويت رياضة مول "الجمعة والسبت اجازتي من الرياضة" واليوم استوتلي ظروف وماقدرت أسير.. ومالي نفس اسوي رياضة...
فيالله شدووو حيلكم .. وان شاء الله باجر بدخل بمشاركة.. واقولكم شو سويت :)

صباح الخير للجميع

ليدي// هلا حبوبة وعسى ماشر الله يريح بالج يارب ولا تخلين شي يؤثر ع نفسيتج وحماسج ماشي يستاهل والله نزعل ونضايق بعمرنا عشانه وترى الرياضة بعد حلوة للنفسية تغير الجو، وخليج متواصلة معانا لو من غير رياضة ترى دخولج ومرورج بالتجمع طيب والله

أما عن نفسي لعبت رياضة مشي البارحة نص ساعة وأوربتراك 10 دقايق صح انه متعب بس يقولون وايد مفيد وانا بصراحة ألاحظ ان جسمي شوي تغير من تحت عشان جيه قطعت عهد مع نفسي اني ما أقطعه حتى لو خمس دقايق طبعاً يكون بعد المشي ولعبت 5 دقايق خصر وذراع وبطن

وان شاء الله يارب ألاقي النتيجة المرضية الاسبوع الياي لأني هالأسبوع مانزلت ولا كيلو وهذا يحبط بصراحة بس أبداً ما أثر فيني سلبياً بعدني ع الحماس ودعواتكم

نتريا صديقاتنا الباقيات يلا بكل حماس خبرونا بيوميات أحلى عضوات بالمنتدى

الله يقويكم
حلوه الرياضه وانا عندي عزيمه واخاف تروح في مهب الريح
كل يوم بدخل اشوف اخباركم واتحمس لاني لي تقريبا ثلاث ايام من بديت الرياضه
يالاسيووووو

صدق كلامج يا rasseess الرياضة من جد حلوة وتجدد النفسية

وانتي شدي حيلج وخلينا نشوف همتج فالرياضة

انا عن نفسي ان شاءالله ان شاءالله اليوم ألعب وأشد حيلي فالركض والنط والقفز والجومباز

هههههههه أسولف أنا حدي هالمشي والأوربتراك وشوية تمارين للخصر والذراع والبطن بس ان شاءالله أشد يلي في الوقت يعني أزيد شوي

يلا أشوفكم على خير وان شاء الله أفتح الصفحة وألاقيها مليانه بمرور حبيبات قلبي باقي العضوات

أهلين فيكم ياأخوات كيفكم
ماوصيك على ماما ماشاء الله خليك اشوي اشوي زيدي في مدة التمرينات
أنا كنت زيك كذا اقصى حد للتمرين ربع ساعه واتعب بس الحين الحمد لله تحسن وضعي
بعد مالتحقت مع البنات صرت شطورة اتمرن ساعة واذا صار عندي وقت ازيدهم الرياضية حلو وتهدي الاعصاب زي ماقلتي وأنا من زمان حابة انزل من وزني بس كل مره افشل الحين الحمد لله نزلت اشوي وان شاء الله اوصل للوزن اللي ابيه يالله شدي حيلك ونبيك توصلين ساعة انا اليوم لسه ماتمرنت ان شاء الله في الليل
وراح ادخل اقولكم وش سويت يالله يابنات نبي تشجيع

مااوصيك على ماما مرحبا ياحلوه
ان شاء الله ربي يرزقنا اجسام منحوته :wink:اعقلها وتوكل
نسوي الرياضه وربي مارح يخيب املنا
انا بالنسبه لرياضه الي انا امارسها هي رياضه البطن والخصر هذا اهم شي مضيق صدري لي كرشه وخصري راح بعد الولاده:confused:جسمي انعفس فوق حدر:ss:
الله يكون بالعون

هلا خواتي مهذبه وrasseess

والله أنا دايماً أقول اليوم بسوي ساعة بس من أشوف قريب ال 45 أقول بسني اليوم باجر بزيد

أنا بصراحة مشكلتي الأرداف والمؤخرة والذراع

وعن يومياتي الياضية نفس الشي مافي أي تغيير بس قلت اليوم إذا الله راد برقص مال عشر دقايق عشان أزيد المده والله يوفقني

وين ليدي ماتدخل عسى ماشر ان شاءالله

يلا أشوفكم بيوميات يديدة

سلام بنات أبشركم أنا عملت رياضة من أسبوع لمدة نصف ساعة يوميا كان وزني 78.5ك والآن وزني 76.5وإنشاءالله حاستمر حتى يصبح وزني 72ك تشجعواااااااااا

مساء الخير يابنات
ماوصيك على ماما وينك ها لايكون ماتمرنتي اليوم
اخت روضات ماشاء الله عليه نزلت كيلو في اسبوع ان شاء الله توصلي للوزن اللي تبينه
واحنا معك ان شاء الله نوصل قول أمين
انا اليوم تمرنت نص ساعة دراجة ونص ساعة تمرينات منوعة للبطن والخصر
كل تمرين 20او30مرة وتمرنت على جهاز للبطن 30 وان شاء الله راح اجرب الرقص حمسوتني من كثر ماسمعت انا اكوييس انا اسبوع الجاي مارح ادخل واكتب يوميات لان النت مارح يكون متوفر عندي
ان شاء الله اشوفكم بعد اسبوع ويارب اني مارجع والقيكم متكسلين ابي الحماس يظل الى ان ارجع علشان حماسي مايقل انا بعد

السلام عليم يا بنات
كيفكم
ان شاء الله تكونو بخير
وآسفة على المقاطعة
وان شاء الله ما تكونو زعلتو مني
يااااااا رب
بنات اعذروني بس الظروف والدراسة ما خلتلي اي وقت فاضي
بس لا تخافو انا صحيح ما ادخل على النت كتير
بس الرياضة الحمد لله تمام
كل يوم الصبح اتمشى
ورياضة بالمغرب
ورقصصصصصصص
والدراجة الثابتة
وإن شاء الله ما تكونو زعلتو مني يا بناااات
سامحوني
بس الرياااااضة مية مية
تمااااااااااااااام

هااااااااااااااااااااااي صباااااااااااياااااااااا .. ماشاء الله شووووووووو هالحماااس:ongue:!! الله يزيد ويبارك إن شاء الله ..
مشكورة اختي "ماوصيك على مامام" عالسؤال.. والحمدلله ماكان في شي مضيق خلقي.. بس مشغولة شوي ..
بالنسبة لي اليوم .. فكنت شاطرة وسرت الجم .. سويت تقريبا ساعة وربع "أعوض لأني ما سرت 4 أيام".. جريت 4 دقايق ومشيت 6 دقايق .. سويت لمدة نص ساعة تمارين البطن(115 للجزء السفلي..و100 للجزء العلوي>>تأديب لأني قطعت كمن يوم.. وسويت خصر 50 لكل صوب.. .. وسويت عشر دقايق تمارين الريول .. وسويت مال خمس دقايق حق الايد.. وطبعا تمرين المؤخرة.. ضغطت على نفسي زيادة اليوم وأنا أسوي تمرين المؤخرة جان يستويلي شد عضلي في ريلي:sa36:خخخخخخخ
وأحينة ان شاء الله بسير أسوي بعد تمارين للبطن.. لأني هاليومين لخبطت شوي في أكلي.. واخاف الكرشة ترد:naughty: