esraaaa;7923795:
انا اعرف دوا اسمه سوستاجين عبارة عن بودرة بطعم الفانليا وطعم تانى ب24 جنيه بيطخن مكمل غذائى وبيطخن نفسى اجربه بس خايفة يكون محتاج استشارة دكتور قبلها ايه رأيكو؟
Batta_Fares;7923988:
معاكى يا غاده.....
انا بقى اسمى حبيبه سنى 23 سنه... طولى 166 و وزنى 44 كيلو ... و عايزة اكون 65 كيلو زى غاده حبيبتى....
انا تانى واحده فى اللسته....
بس عايزين نعمل نظام غذائى رسمى للناس عشان تمشى عليه...
و فيه حاجات ثوابت لازم كلنا نمشى عليها
1) لازم نشرب كل يوم مش اقل من لتر و نصف ماء نملى كده كل يوم الصبح زجاجه لتر و نص و لازم تخلص ان شاء الله
2) لازم كل يوم على الريق ناخد ملعقه خرز البقر... هى طعمها وحش بس بتفتح النفس على الاكل و بتخن بشكل كويس اوى اوى
3) لازم كل يوم ناكل اربع ثمرات طماطم و ثمرتين خيار و ثمرتين جزر على الاقل
و عندى فكرة جامده... ايه رأيكم كل واحده داخله اللسته تصور نفسها صورة دلوقتى و بعد ما نخلص تتصور صورة عشان تشوف الفرق و تفرح بنفسها :)
انا عايزة نور تكون بعديا.......... يلا يا نور :)
بنت مصر11;7925188:
السلام عليكم موضوع حلو اوي انا يابنات كنت نحيفه مثلكم والحمدالله ودعت النحافه بفضل الله ثم بإرادتي وعزمي وحماسي والحمدالله بعد ماكان وزني بالاربعينات وصلت للستينات ووصلت للوزن المثالي صدقوني يابناتم مافي شي صعب حطو عشر خطوط على هالكلمه حطوها قاعده...
ترا اللي يحب يسمن مش بيومين ولا بأسبوع
لأ ...............!!!!!!
لازم اول شي تحطين قدامك هدف وتبرمجين مخك انك راح تسمنين بإذن الله وكلام الناس اللي يحطمونك خليه حافز لك وتشجيع قوي
واستمري على نظام معين 3 شهور الى 6 اشهر الى سنه
وان شاء الله اقدر افيدكم بسسب خبرتي في الموضوع دا انا نحيفه سابقا لكن دلوقتي الحمد لله جسمي حلو طبعا جربت كل حاجه في الدنيا عشان اتخن وكنت مخطوبه وطبعا اهل خطيبي كل اللي يشوفني يقول هيا مالها رفيعه كده وكلام كتير زهقني اجي اخرج البس بنطلون تحت البنطلون او جيبه عشان اللبس يظبط الموضوع ده كان مدايقني اوي روحت لكذا دكتور يمشيني علي نظام غذائي وازهق واسيبه جربت حبوب مسيجور مكنتش بتاثر معايا انا من النوع اللي مبحبش الاكل لو فضلت سنه من غير اكل مش مهم بشبع من معلقه بس في ناس من اصحابي مسيجور اثرت معاهم بس عايزه صبر ووقت اللي فادني انا شخصيا حبوب اسمها سيبروفيتا ده كانت بتفتح نفسي علي الاكل جامد بس دي مش موجوده الا في لبنان والكويت ليا حد قريبي هناك كان بيجيبها ليا طبعا هيا مش موجوده في مصر اخت منها شويه وبعدين معرفتش اجيبها تاني طبعا انا رغيت كتير وعايزين المفيد هلخص لكم تجربتي والحاجات اللي فادتني اول نقطه الاصرار والعزيمه مفيش تكاسل مش ناخد يوم ونسيب يوم انا لما التزمت لقيت نتيجه الحمد لله اي نظام غذائي يكون كويس وتقدري تنفذيه متتقيديش بنظام دكتور كتبه كلي كويس واغصبي علي نفسك شويه شويه معدتك هتوسع وهتاخد علي كميه الاكل يعني زودي اكلك يوم بعد يوم هتتعودي تاني حاجه دوا مكمل غذائي من الصيدليه زي اللبن البودره كده اسمه سوستا جين او جروث فروميلا جميل جدا اشتريه ده او ده اللي تلاقيه متوفر تجيبي منه معلقه وتضيفيه للبن وتشربي 3 مرات يوميا مش اقل من كده لو عايزه تزودي ماشي سامعين بقول ايه 3 كوبايت يوميا اقولكم طريقتي انا كنت بشرب 3 مرات يوميا كنت بعمل مره كاكا بلبن واضيف له معلقه سوستا جين او سحلب بلبن واضيف له سوستا جين والمره التالته قبل النوم اجيب موزه واعصرها بلبن واحط معاها معلقه سوستا جين يعني كنت بنوع لان الموز بلبن بيتخن الوش جدا بالنسبه للصدر جربو تمارين بنت عذاري روووعه والله لو التزمتو بشرب اللبن المضاف له السوستا جين النتيجه هتبان من اول شهر جربوا اول شهر مش هتخسروا حاجه وان شاء الله هتدعولي لاني حسه بيكم لان مجربه علي فكره دي اطول مشاركه ليا في عروس بس عشان خاطر عيونكم رديت ادعولي بالذريه الصالحه اه وعلي فكره انا اعرف اسم حقن بتخن جدا بس بلاش منها لانها بتعمل اضرار يارب اكون عرفت افيدكم
بنت مصر11;7936265:
غدغوده ممكن اسم حبوب الخميره اللي انتي كتبتي عنها اسمها بالانجليزي او العربي ياقمر لو سمحتي
ghadghoda;7914628:
كان البنات قالوا عصير العنب بيتخن اووووووووووووووووووووووووووى الوش يالذات كمان
بنت مصر11;7936194:
غاده ياقمر السوستا جين بيجيب من الصيدليه علبه لبن زي بتاع الاطفال كده وسعره 26 جنيه بالنسبه للطعم اول مابتخلط مع اللبن ملوش طعم خالص متخافيش من طعمه طعمه جميل جدا وفيه من بالفانليا وفي بالشيكولاته هاتو الفانليا عشان اما تضيفو للموز بلبن او السحلب ميغيرش لونه لان اللي بالشيكولاته بيدي لون الشيكولاته واي خدمه اي حاجه عايزانها انا معاكم
sally2007;7937476:
ميرسى ياغدغوده وان شاء الله هجربة واقلكوا على النتيجه بتاعته
وانا معاكى فى النظام بتاعك
وكمان كنت عايزة اقولك ان فاتح الشهية تريزوركس كانت دكتورة كتبهولى بس اول يومين اخته فيهم كان بينيمنى جامد بس مكملتش لانى مكنتش بعرف افوق بس جوز اختى دكتور وقالى ان هو 3 ايام وهبقى كويسه على مالجسم يتعود عليه
وكمان عايزكوا تضيفوا للاكل انكوا لما تيجوا تاكلوا بيض تعملوة بسمن البلدى والدكتورة قلتلى ان شوربه العدس حلوة قوى وبتزود
وكمان قلتلى اعملى عسل اسود وحطى عليه طحينة دى كمان حلو جدا
وفى جروث فورميلا تحطيه منه على لبن دلى برضه هايل وفى بديل للجروث اسمه بايو تك دى زى الجروث بالضبط والاتنين انا جربتهم تاخدى منه مرتين فى اليوم مرة الصبح ومرة بليل وتحاولى تاكلوا مربه بالقشطه وقشطه بالعسل دول برده كويسين للوزن
بس انا فعلا اللى زودنى جامد قوى تركيبة بجبها من صيدليه فى بنها عبارة عن فيتامينات دى بتخلينى اكل جامد وكتير وبتزودنى فى الاسبوع 5 كيلو انا كنت 40 دلوقتى بقيت 45 بس للاسف سالت الدكتور اللى بيعملها بس مرضيش يقولى على مكوناتها عشان يبقى بس هو اللى عارفها بس قلى انها فيتامينات على فواتح شهيه بس التركيبة دى تحففففففففففففففه ياريت اقدر اخلى كل وحده منكم تاخد منها وانا معاكوا وهفضل متابعكوا وهمشى معاكوا برضه على النظام ده عشان ازيد اكتر
انا وزنى دلوقتى 45 وطولى 152
miss cat;7937495:
موضوع تحفة يابنات بس انا مش عارفة المفروض اتخن ولا اخس فى ناس يقولوا التخن حلو وناس يقولوا كدة احسن
بصوا بقى انا كنت رفيعة موت بس دلوقتى تخينة وعانيت من مشاكل التخن طبعا الكرش والهانش والخططوط البيضا هههههههههههههههههه
بصوا فى حبوب اسمها ترياكتين دى حبوب للحساسية بس ممتازة بتفتح النفس بطريقة تخليكى كدة هتتجننى على الاكل على فكرة مافيش منها ضرر لانها ممكن تستخدم فاتح للشهية وهتلاقى مكتوب كدة فى النشرة بتاعة الدوا
وكنت باخد الجروث فورميولا دة وماعملش اى حاجة خالص
وكنت باخد حبوب برضوا فاتح للشهية بس والله مش فاكرة اسمها بس هيا كانت ب 3جنية تقريبا وكانت صغيرة كدة شكل حبوب منع الحمل دى كنت باخدها قبل الاكل
والترياكتين كنت باخدة بعد الاكل
والوجبات يابنات فى الاول مش لازم تعملووها كبيرة لانك هتزهقى
خليها فى الاول متوسطة وكتيرة يعنى اكتر من وجبة
واحلى العصاير بجد الموز بالبن وعلية كمان لبن بودرة معلقتين وسكر دة 5 كووبيات فى اليوم
يعنى لو اكلتى قليل مش مهم اشربى الخمس كوبيات فى اليوم وهيا هتعوض
وكمان حاولوا يكون الاكل كلة محمر بالزيت والسمن يكون دسم اوى
وعلى فكرة سندوتشات الحلاوة وعليها قشطة والمربى بالقشطة جااااااااااااامدة موت
وحاولوا بقى تبقى الوجبة الرئيسية بتاعتكوا فى العشا باليل دى بقى كااااااااااااااااااااااااااااارثة بتخن مووووت
حاولى تاكلى جامد فى العشا واكل دسم يعنى سيبك بقى من السندوتشات والكلام الفاضى دة بتاع الفطار لالالالالالالالالالالا دة انتى تاكلى رز ومكرونة وسمك وفراخ بصى وجبة وجبة متينة متقدريش تتنفسى بعدها هههههههههههههههههه
وتحبسى بكوباية الموز بالبن وتنامى مش تستنى لما تهضمى او تذاكرى لالالالالالالالالالالا عشان الاكل مايتحرقش
اوعوا لما تجوعوا تاكلوا فاكهة خااااااااااااااالص لانها بتخسس لو جعتى اشربى العصير الموزز بالبن او كلى بسكوته او حاجات بالعجوة
بس لما افتكر حاجة تانية هقولكوا
ااااااااااااااااااااااه البيض سواء الصبح او فى اى وقت مايتكلش مسلوق خااااااااالص لو مسلوق اهرسية فى شوية سمن او اعملية بالسمن مطقوش
والبطاطس البورية تحفة مع البيض
يارب اكون افدتكوا
انا بقى وزنى تقريبا 64 او 67 فى الحدود دى وطولى 160
اتخن تانى ولا اخس مش عارفة بس عاوزة بقى صدرى يكبر شوية هو كويس بس انا عاوزاة كبير اكبر من كدة هههههههههههههههههههه