الي يبي ينظم معاي بهل التجمع حياكم (( رجيم لي انقاص الوزن )) الجزء ((3))

c_candy_girl;7367900:
مرحبا اخواتي... انا كنت محبطه لاني كنت اسوي رجيم قبل ارمضان و نزالت 4 كيلو قبل رمضان و من يا ارمضان رجعو :( و صابني احباط و تضيقت وايد لاني والده قبل 3 شهور و وازني ما نزل وايد انا وزني قبل الحمل 59 ...
ما جاني نوم قلت خلني ادخل المنتدى ادور رجيم عشان بكره ابدا من جديد و قريت موضوعج و من جد اتشجعت.. و ان شاء الله من بكره راح ابدا دعواتكم اخواتي...

طولي:162سم
وزني الحالي:79
الهدف الاول: 65
الوزن المطلوب: 59

يلا بدخل ان شاء الله بكره و بخبركم بالنفصيل شو سويت...
مع السلامه و دعواتكم

مراحب

تنورينا والله

وحياج في اي وقت

وان شا ءالله معانا ينقص وزنج وتفرحين يارب

خلي عندج عزيمه قوويه وصبرر وتحملي لو ثبت وزنج او مر اسبوع واسبوعين من غير ينزل ولا نص كيلو وكوني راضيه لان كل ما تاخر في النزول انا اضمن لج انه ما يرجع لج مره ثانيه ..

بالتوفيق حبيبتي وفي انتظار يومياتج ..

ميمي3;7368402:
يارب حمدالله ع السلامه توه شفت انج رديتي تقبل الله


يالله الله يضعفنا كلنا قولوا امين بصراحه الحين حتى لو وحده مو حلوة بس رشيقه تشوف حالها

واحنا مساكين ضايعين بالطوشه يالله خل نكسر خشومهم ههههههههههه

الله يسلمج يارب

امين

ههههههههههههههههههههههههههه الله يهداج ذبحتيني ضحك

الله يرزقج الي تتمنينه ويصير جسمج حلو وتفتخرين بنفسج ..

صباح الخير يا حلوات

انا للحين لاصقه من الزيوت الي فيني هههههههههههههههههههه


البارحه قلت لكم بروح ارقد


ورحت غمرت شعري بزيت لم قال بس ذبحتيني خخخخ ودهنت جسمي كلها بزيت اللوز وجهي بفازلين ومسح اطراف القدم واليد بلوشن نيفيا ونمت وانا كتلت زيت المع خخخخخ ..


ان شاء الله بعد الفطور بكمل لكم تجاربي ع شعري وجسمي خخخخخخ

انا حطيت لي بيضتين ع النار عشان افطر فيهم وبعد ما افطر بكتب فطوري شنو كان فيه ...

انا اليوم يا بنات بديت نظام الدشتي

وبتساعدني فيه ام عبادي الله يجزاها الخير

دعواتكمم لي بالتوفيق فيه واني ما اتعب منه وما يضرني بشيء..

مرحبا اخواتي... اليوم بديت رجيمي..... فطرة سندويجة خبز اسمر+بيضه مسلوقه+ جبن قليل الدسم+ طماطم .... مع كوب كوفي لاتيه الي من شركة تربيكانا للحميه....
...
و يا اختي يارب ترزقني... كيف هذا النظام دشتي لاني صرراحه ماسمعة عنه.. ممكن اتنورني و تقوليلي كيف يسونه؟

مراحب هلا والله

يعطيج العافيه حبيبتي زالله يوفقج ان شا ءالله ..

..

بخصوص نظام دشتي

هذا نظام الى دكتور اسمه دكتور حسين الدشتي

وناس وايد مشت عليه ونفعها يعني واكبر دليل عندنا في المنتدى ام عبادي الحلوو عين الله تحميها اتبعته فتره وطبعا نفعها والحمدالله ..

فيه رابطه اسمها رابطه بنات الدشتي وكلهم ماشين ع نظام دكتور حسين وجذي يعني ..

انا ودي اجربه من فتره بس كنت انتظر اوصل 70 والحمدالله انا بين 70 و 71 وقررت ابتدي والحين ابتديت من اليوم وان شا ءالله كل خير ..

اول اسبوعين في البرنامج يعتمدون ع حرق الدهون وهو معتمد ع البروتين بشكل كبير ممنوع فيه العصيرات والالبان وحتى الفواكه في اول اسبوعين ممنوعه ممنوع فيه الخبز بجميع انواعه حتى الاسمر ..

مسموح فيه اكل لبروتين حد الشبع ..

هاي نبذه بسيطه عنه اتمنى افدتج فيها ..

واذا حابه تعرفين شيء انا حاضره..

اذا حابه تاخذي فكره اكبر وتكون عندج معلومه عن نظام الدشتي

هذا رابط الدكتور اطلعي ع موقعه ..

http://www.drdashti.com/

مشكوره اختي كنت قاعدة اقرا عنه في مجموعة الدشتي... بس فيه وحده تقول انه يسوي امساك... و انا لاعت جبدي من شي اسمه امساك من المعنات الي عانتها في فترة الحمل و ما بعد الولاده و لين الحين مرات اعاني منها ف ما اظني اقدر اسوي ها النظام... سمعتي عن شوربة الملفوف كان الدكتور نترشن يعطني ايها بس نسيت مقادرها صراحه وايد فادتني مع انه طعمها يلوع الجبد.... لو تعرفن مقادرها بليز افدني,,, و انا بحاول احصلها و بكتب مقادرها اذا حصلتها... و بعد شفت وحده ماشاء الله عليها كانت متنانه على الحمل اكثر مني... بس بعد الاربعين انصدمت يوم شفتها... ردت مثل اول سئلتها شو سوت قالت شوربة البصل حاولت اخذ منه المقادير تمت تتهرب.... ف اذا سمعتي عنها افدني و اسمحلي وايد اهذرب... ههههه

مو شرط جبيبتي في ناس يصبها الامساك في اغلب الرجيمات وفيه ناس ما يصيبها وهذا يعتمد ع الشخص نفسه ..

واكثر الاسباب نقص السوائل المفروض تكثرين ماي في اي رجيم وتكثرين من اكل البرتقال واكل الخضراوت الورقيه وصدقيني ماراح تشكين من اي امساك في اي رجيم او اي نوع حميه ..


اما بخصوص شوربه الملفوف ماعرفها بس البص سمعت عنها وايد وحتى مره قريت عنها انها تفيد المصابين بالسمنه والمصابين بمرض السكري وتخفف من حده السكر سوا بالدم او الجسم وتساعد ع الحرق..

انا الحين بصعد الدرج وبنزل لمدة عشر دقايق

وبعدها بسبح وبصلي وبرجع لكم ..

انزين اختي تعرفين مقادرها اذا تقدرين اكتبيها عشان اسويها على العشا و اتعشها....

بصراحه حبيبتي ماعرف مقاديرها

ياريت كنت اعرف كنت ماترددت اساعدج فيها..

بنات انا سويت التمارين الي في صفحه رقم 2 ورقم 3 كل تمرين عشر مرات

وبعدين صعدت ونزلت من الدرج عشر دقايق

وبعدها سبحت وصليت ومع الصلاه صليت ركعتين شكر لرب العالمين

واستغفرت مئه مره وقريت كم دعاء عشان استمر في رجيمي والله يعطيني الصحه والعافيه والمقدره

ويارريت يا بنات كلكم تسوون مثلي بتحسون براحه وكل ما بتحولون تضعفون امام اياكل تحبونه او لا بتشوفوون ان عندكم طاقه وصبر وماتحتاجون بشيء ..

والصلاه مفيده وتقرب العبد من ربه وصدقوني تراها احسن رياضه تحرك كل عضله بجسم الانسان في بعد كل صلاه واجبه اسجدي لله شكر او استغفار ركعتين وثلاث واربع وبتحسين براحه ..

بنات انا بتكلم معاكم اشوي بما احنا خوات ..


الحين يا بنات احنا في فتره رجيم والجسم بيبتدي يتغير باذن الله ولازم نهتم في حالنا اكثر واكثر ..

كلنا نعرف ان بني ادم طماع ويحب التغير ومايكفيه شيء معين الا قوي الايمان سبحان الله وحنا مشوارنا طويل عشان يقوى ايمانا ..

الي ابي اقوله يا بنات استغلو فتره الرجيم هاذي في العباده والصحه وتغير النفسيه وجو البيت والي بتكلم عنه التغير مع الزوج في كل شيء يخصه ..

حسسيها في هل الفتره انج متغيره من كل الجوانب مو بس مهتمه بحالج بعد مهتمه فيه زيدي احترامج له قدريه اخذي رايه في ابسط الامور اعطيه حريه الراي ..

كوني له بنت مختلفه في كل يوم الرجل اذا تعود ع شيء بعد فتره يمل منه حتى لو روحه فيه لا تقولين انا سمينه ما احب البس الا الجلبيات لا البسي الحين عصر التطور وفيه جينسات تدخل في ناس وزنها 200 مافيه مقاسج ؟ الا فيه البسي ولا تترددين تخيلي يوم تروحين بيت عمج وكل خوات زوجج لابسات جلبيات وانتي لابسه جينس تعرفي اني زوجج بينه وبين نفسه مرتاح وسعيد ويقول زوجتي شياكه ..!!

لكن تخيلي العكس كل البنات هناك كاشخات وانتي لابسه جلابيه حالج حال امه او امج شنو ردت فعله بينه وبين نفسه ماعليج من الي يقوله ترا الزوج يحب الاهتمام وبالاخص الاهتمام بمظهرج له ..

وانتي في البيت لا تقولي انا في البيت ومحد موجود وزوجي برا وومتى راح يرد خلني مبهدله حالي وحالتي ميؤؤس منها لا يا بنات موب حلووه تخيلي يرد من الشغل في اي وقت سبحان الله احتاج شيء او ناقصه شيء او مطلعينهم قبل ساعه انتهاء الدوام يدخل من تعب الى تعب موب حلووه خلج انيقه حتى وانتي مع حالج لبسي لبس خفيف وحلوو رطبي بشرتج تعطري فلي شعرج ونثريه وبخريه رتبي مكانج والله ان دخل بياخذ ورقه وبيرد شغله انا اطمن لج مايرد وان رد ثواني ويدق عليج ..

غيري من اسلوبج معاه اذا جلستي يمه اساليه محتاج شيء تبي شيء ؟ سمي عليه ع طول امسحي ع راسه وقولي له سم الله عليك يعلي ما انحرم منك هل الكلمه ترد فيه روح ..

اذا خاطرج بشيء وقال لا لا ترادديه قولي له ان شاء الله وبعد فتره ارجعي اطلبي الشيء واذا هم قال لا هم قولي له ان شا ءالله انا اضمن لج المره الثالث هو يجي لج يقول لج اذا تبين الشيء اخذيه او سويه ..

لاتقولين انا مليانه وجسمي موب مرتب ما ينفع البس هل البس لا لبسي بلعكس الزوج يحب تبان مفاتن زوجته انتي عندج هاي سمنه ودفاشه هو عنده متعه النظر لهاا ..

واذا بعض الازواج يشكي لج من سمنتج ويقول ابيج تضعفين واحسج مليانه حسسيه بالاهتمام وضحي له انج ماشيه ع حميه ولبسي له الالوان الغامقه وكثري من لبس الاسود ولبلوزات الوسعه وبنفس الوقت لامه جميع اجزاء الجسم يعني ما تمتنج اكثر ..

خبي عيوب الجسم بالبس وخبي اي عيب فيج بالتنق وتدليع نفسج ..

صدقوني الاهتما م حلو يعطيج ثقه مع نفسج ومع زوجج والزوج من يشوف الزوجه وااثقه من شكلها ومظهره يشوفها اجمل منها مافيه ..

لاتقولين تحته انا دبه وما احب شكلي وانا وانا وتتدمرين ..

بلعكس مدحي حالج حببيه فيج اكثر ..

قومي بواحباته لا تتهاونين رتبي مكانج وسويه احلى مكان يرتاح له وجهزي له احلى اكل واذا يحب شيء معين لا تتردين تطبخينه له واذا خلصتي طبخ رتبي نفسج وريحتج لا تستقبلينه بسفره لذيذه وشكل يسد نفسه عن الاكل خليه بعد السفره يقول الحمدالله ع النعمه والحمدالله ان هاي زوجتي ..

يمكن بعضكم يطبق هل الشيء بس مو بستمرار ويمكن البعض ما يطبقه بالمره بلعكس يا بنات طبقووه ولا تترددون وحتى لو الزوج استغرب وقال شنو سالفتها متغيره يوم بيستغرب وعشره بس بعدين بيتعود ع زوجه جديده وجميله .. يمكن يسالج شفيج تغيرتي قولي له وبدون تردد حبك غيرني ماعندي غيرك ليش احرمك من جنه اسمها انا ..

بدلالج له بتدللين حالج ولا تصيرين صغيره عقل وتقولين اذا عاملته جذي بيركب راسه وبيذلني بلعكس يقولج الطيب يغلب الطبيب والله ما يضيع تعب حد ابدااااااااااااااااا

اهتمي بنفسج وبريحتج وبلبسج وبواجبج كا مراه واتركي الباقي ع رب العالمين وصدقيني مراح تندمين ..

واكثر شيء بتكسبينه ثقتج بنفسج ..

التجمع هاي فيه متزوجات ولهم هل الكلام بس هم الى مو متزوجه بعد لها هل الكلام راح يجي يوم وتتزوجين ورااح ينفعج ااقريه وحاولي اطبقينه وماراح تنضرين بعون الله

ادري عورت راسكم بس حبيت اسولف معاكم ونفيد بعض

بالتوفيق حبيباتي

شربت ماي اكثر من نص لتر وبعد نص ساعه

تغديت بصالونة دجاج اكلت منها قطعه صدر والحمدالله

ان شا ءالله بعد اشوي بشرب شاي اخضر

اممممممممممم ليش مافيه احد منكم اليوم

عن الملل وماعندي شيء اسويه قلت اقوم اتمشى لو دورتين بس في الشقه

ابتديت من 03:03 الى 03:15 دقيقه خخخخ يعني عن العين والنفس مع شد الذراعين < ___ تعلمو مثلي صرت مثقفه خخخخ

الحين بقوم انام لي اشوي احس بتعب ودام حمود نام برقد معاه

اشوفكم ع خير يا نايمات خخخ

السلام عليكم
كيف حال الجميع
يارب يكون الكل بالف صحة وحال
انا ان شاء الله بدأت الرجيم من النهاردة
ممكن اسميها العودة للرجيم
وده طبعا بعد لخبطة جامدة في شهر رمضان وكمان لما سافرت لخبطت اكتر ولحد امبارح
بس انا شاء الله من النهاردة النظام انغير بإذن الله
والله يعيين ونستمر بإذن الله

مبرووووووووووووووووووووووك افتتاح الجزء الثالث عقبال يارب الجزء العاشر وبعدين الميه ان شاء الله

يارب ترزقني ايه اخبارك حبيبتي والله وحشتيني كتير وايه اخبار حمودة
يارب تكوني انتي وهو بأحسن صحة وحال