مرحبا بنااااااااااااات
اوف اوف اوف شنو هالاحباط اللي فيكم ,,, تونا صار لنا 3 ايام ... شلون بنستمر 3 اشهر
ترا عادي اللخبطة باول اسبوع ... شي طبيعي لان الكل مو متعود خاصة ان النظام هذا في توقيت .. يعني خطواتنا بالساعات .. وهذا اتوقع اول مرة يمر علينا كلنا ,,
اليوم وكنت ابي اخذ دش ,, وقبل الدش اشتهيت احط ميك اب ,, عاد قمت اتمكيج ,, حطيت الشدو درجات الازرق وشويه كحل داخل العين اما برا العين كله ازرق ناعم ماكثرته والروج كان وردي فاااااااااااتح ..
لما شفت شكلي بالازرق الهادي والناعم ,, قلت خلاص ان شالله بعيد الاضحى اشتري بدله زرقا ( لان ولامرة شريت هاللون ) وراح احط اللوك اللي اليوم ,, وقمت اسرح بخيالي ,, تخيلت الكل شنو راح يقول عني وشلون راح يكون جسمي وتناسقه وشلون لما البس البلوزة ماراح تكون لي كرشه وزنودي متناسقين مع جسمي ,, وااااااااااااااااااااو تحمست حدي ,, لا وتخيلت التنورة تكون ضيقة شوي من فوق مع حزام سلاسل (( نفسي البسه بس السمنه مانعتني )) ومن تحت وااااااسعة ,, والكعب شلون شكله ..
جد جد جد تحمست ,, وحنا شورانا يعني مانضعف مثل ما الكل يضعف ، خاصة بنات جماعتنا 2 ضعفوا وتكتموا على رجيمهم وماقالو شنو يسوون ,, وراح اسوي نفس الشي واتكتم ولاراح اقولهم شنو سويت ,, مثل مايعاملوني راح اعاملهم . والكل شاف الرابح الاكبر شلون وليد صار ,, والا سالمة اللي انا كنت قاطعة الامل انها تضعف ماشالله شلون صارت ,,
يالله بنات كافي كسل ... الرياضة والاكل اللذيذ اهم شي عندنا خخخخخخ
يعني لو خبصنا ماراح نستفيد اي شي .. يجي العيد حنا للحينا مثل ماحنا ,,,, وبعد العيد نتقابل هني وكل وحده تحط موضوع انها تبي تبدا من جديد ,,, زين لمتى يعني نبي نظل سمان .. لهدرجة عاجبتنا اشكالنا !! يعني موكافي كلما رحنا السوق نشوف الملابس الكشخة ونتحسر ,, ولما نسير على ناس نشوف الاجسام الحلوة ,, حتى اجسامهم هي اللي مطلعة كشخة ملابسهم وروعتها ..
زين حنا شناطرين ,,,
ممكن وحدة تجاوب وتقول لمتى راح نظل جذي ؟؟؟
يالله عاد شدوا حيلكم واضبطو انفسكم ,,
نرجع لمحور حديثنا ههههههه
تغديت سلطة شرائح ( خيارة وطماطة وبصلة صغيرة وحطيت عليها شوووووية زيت زيتون وملح وخل وليمون ودارسين ) والطعم خياااااااا ااااااااااااااا اااااااااااااااا ااااال
حاولت انزل الصور بس النت بطيئ معاي اسفة ..
ماراح اتعشى مالي خلق ,, الخيال اللي تخيلته اليوم حفزني اني اترك وجبة العشا ,, هههههه
يالله بنات شدوا حيلكم